Derròta mínima en Toulouse

U.S. Pouvourville II 2 – U.E. Bossòst 1

Long desplaçament enquia Toulouse entà jogar aguest partit en un terren d’ èrba artificiau en que non èm guaire acostumadi. Eth partit començèc fòrça mau entà nosati e as prumèrs menuts en un lançament de cornèr un defensa aranés introdusie era pilota sense voler ena sua porteria : ère eth 1-0. Ath quart d’ora er equip francés mercaue eth 2-0. Er equip aranés redusie distàncies en mercador quan Brian mercaue eth 2-1, resultat damb eth que s’arribaue ath descans.

Ena dusaua mietat non podérem empatar eth partit, era defensa francesa se mostrèc segura e non auérem guaire oportunitats.

Ath finau, derrota minima en un molt mau començament de partit que mos deishe mès o mens en madeish lòc dera classificacion. Queden 6 partits entà acabar eth campionat.

Eth pròplèu partit serà aguest dissabte 1 d’abriu, tàs 19:00 ores, en Bossòst contra er equip deth Cazères U.S. II.

U.S. Pouvourville : Delamare, Malunda, Bacqueyrisse, Guedj, Comeres, De Araujo, Labefode, Hourcade, Despiau Pujo, Abeguile, Niggli.

Remplaçants : Ferrando, Keromnes, Bravo.

Tarjetes auriòles : Comeres.

Trainer : Aragon Remi.

U.E. Bossòst: Edu, Salva, Pelli, Christian, Borja, Guillermo, Brian, Pau, Moha, Rella, Àlex.

Remplaçants: Fran, Luis, Javi.

Tarjetes auriòles : Christian, Àlex, Javi.

Trainer. Felipe.

Arbitre : Herilaza Elyvio.

Linier : Haddadji Kamal, Paltou Alain.

¡¡¡ Remontada finau !!!

U.E. Bossòst 2 – J.S. Carbonne II 1

Bon partit eth d’aguest dissabte en Bossòst en un terren de jòc bastant pesat pera ploja lo que dificultèc eth jòc des dus equips.

Ena prumèra mietat melhor jòc des francesi que daurien eth mercador en un contraatac e susprenien ara defensa aranesa ara mieja ora de jòc. Damb eth 0-1 s’arribaue ath descans.

Ena dusaua mietat, er equip aranés anaue a dar eth tour ath mercador. Prumèr profitaue Rella ua passada deth debutant Guillermo entà empatar eth partit. A manca de 5 menutes, en un lançament de cornèr, ère Guillermo qui profitaue ua pilota en àrea petita e mercaue çò que serie eth gol d’ua important victòria, 2-1 resultat finau deth partit.

Ath finau remontada dauant un rivau directe que mos plaçe ena part mieja dera taula.

Eth pròplèu partit serà d’aciu dues dimenjades dissabte 25 de març tàs 18 :00 ores, long desplaçament enquia Toulouse contra er equip deth Pouvourville U.S. II.

U.E. Bossòst: León, Pipe, Gilbert, Christian, Borja, Guillermo, Héctor, Quicu, Rella, Brian, Àlex.
Remplaçants: Lil, Max, Javi.
Trainer. Adrián.

J.S. Carbonne II : Belhadj, Etienne, Pedoussaut, Julien, Teillet, Riviere, Boue, Pronello, Lousteau, Plancon.
Remplaçants : Moncorger, Duffaut, Chantran.
Tarjetes auriòles : Boue Paul

Gols : 0-1 Pronello (30’), 1-1 Rella (80’), 2-1 Guillermo (85’).

Arbitre : Guelul Nouredine
Linier : Bilotta Serge, Kaidouchi.

¡¡¡ Derròta minima en Luchon!!!

 B. Luchon 2 - U.E. Bossòst 1

Partit típic de derby eth d’aguest dissabte en Luchon, plen de fautes e interrrupcions.
Mos costèc enes prumères menutes entrar en partit. A compdar deth prumèr ¼ d’ora ja estèrem melhor situats. Eth joen Iván sonque entrar en partit, shutaue e era pilota rebotada en un defensa entraue ena porteria francesa : ère eth 0-1. A compdar d’alavetz, domini e iniciatiua deth Luchon, mès sense guaire perilh. Damb era minima victòria aranesa s’arribaue ath descans.
Ena dusaua mietat, as 10 menutes en ua fauta inexistenta, profitèc eth Luchon entà empatar eth partit a 1 gol. Dempús, moltes fautes e pòc jòc. Quan semblaue qu’er empat serie eth resultat, un error nòste en defensa ac profitèren entà mercar eth 2-1, resultat finau deth partit.
Ath finau derròta minima en derby. Començèrem guanhant e ath finau, eth Luchon artenhec dar eth tour ath mercador.
Eth pròplèu partit serà aguest dissabte 11 de març tàs 20 :00 ores en Bossòst contra er equip deth J.S. Carbonne II.

B. Luchon : Perez, Coutinho, Ardite, Sarrato, Petrolini, El Mahraoui, Berges, Legault, Laporte, Delord, Farrus.
Remplaçants : Ane, Schaeffer, Duplan.
Tarjetes auriòles : Berges, Delord.
Trainer : Salis Jerome.

U.E. Bossòst: Edu, Aitor, Sala, Pelli, Quicu, Max, Brian, Luis, Christian, Alex, Paba.
Remplaçants: Lil, Fran, Ivan.
Tarjetes auriòles : Sala, Brian.
Trainer. Adrián.

Arbitre : Chauvet Lionel.
Linier : Boitel Eric, Magne Bertrand.