Prumèr partit der an disputat en Encausse, un des poqui partits disputats aguesta dimenjada degut as dolentes condicions atmosferiques.
Terren de jòc pesat çò que dificultèc eth jòc as dus equips. Sonque començar, ua falta en miei deth camp, Àlex shutaue en tot hèr un passe a Lil que profitaue entà shutar e mercar eth 0-1. Ara seguida eth madeish Lil se plantaue dauant deth portèr francés Marrot e shutaue ara sua esquerra, mès eth portèr desvièc era pilota ath cornèr en ua bona arturada. Er Encausse responec damb ua bona ocasion de Camara qu’eth nòste portèr Edu desviaue ath cornèr. Damb eth 0-1 s’arribaue ath descans.
Ena dusaua mietat, iniciatiua deth jòc der Encausse e era U.E. Bossòst sajaue de barrar eth partit ath contraatac. Auérem molt bones ocasions entà poder mercar eth dusau gol, bon cop de cap d’Aitor en un cornèr ; eth joen Albert auie era melhor solet dauant eth portèr, mès eth sòn shut siguec arturat. Mos anulèrem un gol per falta en atac de Lil que mos semblèc un shinhau exagerada pr’amor que driblèc ath darrèr defensa e portèr e shutèc a porta ueda ( non veiguerem a on ère era infraccion ) Er Encausse auec era recompensa a non baishar es braçi enes darreres menutes donques profitèc ua falta entà shutar ràpit, susprenec ara defensa aranesa e era pilota laguens der àrea petita la remataue Candotti entà mercar er empat a 1 gol ; resultat ath finau deth partit.
Ath finau un empat entà començar er an que mos sap a pòc, domatge de non auer mercat eth dusau gol damb es ocasions qu’auérem.
Eth pròplèu partit ei aguest dissabte 28 de gèr tàs 20:00 ores, en Boulogne contra er equip locau.
U.S. Encausse : Marrot, Anli, Seidu, Sallah, Zeroual, Ciarkowski, Tounkara, Giraudel, Candotti, Samb, Camara.
Remplaçants : Dia, Le Vecher, Gning.
Tarjetes auriòles : Candotti, Zeroual.
Trainer : Germain Thierry.
U.E. Bossòst: Edu, Eric, Aitor, Gilbert, Borja, Christian, Quicu, Max, Lil, Brian e Àlex.
Remplaçants: Gabi, Albert, Pelli.
Tarjetes auriòles : Albert, Lil, Quicu, Gilbert.
Trainer. Adrián.
Gols : 0-1 Lil (5’), 1-1 Candotti (88’).
Arbitre : Chauvet Lionel.
Linier : Coulaud Yoan, Ambellouis.
Cap comentari:
Publica un comentari a l'entrada