Ent. Boulogne II 3 - U.E. Bossòst 0
Darrèr partit deth prumèr tour eth jogat aguest passat dissabte en Boulogne.Sonque començar auérem ua bona oportunitat quan Rubén shutaue des de dehòra der àrea ena gessuda deth portèr francés e era pilota gessie entà dehòra. Eth Boulogne creèc en tot partit molt de perilh pera banda esquèra deth sòn capitan Demont. En un lançament de cornèr, Oliva mercaue tot solet laguens der àrea petita eth 1-0. En ua jogada de Demont acabèc damb un centre que Martin remataue des de laguens der àrea entà mercar eth 2-0. Damb aguest resultat s’arribaue ath descans.
Ena dusaua mietat, ath començament Demomt shutaue en garròt dera porteria aranesa. Ara seguida Edu, auie de realizar ua bona arturada en un shut deth capitan francés. En un clar penalty de Gilbert, Demont shutaue entà mercar eth 3-0. Damb es cambis melhorèrem un shinhau, mès costèc fòrça arribar en àrea contraria damb perilh. Fran e Moha auérem dues bones oportunitats entà mercar eth gol der aunor, mès estaue clar que non ère era nòsta net.
Ath finau, ua derròta clara, en un terren de jòc en que mos costèc molt jogar ben, en tot portar atau uns quanti ans sense sumar cap de punt en aguest camp.
Eth pròplèu partit serà d’aciu dues dimenjades en Bossòst eth dissabte 11 de hereuèr tàs 20:00 ores contra er equip deth Juventus Papus II.
Ent. Boulogne : Lacaze, Faure, Oliva, Decap, Quantin I, Gestas, Quantin II, Col, Martin, Bellour, Demont.
Remplaçants : Pollet, Lasmezas, Benac.
Tarjeta vermelha : Faure.
Trainer : Lassus Philippe.
U.E. Bossòst: Edu, Borja, Aitor, Gilbert, Ivan, Paba, Quicu, Luis, Lil, Rubén e Àlex.
Remplaçants: Max, Moha, Fran.
Tarjetes auriòles : Gilbert
Trainer. Adrián.
Gols : 1-0 Oliva (20’), 2-0 Martin (35’), 2-0 Demont (p.60’)
Arbitre : Souifi Hacen.
Linier : Allemand Kevin, Bilotta Serge.
Cap comentari:
Publica un comentari a l'entrada