U.S. Miramont 0 - U.E. Bossòst 2
Bon partit eth que joguèrem aguest darrèr dissabte en Miramont contra er equip locau.
En un començament joc igualat sense guaire perilh enes àrees. Eth Miramont estèc a punt de mercar quan Campo profitaue un shut hloish deth nòste portèr e shutaue a porteria e era pilota anaue a tocar eth garròt dera porteria. As 25’, Brian profitaue ua passada en profunditat entà shutar a tocar deth garròt e mercar eth 0-1. Eth Miramont responec damb un shut de Campo qu’arturaue molt ben Edu. Damb eth 0-1 s’arribaue ath descans.
Ena dusaua mietat, as 10 menutes Brian mercaue eth 0-2 e metie mès diferéncia en mercador. En partit non acabèrem de sentenciar en bones ocasions de Luis, Javi e Rella. Per contra eth Miramont auec ua bona ocasion en un shut de luenh que tocaue eth garròt dera porteria d’Edu. Eth mercador non se botjarie mès e mos emportàuem es 3 punts entà casa.
Ath finau, mos retrobam damb era victòria que mos hè gésser deth darrèr lòc dera classificacion.
Eth plòplèu partit ei eth dissabte 10 de deseme tàs 19:30, en Bossòst contra er equip der E.S. Le Fousseret.
U.S. Miramont : Senges, Pinho II, Aouam, Sanchez, Bonifas, Exposito, Casties, Alonso, Campo, Ausset, Rosa.
Remplaçants : Duran, Pinho I, Balde.
Trainer : Avezac Christophe
U.E. Bossòst: Edu, Borja, Iker, Christian, Pelli, Luis, Quicu, Àlex Brian, Rella e Peiró.
Remplaçants: Ivan, Lil, Javi.
Trainer. Adrián.
Gols : 0-1 Brian (25’), 0-2 Brian (55’).
Cap comentari:
Publica un comentari a l'entrada