U.E. Bossòst 3 – E.S. Le Fousseret 1
Darrèr partit der an jogat en Bossòst contra eth tresau classificat deth campionat. Entrèrem molt ben en partit, estàuem segurs en defensa e cada viatge caushigàuem era àrea francesa damb mès perilh. Ath quart d’ora ua fauta laguens der àrea a Lil siguec sancionada damb penalty ; shutat per Aitor siguec desviat per Amades en una bona arturada, mès era pilota arribaue a Lil que mercaue eth 1-0. En ua fauta lateral un bon cop de cap d’Aitor remataue eth 2-0 en mercador. Damb aguest resultat s’arribaue ath descans.
Ena dusaua mietat ath començament , ocasions ene dues àreas, mès non siguec enquiath menut 60 en que Héctor profitaue ua passada de Quicu entà mercar eth 3-0 ena gessuda deth portèr. Er equipo francés sajaue de redusir distància en mercador e ac artenhie en ua jogada de Manenq que Dutreich remataue des der àrea petita. D’aciu ath finau ocasions entàs dus equips, mès eth mercador ja non se botjarie.
Ath finau, acabam er an damb ua bona victòria que mos aprope ara part mieja dera classificacion, que en aguesti moments ei :
Boulogne 19, Aurignac 16, Le Fousseret 14, Cazères E Pouvourville 12, Luchon e Carbonne 11, Encausse 10, U.E. Bossòst 9, Roques e Miramont 8, Juventus Papus 6.
Eth pròplèu partit ja serà er an que ven, eth dissabte 21 de gèr tàs 20:00 ores, en Encausse contra er equip locau.
U.E. Bossòst: Edu, Jaime, Aitor, Luis, Borja, Max, Quicu, Ivan, Lil, Rella e Àlex.
Remplaçants: Hèctor, Pelli, Paba.
Tarjetes auriòles : Max, Rella, Hèctor.
Trainer. Adrián.
E.S. Le Fousseret : Amades, Condis, Cester, Rosa, Arcidet, Lero, Pons, Talbi, Chamayou, Couzinet, Manenq.
Remplaçants : Dutreich, Attard.
Tarjetes auriòles : Arcidet, Talbi.
Trainer : Gardelle Charles.
Gols : 1-0 Lil (15’), 2-0 Aitor (25’), 3-0 Hèctor (60’), 3-1 Dutreich (75’).
Arbitre : Hubert Marc.
Linier : Marchadier David.
Cap comentari:
Publica un comentari a l'entrada