Prumèra derròta deth campionat

Juventus Papus II 2 - U.E. Bossòst 1

Long desplaçament eth d’aguest dissabte enquia Toulouse entà jogar contra er equip deth Juventus Papus, en un terren de jòc qu’ère fòrça irregular.
Eth partit ac començèrem fòrça ben, en ua fauta shutada per Bollo, en dusau garròt eth debutant Brian shutaue de volea entà mercar un polit gol, ère eth 0-1. As 15’ er equip francés mos igualaue eth mercador damb un gol de Temmar. Lèu deth descans patíem era expulsion d’Alonso en ua fauta coma darrèr defensor, lo que mos deishaue damb 10 jogadors.
Ena dusaua mietat mos defensèrem fòrça ben e es francesi non auérem ocasions de perilh. Nosati sajàuem de susprèner en contraatac. A 10’ deth finau passaue era jogada desafortunada deth partit, en un lançament de cornèr , degut ath mau estat deth camp, un defensa sense voler desviaue era pilota entà laguens dera nòsta porteria. Sajèrem d’empatar enes darrèrs menutes, mès eth resultat ja no se botjarie.
Ath finau, prumèra derròta en prumèr desplaçament. Domatge era expulsion que mos perjudiquèc e , aumens peth jòc vist, mos mereshíem auer empatat.

Eth plòplèu partit ei eth dissabte 8 d’octobre tàs 20:00 , derby deth Portilhon en Bossòst contra er equip deth B. Luchon.

Juventus Papus II : Dossou, Balde, Hani, Viltard, Gacem, Badaoui, Bounaya, Soula, Rodrigues, Temmar, Schincariol.
Remplaçants : Frimehdi, Chaabani, Akesse.
Carton jaune : Chaabani.
Trainer : Badaoui Karim.

U.E. Bossòst: Edu, Aitor, Álvaro, Alonso, Borja, Luis, Quicu, Bollo, Moha, Brian e Sala.
Remplaçants: Ericksson, Iker, Lil.
Carton jaunes : Edu, Luis.
Carton vermelh : Alonso.
Trainer: Adrián.

Gols : 0-1 Brian (1’), 1-1 Temmar ( 15’), 2-1 Ericksson (p.p. 80’).

Arbitre: Djendoubi Djelil.
Liniers: De Mauri Frederic, Irigoyen Stephane.