Acabam en casa damb ua victòria

U.E. Bossòst 5 – Comminges St.Gaudens II 3

Darrèr partit en casa contra eth Comminges St. Gaudens que se presentèc en Bossòst damb un equip molt joen. Iniciatiua deth joc e oportunitas dera U.E. Bossòst mes siguèren es francesi es que s’aunçaríen en mercador, Genet aprofitèc un refus d’Edu e mercaue a plaçer eth 0-1. Per sort ara seguida, Hèctor en ua bona accion personau lo acabaue damb un shut ras entà empatar a 1 gol. Bona jogada de Joaquim per banda esquerra que lo acabaue damb un centro que Rubén shutaue entà mercar eth 2-1. A lèu deth descans eth madeish Rubén mercaue eth 3-1, resultat en que s’arribaue ath descans.
Ena dusaua mietat, domini e iniciatiua aranesa. Eth Comminges St. Gaudens aprofitèc un error defensiu entà que Karl tot solet dauant deth nòste porter mercaue eth 3-2. Ues poques menutes dempús, eth joen jogador aranés Ivan, aprofitaue ua bona passada de Pelli entà driblar ath laterau e mercar un polit gol, ere eth 4-2. Encara se metíen milhor es causes quan un shut ras d’Àlex sorprenia ath porter francés entà mercar eth 5-2. Eth St. Gaudens reduie es distàncies quan Karl mercaue en ua pilota longa eth 5-3, resultat ath finau deth partit.

Ath finau ua victòtia entà acabar es partits en casa. Eth dimenge que ven 19 de junh tàs 14 :30 darrèr partir deth campionat en Toulouse, contra er equip deth Toulouse Mirail ; en aguest partit se decidira era nòsta permanencia ena categoria.

U.E. Bossòst: Edu, Salva, Joaquim, Aitor, Bollo, Hector Àlex, Ivan, Rubén, Peiró.
Remplaçants: Pelli, Iker, Felipe-
Carton jaunes : Joaquim, Àlex
Trainer: Adrián

Comminges St. Gaudens : Solle, Diallo, Pereira, Dorleac, Noudofinin, Barrouillet, Lopes, Casties, Ouedraogo, Casse, Genet.
Remplaçants : Karl, Angla, Makhlouf.
Carton jaunes : Pereira, Noudofinin, Casties, Genet.

Gols : 0-1 Genet (20’), 1-1 Hector (25’), 2-1 Rubén (30’), 3-1 Rubén (42’), 3-2 Karl (65’), 4-2 Ivan (70’), 5-2 Àlex (80’), 5-3 Karl (85’).

Arbitre: Lacanal Christophe.
Liniers : Bilotta Serge, Mazac Thierry