Prumèra victòria dehòra de casa damb un resultat de tenis

Roques Confluent 4 - U.E. Bossòst 6

Partit jogat ager dimenge damb ues temperatures nautes en un terren irregular en qu’es defenses sigueren superats pes atacants. Se vederen 10 gols e encara podíem auer sumat es dus equips bètn un mès.

As 10’ en un corner Ourini mercaue de cap tot solet eth 1-0. Responerem ara seguida en un bon shut en esquaira d’Àlex des de dehòra der àrea: ère eth 1-1, Mos tornàuem a endormir en un cornèr e Fatnassi remataue de cap eth 2-1. Auérem diuerses ocasions mes non siguec enquiara menuta 40 que Ruben susprenie ara defensa francesa entà mercar tot solet dauant deth portèr Aguillon. Abantes deth descans,Àlex mercaue eth 2-3 en ua jogada personau ena que se regatejèc a tota era defensa.

Ena dusaua mietat gessérem endormits e en 2 minutes eth Roques remontèc en mercador damb es gols d’Ayari e Boutabout. Quedaue fòrça temps mès non siguec enquiath darrèr quart d’ora qu’en hat-trick de Luis mos anaue a dar era victòria: eth prumèr en remate de cap ua pilota retornada deth garròt per una rematada d’Uri, eth dusau en un lançament de fauta desviat laugerament pera barrera e eth darrèr en ua jogada personau plea de fòrça e qualitat.

Ath finau, prumèra victòria dehòra de casa damb un resultat de tenis que mos hège molta falta entà continuar pensant en sauvar era categoria.

Aguesta ei era classificacion a manca de 2 jornades entà acabar eth campionat.: St. Lys 51, Aurignac 45, Boulogne 44, TAC 40, Roques 33, Toulouse Mirail 32, Carbonne 31, Juventus Papus 26, Lefousseret 24, UE Bossòst 21, Pyrénées Sud 19, Comminges St Gaudens e Montastruc 17.

Eth pròplèu partit, incomprensiblement ara param 3 setmanes e non jogam enquiath dissabte 11 de junh en Bossòst tàs 20:30 ores contra er equip deth Comminges St. Gaudens.

Roques Confluent: Aguillon, Ferah, Begag, El Gaddari, Ourini, Fatnassi, Karim, Musenga, Ayari, Pratte, Yousseff.

Remplaçants: Boutabout, Larroque.

Tarjetes auriòles: Ourini.

Trainer: Duran Pascal.

U.E. Bossòst: Edu, Salva, Iker, Sala, Aitor, Bollo, Ori, Àlex, Luis, Rubén, Uri.

Remplaçants: Eric, Ivan, Pipe.

Tarjetes auriòles : Aitor.

Trainer: Adrián Moga

Gols: 1-0 Ourini (15’), 1-1 Àlex (20’), 2-1 Fatnassi (25’), 2-2 Ruben (40’), 2-3 Àlex (45’), 3-3 Ayari (50’), 4-3 Boutabout (52’), 4-4 Luis (75’), 4-5 Luis (85’), 4-6 Luis (90’).

Arbitre: Nogueira Cunha Philippe.

Liniers : Engaz Sandro, Souifi Hacen.

Revés important entà sauvar era categoria

U.E. Bossòst 2 – F.C. Montastruc 3

Derròta important en un partit en que portèrem era iniciatiua deth jòc e que es sues arribades ena nòsta àrea se compdèren damb gols. En ua prumèra mietat en que mos faltèc mès intensitat, er equip deth Montastruc s’auançaue en ua contra que remataue tot solet Uchan dauant deth nòste portèr Sala. Ara mieja ora Arcangeli I en un shut ras des de dehòra der àrea mercaue eth 0-2. Entà acabar de rematar eth resultat, lèu deth descans,en ua fauta des deth miei camp la tocaue Brun e Lacarrere mercaue a porteria ueda. Ère eth 0-3 resultat damb eth que s’arribaue ath descans.

Ena dusaua mietat estèrem un shinhau milhor e er equip francés lèu non creuèc eth miei deth camp. Redusirem distàncies 2 penaltys clars que Felipe transformèc molt ben ara dreta deth portèr. Auérem ocasions entà arténher aumens er empat enes rematades de Rubén e Eric, mès non siguec possible.

Ath finau, un revés important entà sauvar era categoria que deishe era classificacion d’aguesta manera a manca de 3 jornades entà acabar eth campionat.: St. Lys 48, Aurignac 45, Boulogne 44, TAC 40, Roques 33, Carbonne 31, Toulouse Mirail 29, Juventus Papus 25, Lefousseret 21, UE Bossòst 18, Comminges St Gaudens 17, Pyrénnées Sud e Montastruc 16.

Eth pròplèu partit, dimenge 22 de mai tàs 15:00 ores en Roques contra er equip locau.

U.E. Bossòst: Sala, Salva, Álvaro, Ryan, Felipe, Bollo, Ori, Àlex, Iván, Rubén, Peiró.

Remplaçants: Fran, Eric, Pau.

Tarjetes auriòles : Sala, Àlex.

Trainer: Adrián Moga.

F.C. Montastruc: Darmani, Ribet I, Lougarre, Fonbonne, Ribet II, Denat, Lacarrere, Sallah, Arcangeli I, Uchan, Brun.

Remplaçants: Arcangeli II

Tarjetes auriòles: Fonbonne, Arcangeli I, Lougarre, Sallah.

Tarjeta vermelha: Arcangeli I.

Trainer: Saint Martin Yann, Arcangeli Thomas.

Gols: 0-1 Uchan (20’), 0-2 Arcangeli I (30’), 0-3 Lacarrere (44’), 1-3 Felipe (70’ p.), 2-3 Felipe (80’ p.).

Arbitre: Devarulrajah Antony

Liniers : Magne Bertrand, Castille Florian.

Dauant deth nau líder mereishíem un resultat milhor

E.F.C. Aurignac 2 - U.E. Bossòst 0

Partit disputat ath finau en Aurignac en compdes de Boussan. Ua prumèra mietat controlada e sense passar guaire problèmes ena nosta porteria. Podérem auer daurit eth mercador en dues bones rematades de cap d’Aitor e en un shut de Luis lèu deth descans qu’arturèc molt ben eth portèr francés Sireyzol. Damb eth 0-0 s’arribaue ath descans.

Ena dusaua mietat en 5 menutes en dus contraatacs, er equip der Aurignac anaue a mercar diferéncies en mercador. Es dus delantèrs Dzuman e Guers Haumon, profitèren molt ben es dues pilotes longues entà mercar es 2 gols.

Er equip aranés auec bèra oportunitat enes botes de Ruben entà redusir eth mercador mès non siguec possible.

Ath finau ua petita derròta dauant deth nau líder mès hérem un bon partit e mereishíem un resultat milhor deth qu’artenhérem.

Eth pròplèu partit, dissabte 14 de mai tàs 20:30 ores en Bossòst contra er equip deth F.C. Montastruc de Salies.

E.F.C. Aurignac: Sireyzol, Cazes, David, Estrade, Alarcon, Lapuyade, Rancon, Guers Haumon, Dzuman, Barthe, Martin.

Reemplaçants: Lacoste, Leboullenger, Boue.

Tarjetes auriòles: Barthe, Martin.

Trainer: Chelle Frederic.

U.E. Bossòst: Edu, Aitor, Salva, Sala, Marco, Luis, Àlex, Pelli, Iván, Ruben, Peiró.

Remplaçants: Ryan, Fran.

Tarjetes auriòles : Sala, Marco.

Trainer: Adrian Moga

Gols: 1-0 Guers Haumon (55’), 2-0 Dzuman (60’).

Arbitre: Braykov Dimitar.

Liniers : Panov Vladimir, Laoufi Sofiane.

¡¡¡ Ara fin ua victòria !!!

 

U.E. Bossòst 3 – Ent. Boulogne-Pegui.II 1

Bon partit eth d’aguest passat dissabte en Bossòst entre dus equips damb objectius ben diferents: Boulogne tresau classificat entà sajar d’apropà-se ath dusau lòc e era U.E. Bossòst que sajaue de cercar es plaçes de salvacion dera categoria.

Ena prumèra mitat, as 15 menutes en una bona combinacion des dus delantèrs l’acabaue Àlex en un shut ras: ère eth 1-0. Non mos durèc guaire era joia e Pennavaire s’anticipaue a ua cesion dera defensa ath nòste portèr Edu entà mercar er empat a 1 gol. Abantes deth descans en ues clares mans fiulades coma penalty, Luis anaue a mercar eth 2-1 resultat damb eth que s’arribaue ath descans.

Ena dusaua mietat, iniciatiua deth jòc pera part francesa e bona defensa pera part aranesa. En un cornèr era pilota queiguie enes pès de Salva que tot solet mercaue eth 3-1. Eth Boulogne reaccionèc damb ua bona rematada de cap qu’Edu responec damb ua bona arturada en tot desviar era pilota entath corner. Era solida defensa aranesa non permetec que se botjèsse eth mercador.

Ath finau ua victòria que mos da talents entà sajar de sauvar era categoria.

Eth pròplèu partit, dissabte 7 de mai tàs 20:00 ores en Boussan contra er E.F.C. Aurignac dusau classificat deth campionat.

U.E. Bossòst: Edu, Salva, Joaquim, Uri, Sala, Bollo, Héctor, Àlex, Iván, Luis, Peiró.

Remplaçants: Álvaro, Cristian, Pau.

Tarjetes auriòles : Salva, Bollo, Héctor.

Trainer: Adrian Moga

Ent. Boulogne-Pegui.: Dhaleb, Benac, Dulerm, Duplan, Leon, Barbe, Charlas, Col, Lafforgue, Sarniguet, Pennavaire.

Remplaçants: Arnaud, Oliva, Demont.

Tarjetes auriòles: Benac, Sarniguet, Pennavaire .

Trainer: Bize Michel, Senac Olivier.

Gols: 1-0 Àlex (15’), 1-1 Pennavaire (20’), 2-1 Luis (40’ p.), 3-1 Salva (75’).

Arbitre: Fernandez Laurent.

Liniers : Chelle Jeremy, Fernandez Lilian.