Un empat que mos sap a molt pòc

U.E. Bossòst 1 – E.S. Le Fousseret 1

Domatge d’empat eth d’aguest darrèr dissabte en Bossòst dauant un rivau directe entà sauvar era categoria. Ena prumèra part mos aunçàuem en mercador en un bon shut de Luis des der bord der àrea as 20 menutes de jòc. Auérem bones ocasions entà ampliar eth mercador, mès eth portèr Amades hec moltes bones arturades. Damb eth 1-0 s’arribaue ath descans.

Ena dusaua mietat continuèc eth nòste domini sense poder materializar cap ocasion entà poder ampliar era diferéncia en mercador. A manca d’un quart d’ora entath finau Dutreich mos mercaue er empat a 1 gol. D’aciu ath finau, domini dera U.E. Bossòst sense poder arténher eth gol dera victòria.

Ath finau un empat que mos sap a molt poc. Ère un partit aumens entà guanhar clarament, mès auem perdonat fòrça dauant dera porteria contraria. Era luita continue e eth pròplèu partit, jogam en casa un partit retardat, aguest dissabte 30 d’abriu tàs 19:30 ores contra er equip deth Boulogne, tresau classificat deth campionat.

U.E. Bossòst: Edu, Salva, Aitor, Luis, Sala, Héctor, Joaquim, Àlex, Iván, Ruben, Peiró.

Remplaçants: Diego, Fran, Gonzalo.

Tarjetes auriòles : Diego.

Trainer: Felipe Barrera.

E.S. Le Fousseret: Amades, Couget, Cester, Attard, Lero, Pons, Chamayou, Dutreich, Manenq, Couzinet, Lumet.

Remplaçants: Tournier, Belluscio, Rosa.

Tarjetes auriòles: Lero.

Trainer: Gardelle Charles.

Gols: 1-0 Luis (20'), 1-1 Dutreich (75').

Arbitre: Mbappe Jean Pierre.

Liniers : Wroblewski Marc, Almansa Miguel.

L’ac metérem dificil ath líder

 

St. Lys 2 - U.E. Bossòst 0

Partit en que dèrem era cara dauant deth líder. Estèrem molt ben en defensa e deishèrem molt poques ocasions ar equip francés. Non siguec enquia 3 menutes deth descans qu’ua pilota longa la pientaue Torres en auançà-se ara defensa e susprenie ath nòste portèr Iker. Damb eth 1-0 s’arribaue ath descans.

Ena dusaua mietat continuèc era iniciatiua deth St. Lys e a nosati ja mos costèc mès arribar en àrea contraria. A 5 menutes deth finau Aubert , en un bon lançament de fauta, mercaue eth definitiu 2-0.

Ath finau, ua petita derròta dauant eth líder dera competicion que mos deishe en madeish lòc dera classificacion.

Eth pròplèu partit, jogam en casa, aguest dissabte 23 d’abriu tàs 20:30 ores contra er equip der E.S. Le Fousseret , un rivau directe entara permanéncia.

St. Lys : Gilabert, Torres, Engaz, Cuilhe, Carvalho, Garcia, Gutierres, Mercier, Sainvil, Bravo, Pereira.

Remplaçants : Aubert, Cousin, Freixedas.

Trainer : Donadello Cyril.

U.E. Bossòst: Iker, Jaime, Pau, Aitor, Borja, Uri, Pelli, Bollo, Ori, Rubén, Àlex.

Remplaçants: Felipe, Ivan, Miquel.

Tarjetes auriòles : Bollo.

Tarjeta vermelha : Bollo.

Trainer: Adrián Moga.

Gols: 1-0 Torres (42'), 2-0 Aubert (85').

Arbitre: Fono Sob Gael Agenor.

Liniers : Sintes Jerome, Adrafi Ben Nacer.

Cada viatge mès enfonçadi ena classificacion

 

Toulouse A.C. 6 - U.E. Bossòst 1

En un desplaçament long enquia Toulouse, patim ua auta golejada que mos plaçe enes lòcs de descens de categoria. Portam tot en dusau tour sumant solet 1 punt e atau ei complicat de mantier-se en aguesta categoria. Ath delà, cada semana patim era expulsion de bèth jogador çò que hè que es causes encara siguen mès complicades.

Eth partit se joguèc en un camp d’ èrba artificiau e as 5 menutes encaishàuem eth prumèr gol. Empatàrem en ua rematada d’Aitor des de laguens der àrea. Es francesi profitèren eth contraatac entà mercar dus gols mès. Damb eth 3-1 s’arribaue ath descans.

Ena represa, as 10 menutes se produsic era expulsion d’un jogador de cada equip. Es espacis ac profitèc melhor eth Toulouse AC entà mercar 3 gols. Enes darrères menutes er equip aranés falhèc un lançament de penalty.

Ath finau, derròta contundent que mos place ena part baisha dera classificacion :

Aurignac e St.Lys 38, Boulogne 35, TAC 34, Carbonne 31, T. Mirail e Roques 29, Juventus Papus 19, Le Fousseret 17, Pyrénnées Sud 16, U.E. Bossòst 14, St. Gaudens 12 e Montastruc 9.

Eth pròplèu partit, desplaçament complicat dauant un des colíders deth campionat, jogam en St. Lys eth 16 d’abriu tàs 20:00 ores contra er equip locau.

Toulouse A.C. : Martins, Chouchaoui, Baaddi, Chrita, Segai, Adjovi, Ben Hassine, Kelalech, Balde, Nancy, M’Tair.

Remplaçants : Vilsaint, Bouchentouf, Ogodo Boukari.

Tarjetes auriòles : M’Tair

Tarjeta vermelha : Ben Hassine.

Trainer : Ngboundou Freddy.

U.E. Bossòst: Edu, Ori, Aitor, Peiró, Sala, Joaquim, Christian, Juanma, Bollo, Àlex, Rubén.

Remplaçants: Iker, Pau, Ivan.

Tarjetes auriòles : Joaquim, Ori.

Tarjeta vermelha : Christian.

Trainer: Adrián

Arbitre: Herylaza Elyvio.

Liniers : Neffati Haykel, Zebiri Abdelbaki.

Non poguèrem jogar

 

Eth partit d'aguest dissabte en Bossòst non poguèrem jogar pr'amor era nhèu mos deishèc eth terren de jòc ben blanc.

Eth pròplèu partit, desplaçament enquia Toulouse entà jogar contra eth Toulouse A.C. eth dissabte 9 d'abriu tàs 20:00.