Un empat que mos sap a pòc

U.E. Bossòst 3 – Pyrennées Sud 3

Partit vibrant eth d’aguest darrèr dissabte en Bossòst entre dus equips que luiten entà gésser des posicions complicades entà sauvar era categoria.

Ua prumèra mietat molt ben jogada per equip aranés que estèc fòrça sòlid en defensa e que profitèc molt ben es ocasions ena porteria francesa. As 15’ Ivan mercaue eth 1-0 en profitar un tímid despeje deth portèr Gamboni. Lèu deth descans Rubén susprenie ara defensa e driblaue ath portèr e mercaue eth 2-0, resultat damb que s’arribaue ath descans.

Ena dusaua mietat, mos passèc factura un sinhau eth físic e perdèrem era solideç defensiaua deth prumèr temps e mos costèc molt mès arribar en àrea contraria. As 15’ eth jugador Paya en ua polida jogada individuau se plantaue dauant deth portèr Leon e redusir distàncies eth mercador : ère eth 2-1. En ua pilota longa Rubén s’anticipaue ath portèr francés e mercaue eth 3-1. Non mos durèc era joia ne ua minuta pr´ amor que Paya shutaue des deth bòrd der àrea e era pilota se colaue peth debaish deth cos deth portèr aranés. En ua fauta lateral eth trigolejador Paya remataue de cap eth 3-3. En pòc temps que quedaue, es francesi rematèren ua pilota en garròt e nosati auérem ua bona ocasion en un tímid cop de cap d’Ivan.

Ath finau, un empat que mos sap a pòc e que non aprairie bric es problèmes dera classificacion de cap des dus equips, sonque toque continuar luitant.

Eth pròplèu partit, desplaçament complicat dauant un des colíders deth campionat, jogam en St. lys eth 19 de març tàs 20:00 ores contra er equip locau.

U.E. Bossòst: Leon, Iker, Aitor, Sala, Cristian, Borja, Bollo, Luis, Héctor, Rubén, Ivan.

Remplaçants: Juanma, Ori, Javi.

Tarjetes auriòles : Bollo, Luis

Tarjeta vermelha : Javi.

Trainer: Adrián

Pyrennées Sud : Gamboni, Deu, Alarcon, Moreau, Clave, Arieu, Germa, Zaoui, Daffos, Dufour, Paya.

Remplaçants : Noilhan, Segura, Chaussepied.

Tarjetes auriòles : Daffos.

Tarjeta vermelha : Dufour.

Trainer : Anel Florent.

Gols : 1-0 Ivan (15’), 2-0 Rubén (40’), 2-1 Paya (60’), 3-1 Rubén (70’), 3-2 Paya (71’), 3-3 Paya (85’).

Arbitre: Bouquet Gregory

Liniers : Marchadier David, Ferlin Lionel.