Ua auta derròta en casa

U.E. Bossòst 0 – Roques Confluent 3

Partit en que mereshíem un melhor resultat, mès èm en ua dinamica negatiua e quan encaisham un gol tot se torne fòrça dificil. Ena prumera mietat eth nòste portèr Edu mos savaue d’encaishar un gol en arturar un lançament de penalty. Es ocasions qu’auérem includit un shut en garròt, non trobèren eth gol e damb 0-0 s’arribaue ath descans.

Ena dusaua mietat en prumèr quart d’ora auérem ua pilota qu’anec entath garròt e aguesta magnífica ocasion d’un penalty ath nòste favor, la tornèrem a falhar. Lèu des 30’ menutes eth Roques mercaue 2 gols en dues menutes e ja siguec pla complicat tornar a enganchà-se en partit. Enes darrèrs menuts ua mala cesion profitaue era delantèra entà mercar eth 0-3, resultat ath finau deth partit.

Ath finau ua auta derròta en casa que complique era permanéncia ena categoria, mès non i a arren perdut, depenem de nosati e encara queden fòrça partits entà dar eth tour ara situacion.

Eth pròplèu partit non jogam enquia d’aciu dues dimenjades eth 12 de març tàs 20:30 ores contra er equip deth Pyrénnées Sud.

U.E. Bossòst: Edu, Rubén, Aitor, Cristian, Borja, Àlex, Iván, Bollo, Luis, Héctor, Ori.

Remplaçants: Fran, Sala, Pelli.

Tarjetes auriòles : Àlex, Sala, Edu, Aitor, Cristian

Trainer: Adrián

Roques Confluent : Aguillon, Musenga, Sayegh, Fabien, Ourini, Fatnassi, Karim, M’Tair, N’Diaye, Ayari, Yousseff.

Remplaçants : Teixeira, Traore, Larroque.

Tarjetes auriòles : Fatnassi.

Trainer : Duran Pascal.

Arbitre: Rabhani Mikael.

Liniers : Sarradet Yvonnick, Kaidouchi Sofian.

Encaisham ua golejada en casa

 

U.E. Bossòst 0 – J.S. Carbonne II 5

Partit entà desbrembar çò mès ràpit possible. Non estèrem ben en atac e manquèren es ocasions qu’auérem e tanben tornèrem a falhar un aute penalty. Eth Carbonne sense hèr un gran partit, estèc molt ben situat en terren de jòc e anec en tot profitar es errors der equip aranés entà anar mercant es gols un darrèr der aute e aquerò qu’eth nòste portèr Edu siguec des milhors jogadors deth partit, e arturèc enquia un penalty.

Encara mos quede fòrça partits entà acabar. Auem de retrobar eth camin dera victòria çò de mès lèu possible. Mos auem despenjat dera part nauta e mos auem quedat damb es dera part darrèra dera classificacion :

St. Lys 28, Aurignac, Toulouse Mirail, Boulogne 26, Carbonne 24, Roques 22, Tac 21, Juventus Papus 17, Bossòst 13, St Gaudens 11, Pyrenées Sud e Montastruc de Salies 9, Le Fousseret 8.

Eth pròplèu partit jogam un partit retrasat dera jornada 12 deth prumèr tour. Serà aguest dissabte 26 de hereuèr en Bossòst tàs 19:30 ores contra er equip deth Roques Confluent

U.E. Bossòst: Edu, Iker, Cristian, Borja, Àlex, Uri, Bollo, Luis, Juanma, Ori, Javi.

Remplaçants: Hector, Ivan, Ruben.

Tarjetes auriòles : Bollo, Ori.

Trainer: Adrian.

Carbonne II: Manguin, Julien, Bardou, Boutin, Teillet, Faure, Hebal, Riviere I, Pronello, Gacquer, Riviere II.

Remplaçants: Clary, Maletie, Adouin.

Tarjetes auriòles: Gacquer, Riviere I.

Trainer: Leal Stephane.

Gols: 0-1 Riviere II (15'), 0-2 Pronello (30'), 0-3 Adouin (55'), 0-4 Pronello (65'), 0-5 Gacquer (75').

Arbitre: Gicquiaud Romain.

Liniers : El Mahraoui Monsif, Wroblewski Marc.

Auançam era ora deth partit

Eth partit contra eth J.S. Carbonne II d'aguest dissabte 19 de hereuèr se jogarà tàs 19:30.

 

Patim ua bona golejada

 

Juventus Papus II 6 - U.E. Bossòst 0

Partit eth d’aguest dissabte en Toulouse contra eth Juventus Papus II que començèc fòrça mau e as 5’ auíem un penalty en contra qu’eth golejador Lengane mercaue eth 1-0. Sajèrem de respóner e as 10’ auíem un penalty ath nòste favor que Ruben non artenhec mercar. Auérem ua auta bona ocasion ena que quedamos dauant deth portèr francés. Ara mieja ora de jòc tornàuem a fiulà-mos un penalty en contra que Fadil mercaue eth 2-0. Es ocasions mencades e aguest dusau gol heren baishar era morau ar equip aranés qu’encaishaue dus gols mès abantes deth descans. Damb 4-0 s’arribaue ath descans.

Ena dusaua mietat, er equip francés profitèc eth contraatac entà mercar dus gols e acabar eth partit damb aguest resultat de 6-0.

Ath finau, non tòque mès que remar entà continuar sumant punts. Venguem de tres partits dehòra de casa enes que solet auem sumat 1 punt ; ara auram dus partits ara seguida en casa entà redreçar era situacion.

Eth pròplèu partit ei aguest dissabte 19 de hereuèr en Bossòst tàs 20:30 ores contra er equip deth J.S. Carbonne II.

Juventus Papus II : Jbari, Fadil, Harrat, El Gana, Sofi, Badaoui, Makhtour, Akesse, Lengane, Bouloufa, Charradi.

Remplaçants : Maaza, Kouadri.

Tarjetes auriòles : Maaza.

Trainer : Badaoui Morad.

U.E. Bossòst: Edu, Álvaro, Pelli, Aitor, Àlex, Cristian, Bollo, Juanma, Ori, Rubén, Javi.

Remplaçants: Pau, Sala, Moreno.

Trainer: Felipe.

Gols : 1-0 Lengane (p. 5’), 2-0 Fadil (p. 30’), 3-0 Lengane (38’), 4-0 Lengane (43’), 5-0 Bouloufa (55’), 6-0 Harrat (85’).

Arbitre:Jeannot Abel.

Liniers : Guillot Bastien, Belabbas Hadj.

Derròta massa grana

 Montastruc de Salies 3 - U.E. Bossòst 1

Partit dimenge en Montastruc de Salies. Un equip qu’a trèt mès punts enes darrèrs tres partits que en tot eth campionat. E aquerò qu’era prumèra mietat dominèrem eth jòc e auérem bones ocasion entà daurir eth mercador, sustot ua molt clara d’Ori qu’arturèc molt ben Darmani. En ua contra, eth Montastruc de Salies mos susprenie e mercaue eth 1-0 resultat damb eth que s’arribaue ath decans.

Ena dusaua mietat empatàuem en ua falta shutada per Uri que tocaue en un defensa e entraue laguens dera porteria. Er equip francés s’auançaue en ua jogada ena qu’era pilota queiguie enes pès d’Uchan que mercaue un polit gol. Sajàuem d’empatar quan eth Montastruc mos susprenie en un aute contraatac entà mercar eth 3-1. D’aciu ath finau, domini e bèra ocasion, mès non auérem era sort de mercar cap de gol entà reduir era ventatja.

Ath finau derròta massa gran peth jòc vist en partit, mès se nòtec qu’er equip contrari se trape en ua bona dinamica pes resultats artenhudi enes darrères jornades.

Eth pròplèu partit ei aguest dissabte 12 de hereuèr en Toulouse tàs 20 :00 ores contra er equip deth Juventus Papus II ( tresau desplaçament ara seguida )

Montastruc de Salies : Darmani, Buffalan, Fonbonne, Ribet, Lacarrere I, Lacarrere II, Sallah, Perrin, Brun, Jules, Christen.

Remplaçants : Uchan, Cardillo.

Tarjetes auriòles : Cardillo, Buffalan.

Trainer : Denat Alexis.

U.E. Bossòst: Edu, Iker, Jaime, Aitor, Àlex, Uri, Paba, Iván, Álvaro, Ori, Rubén.

Remplaçants: Eric, Sala, Castet.

Trainer: Adrián.

Tarjetes auriòles: Sala.

Gols : 1-0 (40’), 1-1 Uri (60’), 2-1 Uchan (70’), 3-1 (80’).

Arbitre:Djendoubi Djelil.

Liniers : Smara Sabry, Dubertrand Julien.