Un empat que mos sap a pòc

 

Comminges St. Gaudens II 2 - U.E. Bossòst 2

Partit jogat en St. Gaudens en un terren de jòc des milhors dera categoria. En ua pumèra part dominada per equip aranés non podérem arténher cap de gol. E aquerò qu’auérem fòrça oportunitats : rematada de Ruben en garròt, penalty falhat per Ori, un auta jogada de Ruben tot solet dauant deth portèr. Eth St. Gaudens sonque auec ua bona ocasion enes darrères menutes abantes d’arribar ath descans enes botes de Pascal qu’arturèc molt ben Edu. Damb eth 0-0 s’arribaue ath descans.

Ena dusaua mietat coma tostemp passe eth que perdone es ocasions ac pague, en 5’ encashèrem dus gols a qual d’eri mès pec e mos quedaue 35’ menutes entà remontar eth mercador. En aguesta dusaua mietat mos costèc mès arribar en àrea contraria. A manca d’un quart d’ora ua bona pilota de Luis la profitaue molt ben Rubén entà mercar eth 2-1 en un polit gol. A manca de 5’ entath finau clar e pec penalty a Ori que Rubén mercaue entà igualar a 2 gols. D’aciu ath finau arribades enes dues àrees sense que se botjesse eth mercador.

Ath finau sumam un punt que mos sap a pòc. Non se pòt perdonar tantes ocasions tant clares. Aguest ei eth prumèr de 3 desplaçaments contra equips dera part baisha, mès non i a rival facil.

Eth pròplèu partit ei aguest dimenge 6 de hereuèr en Montatruc de Salies tàs 15 :00 ores contra er equip locau.

Comminges St. Gaudens : Solle, Lawless, Noudofinin, Dorleac, Barthe, Cassou, Diallo, Berne, Angla, Duplan, Pascal.

Remplaçants : Diakite, Makhlouf.

Tarjetes auriòles : Noudofinin.

Trainer : Pascal Jean Pierre.

U.E. Bossòst: Edu, Aitor, Iker, Borja, Àlex, Christian, Luis, Juanma, Bollo, Ori, Rubén.

Remplaçants: Alvaro, Pelli, Ivan.

Trainer: Adrián.

Tarjetes auriòles: Luis, Àlex.

Gols : 1-0 Borja (p.p.50’), 2-0 Diakite (55’), 2-1 Rubén (75’), 2-2 Rubén (p.85’).

Arbitre: Maincent Johann

Liniers : Allie Olivier, Abdou Salami Abidhari.

Partit suspenut

 

Eth partit de deman dissabte en Bossòst qu’auíem de jogar contra er equip deth Roques Confluent s’a suspenut pr’amor qu’er equip francés a presentat eth certificat de 4 jogadors positius damb Covid19.

Eth pròplèu partit serà eth dimenge 30 de gèr tàs 15:00 en St. Gaudens contar er equip locau.

Eth que jogarà deman dissabte en Bossòst tàs 16:00 ores ei er equip dera categoria -15 contra er equip deth R.C. Muret Ei en jòc era dusaua plaça dera 1ª fase.

Empatam en casa

 

U.E. Bossòst 1 – E.F.C. Aurignac 1 

Prumèr partit der an pr’amor qu’eth dera semana passada non se podec jogar en Montastruc de Salies. Terren ath límit entà poder jogar ( fòrça gelat) çò que dificultèc eth joc des dus equips.

Ena prumèra mietat jòc igualat en qu’es dus equips auérem bones oportunitats. Non siguec enquiara mieja ora en que Rubén se plantaue dauant deth portèr e mercaue eth 1-0. Er Aurignac responec damb ua bona oportunitat mès eth cop de cap deth delantèr siguec arturat molt ben per Edu. En ua bona jogada Javi remataue des deth bord der àrea e era pilota siguec desviada entà cornèr peth portèr Guitard. Damb eth 1-0 s’arribaue ath descans.

Era dusaua mietat siguec dominada per equip francés. Era U.E. Bossòst sajaue de contraatacar entà suspréner era defensa der Aurignac. Eth nòste portèr Edu arturaue ua auta pilota ena línha de gol quan ja entraue. En ua pilota longa Edu arribaue tard e derribaue ath delantèr, er arbitre fiulèc eth penalty que Barthe s’encargaue de shutar entà empatar eth partit a 1 gol. D’aciu ath finau oportunitats entàs dus equips e fòrça faltes e interrupcions.

Ath finau un empat que mos hè sumar 1 punt dauant un bon equip dera part nauta dera classificacion qu’ei aguesta :

Roques e St. Lys 22, Aurignac e Tac 20, Carbonne e Boulogne 17, Tlse Mirail 14, Bossòst 12, Juventus Papus 11, St. Gaudens 9, Pyrennées Sud 7, Le Fousseret 6, Montastruc 3.

 

Eth pròplèu partit ei aguest dissabte 22 de gèr en Bossòst tàs 19 :30 ores contra er Roques Confluent co-líder deth campionat. 

U.E. Bossòst: Edu, Salva, Iker, Borja, Felipe, Pelli, Christian, Juanma, Iván, Rubén, Javi.

Remplaçants: Fran, Aitor,Sergio

Trainer: Adrián.

Tarjetes auriòles: Christian, Sergio, Salva.

Tarjeta vermelha: Salva.

 

E.F.C. Aurignac: Guitard, David, Saux, Cazes, Colonnette, Cazes, Rancon, Alarcon, Martin, Barthe, Lacoste.

Remplaçants: Boue, Flous, Peronnet.

Trainer: Chelle Frederic.

Tarjetes auriòles: David, Cazes. 

 

Gols : 1-0 Rubén (30’), 1-1 Barthe (p. 75’).

 

Arbitre: Aupetit Cyril

Liniers : Cau Jean Michel, Hauet Jean Philippe.

Non poguerem jogar

Eth partit d'agèr dimenge qu'auiem de jogar en Montastruc de Salies non se podèc jogar degut ara gran quantitat d'aigua que i auie en terren de joc.

Eth pròplèu partit ei en Bossòst eth dissabte que ven 15 de Gèr tàs 19:00 contra er equip der Aurignac.