¡¡¡ Bones Hèstes e Eròs An 2022 entà toti!!!

 

Un aute partit suspenut

 Eth partit d'aguest dimenge 13 de deseme qu'auiem de jogar en Montastruc de Salies contra er equip locau ha estat suspenut. Tamben ha passat çò de madeish damb es partits dera E.F. Baish Aran.

Loteria de Nadau 2021

Darrèrs dies entà cromprar eth dècim de Nadau dera U.E. Bossòst.

¡¡¡ Non te quedes sense !!!

Empatam en darrèr moment

 Le Fousseret 3 - U.E. Bossòst 3

Domatge de partit eth d’aguest dissabte en Le Fousseret, contra un equip dera part baisha dera classificacion en que artenhíem un empat a darrèra ora.

Eth partit començèc pro ben entar equip aranés pr’amor donques ath quart d’ora en ua pilota en costat dret Paba centraue e Uri en dusau garròt shutaue entà mercar eth 0-1. Mès non durarie guaire era joia pr´ amor que Dutreich des de 40 mètres profitaue der aire entà suspréner ath nòste portèr Edu e mercar eth 1-1. Eth Le Fousseret profitèc era fòrça deth prumèr gol entà dar eth tour ath mercador quan Couzinet profitaue un mau marcatge defensiu e se plantaue tot solet dauant deth portèr e mercaue eth 2-1, resultat damb eth que s’arribaue ath descans.

Ena dusaua mietat, ath quart d’ora igualàuem eth mercador en una fauta shutada per Àlex que Paba remataue tot solet des de laguens der àrea petita. Per ua decision incomprensibla der arbitre, aguest expulsèc a un jugador aranés 10’ per ua tarjeta blanca per protestar ua decision ; açò ac profitèc eth Le Fousseret en jogar damb superioritat en ua jogada peth costat dret : acabaue era pilota dempús d’un rebot enes pès de Jasser que tot solet mercaue eth 3-2. Quedàuem bèri menutes e er equip aranés artenhie er empat lèu deth finau quan ua fauta d’Alex siguec arturada clarament pes mans lheuades d’un defensor. Eth clar penalty ac transformèc eth bigolejador Uri entà mercar eth definitiu empat a 3 gols.

Ath finau un empat que mos deishe en madeish lòc dera classificacion. Domatge dera nòsta pòca consisténcia defensiua entà perméter a un equip contrari que enquia alavetz auie mercat 4 gols en 7 partits e a nosati mos marquèc 3 gols. Segurament auéssem artenhut un milhor resultat.

Eth pròplèu partit ei aguest dissabte 4 de deseme en Bossòst tàs 19 :00 ores contra er Aurignac.

Le Fousseret : Amades, Tournier, Gare, Cester, Pons, Mehhouti, Bonifas, Boudjahfa, Dutreich, Couzinet, Chamayou.

Remplaçants : Antraygue, Jasser.

Tarjetes auriòles : Dutreich, Tournier, Gare.

U.E. Bossòst: Edu, Aitor, Joaquim, Borja, Àlex, Pau, Paba, Salva, Uri, Bollo, Iván.

Remplaçants: Eric, Iker, Javi.

Trainer: Adrián.

Tarjetes auriòles: Bollo, Iván, Edu.

Gols : 0-1 Uri (15’), 1-1 Dutreich (20’), 2-1 Couzinet (30’), 2-2 Paba (60’), 3-2 Jasser (82’), 3-3 Uri (89’).

Arbitre: Rabhani Mickael

Liniers : Mbida Luden, Jean Joseph Thierry.

Tornam a guanhar en casa

 U.E. Bossòst 2 - Toulouse A.C. 1

Un aute partit contra un equip dera capital de Toulouse e tresaua victòria der equip aranés. Coma enes auti partits, siguec complicat arténher es 3 punts, mès damb eth bon jòc dera U.E. Bossòst, ac poguerem hèr.

Es dus prumèrs gols deth partit se marquèren apròp deth descans e damb er empat a 1 gol, deishaue ua dusaua mietat emocionant entà saber qui anaue a emportà-se es 3 punts.

Siguec ac començament dera dusau mietat quan eth bigolejador aranés Rubén Rella s’escapaue tot solet dera defensa e mercaue eth 2-1. D’aciu ath finau ocasions enes dues àrees, mès eth resultat non se botjarie.

Ath finau, ua victòria trebalhada que mos deishe ena part mieja dera classificacion :

St. Lys 18, Roques 16, Carbonne 14, Aurignac e Boulogne 13, T.a.c. 12, Juventus Papus 11, U.E. Bossòst 10, Pyrénnées Sud 7, Toulouse Mirail 5, Comminges St Gaudens 3, Le Fousseret e Montastruc 2.

Eth pròplèu partit ei aguest dissabte 27 de noveme en Le Fousseret tàs 20 :00 ores contra er equip locau.

U.E. Bossòst: Edu, Aitor, Joaquim, Borja, Peiró, Luis, Àlex, Héctor, Uri, Bollo, Rubén.

Remplaçants: Gonzalo, Iván, Javi.

Trainer: Salva/Felipe

Tarjetes auriòles: Luis, Peiró, Iván, Rubén.

Toulouse A.C.: Kadi, M’Tair, Baadi, Ogoodo Boukari, Nanette, Adjovi Tokin, Ben Hassine, Ouinas, Kamano, Boukabbab, Balde.

Remplaçants: Mohamed, Chrita, Nguena Evouna.

Trainer: Ngboundou Abdou.

Tarjetes auriòles: Kadi.

Gols : 1-0 Rubén (40’), 2-1 Rubén (50’).

Arbitre: Bellio Patrick.

Liniers : Lacoste Fabien, El Mahraoui Monsif.

Delegat: Realland Andre Gilles.

Derròta contundent en Boulogne

Ent. Boulogne-Peguilhan II 4 - U.E. Bossòst 1

Partit en que començèrem damb poca intensitat çò que profitèc eth Boulogne entà mercar 2 gòls enes prumèrs 25’ de partit. En jogades similars es delantèrs francesi prenien era esquia dera defensa aranesa entà plantà-se dauant d’Edu e mercar facilment eth gòl. A compdar dera menuta 35 començèrem a apropà-mos ara porteria francesa e creèrem bèra jogada de perilh enes botes de Feixa. Damb 2-0 s’arribaue ath descans.

Ena dusaua mietat entrèrem milhor en partit. Er equip deth Boulogne sajaue de suspréner ath contraatac. En ua polida jogada, Ori mercaue un polit gòl e reduiem es distàncies en mercador , 2-1. Ara seguida auérem ua bona jogada entà empatar, mès Luis tot solet dauant deth portèr, shutaue era pilota dehòra dera porteria. Aciu semblèc que se mos amortèren es fòrçes, causa que profitèc er equip francés entà mercar dus polides gòls en jogades de Manenq e Tapie.

Ath finau, derròta contundent dauant un bon equip, en un començament e finau deth partit fòrça dolent en que encaishèrem es gòls.

Eth pròplèu partit ei aguest dissabte 20 de noveme en Bossòst tàs 20 :30 ores contra er equip deth Toulouse A.C..

Ent. Boulogne-Peguilhan II: Dahleb, Arnaud, Dulerm, Leon, Serres, Sanchez, Quantin, Col, Tapie, Charlas, Pennavaire.

Remplaçants: Benac, Manenq, Adoue.

Trainer: Bize Michel.

Tarjetes auriòles: Arnaud.

U.E. Bossòst: Edu, Salva, Aitor, Borja, Àlex, Ori, Pau, Pipe, Fran, Feixa, Bollo.

Remplaçants: Ivan, Héctor, Luis.

Trainer: Adrián Moga.

Tarjetes auriòles: Luis, Àlex, Uri.

Gols : 1-0 Pennavaire (15’), 2-0 Quantin (25’), 2-1 Ori (70’), 3-1 Manenq (85’), Tapie (90’).

Arbitre: Lacanal Christophe.

Liniers : Mazac Thierry, Bilotta Serge.

Prumèra derròta en casa

 U.E. Bossòst 1 – F.C. St. Lys 2

Dempús de dues victòries en casa enes prumèrs partits, aguest viatge contra eth líder a tocat era derròta. Er equip francés començèc plan intens e sòrt auérem deth nòste portèr Edu entà non encaishar cap gòl enes prumères menutes. Reaccionèrem un sinhau e un bon còp de cap de Paba anaue en garròt. Lèu deth descans, eth F.C. St. Lys s´aunçaue en mercador e damb aguest 0-1 s’arribaue ath descans.

Ena dusaua mietat un sinhau mès de domini e d’iniciatiua pera part aranesa que trobaue era recompensa en un gòl d’Àlex qu’empataue eth partit. Es francesi tornauen a pujar eth ritme e artenhien un dusau gol que les daue ua mereshuda victòria que les permet èster líders en solitari.

Ath finau ua derròta dauant un bon equip damb un partit en que demostrèc era sua bona classificacion. Açò mos place ena part mieja deth campionat.

Eth pròplèu partit ei aguest dissabte 13 de noveme en Boulogne-Peguilhan tàs 18 :00 ores contra er equip locau. 

U.E. Bossòst: Edu, Salva, Joaquin, Borja, Peiró, Paba, Héctor, Diego, Àlex, Ori, Ruben.

Remplaçants: Javi, Ivan, Pipe.

Trainer: Adrián Moga.

Tarjetes auriòles: Àlex. 

F.C. St. Lys : Gilabert, Engaz, Freixedas, Carvalho, Merland, Cousin, Pereira, Legsyer, Finot, Mercier, Addou.

Remplaçants : Duffort, Sainvil, Garcia.

Trainer : Donadello Cyril.

Tarjetes auriòles : Garcia.

 Gols : 0-1 (40’), 1-1 Àlex (70’), 1-2 (75’).

 Arbitre: Herylaza Elyvio

Liniers : Cappe Erwan, Chelle Jeremy.

Deman partit important

Deman dissabte 6 de noveme tàs 20:30 partit en Bossòst contra eth St. Lys co-lider deth campionat. Partit important entà continuar eth bon inici der equip aranés.

Empatam dehòra de casa

 Pyrénées Sud Comminges 2 - U.E. Bossòst 2 

Repartiment de punts en partit d’aguest darrèr dissabte en Gourdan que coma tostemp passe non deishèc bric content a cap des dus equips.

Er equip aranés s’auançaue en un bon còp de cap de Paba en un lançament de falta. Semblaue que se mos metien ben es causes, mès a compdar d’alavetz er equip francés pujèc era sua intensitat e dificultèc mès es arribades dera U.E. Bossòst. Eth Pyrénnées Sud artenhie er empat a un gol en profitar tanben ua fauta laterau que siguec rematada per dus viatges peth delantèr dauant deth nòste portèr Edu. Damb eth 1-1 s’arribaue ath descans.

Ena dusaua mietat, eth Pyrénnées Sud anaue a dar eth torn ath mercador en profitar Ortet ua pilota mòrta en punt de penalty entà mercar eth 2-1. Ara seguida Ruben profitaue un error deth laterau esquèr francés entà plantà-se dauant de Díaz e mercar eth 2-2. Des d´aciu entath finau bones ocasiones entàs dus equips, mès eth mercador ja non se botjarie mès. 

Un empat dauant un bon equip damb eth que auem artenhut 7 punts e èm ena part mieja dera classificacion qu’ei : T.A.C e St. Lys 12, Aurignac e Juventus Papus 9, Carbonne Roques e Bossòst 7, Boulogne e Pyrénnées Sud 6, Toulouse Mirail 4, Montastruc 1, Le Fousseret 0, Comminges St. Gaudens -1.

Eth pròplèu partit serà eth dissabte 6 de noveme en Bossòst tàs 20 :30 contra er equip deth F.C. St. Lys O.( un des coliders deth campionat)

Pyrénées Sud Comminges : Díaz, Noilhan, Chaussepied, Moreau, Alarcon, Arieu, Dufor, Segura, Germa, Ortet, Ferlin. Remplaçants : Borreda, Daffos, Duprat.

Trainer : Anel Florent.

Tarjetes auriòles :Dufor, Arieu, Ortet.

Tarjeta vermelha : Ortet

U.E. Bossòst: Edu, Ruben, Luis, Aitor, Joaquin, Peiró, Paba, Héctor, Cristian, Àlex, Javi.. Remplaçants: Salva, Marco, Iván.

Trainer: Adrián Moga.

Tarjetes auriòles: Luis, Paba

 

 

Gols : 0-1 Paba (20’), 1-1 Noilhan (40’), 2-1 Ortet (60’), 2-2 Ruben (65’).

 Arbitre: Tataiat Houssam

Liniers : Reulet Anthony, El Mahraoui Monsif.

Derròta ena prumèra gessuda

 J.S. Carbonne 2 -U.E. Bossòst 1

Partit igualat eth que joguèrem en Carbonne contra er equip locau en qu'eri esteren un sinhau milhor e nosati nn poguèrem aprofitar er darrèra mieja ora quan er equip francés jogaue damb 10 jugadors. Eth jogador locau Gacquer siguèc eth protagonista deh partit; en prumèra mietat un shut sòn siguèc desviat peth nòste portèr Leon mes era pilota anaue a parar enes pes de Pronello que marcaue eth 1-0. Ena dusaua mietat un gran shut de Gacquer se colaue pera esquaira dera porteria aranesa. Sonque podèrem reduir eth marcador en un shut de lueny d'Àlex que se colaue entre es cames deth portèr Bardel, ere eth 2-1 resultat ath finau des 90 menutes.

Ath finau petita derròta en un partit complicat, ara mos toque descansar aguesta dimenjada e non serà enquiath 23 d'octubre que jogaram en Gourdan Polignan tàs 20:00 contra er equip dethPyrennées Sud.

J.S. Carbonne: Bardel, Morere, Bardou, Miquel I, Teillet, Miquel II, Bouin, Riviere II, Pronello, Gacquer, Riviere I. Remplaçants: Lescure, Estrabol, Lemer.

Trainer: Leal Stephane

Tarjetes auriòles: Morere, Estrabol.

Tarjeta vermelha: Estrabol.

U.E. Bossòst: Leon, Jaime, Aitor, Peiró, Eric, Pau, Iker, Àlex, Edu, Ruben, Ori. Remplaçants: Salva, Sergio, Felipe.

Trainer: Adrian.

Tarjetes auriòles: Jaime, Sergio.

Gols: 1-0 Pronello (30'), 2-0 Gacquer (60'), 2-1 Àlex ( 75').

Arbitre: Inok Dynamic Patrick.

Liniers: Tournie Damien, Shaffner Michel.

Es 3 punts se queden en casa

U.E. Bossòst 3 – Juventus de Papus II 0

Dusau partit deth campionat aguest darrèr dissabte en Bossòst dauant eth Juventus de Papus e dusaua victòria entar equip aranés.

Non siguec bric fàcil era victòria, estèrem plan ben en defensa e profitèrem es ocasions qu’auérem en atac entà hèr era diferéncia en mercador que ath finau pot semblar un sinhau abultada pr’amor er equip francés tanben auec es sues oportunitats.

Ua prumèra mietat fòrça igualada e quan semblaue que non se botjaue eth mercador, ena darrera menuta ua bona jogada d’Àlex deishaue era pilota enes pès d’Ori que mercaue eth 1-0 , resultat damb eth que s’arribaue ath descans.

Ena dusaua mietat, iniciatiua deth Juventus de Papus entà sajar d’empatar eth partit e jòc ath contraatac pera part dera U.E. Bossòst. En ua pilota molt ben luitada per Eric contra eth portèr anaue a quèir enes pès d’Àlex que shutaue a porta ueda entà mercar eth 2-0. Encara se metien milhor es causes quan Marco en un shut de 25 m a tocar deth garròt mercaue un polit gol : 3-0. D’aciu entath finau, impoténcia francesa entà inaugurar eth mercador e molt bon trebalh dera defensa e portèr aranés.

En resum, bona victòria dauant un bon equip. Ara mos toquen dues gessudes ara seguida. A veir se dam continuitat ad aguest bon inici deth campionat

Eth pròplèu partit jogam eth dissabte 9 d’octobre en Carbonne tàs 18 :00 contra er equip locau.

U.E. Bossòst: Edu, Salva, Aitor,  Borja, Peiró,  Marco, Diego, Héctor, Cristian, Àlex, Ori. Remplaçants: León, Iker, Eric.

Trainer: Felipe.

Carton Jaune : Diego, Marco.

Juventus de Papus: Jbari, Harrat, Khaddi, Lakehal, Sofi, Cabanes, Kaddour, Bounaya, Bouloufa, Rodrigues, Nassim. Remplaçants : Akesse, Schincariol, Fodil

Trainer : Badaoui Morad.

Carton Jaune : Fodil.

Gols : 1-0 Ori (44’), 2-0 Àlex (70’), 3-0 Marco (85’).

Arbitre: Belgacem Maher.

Liniers : Chelle Jeremy, Abdou Salami Abidhari.

Bona victòria en prumèr partit deth campionat

 U.E. Bossòst 3 – A.S. Toulouse Mirail 1

Prumèr partit deth campionat aguest darrèr dissabte en Bossòst dauant eth Toulouse Mirail. Çò de milhor, a despart dera victòria, sigueren es polidi gols que se marquèren en partit. Eth joc non podec èster continuat pes moltes fautes que i auec. Ena prumèra mietat eth nòste portèr Edu auec de desviar a cornèr ua fauta que rebotèc ena barrera. En ua fauta Àlex mercaue eth prumèr gol deth partit en un bon lançament pera esquaira dera porteria francesa. Incrementèrem era ventatja en un gran gol d’Ori des de 40 m que susprenie ath portèr Boussedjra. Abantes de descans, eth Toulouse profitaue ua embolicada jogada ena nòsta defensa entà acortar es distàncies e deishar eth mercador en descans 2-1 ath nòste favor.

Ena duasau mietat, iniciatiua peth part deth Toulouse Mirail e era U.E. Bossòst en tot sajar de suspréner en contraatac. Ath finau se decidic eth partit : en ua pilota recuperada ena defensa francesa per Jaime, e centrada per Ori , anaue a quèir enes botes de Diego que tranquillament mercaue eth 3-1. Aguesta ventatja se mantenguec enquiath finau degut ara bona defensa der equip aranés. 

En resum, bona victòria entà començar eth campionat. Era setmana que ven tornam a jogar en casa, dissabte 2 d’octobre tàs 20 :30 contra er equip deth Juventus Papus 2 que tanben a guanhat eth sòn partit per 4-1 dauant eth  Comminges St. Gaudens. 

Cau díder que era Escola de fotbòl Baish Aran ( de categoria -15 ) inici eth sòn campionat en tot jogar aguest madeish dissabte 2 d’octobre en Bossòst tàs 16 :00 contra er equip deth Cierp Luchon.

U.E. Bossòst: Edu, Jaime, Aitor,  Borja, Àlex, Pau, Ori, Cristian, Álvaro, Joaquin, Luis. Remplaçants: Iker, Diego, Castet.

Trainer: Adrián.

Carton Jaune : Álvaro, Luis, Diego. 

A.S. Toulouse Mirail: Boussedjra, Bakkali, Daidani, Benyahya, Ben Mimoum, Tullus, Benkhadra, Ahamada, Safadi, Brahmi, Bouferma.

Remplaçants : Karar, Gherbi, Soilahou.

Trainer : Ait Hamd Abdelaziz.

Carton Jaune : Bakkali, Soilahou. 

Gols : 1-0 Àlex (10’), Ori (25’), 2-1 Brahmi (40’), 3-1 Diego (75’) 

Arbitre: Ciutat Yves.

Liniers : Laurent Lilian, Ahmed Allaoui.

Començam eth campionat de Liga

 
Aguest dissabte 25 de seteme tàs 20:30 prumèr partit deth campionat de Liga 2021-2022 en Bossòst contra er equip der A.S. Toulouse Mirail

Derròta agridoça ena Copa de França

U.E. Bossòst 2 – U.S. Encausse 2

Penaltys :     2 – 4

Dempús de lèu un an sense jogar partit oficial pera pandèmia deth covid19, aguest darrèr dissabte 28 d’agost joguèrem eth partit dera prumèra eliminatòria dera Copa de França contra er U.S. Encausse d’ua categoria superior a nosati.

Siguec un bon partit jogat pes dus equips, era U.E. Bossòst ena prumèra mitat auec bones ocasions en rematades d’Ori, Rella e Paba, mès totes es rematades anèren entà dehòra. En cambi, coma passe tostemp, era delantera francesa profitèc un error dera nòsta defensa entà que Rodrigues marquèsse eth 0-1, resultat injust damb eth qu’arribàuem ath descans.

Ena dusaua mietat, en 10 menutes dèrem eth tour ath marcador. En ua bona jogada d’Àlex peth costat dret acabaue en ua passada a Héctor que des de laguens der àrea shutaue ras a tocat deth garròt entà igualar eth mercador a 1. Ara seguida en ua jogada de dehòra de banda, la pilota le queiguie enes pès d’Àlex que d’un bon shut mercaue eth 2-1. Encara quedaue molt de partit, mès non sabèrem jogar ben aguest temps damb era ventatja en mercador e perdíem facilment era pilota. A 5’ deth finau eth perilhós delantèr Paya mercaue un polit gol entà igualar a 2. Peth reglament d’enguan non joguèrem era prorroga e anèrem entath lançament de penaltys e er Encausse estèc mès acertat que nosati.

Cau arregraïr eth suport dera aficion que dèc ànims ath sòn equip pendent tot eth partit. Se notèc qu’auíem talents de tornar a veir jogar ara U.E. Bossòst e tornar pòc a pòc ara normalitat d’abantes.

 Ara, param lèu un mes donques eth pròplèu partit ac jogam en Bossòst eth dissabte dia 25/09/21 tàs 20 :30 ores contra er equip deth A.S. Toulouse Mirail, prumèr partit deth campionat de Liga.

U.E. Bossòst: Edu, Jaime, Joaquin,  Borja, Peiró, Paba, Pau, Àlex, Pau, Ori, Héctor, Rubén. Remplaçants: Pipe, Álvaro, Iker.

Trainer: Adrián.

Carton Jaune : Jaime, Héctor 

U.S. Encausse : Marrot, Ugal, Diallo, Chabassiere, Gaillard, Labat, Rodrigues, Faure, Juan, Anli, Paya. Remplaçants : Lun, Barry.

Trainer : Thierry Germain.

Carton Jaune : Juan. 

Gols : 0-1 Rodrigues (35’), 1-1 Hector (50’), 2-1 Àlex (55’), 2-2 Paya (85’). 

Arbitre: Cappe Erwan.

Sorteig Copa de França

Eth sorteig dera Copa de França mos a tocat jogar en Bossòst contra er equip U.S. Encausse era dimenjada deth 28-29 d'agost.

Eth guanyador d'aguest partit jogarà en casa contra eth guanyador dera eliminatòria A.S. Montmaurin - Toulouse Pradettes era dimenjada deth 4-5 de seteme.

Dia trist entara U.E. Bossòst

 Eth capitan que eth 13 de junh de 1982 lheuèc era prumèra Copa de Comminges entath nòste equip, mos a deishat agèr dimenge, D.E.P. companh Josete!!!

Ja ac demoràuem

 

Degut ara evolucion dera pandémia deth covid19, era F.F.F a pres era decision de dar totes es competicions dera sason 2020-2021 per acabades.