dilluns, 19 d’octubre de 2020

Victòria damb patiment

 F.C. Villeneuve de Rivière 1 - U.E. Bossòst 2 

Ua auta victòria ara seguida en aguest desplaçament contra er equip deth Villeneuve de Rivière. Siguec un partit que començèrem fòrça ben e ath quart d’ora en tot profitar ua pilota de Christian, Héctor trincaue eth dehòra de jòc e se plantaue tot solet dauant deth portèr entà mercar eth 0-1. Eth Villeneuve responec a pilota arturada e enes lançaments de cornèr pressionèc fòrça era porteria aranesa. Eth nòste portèr León realizaue ua bona arturada a un shut deth delantèr Milan. Damb eth 0-1 s’arribaue ath descans.

Ena dusaua mietat encara s’intenfiquèc mès eth domini territoriau der equip francés. Mos costaue dar 3 passes e eri tornauen a atacar encara mès. Eth nòste jòc de contraatac siguec molt aislat. Auérem ua molt bona ocasion semblanta ara deth prumèr gol, mès aguest viatge Héctor shutaue as mans deth portèr. En ua auta jogada de Milan pera dreta anaue a centrar entà qu’eth delantèr centre rematèsse de cap; ère eth 1-1. Era causa se mos complicaue, mès er equip encara treiguec fòrçes entà que Joaquin hesse ua bona passada a Ruben que tot solet shutaue per baish e mercaue eth 1-2. Eth Villeneuve de Rivière sajèc d’empatar eth partit mès era bona actuacion deth nòste portèr e de tot er equip deishèc eth resultat igual.

Ath finau, victòria damb patiment dauant un bon equip. Mos emportam un aute viatge es 3 punts.

Eth pròplèu partit, jogam en Bossòst dissabte dia 24/10/20 tàs 20 :00 ores contra er equip deth F.C. Montastruc de Salies. 

U.E. Bossòst: León, Edu, Joaquin, Aitor, Àlex, Pau, Christian, Sergio, Héctor, Rubén, Iker. Remplaçants: Salva, Joel, Javi

Trainer: Adrian.

Carton Jaune : Joaquin, Salva, Aitor, Sergio. 

Gols : 0-1 Héctor (15’), 1-2 (85’) Rubén. 

Arbitre: Mickael Rahbani.

Linies: Yvonnick Sarradet, Hacen Souifi.

Cap comentari: