dilluns, 14 de setembre de 2020

Petita derròta

 Ent 4 Rivieres 1 - U.E. Bossòst 0

 Prumèr partit deth campionat eth d’aguest darrèr dissabte jogat en Larroque contra er equip der Ent. 4 Rivieres. Eth partit siguèc igualat e ath finau er equip qu’auèc més encert s’emportèc es 3 punts. E portant ena prumera mietat auerem bones arribades peth costat dret a on jogaue Joaquim que per molt poc non s’arribauem a concretar. Er Ent. 4 Rivieres sajaue de sorprene en pilotes longues e ar espai deth son jogador Daras. A lèu deth descans er equip francés auie era milhor ocasion en un lançament de fauta de Barcikowski qu’anaue a tocar en garròt der portería aranesa. En un lançament de fauta deth nòste jogador Lil eth portèr realitzaue ua bona arturada. Damb eth 0-0 s’arribaue ath descans.

Ena dusaua mieta se veiguie qu’er equip que s’auansese en mercador auria casi eth partit guanhat. En ua pilota perduda en miei deth camp Barcikowski shutèc e sorprenèc ath portèr e mercaue eth 1-0. D’aquieu ath finau domini intens dera U.E. Bossòst, auerem ua bona ocasión en un shut d’Ivan qu’eth portèr desviaue entà cornér. Eren perilhosi es contraatacs der Ent. 4 Rivieres e a punt estèren d’artenher un aute gol més era pilota tocaue eth garròt dera portería.

Ath finau, petita derròta en un partit que demorauem damb moltes ganes, açò sonque acabe de començar.

 Eth pròplèu partit, serà d’açi dues dimenjades jogam en Bossòst dissabte dia 26/09/20 tàs 20 :30 ores contra er equip deth Comminges St. Gaudens 2.

 Ent. 4 Rivieres : Cardoso, Salim, Aouam, Sansonetto, Roche, Barrouche, Canevese, Barcikowski, Dridi, Appraoui, Daras . Remplaçants : Sghiouri, Boulaklaka, Descamps.

Trainer : Toulouse Vincent.

Carton Jaune : Barcikowski

 U.E. Bossòst: León, Aitor,  Borja, Àlex, Joaquim, Alvaro, Paba, Dani, Lil, Luis, Oriol. Remplaçants: Ivan, Sergio, Iker.

Trainer: Adrian.

Carton Jaune : Lil

 Gols : 1-0 Barcikowski (70’).

 Arbitre: Herilaza Elyvio.

Linies: Miguel Alvaro, Sarrader Yvonnick.

 

dimarts, 1 de setembre de 2020

Eliminadi dera Copa de França

  U.E. Bossòst 0 - Comminges St Gaudens 3

Partit disputat aguest darrèr dimenge en Bossòst contra eth St. Gaudens equip de 3 categories de més. Un gol en cada part per errores defensius nósti, mes un penalty enes darrers menutes, decidic un partit que en fòrça moments estèc molt igualat.
Bon partit der equip aranés e lógica eliminacion dera Copa de França. Ara deisham pas ath campionat, jogaram eth dissabte 12 de seteme tàs 20:30 en Larroque contra er equip der Ent. 4 Rivieres, partit corresponent ara dusau jornada deth campionat. Era prumèra jornada se jogue aguesta dimenjada que ven (5-6 seteme) mes eth nòste partit ei aplaçat.
U.E Bossòst: Hector, Jaime, Borja, Alex, Uri, Aitor, Ruben, Pau, Alvaro, Feixa, Lil. Remplaçants: Joaquin, Alejandro, Luis, Muñoz.
Trainer: Adrian Moga.
Tarjeta auriòla: Alejandro.
Comminges St Gaudens: Ader, Barthe, Riqueza, Barthe II, Guy, Arieu, Servat, De Monleon, Gramont, Ferreira, Bellefond. Remplaçants: Cazaux, Eymery, Randrianirina, Sanchez,Artigue.
Trainer: Varela Frederic.
Arbitre: Serghini Mustapha.
Liniers: Bouchaib Karim, Bouquet Gregory.

divendres, 28 d’agost de 2020

Jogaram dimenge

 Eth partit deth 2 tour dera Copa de França se jogarà en Bossòst eth dimenge 30 d'agost tàs 15:00 contra eth Comminges St Gaudens 1, equip de Regionau 2. 

diumenge, 23 d’agost de 2020

Classificadi sense jogar

Finaument er equip deth L.M. Sports a decidit non presentase en Bossòst entà jogar era eliminatoria dera Copa de França. Passam ronda peth resultar de 3-0 e jogaram era dimenjada deth 29-30 d’Agost en Bossòst contra er prumèr equip deth Comminges St. Gaudens que jogue en Regional 2, tres categories mes que nosati.

dijous, 20 d’agost de 2020

1º Tour Copa de França

 Aguest dimenge 23 d'agost tàs 15:00 jogam eth prumèr partit de competicion oficiau dera sason 2020-2021, partit de Copa de França en Bossòst contra er equip deth LagardelleMiremont S.P.

dimarts, 11 d’agost de 2020

XXXI Tròfeig Memoriau Manuel Huguet

 

En un des poqui actes dera Hèsta Major d’aguest an 2020 pes motius dera malautia deth Covid-19 jogaram eth partit deth XXXI Tròfeig Memoriau Manuel Huguet eth dissabte 15 d’agost tàs 18:00 contra er equip der U.S. Encausse.

divendres, 31 de juliol de 2020

Aué començam es entrenaments


Com cada an, en aguesti dies, er equip dera U.E. Bossòst començe aguesta tarde es sòns entrenaments entà preparar era sason 2020-2021.  Ben segur que afrontam ua sason diferenta as autes peth maleit virus covid-19.

Eth planning de partits a dia d’aué ei :

15 d’agost tàs 18 :00 partit Memoriau Manuel Huguet contra er U.S. Encausse.
22-23 d’agost 1º Tour dera Copa de França en Bossòst contra eth Lagardelle-Miremont Sports.
5 de seteme tàs 20 :30 començam eth campionat Departamentau 2 Poule B en camp deth Villeneuve de Rivière.

dimecres, 22 d’abril de 2020

Sason acabada


Era setmana passada era F.F.F. decidic degut ara pandemia dera malautia Covid-19 dar per acabada era sason deth fotbòl amateur dera sason 2019-2020. Pujarà un equip de categoria que serà segurament eth B.Luchon pr’amor que 4 equips son empatadi a 27 punts ( Luchon, Pyrenées Sud, Toulouse Metropole, Roques ) e an eth milhor coeficient punts/partits. Sonque baisharà un equip en aguest cas que serà er U.S. SaliesMane III.

Non volem acabar aguesta petita resenha sense auer un rebrembe entara gent que mos a deishat per aguesta pandemia deth Covid-19, sustout as tres familhes de Bossòst, molta fòrça entà superar era situacion.

¡¡¡ Enquiara sason 2020-2021, ac demoram !!!!


dilluns, 9 de març de 2020

Eth pròplèu partit

Eth pròplèu partit, jogam en Carbonne dissabte dia 14/03/20 tàs 18 :00 ores contra er equip J.S. Carbonne II.

divendres, 6 de març de 2020

Aguesta dimenjada se suspen toti es partits


Comunicat deth districte Haute-Garonne en resposta contra es actes de violéncia enes terrens de fotbòl


COMMUNIQUÉ : STOP À LA VIOLENCE

En réaction à l’accumulation des violences autour des stades (agressions d’arbitres, d’éducateurs, …), le District Haute-Garonne de Football décrète que le week-end du 7 et 8 Mars 2020 sera journée morte.

En conséquence, aucune rencontre de football, de niveau District, ne se déroulera à ces dates sur le territoire de la Haute-Garonne :

- Suppression de la journée du football d’animation

- Report des rencontres de championnat de U14 à Sénior

Le Comité de Direction
District Haute-Garonne de Football

dilluns, 2 de març de 2020

Empat ena darrèra menuta e pendent d’ua reclamacion


E.S. Le Fousseret 2 - U.E. Bossòst 2

Partit important eth disputat en Le Fousseret entà sajar de remontar era nòsta dolenta classificacion. Ena prumera mietat er equip de Fousseret se trapèc damb dues jogades enes que non estèrem ben defensivament e atau Couzinet mercaue d’un polit shut eth 1-0 e un shinhau mès tard, peth costat esquèr, Dutreich lheuae era pilota ena gessuda deth nòste portèr e mercaue eth 2-0. Auérem un parelh de bones ocasions mès eth shut de Charles passaue a tocar deth garròt e eth cop de cap d’Aitor le treiguie un defensa dera linha. Damb eth 2-0 s’arribaue ath descans.
Ena dusaua mietat domini der equip aranés e er equip francés joguèc ath contraatac. Non profitèrem un parelh de bones arribades. Mès era alegria finau serie en 3 menutes , lèu deth finau: prumèr Àlex mercaue eth 2-1 e ena menuta finau un gran shut de Javi Castet deishaue eth mercador finau en 2-2.
Ath finau deth partit portèrem reclamacion sus era alineacion d’un jogador der equip contrari que ère sancionat. Demoraram enquiath diuendres a veir çò que passe.

Eth pròplèu partit, jogam en Bossòst dissabte dia 07/03/20 tàs 20 :00 ores contra er equip der U.S. SaliesMane III.

E.S. Le Fousseret : Amades, Cester, Condis, Duchein, Attard, Lero, Cester II, Pujol, Chamayou, Couzinet, Dutreich. Remplaçants : Boudjahfa, Feugueray, Barbier.
Trainer : Gardelle Charles.
Carton Jaune : Pujol

U.E. Bossòst: León, Aitor, Jaime, Peiró, Borja, Uri, Àlex, Paba, Bollo, Charles, Dani. Remplaçants: Diego, Javi, Pau.
Trainer: Adrian.
  
Gols : 1-0 Couzinet (15’), 2-0 Dutreich (25’), 2-1 Àlex (88’), 4-0 Javi Castet (92’).

Arbitre: Devavulrajah Antony.
Linies: Pereira Jean Pierre, Wroblewski Marc.

dimarts, 25 de febrer de 2020

¡¡¡ Per fin ua victòria !!!


U.E. Bossòst 4 – F.C. Villeneuve Rivière 0

En melhor partit dera sason era U.E. Bossòst artenhec ua bona e contundente victòria.
Partit en que dominèrem pendent es 90’ dauant un rivau que jamès podec superar ara bona defensa aranesa ne ath son portèr. Ena prumèra mietat en un lançament de fauta de Peiró, Jaime anaue a mercar eth 1-0. Non passèc guaire temps e Bollo profitèc ua pilota laguens der àrea entà shutar e mercar eth 2-0. Damb aguest resultat s’arribaue ath descans.
Ena dusaua mietat sonque començar ua bona ocasion de Bisito que shutaue en garròt dera porteria era pilota dempús de que un defensa la cedisse e acabèsse enes mans deth portèr. Era clara fauta de cesion ère fiulada. Àlex susprenec ara defensa e eth portèr damb un shut doç per dessús des sòns caps. Ère eth 3-0. Eth Villeneuve sajèc de redusir distàncies, mès era defensa aranesa estèc contundent en evitar ocasions de perilh. Ena darrèra menuta Bisito profitaue ua pilota longa entà shutar e mercar eth 4-0 sus era gessuda deth portèr.
Per fin ua victòria ( dusaua victòria deth campionat ) Encara èm luenh der objectiu, mès açò mos da talents entà intentar era salvacion de categoria.

Eth pròplèu partit, jogam en Le Fousseret dissabte dia 29/02/20 tàs 20 :30 ores contra er equip locau.

U.E. Bossòst: Vázquez, Aitor, Jaime, Peiró, Borja, Uri, Àlex, Paba, Bollo, Àlvaro, Bisito. Remplaçants: Dani, Gachi, Marco.
Trainer: Adrian.
Carton Jaune: Peiró, Marco, Aitor.

F.C. Villeneuve de Rivière : Montreau, Besseget, Snela, Dubois, Moreno, Latour, Masi, Dupuy, Lompech, Riqueza, Milan. Remplaçants : Espalieu, Carceller, Marsand.
Trainer : Clemençon Laurent.
Carton Jaune : Dupuy.

Gols : 1-0 Jaime (20’), 2-0 Bollo (30’), 3-0 Àlex (50’), 4-0 Bisito (90’).

Arbitre: Chauvet Lionel.
Linies: Jaud Frederic, Andre Jeremy.
Delegat: Reycoudier Jean Marc.

dimarts, 18 de febrer de 2020

Derròta massa abultada


Pyrenees Sud 4 - U.E. Bossòst 1

Derròta massa abultada conforme anèc aguest partit. Òc que començèrem fòrça mau e ena prumèra menuta encashàuem eth 1-0, mès er equip reaccionèc ben e auec bones ocasions. As 30’ se complicauen es causes damb era expulsion deth nòste portèr Pol. Damb eth 1-0 s’arribaue ath descans.
Ena dusaua mietat trobèrem eth premi ath bon jòc e as 75’ Lil empataue eth partit.
Dempús passèrem d’un penalty non fiulat en àrea francesa a un aute si fiulat per mans ena nòsta. Damb eth 2-1, patirem era expulsion de 10’ per carton blanc d’un jogador nòste e damb 9 jogadors encaihèrem dus gols mès que deishèren eth resultat finau en 4-1.
Ath finau, ua auta derròta. Era setmana que ven jogam contra er equip que mos precedís ena classificacion ( a veir se mos cambie era sòrt ).

Eth pròplèu partit, jogam en Bossòst dissabte dia 22/02/20 tàs 20 :00 ores contra er equip deth F.C. Villeneuve de Rivière.

Pyrénées Sud: Gamboni, Deu, Laye, Alarcon, Clave, Zaoui, Dufor, Denax,  Ludwing, Mancisidor, Germa- Remplaçants : Borreda, Daffos, Lopes Da Silva
Trainer : Mendonca David.

U.E. Bossòst: Pol, Aitor, Salva, Peiró, Borja, Àlex, Paba, Pau, Perise, Bollo,  Lil.
Remplaçants: Julian, Marco, Rella.
Trainer: Adrian.
Carton Jaune: Lil
Carton vermelh : Pol


Arbitre: Margottat Olivier.
Linies: Cau Jean Michel, Bigou Julien.

dilluns, 10 de febrer de 2020

Derròta injusta


F.C. Montastruc de Salies 2 - U.E. Bossòst 1

Partit important aguest dissabte en Montastruc dauant un rivau dera part mieja-baisha dera classificacion. Podérem presentar sonque 12 jogadors. E per tant, joguèrem ua molt bona prumèra mietat ena que dominèrem eth jòc enes dues àrees. En un cornèr directe, a punt estèc Pau de mercar un gol olímpic mès era pilota tocaue eth garròt e non podec profitar arren entà mercar. En un aute cornèr era pilota despejada pera defensa arribaue a Bisito, que shutaue des de dehòra der àrea entà mercar eth 0-1. Eth Montastruc sonque shutèc un viatge damb bona arturada de Felipe. Damb eth 0-1 s’arribaue ath descans.
Ena dusaua mietat se notèc fòrça non auer mè cambi e er equip non podec jogar tant ben coma enes prumèrs 45’. Ath delà, as 5’ encaishàuem un gol que empataue eth partit. Açò mos hec molt de mau. Eth Montastruc sajèc de calar pilotes ena esquia dera defensa aranesa. Eth delantèr Cep se presentèc tot solet dauant Felipe mes shutèc dehòra. As 75’ Lacarrere II anaue a profitar ua pilota en costat esquèr entà mercar eth 2-1. Encara quedàuen 15’ e ath delà eth Montastruc patic era expulsion d’un jogador per dusau carton jaune. Òc que embotelhèrem ath Montastruc ena sua área, mès a despient des ocasions que auérem, non podérem mercar.
Ath finau, derròta injusta:  se auesse vengut un des portèrs e mès jogadors ena banqueta, poiríem auer trèt un melhor resultat.

Eth pròplèu partit, jogam en Gourdan Polignan, dissabte dia 15/02/20 tàs 20 :00 ores contra er equip deth Pyrenées Sud Comminges.


F.C. Montastruc : Darmani, Brun, Cucuron, Lacarrere I, Ribet, Denat, Peretti, Saint Martin, Domench, Lacarrere II, Da Costa. Remplaçants : Lougarre, Cep, Cardillo.
Trainer : Christen Romain.
Carton Jaune : Brun, Ribet, Denat.
Carton vermelh : Denat.

U.E. Bossòst: Felipe, Aitor, Javito, Àlex, Borja, Bisito, Pau, Charles, Bollo,  Lil, Àlvaro. Remplaçants: Julian.
Trainer: Jordi.
Carton Jaune: Lil

Gols : 0-1 Bisito (35’), 1-1 Da Costa (50’), 2-1 Lacarrere II (75’)


Arbitre: Pecheux Valentin.
Linies: Fofana Lancinet, Ech Chetouia Ishaq.

dilluns, 3 de febrer de 2020

Un empat que mos sap a pòc as dus equip


U.E. Bossòst 0 – Comminges St. Gaudens 0

Prumèr partit deth dusau tour eth que se jogaue aguest darrèr dissabte en Bossòst. Partit contra eth tresau classificat deth campionat. Bon partit en que manquèren es gols. Ena prumèra mietat dues bones arribades pera banda dreta aranesa ena que Bisito shutèc a costat deth garròt e en era auta eth sòn centre siguec desviat ath cornèr. Eth St. Gaudens responec damb un shut de luenh de Conde que anaue a tocar eth garròt dera porteria de Marcos. Auérem ua bona ocasion en un cop de cap tot solet de Rella en un cornèr. Eth ràpit atacant deth St. Gaudens Diakite auec ua bona ocasion, mès Marcos arturaue era pilota. Damb eth 0-0 s'arribaue ath descans.
Ena dusaua mietat i auec mens ocasions de gol e es defenses s’imposauen as delantèrs. Lèu deth finau un shut de Bisito anaue a tocar en Madrid e gessie a tocar deth garròt dera porteria. Es francesi creèren perilh enes desmarcades de Conde e Boukebouche, mès era defensa aranesa e eth sòn portèr estèren segurs pendent es 90’.
Ath finau, un empat que mos sap a pòc as dus equips : eri, entà auançar ena part de naut dera classificacion, e nosati entà gésser dera part de baish.

Eth pròplèu partit, jogam en Montastruc de Salies, dissabte dia 08/02/20 tàs 20 :00 ores contra er equip locau.

U.E. Bossòst: Marcos, Àlvaro, Aitor, Àlex, Borja, Uri, Pau, Madrid,  Lil, Rella, Bisito. Remplaçants: Salva, Castet, Charles.
Trainer: Adrian Moga
Carton Jaune: Rella, Bisito

Comminges St. Gaudens: Guy, Marco, Noudofinin, Aouam, Barthe, Arieu, Batmalle, Ruz, Diakite, Marrot, Conde. Remplaçants: Decap, Boukebouche, Casse.
Trainer: Cassaigneau Cedric.
Carton Jaune : Noudofini

Arbitre: Marnisi Qasmi Achraf
Linies: El Fkir Hakim, Dakouk Amine.
Delegat: Nayues Andre.

dilluns, 27 de gener de 2020

Era U.E. Bossòst met eth fotbòl e F.A. Roques marque es gols


U.E. Bossòst 2 – F.A. Roques 3

Partit en un terren de jòc trende pera aigua queiguda pendent era setmana. Iniciativa e domini pera part aranesa e contraatacs perilhós pera part des francesi. As 20’ per un mau despeje deth nòste portèr, era pilota anaue enes pès d’Azagzaoui que tot solet shutaue entà mercar eth 0-1. Resposta pera part aranesa damb un centre de Bisito e tot solet Charles a 2 m. dera porteria shutaue e eth portèr francés realizaue ua bona arturada. Lèu deth descans , penalty ath delantèr Debono que eth madeish s’encarguèc de shutar e mercar : ère eth 0-2, resultat ath descans.
Ena dusaua mietat, mès domini aranés sense poder mercar entà redusir distàncies en mercador. En un lançament de porteria deth portèr francés, ua manca d’entendiment entre era defensa e eth portèr, siguec profitat per Maamouch entà mercar a pòrta ueda eth 0-3. Dur càstig ; non mereshíem aguest resultat. Era U.E. Bossòst luitèc enquiath finau e trobèc era recompensa enes darrèrs 5 menutes enes que Javi Castet shutèc e merquèc 2 gols en 2 penaltys . Ja non mos quedaue temps aumens entà arribar a empatar eth partit.
Ath finau ua auta derròta. Cau díder que joguèrem melhor qu’eth contrari mès mos penalizèren fòrça es petits errors en prumèr e tresau gol.

Eth pròplèu partit, jogam en Bossòst, dissabte dia 01/02/20 tàs 20 :00 ores contra er equip Comminges St. Gaudens II.

U.E. Bossòst: León, Jaime, Aitor, Àlex, Uri, Pau, Gachi, Dani, Lil, Charles, Bisito. Remplaçants: Marco, Castet, Álvaro.
Trainer: Adrian Moga
Carton Jaune: Gachi

F.A. Roques: Moiteiro, Woto, Begag, Oussal, Ben Mimoun, Boussedira, Azagzaoui, Maamouch, Debono, Masri, Youssef. Remplaçants: Lam, El Ghali, Ben Amani.
Trainer: Bocquier Cyril.

Gols: 0-1 Azagzaoui (20'), Debono (p.40'), 0-3 Maamouch (70'), 1-3 Castet (p.85'), 2-3 Castet (p.90').

Arbitre: Cappe Erwan.
Liniers: Sammartino Remi, Tournie Damien.
Delegat: Pouteau Alain. 

dilluns, 20 de gener de 2020

Victòria fàcil deth Luchon en derby deth Portilhon


U.S. Luchon-Cierp 3 - U.E. Bossòst 0

Derby deth Portilhon aguest darrèr dissabte en Luchon. Partit igualat en prumèr quart d’ora, mès dempús de mercar Laporte ja siguec desigual e se mos metec eth partit costa entà naut.. Auérem ua bona oportunitat enes botes de Marco, mès eth sòn shut siguec desviat a cornèr per un defensa. Lèu deth descans eth Luchon anaue a hèr un excelent contraatac entà que Duplan se plantèsse dauant deth nòste portèr e mercar eth 2-0. Damb aguest resultat s’arribaue ath descans.
Ena dusaua mietat mès voluntat que jòc per part aranesa e eth Luchon sajaue de suspréner damb ràpids contraatacs. A 10 menutes deth finau, Ardite en ua bona jogada personau, mercaue eth 3-0.
Ath finau, victòria aisida deth Luchon ( se notèc en terren de jòc era diferéncia dera classificacion ) Nosati continuam enes posicions entà baishar de categoria. Classificacion: St Lys e Toulouse Metropole 25, Luchon, Comminges St Gaudens e Pyrenées Sud 18,  Boulogne 15, Roques e Le Fousseret 14, Montastruc, Carbonne e Villeneuve de Rivière 10, U.E. Bossòst 4, SaliesMane 2.

Eth pròplèu partit, jogam en Bossòst, darrèr partit deth 1èr. tour, dissabte dia 25/01/20 tàs 20 :00 ores contra er equip F.A. Roques.

U.S. Luchon-Cierp : Cazes, Lansalot, Boy, Sarrato, Revertegat, Cobo, Farrus, Salis, Laporte, Berges, Llamas. Remplaçants: Coutinho, Duplan, Ardite.
Trainer: Casteran Thierry.

U.E. Bossòst: León, Aitor, Javito, Kim, Àlex, Uri, Dani, Pau, Marco, Javi, Lil. Remplaçants: Rella, Madrid, Charles.
Trainer: Adrián Moga.
Tarjetes auriòles : Dani, Lil.

Gols : 1-0 Laporte (15’), 2-0 Duplan (40’), 3-0 Ardite (80’).

Arbitre: Lacoste Fabien.
Liniers: Smara Sabry, Sarradet Yvonnick


dimarts, 7 de gener de 2020

En prumèr partit der an, un empat que mos sap a pòc


U.S. SaliesMane III 1 - U.E. Bossòst 1

Partit disputat aguest darrèr dissabte en Mane contra eth darrèr classificat deth nòste campionat en que mereshíem un milhor resultat, mès es dolentes decisions arbitraus non ac permetèren. Mos auançàuem en marcador damb un gol de Dani mès eth SaliesMane empataríe ath quart d’ora deth nòste gol. Er arbitre mos anulèc dus gols, un en cada mietat e un clar penalti en minut 2 de partit que non fiulèc.

Ath finau, un empat que mos sap a pòc. Està vist que non ei era nòsta milhor sason, mès açò continue.

Eth pròplèu partit, jogam d’açiu dues dimenjades en Luchon eth derby deth Portilhon, dissabte dia 18/01/20 tàs 20 :30 ores contra er equip locau.

U.S. SaliesMane III : Marrot, Jordana, Copin, Garnung, Ferran, Millet, Diallo, Daspet, Dastugue, Barrois, Da Costa. Remplaçants: Bordes I, Demassy, Bordes II.
Trainer: Dos Santos Da Costa Nicolas.
Tarjetes auriòles: Copin, Dastugue.

U.E. Bossòst: Pol, Aitor, Jaime, Borja, Àlex, Uri, Dani, Àlvaro, Jose Carlos, Luis, Lil. Remplaçants: Rella, Madrid, Diego.
Trainer: Adrián Moga.
Tarjetes auriòles : Rella, Luis, Jaime.

Gols : 0-1 Dani (15’), 1-1 (30’).

Arbitre: Catro Antoine.
Liniers: Frederic Jaud, Abderrahim Moutia.

divendres, 3 de gener de 2020

Prumèr partit der an

Aguest dissabte 4 de gèr auem eth prumèr partit d'aguest an, tàs 20:00 en Mane contra er equip der U.S. SaliesMane III