dilluns, 8 d’abril de 2019

¡¡¡ Remontam ena dusaua mietat!!!


U.E. Bossòst 3 – Ent. Boulogne II 2

Bon partit e excelent resultat entara U.E. Bossòst en partit d’aguest darrèr dissabte en Bossòst. Non començaue ben eth partit entà nosati ; un terren de jòc pesat dificultèc ua cesion ath nòste portèr  que profitèc Regis entà mercar eth 0-1. Er equip aranés dominèc e auec bones ocasions entà empatar eth partit, mès es shuts de Paba e Héctor sigueren molt ben arturadi peth portèr francés. Molt bona ocasion en ua rematada de cap d’Uri que tot solet en dusau garròt non trobèc era porteria. Damb eth 0-1 s’arribaue ath descans.
Ena dusaua mietat siguérem mès efectius e artenhérem dar eth tour ath mercador. En ua bona jogada pera banda, Paba centraue e Héctor , dempús d’un bon control, shutaue entà mercar eth 1-1. Aguest gol dèc talens ar equip aranés e ara seguida Javi s’escapaue dera defensa e driblaue ath portèr Lartigue entà mercar eth 2-1. En plen domini aranés, un shut de Héctor non ac podie acabar d’arturar eth portèr e Oriol F. , damb era canha a punt, mercaue eth 3-1. Semblaue que non patiríem mès, mès a 10 menutes deth finau ua pilota que non despejèrem ben queiguie laguens der área a Cottet que mercaue eth 3-2. Ère eth resultat ath finau deth partit
Victòria molt important dauant un bon equip e continuam era nòsta luita entà sajar de mantier era categoria. Encara mos quedem 4 partits.

Eth pròplèu partit jogam en Bossòst eth dissabte 13/04/19 tàs 20 :00 ores  contra er equip der E.F.C. Aurigac II.

U.E. Bossòst: Jhosue, Aitor V., Felipe, Borja, Àlex, Gachi, Uri, Charles, Paba, Lil, Héctor . Remplaçants: Dani, Oriol F., Javi.
Trainer: Adrian.
Tarjetes auriòles: Javi.

Ent. Boulogne II : Lartigue, Cieutat, Cottet, Menvielle, Dequesne, Marque, Clerand, Ibos, Regis, Ousset, Castex. Remplaçants : Bajon, Col, Demont.
Trainer : Subreville Jean Pierre.
Tarjetes auriòles : Menvielle, Marque.

Gols : 0-1 Regis (5’), 1-1 Hector (55’). 2-1 Javi (60’), 3-1 Oriol F. (70’), 3-2 Cottet (80’).

 Arbitre: Bordignon Bruno.
Liniers: Fernandez Laurent, Maurin Jean François.

Cap comentari: