¡¡¡ Important victòria !!!

A.S. Villeneuve Lecussan 0 - U.E. Bossòst 2

Partit important eth d’aguest darrèr dissabte contra un rivau directe ena classificacion. Er equip aranés joguèc un bon partit, contundent darrèr e en tot profitar molt ben es sues ocasions. Ena prumèra mietat, as 10 menutes, Juan non acabèc de tocar ben era pilota dauant deth portèr francés. Ara mieja ora de jòc, Héctor a 40 mètres dera porteria, shutaue e susprenie ar auançat portèr Vielcazals entà mercar eth 0-1 damb un gran gol. Er equip francés responec damb un parelh de jogades a pilota arturada que crèec perilh en àrea aranesa. Damb eth 0-1 s’arribaue ath descans.

Ena dusaua mietat, ath començament er equip francés portèc eth domini deth jòc e auec era milhor ocasion en un shut de Souberbielle que tocaue eth garròt dera porteria de Jhosue. Auérem un parelh de bones arribades de Juan que non acabèren en gol per molt pòc. Eth gol dera tranquilitat arribaue en ua fauta laterau shutada per Gachi que non estèc tocada per cap jogador, susprenie ath portèr e acabaue laguens dera porteria. Ère eth 0-2 resultat ath finau des 90 menutes.

Important victòria entà continuar luitant pera permanéncia. Aguest pròplèu partit tanben ei plan important contra un equip deth que sonque mos separe tres punts ena classificacion.

Classificacion:  Carbone 39, Landorthe 38, Luchon 26, Comminges St. Gaudens 25, F.C. Mabroc 23, Boulogne 23, Montastruc, 23, Etoile du Cagire 21, U.E. Bossòst 20, Vielleneuve Lecussan 16, Isle en Dodon 14, Aurignac 2.

Eth pròplèu partit jogam en Montastruc de Salies eth dissabte 30/03/19 tàs 20 :00 ores  contra er equip locau.

A.S. Villeneuve Lecussan: Vielcazals, Nogues, Perez, Lavit R., Gomes, Souberbielle, Devaud, Clarens, Delhom, Lavit Q., Descamps. Remplaçants : Le Thoer, Hernando, Desbrueres.

Trainer : Lavit Thierry.

Tarjetes auriòles : Nogues.

U.E. Bossòst: Jhosue, Aitor V. Felipe, Borja, Àlex, Gachi, Héctor, Luis, Lil, Juan, Álvaro . Remplaçants: Marco, Carlos, Javi C.

Trainer: Adrian.

Tarjetes auriòles: Felipe. Lil.

Gols : 0-1 Héctor (30’), 0-2 Gachi (75’).

Arbitre: Lairs Philippe.

Liniers: Bellio Patrick, Lacanal Christophe.

Empat insuficient

U.E. Bossòst 0 – Comminges St. Gaudens II 0

Partit sense gols eth d’aguest darrèr dissabte en Bossòst. Ena prumèra mietat domini aranés on auérem bones oportunitats entà mercar. En un dehòra de banda de Jaime susprenie ara defensa francesa e deishaue tot solet a Ignasi dauant deth portèr; se revirèc e eth sòn shut anèc entà dehòra. Bones arribades pera banda dreta de Juan qu’auèc un parelh de bones ocasions, mès eth sòn shut gessie a tocar deth garròt. Eth Comminges St. Gaudens sajaue de suspréner ara contra ara defensa aranesa. Damb eth 0-0 s’arribaue ath descans.

Ena dusaua mietat non auérem tan bones ocasions. Mos costèc arribar en àrea contraria e non podérem profitar es lançaments de fauta e cornèrs entà mercar. Jòc damb moltes fautes e interrupcions que hec qu’eth partit non auesse eth ritme que mès mos interesaue.

Ath finau, 0-0. Encara estam ena part baisha dera classificacion e ara auem dus desplaçaments seguidi enes que cau trèir punts entà milhorar era classificacion.

Classificacion:  Carbone 36, Landorthe 35, Comminges St. Gaudens 24, F.C. Mabroc 23, Luchon 23, Boulogne 23, Montastruc, 22, Etoile du Cagire 18, U.E. Bossòst 17, Isle en Dodon 14, Villeneuve Lecussan 13, Aurignac 2.

Eth pròplèu partit jogam en Villeneuve Lecussan eth dissabte 23/03/19 tàs 20 :00 ores  contra er equip locau.

U.E. Bossòst: Jhosue, Aitor C., Felipe, Borja, Jaime., Àlex, Paba, Diego, Ignasi, Lil, Juan . Remplaçants: Aitor V., Héctor, Marcos.

Trainer: Jordi.

Tarjetes auriòles: Ignasi, Paba.

Comminges St. Gaudens II : Claverie, Lafforgue, Aouam II, Noudofinin, Aouam I, Guers, Arieu, Roque, Campo, Combe, Noel. Remplaçants : De Monleon, Diakite, Haure.

Trainer : Marques Nicolas.

Tarjetes auriòles : Guers, Noudofinin, Aouam II.

Arbitre: Coupat David.

 Liniers: Smara Sabry, Dupleich Jean Luc.

Ua prumèra part fòrça dolenta mos pòrte a ua clara derròta

Ent. Landorthe 4 - U.E. Bossòst 0

Mau partit dera U.E. Bossòst aguest darrèr dissabte en Estancarbon dauant er equip deth Landorthe. En mieja ora eth resultat deth partit ja s’auie decidit. As 10 menutes en un lançament de cornèr, era rematada anèc en garròt e Louge tot solet mercaue eth 1-0. Un terren de jòc fòrça irregular perjudiquèc ath nòste portèr Manu que non podec despejar ben era pilota que queiguie enes pès de Del Rio e que d’un bon shut per naut, mercaue eth 2-0. En un auta jogada desafortunada dera defensa aranesa, Ribet mercaue eth 3-0. Encara encasharíem un darrèr gol, en ua jogada dera delantera francesa que Del Rio anaue a shutar entà mercar eth 4-0. Molt pòques arribades pera part aranesa en aguesta prumèra part. S’arribaue ath descans damb 4-0.

Ena dusaua mietat eth Landorthe deishèc era iniciatiua deth jòc ar equip aranés. Mos apropèrem un shinhau mès en área francesa mès non conseguirem mercar cap de gol. Er equip francés pera sua part sajaue de suspréner damb era velocitat des sòns atacants ara defensa aranesa.

Ath finau, derròta contundent dauant un equip superior en ganes de guanhar e que demostrèc èster luitant peth campionat.

Eth pròplèu partit jogam en Bossòst, eth dissabte 16/03/19 tàs 20 :00 ores  contra er equip deth Comminges St. Gaudens.

Ent. Landorthe : Combes, Ribet, Lacaze, Louge, Castex, Saint Paul, Scotto, Dutheil, Ottonelli, Del Rio, Tovar Molle. Remplaçants: Ferreia, Jouan, Moras.

Trainer: Constant Raphael.

Tarjetes auriòles: Saint Paul

U.E. Bossòst: Manu, Aitor C., Felipe, Borja, Aitor V., Àlex, Uri, Gachi, Luis, Lil, Juan . Remplaçants: Javi Castet, Adrián.

Trainer: Adrián

Tarjetes auriòles: Lil.

Gols : 1-0 Louge (10’), 2-0 Del Rio (15’), 3-0 Ribet (25’), 4-0 Del Rio (30’).

Arbitre:Marnissi Qasmi Achraf.

 Liniers: Bilotta Serge, Dakouk Amie.

¡¡¡ Ara fin ua victòria !!!

U.E. Bossòst 1 – Etoile du Cagire 0

Darrèr partit en dimenge en Bossòst damb un temps primaverau e un terren de jòc un shinhau sec. Partit dominat per equip aranès mens es darreres menutes.

Auérem bones ocasions : ena prumèra mietat, un gran shut d’Aitor C. anaue a tocar eth garròt dera porteria. Aguest madeish jogador se plantaue dauant deth portèr e eth sòn shut anaue a gésser per dessús dera porteria. En un lançament de falta d’Héctor, bona arturada de Domench en tot desviar era pilota a cornèr. Damb eth 0-0 s’arribaue ath descans.

Ena dusaua mietat, mès de lo madeish, domini insistent dera U.E. Bossòst sense trobar eth gol. Auérem ua bona ocasion en ua jogada de dus jogadors joeni - Juan e Aitor V.- ,mès eth shut gessec a tocar deth garròt. Non siguec enquiara menuta 70 que dempús d’un shut d’Ignasi era pilota dempús de tocar eth portèr la shutaue Charles entà mercar eth 1-0. En ua bona jogada de Luis non poguec acabar de shutar ben entà mercar. Er Etoile du Cagire sajaue de profitar es pilotes arturades entà crear perilh, mès eth portèr Manu e era sua defensa estèren fòrça ben.

Ath finau, victòria important dempús de 6 partits sense guanhar. Mos apropam as equips dera part mieja dera classificacion.

Eth plòplèu partit jogam en Estancarbon, eth dissabte 09/03/19 tàs 20 :00 ores  contra er equip der Ent. Landorthe Estancarbon, dusau classificat deth campionat..

U.E. Bossòst: Manu, Aitor C., Felipe, Borja, Marco, Àlex, Edu, Charles, Luis, Ignasi, Héctor. Remplaçants: Aitor V., Pipe, Juan

Trainer: Adrián

Tarjetes auriòles: Edu.

Etoile du Cagire : Domench, Gavalda, Segu, Bresquignan, Roux, Laplagne, Garnier, Cluzet, Deu, Magnesse, Sarradet. Reemplaçants : Nadal.

Trainer : Laplagne Jean Michel.

Tarjetes auriòles : Segu, Deu.

Gols : 1-0 Charles (70’).

Arbitre: Pereira Jean Pierre.

 Liniers: Ghazouani Moudher, Riviere Jean Christophe

Jogam aguest dimenge

Aguest dimenge 3 de març tàs 15:00 partit en Bossòst contra er equip der Etoile du Cagire.