Deman ath finau non jogam

En ua sason en que mos a passat de tot damb arbitratges en contra, ara resulte que eth partit de deman non lo jogam pr'amor er equip d'Aurignac se pensaue que jogauem en dissabte en compde de dimenge e non auie jogadors enta jogar.
Encara non saben que desde eth mes de noveme degut a ua pana ena lum estam jogam en casa es dimenges. Eth Districte sense aué cap de comunicacion per email entara U.E. Bossòst a indicat ena pàgina web que eth partit estaue aplaçat.

Un líder massa fort

J.S. Carbonne II 3 - U.E. Bossòst 1

Partit complicat dauant eth líder aguest dissabte passat en Carbonne. Auérem era prumèra ocasion sonque començar en un long desplaçament damb eth que suspreníem ara defensa, mès eth shut d’Ignasi passèc a tocar deth garròt. Enquias 25 menutes, jòc igualat sense guaire ocasion. Ua dusaua jogada d’un cornèr: Pronello, tot solet, en dusau garròt remataue de cap e mercaue eth 1-0. As 5 menutes aguest madeish jogador en un ràpit contraatac, eth sòn chut ras susprenie ath nòste portèr : ère eth 2-0. Sajèrem de retalhar distàncies en mercador abantes deth descans e auérem dues clares ocasions : un cop de cap de Aitor C., que treiguie un jogador dera línha de gol; ua bona rematada de Luis qu’anaue a tocar eth garròt dera portería. Damb eth 2-0 s’arribaue ath descans.

Ena dusaua mietat mos costèc mès arribar en camp contrari e ath Carbonne l’anaue ben controlar eth partit. Sí que creauem perilh enes lançaments de cornèrs e fautes. En un lançament de fauta, Riviere II profitaue era pilota desviada per Pol entà mercar eth 3-0. A 5 menutes deth finau, artenhíem eth premi deth gol quan Felipe remataue de cap: ère eth 3-1, resultat ath finau deth partit.

Ua auta derròta que mos complique era classificacion. Mos auem de retrobar damb era victòria çò més lèu possible.

Classificacion: Carbonne e Landorthe 26, St. Gaudens 20, F.C. Mabroc 19, Etoile du Cagire 18, Boulogne e Montastruc 17, Luchon 14, U.E. Bossòst 13, Vill. Lecussan 10, Isle en Dodon 8, Aurignac 3.

Eth plòplèu partit se jogue en Bossòst, eth dimenge 17/02/19 tàs 15 :00 ores  contra er equip der E.F.C. Aurignac II.

J.S. Carbonne II : Malherbe, Tullot, Chauvignat, Bardou, Balat, Faure, Miquel, Sallandre, Riviere I., Riviere II, Pronello.. Remplaçants : Fleury, Boue I, Boue II.

Trainer : Massip Florian.

Tarjetes auriòles : Bardou.

U.E. Bossòst: Pol, Aitor C., Felipe, Borja, Jaime, Àlex, Edu, Juan, Alvaro, Ignasi, Luis. Remplaçants: Javi, Aitor V.

Trainer: Adrián

Tarjetes auriòles: Edu.

Gols : 1-0 Pronello (30’), Pronello (35’), 3-0 Riviere II (70’), 3-1 Felipe (85’).

Arbitre: El Ghazouani Brahim.

 Liniers: Sanmartino Remi, Zeggah Mourad.

Jornada damb molt poqui partits

Aguesta passada dimenjada molt poqui sigueren es partits que se pogueren jogar pr'amor es condicions deth temps non ath deisheren èr.
Eth plòplèu partit ei dissabte 9 de hereuèr tàs 18:00 en Carbonne contra er equip locau, líder dera categoria.