¡¡¡ Non pòt èster !!!

R.C.S.O Isle en Dodon 4 - U.E. Bossòst 3

Derròta en un partit que jamès auíem de pèrder. Partit mercat pera jogada ara fin dera prumèra mietat, quan un esplèndid lançament de fauta d’Uri entraue pera esquaira dera portería e ère eth 1-2 ath nòste favor. Laguens dera portería estauen uns garròts de rugby que toquèren era pilota e tornaue a gésser. Er arbitre non senhalèc eth clar gol e açò comportèc era protesta de tot er equip aranés, en que sigueren sancionadi dus jogadors damb tarjeta blanca , çò que hèc qu’ena dusaua mietat comencèrem damb dus jogadors de mens; aço ac profitèc molt ben er Isle en Dodon entà mete-se dauant en mercador e ja non siguèc possible era remontada.

Ath finau, derròta per 4-3 en ua situacion jamès vista. Ath finau deth partit er arbitre reconeshie eth sòn error però ja ère massa tard. Auem portat reclamacion conforme eth terren de jòc non complie era reglamentacion e es condicions entà jogar eth partit lo que dempús se veiguèc clarament ena jogada.

Eth plòplèu partit non serà enquia d’aciu dues dimenjades ; dimenge 03/02/19 tàs 15 :00 ores en Bossòst contra er equip der Etoile du Cagire (veiram eth temps se mos deishe jogar donques auem eth camp plen de nhèu).

R.C.S.O. Isle en Dodon : Perez, Roulet, Laffont, Latapie, Brune, Saint Blancat, Salvert, Delavergne, Lozes, Rech, Charlas. Remplaçants : Delas, Richer, Meddah.

Trainer : Gardelle Charles

Tarjetes auriòles : Laffont, Latapie, Salvert, Richer

U.E. Bossòst: Joshue, Aitor V., Felipe, Borja, Gachi, Uri, Juan, Castet, Charles, Álvaro, Ignasi.. Remplaçants: Lil, Marco

Trainer: Adrián

Tarjetes auriòles: Uri.

Arbitre: Mbappe Jean Pierre.

Liniers: Maoulida Attoumani, Jordi Delaurens.

Non passam der empat en casa

U.E. Bossòst 1 – U.S. B.Luchon-Cierp 1

Prumèr partit der an e continuam com er an anterior e se mos escapem dos punts mes en casa. Partit tipic de derby en un terren molt pesat que dificultèc eth jòc des dus equips. Ena prumèra mietat iniciatiua per part der equip aranés que se concretèc en minut 30 damb ua bona jogada pera part dreta, en un centro d’Alvaro que remataue Diego damb un bon shut laguens der àrea, ère eth 1-0. Er equip francés responèc damb jogades a pilota arturada, en tot crear perilh enes lançaments de cornèr. Damb eth 1-0 s’arribaue ath descans.

Ena dusaua mietat er equip deth Luchon-Cierp dèc un pas entà dauant e pressionèc mès e dificultèc eth jòc dera U.E. Bossòst. E atau, dera pression, panèc ua pilota en miei deth camp qu’anaue a acabar en penalty que, shutat per Lansalot, anaue a mercar er empat a 1. D’aquiu ath finau, bones ocasions pera part aranesa: era milhor un espectacular shut de Charles de luenh qu’anaue a tocar eth garròt dera portería de Cazes. Bones rematades de cap de Felipe, Uri que non trobèrem eth premi deth gol. A un gran shut de Aitor C. responèc eth portèr francés desviant era pilota entà cornèr. Ena darrèra jogada ,ua rematada de cap d’Uri gessie nauta.

Domatge un aute viatge de pèrder punts en casa. Cau díder que joguèrem un molt bon partit en tot crear moltes ocasions de gol.

Eth plòplèu partit ei dissabte 19/01/19 tàs 20 :00 ores en Isle en Dodon contra er equip locau.

U.E. Bossòst: Joshue, Aitor V., Felipe, Borja, Àlex, Uri, Juan, Diego, Charles, Álvaro, Héctor S.. Remplaçants: Pipe, Aitor C.

Trainer: Adrian

Tarjetes auriòles: Héctor S.

U.S. B. Luchon-Cierp: Cazes, Farrus, Ardite, Sarrato, Coutinho, Lansalot, Manresa, Salis, Laporte, Berges, Llamas. Remplaçants: Van Mo, Bertin.

Trainer: Farrus E.

Tarjetes auriòles: Sarrato, Coutinho. 

Gols: 1-0 Diego (30’), 1-1 Lansalot (p. 70’).

Arbitre: Marnissi Qasmi Achraf

Liniers: Chenne Jeremie, Abdou Salami Abidhari.

Pendents deth temps

Aguest dimenge 13.01.19 tàs 15:00 jogam eth prumèr partit der an. En Bossòst, derby deth Portilhon:

U.E. Bossòst - B.Luchon-Cierp.