¡¡¡¡ Bones Hèstes e Erós An Nau 2020 !!! vos desiram tot er equip dera U.E. Bossòst a toti es socis e aficionats.

Non auem pogut jogar

Eth partit d'aguesta net non auem pogut jogar. Tàs 19:00 a començat a ploi e a deishat eth terren de joc impracticable entà jogar.

Partit suspenut

Eth partit de deman dissabte 14.12.19 que auiem de jogar en Gourdan Polignan contra er equip deth Pyrenées Sud a estat suspenut.

Era semana que ven dissabte 21.12.19 tàs 20:00 partit en Bossòst contra er equip deth Boulogne II, jogaram eth darrèr partit d'aguest an.

Mereishíem un milhor resultat

U.E. Bossòst 1 – F.C. St Lys O. 3

Partit disputat aguest darrèr dissabte en Bossòst en un terren de jòc fòrça trende que dificultèc eth jòc des dus equips.

Tot eth partit siguec de domini e iniciatiua aranesa, mès eth St. Lys profitèc molt ben es sues oportunitats. Ath delà, ena prumèra jogada en ua pujada pera banda Cuy queiguie lesionat pera entrada deth defensa. As 20 menutes Aubert ja auie mercat dus gols : eth prumèr en remassar ua pilota mau despejada per defensa e que profitaue entà shutar ras e eth dusau en ua jogada personau que finalizaue damb un gran shut des de dehòra der àrea. Era U.E. Bossòst auec 4 fautes ath bòrd der àrea que non podec profitar. En un cornèr, Aitor remataue molt ben de cap entath 1-2. Auíem oportunitats entà empatar mès eth resultat ath descans serie 1-2.

Ena dusaua mietat encara siguec mès clar eth domini dera U.E. Bossòst : auec dues bones oportunitas damb shuts d’Àlex e Álvaro laguens der àrea petita. Eth St. Lys profitèc era darrèra jogada deth partit entà mercar eth 1-3 e deishar sentenciat eth partit.

Ath finau ua auta derròta en un partit que mereshíem un milhor resultat. Creèrem fòrça oportunitats mès non les saberem profitar. Er equip luitèc ath màxim entà trèir un resultat positiu mès non podec èster.

Eth pròplèu partit, jogam en Gourdan Polignan aguest dissabte dia 14/12/19 tàs 20 :00 ores contra er equip Pyrenées Sud Comminges.

U.E. Bossòst: Pol, Aitor, Cuy, Uri, Peiró, Àlex,  Pau, Charles, Diego, Javi, Ignasi. Remplaçants: Álvaro, Marco, Gachi.

Trainer: Adrian Moga.

Tarjetes auriòles : Uri.

F.C. St Lys O. : Gilabert, Bicheyre, Freixedas, Fanardjian, Carvalho, Fabre, Torres, Trupiano, Henriques, Aubert, Tisserand. Remplaçants: Oubreyrie, Moreau.

Trainer: Bicheyre Jean Philippe.

Tarjetes auriòles : Fanardjian, Torres.

Gols: 0-1 Aubert (10'), 0-2 Aubert (18'), 1-2 Vivancos (35'), 1-3 Aubert (90').

Arbitre: Marnisi Qasmi Achraf

Liniers: Encausse Mathias,  Senges Pierre.

Patim ua golejada en Toulouse

Tolouse Metropole III 7 - U.E. Bossòst 0

Partit disputat en Toulouse en un camp d’herba sintetica. Ena prumèra mietat eth Toulouse Metropole III portèc era iniciatiua deth joc més tampoc auèc guaire ocasions de gol. As 25 menutes Saci mercaue eth prumèr en rematar tot solet laguens der àrea. Auerem ua bona ocasion en un shut de Jose Carlos que passèc a tocar det garrot. Damb eth 1-0 s’arribaue ath descans.

Ena dusaua mietat, a compdar dera menuta 10, dempús de que Saci en un shut de “chilena” mercaue un gran gol, er equip aranés se veiguèc impotent entà continuar damb era sua seguridad defensiua dera prumèra mietat e eth Toulouse  Metropole trobèc ua autopista entà arribar un viatge darrèr d’un aute ena porteria de Pol entà anant mercant gols enquia arribar a 7.

Dauant un equip fòrça joen e damb ua bona condicion física patim aguesta golejada que mos mantier ena zona baisha dera classificacion. Mos cau ua victòria entà recuperar es ànims.

Eth pròplèu partit, jogam en Bossòst aguest dissabte dia 07/12/19 tàs 20 :00 contra er equip F.C. Saint- Lys Olympique.

F.C. Tolouse Metropole III : Bibal, Dionso, Gaubert, Saiti, Agyarko, Niane, Mosquera, Raffin, Saci, Camara, Seymour. Remplaçants : Chanvin.

Trainer : Boursier Yannick.

Tarjetes auriòles : Aniane.

U.E. Bossòst: Pol, Aitor, Jaime, Borja, Àlex, Rella,  Pau, Jose Carlos, Marco, Javi, Kim. Remplaçants: Javito, Uri.

Trainer: Adrian Moga.

Tarjetes auriòles : Uri.

Arbitre: Cappe Erwan.

Liniers: Mbida Luden, Mechehoud Lakhdar.

Un Carbonne milhor se´n pòrte es 3 punts de Bossòst

U.E. Bossòst 1 – J.S. Carbone II 3

Partit que tornàuem a jogar en nòste camp de Bossòst dempús de complir era sancion de tres partits. Eth terren de jòc ère plan pesat degut ara ploja, çò que dificultèc eth jòc des dus equips. Eth Carbonne gessec fòrça fort en partit e realizèc ua bona pression dera pilota. As 20 menutes, eth delantèr Pronello profitaue ua pilota longa entà plantà-se dauant deth nòste portèr debutant Vázquez entà mercar eth 0-1. Eth madeish Pronello dempús d’ua bona jogada ath bord der àrea se treiguie de dauant ath sòn defensor e shutaue entà mercar eth 0-2.  Ena prumèra mietat mos costèc fòrça arribar en àrea francesa e non siguec enquias darrères menutes en que Charles shutaue e Jeannot desviaue era pilota entà cornèr quan Ignasi auec ua bona ocasion. Damb eth 0-2 s’arribaue ath descans.

Ena dusaua mietat gessérem milhor e sonque començar Ignasi shutaue era pilota en garròt dera portería francesa. Eth bon jòc aranés auec eth premi en gol que mercaue Charles dempús d’ua bona jogada. Auérem er empat enes botes d’Ignasi en ua clara ocasion. Deth possible 2-2, passèrem ath 1-3 en ua pilota longa que Miquel profitèc entà mercar en tot sentenciar eth partit.

Ath finau, derròta dauant un Carbonne que siguec un sinhau milhor e que mos mantie enes darrèrs locs dera classificacion: Luchon 14, Roques e St. Lys 13, Toulouse Metropole 12, Boulogne 10, Carbonne e Montastruc 7, St. Gaudens 6, Pyrenées Sud e Le Fousseret 5, Villeneuve de Rivière e Bossòst 3,  SaliesMane 1.

Eth pròplèu partit, mo´n vam a jogar en Toulouse per prumèr viatge en un campionat eth dissabte dia 30/11/19 tàs 20 :00 ores en camp des Argoulets 2 contra er equip deth Toulouse Metropole III.

U.E. Bossòst: Vázquez, Aitor, Cuy, Borja, Àlex, Uri, Rella,  Pau, Charles, Marco, Àlvaro. Remplaçants: Julián, Muñoz, Ignasi

Trainer: Adrian Moga.

J.S. Carbone II: Jeannot, Tullot, Bacharan, Chauvignat, Garcia, Anthony, Gallay, Riviere, Pronello, Gacquer, Miquel. Remplaçants: Aroles, Balat.

Trainer : Massip Florian.

Gols : 0-1 Pronello (20’), 0-2 Pronello (35’), 1-2 Charles (70’), 1-3 Miquel (80’).

Arbitre: Darnaud Claude.

Liniers: Tournie Damien, Smara Mathieu.

Delegat : Pouteau Alain.

Non te quedes sense!!!!, loteria de Nadau dera U.E. Bossòst

Partit suspenut

Eth partit d'aguesta dimenjada qu'auiem de jogar deman dissabte 9 de noveme tàs 20:00 en Mane contra er equip eth Salies Mane 3 a estat suspenut.

Derròta dolorosa

U.E. Bossòst 1- E.S. Le Fousseret Mondavezan 2

Partit jogat aguest dimenge en Garòs en un terren de joc pesat e que dificultèc eth joc des dos equips. Ena prumera mietat mos auançauen en mercador en ua jogada d'Alex qu shutèc desde dehora der àrea e mercaue un polit gol, 1-0. Non mos durèc guaire era joia, Duchein aprofitaue ua pilota en segon garròt entà empatar a 1 gol. Abantes deth descans ua pilota en garròt entà cada equip. Damb eth 1-1 s'arribaue ath descans.

Ena dusaua mietat, auèrem ocasions mes eth porter francés Amades realitzèc molt bones arturades. A manca de 15' mos quederem damb 10 jogadors, lo qu'aprofitèc eth le Fousseret entà forçar un penalty e mercar Attard eth 1-2. D'aquieu ath finau auerem ua molt bona ocasion dauant deth portèr mes eth shut passaue a tocar deth garròt.

Ath finau derròta dolorosa que mos deishe ena part baisha dera classificacion.

Eth plòplèu partit dissabte 9 de noveme tàs 20:00 en Mane contra er equip SaliesMane 3.

U.E. Bossòst: Pol, Jaime, Hector, Borja, Peiró, Uri, Pau, Alex,Paba, Kim, Pipe. Remplaçants: Bisito, Rella, Diego.

Trainer: Adrian.

Tarjetes auriòles: Hector, Bisito.

Tarjeta vermelha: Paba.

E.S. Le Fousseret Mondavezan: Amades, Caillouet, Tournier, Bistes, Attard, Duchein, Cester, Boudjahfa,

Chamayou, Pons, Pujol. Remplaçants: Durrieu, Feugueray, Dartigues.

Trainer: Gardelle Charles.

tarjetes auriòles: Duchein,Dartigues.

Gols: 1-0 Alex (20'), 1-1 Duchein (25'), 1-2 Attard (p.80').

Arbitre: Herylaza Elyvio.

Liniers: Fecil Bruno, Salgues Christophe.

Delegat: Auge Patrick.

Dimenge jogaram en Garós

Dimenge 3 de noveme tàs 15:00 jogaram contra er equip E.S. Le Fousseret Mondavezan en Garós, entà complir eth darrèr partit de sancion deth nòste camp.

¡¡¡ Vos demoram a toti !!!

Mos manquèc fòrça pòc tà empatar

F.C. Villeneuve de Rivière 2 - U.E. Bossòst 1

Partit jogat aguest darrèr dissabte en Villeneuve de Rivière contra un equip que a baishat de categoria aguesta sason. Eth partit començèc damb domini francés e , as 10 menutes , auie ua bona oportunitat Lompech que se plantaue tot solet dauant de Marcos, mès eth sòn shut siguec desviat entath cornèr peth portèr aranés. En un saque deth portèr Dupuy, en no despejar era defensa era pilota anaue a produsir ua jogada de Riqueza qu’anaue a acabar en un clar penalty deth nòste portèr. Eth penalty shutat per Riqueza suposaue eth 1-0. Era U.E. Bossòst responec damb ua bona jogada ena qu’eth shut de Castet anaue a tocar era part de naut deth garròt dera porteria. En ua jogada mau defenuda, Lompech tot solet remataue a plaser eth 2-0. Auérem ua bona ocasion en un shut de Roberto qu’eth portèr desvièc entath cornèr. Damb eth 2-0 s’arribaue ath descans.

Ena dusaua mietat dèrem un pas endauant e siguérem er equip que portèc era iniciatiua deth jòc. Eth Villeneuve de Rivière se dediquèc a enviar pilotes as veterans mès bons delantèrs Riqueza e Milan entà cercar era esquia dera defensa aranesa. En ua bona jogada ena banda dreta, eth centre arribaue a Luis qu’empalmèc era pilota entà mercar eth 2-1. Encara mos quedaue temps entà empatar. Estèrem lèu en ua fauta shutada per Uri que passèc a tocar deth garròt. Er arbitre, a instàncies deth linier, anulaue un gol ath Villeneuve de Rivière per dehòra de jòc ( molt protestat pes jogadors e public francés) Ena darrera jogada auérem er empat enes botes d’Uri mès eth sòn shut laguens der área petita gessie per dessús dera portería.

Ath finau, derròta per 2-1. Domatge es petiti errors en dues pilotes ena prumèra mietat en que mos marquèren es 2 gols. Ena dusaua mietat mos manquèc molt poc tà empatar eth partit.

Classificacion dempús de 4 jornades: St. Lys e Roques 10, Luchon 8, Boulogne 7, St.Gaudens e Toulouse Metropole 6, Pyrenées Sud 5, Carbonne 4, Villeneuve de Rivière e Bossòst 3, Le Fousseret 2, Montastruc e SaliesMane 1.

Eth pròplèu partit, non serà enquia d’aciu dues dimenjades : dimenge dia 03/11/19 tàs 15 :00 ores en camp de Garós contra er equip deth E.S. Le Fousseret Mondav.

F.C. Villeneuve de Rivière : Dupuy, Masi, Dubois, Moreno, Carceller, Snela, Ribet, Marsand, Milan, Riqueza, Lompech. Remplaçants : Dessaint, Latour, Ribet.

Trainer: Clemencon Laurent.

Tarjetes auriòles : Snela, Moreno.

U.E. Bossòst: Marcos, Aitor V., Alejandro, Uri, Àlex,  Pau, Luis, Pipe, Castet, Àlvaro, Roberto. Remplaçants: Marco, Rella, Adri.

Trainer: Adrian Moga

Tarjetes auriòles : Marcos, Luis, Àlex.

Gols : 1-0 Riqueza (p. 20’), 2-0 Lompech (40’), 2-1 Luis (75’).

Arbitre: Lacoste Fabien,

Liniers: Benghoune Mounir, Ech Chetouia Ishaq.

Dolenta dusaua mietat entà quedar eliminadi dera Copa

Labarthe de Rivière 2 - U.E. Bossòst 1 

Partit jogat aguest darrèr dissabte en Labarthe de Rivière, corrresponent ara Copa Departamentau Sud. Ena prumèra mietat auérem ues quantes ocasions entà sentenciar eth partit, mès ja se sap... se perdones, ath finau acabes en tot pagar. Per dus viatges Pipe, trincaue eth dehòra de jòc e se presentaue dauant deth portèr mes non acabaue de trapar eth gol. Dempús d’un shut d’Ignasi, era pilota despejada per Rodríguez queiguie enes botes de José Carlos que tot solet en àrea petita shutaue per dessús dera portería. Eth Labarthe de Rivière creèc ua ocasion de perilh en un centre que non trobèc rematador. En ua jogada de Pau, eth portèr non acabèc de despejar eth centre e Castet en dusau garròt shutaue entà mercar eth 0-1. Damb aguest resultat arribàuem ath descans.

Ena dusaua mietat, sonque començar, Àlvaro auec dus bones ocasions peth costat esquèr que per molt poc non acabèrem laguens dera portería. Eth Labarthe de Rivière trobèc un horat ena defensa aranesa e Sacau anaue a empatar a 1 eth partit, mercant en un shut ras dauant de Marcos. Es causes se complicauen quan Araud en ua jogada semblanta mercaue eth 2-1. Era U.E. Bossòst sajèc d’empatar eth partit, mès tampoc auec era sort de cara e ua rematada de cap d’Aitor V., anaue a tocar eth garròt dera portería francesa.

Ath finau derròta que comporta era eliminacion dera Copa; domatge non auer estat mès contundent damb es ocasions qu’auérem. Ara, sonque a pensar en campionat.

Eth pròplèu partit, dissabte dia 19/10/19 tàs 20:30 ores en camp de Villeneuve de Rivière contra er equip locau, partit corresponent ara 4au jornada de Liga.

Labarthe de Rivière : Rodríguez, Lahor, Blanchet, Cartery, Costillie, Grenier, Morvan, Araud, Mechitoua, Segura, Decap. Remplaçants: Blanc, Sacau.

Trainer: Rigaut Guillaume.

Tarjetes auriòles : Mechitoua, Blanc. 

U.E. Bossòst: Marcos, Pipe, Alejandro, Jaime, Aitor V. Àlex, Uri, Pau, José Carlos, Castet, Àlvaro, Roberto. Remplaçants: Salva , Julián, Dani.

Trainer: Felipe

Tarjetes auriòles : Marcos. 

Gols : 0-1 Castet (25’), 1-1 Sacau (70’), 2-1 Araud (75’). 

Arbitre: Ghazouani Moudher.

Prumèra victòria deth campionat

U.E. Bossòst 3 – F.C. Montastruc de Salies 1 

Partit corresponent ara 3au jornada deth campionat e que, per sancion, joguèrem en Camp de Garós. Ena prumèra mietat partit igualat. Ath quart d’ora Roberto panèc ua pilota ara defensa e eth sòn centre siguec rematat per José Carlos entà mercar eth 1-0. Eth Montastruc auec un parelh d’ocasions enes botes de Cardillo mès eth nòste portèr León damb dues bones arturades desvièc era pilota entath cornèr. Damb eth 1-0 s’arribaue ath descans.

Ena dusaua mietat, en dues jogades molt semblantes, Luis s’escapaue dera defensa francesa e mercaue damb un shut ras ena gessuda deth portèr: èren eth 2-0 e 3-0. Quan semblaue qu’auríem un final de partit tranquil, un autogol de Rella en ua fauta, dèc talents ath Montastruc entà apropà-se ara nòsta portería, mès eth mercador non se botjèc.

Ath finau, bona victòria per 3-1 entà sumar es prumèrs punts deth campionat. Er arbitratge siguec un sinhau descompensat: 4 tarjètes auriòles entà nosati e cap entath equip contrari.

Volem dar es gràcies ar Ajuntament de Naut Aran per deishar jogar aguest partit de sancion en sòn magnífic terren de jòc e tanben ara aficion que se desplaçèc entà animar ath sòn equip e auer eth sòn suport coma se joguèssem en Bossòst.

Eth pròplèu partit, dissabte dia 12/10/19 tàs 20:00 ores en camp de Labarthe de Rivière contra er equip locau, partit corresponent ara dusau eliminatòria dera Copa Departamentau Sud ( Comminges).

U.E. Bossòst: León, Pipe, Álvaro, Borja, Àlex, Uri, Rella, José Carlos, Diego, Lil, Roberto. Remplaçants: Pau, Julián, Luis.

Trainer: Adrian

Tarjetes auriòles : Rella, Luis, José Carlos, Julián.

F.C. Montastruc de Salies: Darmani, Brun, Cucuron, Fargal, Ribet, Saint Martin, Da Costa, Kristen, Boue, Cardillo, Lougarre. Remplaçants : Chauvet, Franceries.

Trainer : Arcangeli Thomas.

Gols : Jose Carlos (15’), 2-0 Luis (55’), 3-0 Luis (70’), 3-1 Rella (pp 80’).

Arbitre: Castro Antoine.

Liniers: Sammartino Remi, Magne Bertrand.

Delegats : Raymond Michel, Pouteau Alain.

Jogaram en Garós

Eth partit dera U.E. Bossòst contra eth F.C. Montastruc de Salies corresponent ara 3au. jornada deth campionat se jogarà dissabte 5 d'octobre tàs 16:00 en Garós. Aguest ei eth dusau partit que complim de sancion deth nòste terren de jòc, encara mos manque complir un aute partit.

Patim ua bona golejada mès portam ua reclamacion tecnica per ua decision arbitrau

Comminges St. Gaudens 6 - U.E. Bossòst 0

Partit corresponent ara dusaua jornada deth campionat en camp deth Comminges St. Gaudens. Mos presentèrem damb un equip justet que sajèc de dar tot en camp, mès ath finau se mos hec massa long. Ath delà siguérem perjudicadi per ua decision arbitrau pera que presentèrem ua reclamacion tecnica.

Sonque començar e sense arribar ara prumèra menuta, perdíem ua pilota ena defensa e eth delantèr Gramont mercaue eth 1-0. Massa lèu aguest gol, mès er equip se retrobèc e non joguèc bric mau. Eth Comminges St Gaudens dominaue e nosati sajàuem de suspréner ara contra. Ena menuta 40 er arbitre mos fiulèc un penalti a favor per mans d’un defensor; eth penalti shutat per Paba siguec gol, mès er arbitre ac anulèc pr’amor un jogador aranés entrèc laguens der àrea. En compde de hèr repetir eth lançament, fiulèc falta en contra nòsta. Ena prumèra arturada de jòc, eth nòste capità presentèc ua reclamacion tecnica ar arbitre pera decision qu’auie prenut. Ath delà, enes contestes dera non repeticion deth penalti, expulsèc 10 menutes a un jogador. Damb 1-0 s’arribaue ath descans.

Ena dusaua encara damb 10 jogadors, er equip francés mercaue eth 2-0. Açò ja siguec ua losa massa grana que hec molt de mau ara U.E. Bossòst. Atau mercauen eth 3-0 e 4-0 en ues jogades molt semblantes. A un quart d’ora deth finau mos quedàuem un aute viatge damb 10 jogadors per tarjeta vermelha. Açò non desaprofitèc eth Comminges entà mercar dus gols mès.

Ath finau golejada per 6-0, non podem èster sonque 11 jogadors sense cap cambi entà començar aguest campionat que se presente encara mès complicat qu’er anterior.

Mès non comprenem pas era decision arbitrau en penalti shutat; veiram que passarà damb era nòsta reclamacion. En principi, se reconeishen er error der arbitre, eth partit s’aurie de repetir.

Era dimenjada que ven non jogam ; eth pròplèu partit serà eth dia 05/10/19 tàs 20 : 00 ores en camp de Garós contra er equip deth Montastruc de Salies.

Comminges St. Gaudens : Ader, Marcos, Giménez, Castan, Noudofinin, Arieu, Casse, Lecussan, Gramont, Guers, Diakite. Remplaçants : Batmalle, Decap, Haran

Trainer : Cassaigneau Cedric.

Tarjetes auriòles : Marcos, Diakite.

 U.E. Bossòst: León, Jaime, Aitor V., Borja, Héctor, Àlex, Paba, Adrian, Marcos, Castet, Salva.

Trainer: Felipe

Tarjetes auriòles : Paba.

Tarjeta vermelha: Héctor (80’).

  

Arbitre: Devarulrajah Anthony.

Liniers: Tournie Damien, Abdou Salami Abidhari.

Ua decision der arbitre equivocada mos aparte dera Copa de Midi

F.C. Montastruc de Salies 2 - U.E. Bossòst 1

Partit dera 1ª eliminatòria dera Copa de Midi jogat eth diuendres en Montastruc contra er equip locau. Presentauem un equip damb fòrça baishes mes joguerem pla ben.

Ena prumèra mietat, partit igualat damb poques oportunitats. Eth Montastruc as 20’ aprofitèc un lançament de corner entà que Saint Martin rematese tot solet de cap eth 1-0. Er equip aranés responèc sajan de dominar eth joc e auèc un parelh de bones oportunitats. Eth Montastruc jogaue ath contraatac entà sorprene ara defensa aranesa. Damb 1-0 s’arribaue ath descans.

Ena dusaua mieta, gessèrem fòrça ben en partit e as 5’ Javi Castet aprofitaue ua pilota longa entà plantase dauant deth portèr francés e marcar d’un shut ras. Ere eth 1-1, aguest gol mos dèc talents entà dominar eth joc. Mes non compdauen damb era decision der arbitre d’expulsar a Lil per ua protesta en ua falta que non auie fiulat, per ua paraula qu’entenèc en ua frase lo envièc ara dutxa. Açò penalitzèc fòrça ar equip aranés, mos costaue més arribar en área francesa. Er equip francés aprofitèc de jogar contra 10 e a manca de casi 10’, Lacarrere I aprofitaue ua pilota laguens der área entà shutar e marcar eth 2-1, resultat ath finau des 90’.

Ath finau, eliminacion dera Copa de Midi pera dolenta decision arbitrau.

Era dimenjada que ven, començam eth campionat, jogam eth dia 21.09.19 tàs 20:30 en Stade de Sede en St. Gaudens contra er equip locau.

F.C. Montastruc de Salies : Darmani, Cucuron, Lacarrere II, Ribet, Cardillo, Christien, Casties, Saint Martin, Pons, Lacarrere I, Peretti. Remplaçants : Chauvet, Martin, Boue.

Trainer : Denat Alexis

Tarjetes auriòles : Christien, Casties.

U.E. Bossòst: Adrian, Pipe, Aitor V., Borja, Àlex, Rella, Paba, Gachi. Ivan, Lil, Castet. Remplaçants : Roberto.

Trainer: Felipe

Tarjeta vermelha: Lil (55’).

Gols : 1-0 Saint Martin (20’), 1-1 Castet (50’), 2-1 Lacarrere I (82’).

Arbitre: Cheik Omar Soiyffidine

Sorteig Copa de Midi

En sorteig d'aguesta semana deth 1º Tour dera Copa de Midi, jogaram eth 14 de seteme tas 20:00 en camp deth Montastruc de Salies.

Eliminadi dera Copa de França

Partit que auem jogat aué en Cierp, damb molta calor. Era contundència der equip francés mos guanhen per 2-4.

Sonque comença ena prumèra menuta, gran gol de Pavageau que place era pilota ena esquaira de Pol. Non siguec enquiath menut 30 que Lil empataue eth partit dempús d'ua bona jogada d'Àlex. Abantes dera mietat, dues accions contundents der equip francés, Raynaud s'aunça ara defensa e marca ena gessuda de Pol e ara seguida Pavageau sorprend ath porter aranés en un shut de lueny que passe per dessus. Auerem ua mol bona ocasion d'Aitor C. entà reduir eth mercador, mes tot solet shutec per dessus deth garròt.

Ena dusaua mietat sajerem de reduir es distàncies en mercador mes eth porter Viallard non ath deishec. Per contra, en un error dera defensa Raynaud, aprofitec entà mercar eth 1-4. A 10 menutes deth finau en ua pilota daurida ena dreta, Salva mercaue eth 2-4. Auerem vera ocasion mes entà apropamos en mercador mes non siguec possible.

Ath finau, derròta massa abultada vist eth niveu des dos equips, era calor perjudic fòrça e es francesi sigueren mes contundents enes dues àreas.

U.E. Bossòst: Pol, Aitor V., Jaime, Sala, Borja, Marco, Aitor C., Alex, Lil, Hector, Peiro. Remplaçants: Edu, Diego, Salva.

Trainer: Adrian Moga.

Tarjetes jaunes: Marco, Alex, Lil.

F.C. Canal Nord: Viallard, Tignol, Rosa, Francois, Morano, Marconett, Raynaud, Caron, Rossignon, Pavageau, Combettes. Remplaçants: Belmonte, Rezzoug, Bisinotto

Trainer: Carriere Ludovic.

Tarjeta jauna: Caron

Arbitre: Lairs Philippe.

Delegué: Mme Ager Claudette.

Jogaram dimenge

Eth partit entre U.E. Bossòst - F.C. Canal Nord corresponent ara 1ª eliminatòria de Copa de França se jogarà en Cierp-Gaud dimenge 25.08.19 tàs 15:00.

Era U.D. La Fueva guanhe eth Trofeig Memoriau Manuel Huguet

En partit jogat eth 15 d'agost era U.D. La Fueva guanhèc per 1-2 eth XXX Memoriau Manuel Huguet.

Ena prumèra mietat era U.D. La Fueva s'auançàuem damb dus gols. Damb eth 0-2 s'arribaue ath descans. Ena dusaua mietat era U.E. Bossòst mercaue eth 1-2 e auec oportunitats entà artènher er empat, mès non podec èster.

XXX Trofeig Memoriau Manuel Huguet

Aguest dijaus 15 d'agost tàs 19:30 laguens des actes dera nòsta Hèsta Major, jogaram eth partit deth XXX Memoriau Manuel Huguet contra er equip U.D. La Fueva que jogue en grup 2 dera 1ª regionau d'Aragon.
En aguest partit eth nòste equip portarà es naues samarretes patrocinades peth Bingo Bossòst.

Grup damb naui equips

Cambis importants en grup B dera categoria Departamentau 2. Auem 7 equips naui respècte ar an passat, e auem desplaçaments enquia Toulouse.
Relacion des equips:
Comminges St. Gaudens II, Boulogne II, Carbonne II, Le Fousseret, Montastruc de Salies, Roques, St. Lys, Toulouse A.C., Toulouse Metropole III, Villeneuve de Riviere, Salies Mane III, U.E. Bossòst.

Començam es entrenaments

Aué deluns 29 de junhsèga, er equip dera U.E. Bossòst començe es sòns entrenaments de pretemporada entà premanir er equip entara sason 2019-2020.
Coma tostemp se presentarà dauant dera sua aficion en partit dera Hèsta Major eth dia 15 d'agost.
Dempús, entara dimenjada deth 24-25 d'agost, auem eth prumèr partit oficial, 1ª eliminatòria dera Copa de França:
U.E. Bossòst - F.C. Canal Nord

Aguest dimenge 2 de junh es finals des copes

Dimenge 2 de juny en Stade de Sede en Saint-Gaudens, partits des diferents finals dera Copa Departamentau Sud. Er orari ei:

14h30 – Finale Féminines U18 à 8 – Plaine de Jeux

EAUNES.LABARTHE.MURET / J.E.T

♦ 14h30 – Finale Féminines U15 à 8 – Plaine de Jeux

US COLOMIERS / J.E.T

♦ 14h30 – Finale Féminines Séniors à 8 – Plaine de Jeux

LABEGE FC / SC BRUGUIERES

♦ 14h30 – Finale Féminines Séniors à 11 – Terrain Honneur

RAMONVILLE US 2 / PLAISANCE DU TOUCH

♦ Coupe Départementale Sud Comminges

16h30 Finale Séniors Hommes – Terrain Honneur

US SALIES.MANE / MONTASTRUC DE SALIES FC

¡¡¡ Bona victòria entà acabar eth campionat !!!

F.C. Mabroc II 1 - U.E. Bossòst 3

Darrèr partit deth campionat e bona victòria. Partit en que demostrèrem era nòsta superioritat ath long des 90 menutes. Ena prumèra mietat auiem d’aué sentenciat eth partit; sonque marquèrem un gol, d’eth joen jogador Alvaro qu’aprofitèc ua passada d’Alex, mes auèrem fòrça oportunitats entà mercar mes non siguèc atau, uns viatges pera bona actuación de porter Firmino e d’auti per non acabar de shutar ben laguens dera porteria. Damb eth 0-1 s’arribaue ath descans.

Ena dusaua mietat artenhiem eth 0-2 en un shut ras de Llonch desde dehora der àrea. Eth F.C. Mabroc non se dèc per batut e reduie distàncies en mercador aprofitam ua jogada embolicada en área aranesa. Ena darrèra minuta Marco, mercaue de cap eth definitiu 1-3, resultat ath finau des 90 menutes.

Ath finau, acabam en 5º lòc dera classificacion. Un campionat fòrça irregular, sonque 13 punts en prumèr tour e 20 punts en dusau tour.

¡¡¡ Tornaram a finaus de junhsega o prumèrs d’agost enta premanir era sason 2019-2020!!!

Era classificacion finau ei: Lanhorthe 51 e campion, Carbonne 50, Boulogne, 36, Luchon, 35, U.E. Bossòst 33, St. Gaudens 32, Montastruc 30,  Etoile du Cagire 28, F.C. Mabroc 27, Villen. Lecussan 24, Isle en Dodon 20, Aurignac 2.

F.C. Mabroc II : Firmino, Bousquet, Falempe, Boucher, Gomes, Cazes, Leymarie, Thevenot, Martin, Nadal, Granda. Remplaçants : Dominguez, Sape, Maleplate.

Trainer : Tetard Guy.

Tarjetes auriòles : Maleplate.

U.E. Bossòst: Pol, Aitor V., Sala, Felipe, Borja, Peiró, Àlex, Llonch, Luis, Alvaro, Paba,  . Remplaçants: Pipe, Marco, Marcos.

Trainer: Adrian.

Tarjetes auriòles: Luis, Paba, Felipe.

Gols : 0-1 Alvaro (30’), 0-2 Llonch (70’), 1-2 (85’), 1-3 Marco (90’).

Arbitre: Devarulrajah Antony.

Liniers: Mbida Luden, Lacave Fabrice.

¡¡¡ Petita victòria !!!

U.E. Bossòst 2 – R.C.S.O. Isle en Dodon II 0

Victòria cuerta en un partit en qu’eth rivau solet venguec a deféner. Mos costèc dar velocitat ath nòste jòc e non podérem suspréner ara defensa francesa. Es gols non arribèren enquiara dusaua mietat, en un penalty per mans d’un defensa que transformèc Felipe. Un shut deth madeish Felipe 10 menutes mès tard, rebotèc en un defensa e era pilota se calaue laguens dera portería.

Tres punts que mos situen en miei dera taula e qu’ei era posicion a on seram a sauve de tot. Dera categoría de Regional 3, baishen segur Aurignac e Encausse damb lo que repercutis ena nòsta categoria e, a dia d’aué, baishem 6 equips pr’amor qu’eth prumèr equip der Isle en Dodon tanben ei en posicion de descens. Mos caleràr sumar aumens un punt ena darrèra jornada entà èster sauvadi matematicament e non depéner de cap resultat.

Era classificacion, a manca d’ua jornada, ei:

Classificacion: Lanhorthe 50, Carbonne 49, Boulogne, 36, Luchon e St. Gaudens 32, U.E. Bossòst 30, Mabroc e Montastruc 27, Etoile du Cagire 25, Villen. Lecussan 21, Isle en Dodon 20, Aurignac 2.

Eth pròplèu e darrèr partit deth campionat, jogam en Martres Tolosane dissabte 25/05/19 tàs 20 :00 ores  contra er equip deth F.C. Mabroc II.

U.E. Bossòst: Jhosue, Aitor V., Sala, Felipe, Borja, Peiró, Àlex, Luis, Hector ,  Paba, , Oriol. Remplaçants: Aitor C., Marco, Ignasi.

Trainer: Adrian-Uri.

Tarjetes auriòles: Luis

R.C.S.O Isle en Dodon II: Perez, Roulet, Laffont, Drex, Brune, Latapie, Dulerm, Saint Blancart, Charlas, Mallet, Fronton. Remplaçants : Benazet, Furton.

Trainer : Gardelle Charles.

Tarjetes auriòles : Latapie, Brune.

Tarjetes vermelhes : Latapie, Brune.

Gols : 1-0 Felipe (p.70’), 2-0 Felipe (80’).

Arbitre: Savy Guillaume

Liniers: Realland Andre Gilles, Clos Matthieu.

¡¡¡ Un empat que non ei bric dolent !!!

U.S. Luchon-Cierp 1 - U.E. Bossòst 1

Partit de derby que non començèrem bric ben. As 3 menutes en una jogada pera banda quèrra non estèrem atents ara pujada deth lateral Costes que se plantaue dauant de Jhosue e shutaue ras entà mercar eth 1-0. Açò hec mau ar equip aranés que le costèc entrar en partit. Eth Luchon as 10 menutes auie ua auta jogada de gol quan Llamas driblaue ath nòste portèr, mès non podie arténher era pilota entà mercar. Passat eth quart d’ora començèrem a apropà-mos ara portería francesa. Auérem bones oportunitats enes botes de Àlex e Oriol que shutaue en garròt. Tamben ua rematada de cap de Paba tot solet laguens der àrea que non trobèc era portería. Damb eth 1-0 s’arribaue ath descans.

Ena dusaua mietat mès domini aranés; embarrèrem ath Luchon en sòn camp e auérem bones oportunitats, mès eth portèr Cazes paraue molt ben eth shut de Paba. Eth perilh rondaue era portería francesa e non siguec enquia 5 menutes tath finau que mos beneficièrem d’un penalti que Felipe s’encarregaue de shutar e mercar. Ère eth 1-1, resultat ath finau deth partit dempús d’ua pana de lum que arturèc eth partit 10’.

Ath finau, un empat que non ei bric dolent dempús de veir eth resultat dera jornada.

Dam es gràcies ara aficion que se desplaçèc en un bon nombre, damb tambors.... en tot crear un bon ambient e dar suport ath sòn equip ( semblaue que jogàuem en casa )

Era classificacion a manca de dues jornades ei:

Classificacion: Lanhorthe 47, Carbonne 46, Boulogne, 35, Luchon, 31, St. Gaudens 29, U.E. Bossòst e Mabroc 27, Montastruc 26, Etoile du Cagire 25, Villen. Lecussan e Isle en Dodon 20, Aurignac 2.

Eth pròplèu partit jogam eth en Bossòst dissabte 18/05/19 tàs 20 :00 ores  contra er equip deth R.C.S.O. Isle en Dodon II.

U.S. Luchon- Cierp: Cazes, Ardite, Costes, Sarrato, Coutinho, Boy, Farrus, Revertegat, Llamas, Zaccariotto, Salis. Remplaçant: Laporte, Bertin, Iche.

Trainer: Salis Jerome.

Tarjetes auriòles: Sarrato, Revertegat.

U.E. Bossòst: Jhosue, Hector, Felipe, Borja, Peiró, Àlex, Gachi, Uri,  Paba, Lil, Oriol. Remplaçants: Pipe, Aitor V., Javi.

Trainer: Adrian.

Tarjetes auriòles: Hector, Gachi

Gols : 1-0 Costes (3’), 1-1 Felipe (p. 85’).

Arbitre: Lacanal Christophe

Liniers: Lairs Philippe, Cazenave Didier.

Recta finau deth campionat

Aguesta dimenjada començam era recta finau deth campionat, entà decidir eth campeon e tamben es equips que baishen de categoria. Seràn tres dimenjades ara seguida.

Eth prumèr partit, derby deth Portilhon en Luchon, deman dissabte 11 de mai tàs 20:00 contra er equip U.S. Luchon-Cierp.

¡¡¡ Vos demoram a toti entà dar suport ar equip en aguest cuert desplaçament !!!

¡¡¡ Victòria petita, mès important !!!

U.E. Bossòst 3 – E.F.C. Aurignac II 1

Partit contra eth darrèr classificat en que artenhérem es tres punts sense jogar un gran partit. Començèrem fòrça ben e as tres menutes Héctor mercaue eth 1-0. Podíem pensar en una victòria fàcil e abultada, mès non siguec atau. Domini territoriau deth jòc, mès non siguec enquia lèu deth descans en qu’Uri mercaue eth 2-0, resultat damb eth que s’arribaue ath descans.

Ena dusaua mietat no dominèrem tant eth jòc e er Aurignac s’apropèc mès ena nòsta porteria. Er Aurignac se beneficièc d’un penalty que transfomèc Cancy II entà reduir es distàncies en mercador: ère eth 2-1. A 5 menutes deth finau, Paba mercaue eth 3-1 entà assegurar era victòria aranesa.

Victòria petita entà agarrar es equips dera part mieia dera classificacion.

Classificacion: Lanhorthe 44, Carbonne 43, Boulogne, 29, Luchon e Mabroc 27, U.E. Bossòst, St. Gaudens e Montastruc 26, Etoile du Cagire 22, Villen. Lecussan 20, Isle en Dodon 17, Aurignac 2. Non toti es equips an es madeishi partits jogats.

 Encara mos quedem 3 partits entà acabar eth campionat que non se jogaràn enquiath mes de mai; es dimenjades deth 11, 18 e 25.

Eth pròplèu partit jogam eth derby deth Portilhon en Luchon eth dissabte 11/05/19 tàs 20 :00 ores  contra er equip der U.S. Luchon-Cierp.

U.E. Bossòst: Jhosue, Aitor V., Aitor C., Jaime, Àlex, Gachi, Uri,  Paba, Dani, Héctor, Oriol F,. Remplaçants: Pipe, Marco, Javi.

Trainer: Adrian.

Tarjetes auriòles: Aitor C., Aitor V.

E.F.C. Aurignac : Shiavon, Cazenave, Defusco I, Ane, Arnaud, Dreher I, Guezenec Canzy I, Benyahya, Defusco II, Dreher II . Remplaçants : Cancy II.

Trainer : Defusco Pierre.

Tarjetes auriòles : Cazenave, Dreher II.

Gols : 1-0 Hector (3’), 2-0 Uri (43’), 2-1 Cancy II (p.75’), 3-1 Paba (85’).

Arbitre: Lacoste Fabien.

Liniers: Clos Matthieu, Herylaza Elyvio.