Derròta contundent mès pendent deth Comité de Competicion

U.S. Cazères 5 - U.E. Bossòst 0

Derrròta contundent dauant deth que ei tà nosati eth milhor equip dera competicion. Eth partit se joguèc en terren sintetic çò que non anèc guaire ben ar equip aranés. Quan ath partit, inciatiua e domini deth jòc per equip francés pendent es 90 menutes. Un equip que, a despient d’anar dusau, a jogadors damb fòrça experiéncia en categories superiors ara nòsta. Non podérem plantar cara e es gols anauen quènt un darrèr der aute ena nòsta porteria. Sonque auérem ua bona ocasion de Luis. Ena mieja part, ja perdíem 4-0.

Ena dusaua mietat mès de lo madeish, mès eth jòc siguec mès igualat e eth Cazères auie pro ventaja en mercador. Auérem un parelh de bones oportunitats entà auer pogut mercar en rematades d’Ignasi e Felipe. En cambi, eth Cazères ja lèu deth finau anaue a mercar eth darrèr gol, molt semblant as tres prumèrs: pilota longa ara esquia e profitar era velocitat des sòns delantèrs entà plantà-se dauant deth nòste portèr e mercar facilment eth gol.

Ath finau deth partit presentèrem reclamacion pera alinhacion deth jogador deth Cazères Conde Oumar que auie de cumplir un partit de sancion a compdar deth 19 de març e per tant non estaue qualificat entà poder jogar aguesta dimenjada. Ara mos toque demorar era responsa deth Comité de Competicion.

Eth pròplèu partit jogam d’açiu dues dimenjades en Bossòst eth dissabte 7 d’abriu tàs 20:00 ores contra er equip der E.F.C. Aurignac II.

U.S. Cazères: Riviere, Conde, Levasseur, Mehhouti, Chauvignat, Fonbonne, Adouin, Rosa, Calvet, Bouaricha, Manenq. Remplaçants : Coutanceau, Couzinet, Calvet II.

Trainer : Clavet Yann.

Tarjetes auriòles : Fonbonne.

U.E. Bossòst: Manu, Miquel, Javito, Borja, Àlex, Salva, Luis, Ignasi, Gachi, Charles, e Moha. Remplaçants: Dani, Cristian

Trainer: Jordi.

Tarjetes auriòles : Salva.

Gols: 1-0 Bouaricha (15’), 2-0 Bouaricha (20’), 3-0 Bouaricha (30’), 4-0 Calvet (40’), 5-0 Manenq (85’).

Arbitre: Bonzom Sebastien.

Liniers : Magne Bertrand, Toumane Saindou.

Victòria fácil

U.E. Bossòst 2 – Etoile du Cagire 0

Victòria facil dauant eth darrèr classificat aguest dissabte en Bossòst. Er equip der Etoile du Cagire arribèc sonque damb 11 jogadors sense cap de cambi e lèu non s’apropèc ena porteria de Manu. Eth domini aranés siguec totau enes 90 menutes, mès mos manquèc contundéncia e, ath delà, bèra decision arbitrau empedic ua victòria mès amplia. Lèu dera mieja ora Ignasi, dempús d’un passe de Gachi mercaue d’un polit shut eth 1-0. Ara seguida s’anulèc un gol a Javi per dehòra de jòc inexistent. Damb eth 1-0 s’arribaue ath descans.

Ena dusaua mietat er equip aranés artenhie un dusau gol en un gran shut d’ Ignasi que plaçaue era pilota ena esquaira dera porteria. Ère eth 2-0. Des d’aquiu ath finau domini insistent der equip aranés sense poder arténher eth premi de un aute gol

Ath finau, victòria important mès cuerta que mos plaçe en 5au lòc empatat a 22 punts damb er Aurignac II..

Eth pròplèu partit jogam en Cazeres eth dissabte 24 de març tàs 20:00 ores contra er equip locau.

U.E. Bossòst: Manu, Salva, Javito, Borja, Àlex, Uri, Paba, Ignasi, Gachi, Charles, e Javi. Remplaçants: Jaime, Alvaro e Marco.

Trainer: Jordi.

Tarjetes auriòles : Uri

Etoile du Cagire : Domench, Mathieu, Cluzet, Brequignan, Roux, Deu, Mienville, Magnesse, Laplagne, Sarradet, Destoup.

Trainer : Campet Alain.

Tarjetes auriòles : Laplagne.

Gols : 1-0 Ignasi (25’),  2-0 Ignasi (75’).

Arbitre: Laven Michael.

Liniers : Smara Sabry, Abdou Salami.

Victòria important

U.E. Bossòst 2 – Ent. Boulogne II 1

Bona victòria era artenhuda pera U.E. Bossòst aguest darrèr dissabte contra er Ent. Boulogne. Ena prumèra mietat dominacion aranesa en jòc e ocasions sense poder acabar de concretar cap. Ath quart d’ora, Paba realizaue ua bona jogada ena que driblaue a dus defensors e shutaue ras, mès era pilota anaue a tocar eth garròt dera porteria francesa. En ua auta jogada eth madeish jogador s’escapaue des defensors, mès eth sòn shut gessie dehòra, en ua molt bona ocasion. Er Ent. Boulogne non podec profitar un passe dera defensa aranesa ath son portèr Manu. Damb eth 0-0 s’arribaue ath descans.

Ena dusaua mietat as 20 menutes mercauen eth 1-0 quan Charles profitaue ua pilota laguens der àrea enta shutar ras a tocar deth garròt. Non durèc guaire era joia en equip aranés pr’amor Castex profitaue ua pilota longa entà mercar de shut sense que Manu podesse arturar era pilota. Ère eth 1-1. Era U.E. Bossòst sajèc de repréner era ventaja en mercador mès enes dus viatges Paba shutaue desviat dera porteria. Er Ent. Boulogne dempús d’un lançament de cornèr, shutaue un bon shut qu’anaue a tocar en garròt. A manca de mens de 10 menutes en ua fauta shutada per Uri, Felipe sautaue damb eth defensa francés e era pilota tocaue era sua esquia e  anaue a entrar laguens dera portería de Masquere. Ère 2-1eth resultat ath finau deth partit.

Ath finau, victòria important entà apropà-mos ar objetiu d’arténher era permanéncia ena categoria.

Eth pròplèu partit jogam en Bossòst eth dissabte 17 de març tàs 20:00 ores contra er equip der Etoile du Cagire.

U.E. Bossòst: Manu, Salva, Javito, Borja, Felipe, Àlex, Uri, Luis, Ignasi, Charles, e Paba. Remplaçants: Marcos, Gachi.

Trainer: Jordi.

Tarjetes auriòles : Uri

Ent. Boulogne II: Masquere, Sicre, Puyol, Pagotto, Chefd Hotel, Sarrabayrouse, Cier, Espy, Castex, Col, Demont. Remplaçants: Louge, Jerome.

Trainer: Subreville Jean Pierre.

Tarjetes auriòles :

Gols : 1-0 Charles (65’), 1-1 Castex (67’), 2-1 Felipe (82’).

Arbitre: Magne Bertrand

Liniers : Riviere Jean C., Gueguen Hugues.

Derròta minima

Pointis- Inard O.C. 1 - U.E. Bossòst 0

Partit en un terren de jòc fòrça dolent e dauant un rivau dificil de jogar que comportèc ua derròta ar equip aranés. Eth partit portèc tostemp era iniciatiua dera U.E. Bossòst e er equip francés sajaue de contraatacar e profitar es lançaments de falta o cornèr entà apropà-se en àrea aranesa. Enes prumères menutes, eth jogador locau Ruz no podec acabar de rematar ben ua jogada de cornèr. Era U.E. Bossòst responec damb un bon shut d’Ignasi qu’eth portèr Dahleb desviaue a cornèr. Lèu deth descans siguec expulsat eth jogador locau Choquart per ua accion d’agresion ath nòste jogador Felipe. Damb eth 0-0 s’arribaue ath descans.

Ena dusaua mietat encara siguec mès gran eth domini en jòc per part aranesa mès sense portar guaire perilh ena portería contraria. Ath Pointis-Inard le costaue crotzar era linha deth miei camp. En ua des pòques jogades, era pilota l’agarraue Servat que shutaue desde luenh e susprenie ath joen portèr aranés Manu. Ère eth 1-0. Ara seguida se mos complicàuen es causes damb era expulsion de Pol. De totes manères er equip aranés sajèc d’empatar eth partit e auec ua gran ocasion quan Charles shutaue e en tot èster eth portèr batut, en darrèr moment, un defensa acabèc de trèir era pilota dera linha. Eth partit acabaue damb un bon shut de Charles que passaue a tocar deth garròt.

Ath finau, derròta minima dauant un rivau dera part baisha que mos deishe en miei dera taula mès damb ua classificacion mès sarrada.

Eth pròplèu partit jogam en Bossòst eth dissabte 10 de març tàs 15:00 ores contra er equip der Ent. Boulogne II.

Pointis-Inard: Dahleb, Beret, Sorribas, Peyris, Dupuy, Laforgue, Ruz, Soifa, Bou, Choquart, Servat. Remplaçants : Tsimpou, Bottarel, Chanfreau.

Trainer : Smara Mathieu.

Tarjetes auriòles : Beret, Peyris, Dupuy,Bou.

Tarjeta vermelha : Choquart.

U.E. Bossòst: Manu, Salva, Borja, Felipe, Àlex, Uri, Paba, Ignasi, Álvaro, Cristian  e Marcos. Remplaçants: Charles, Pol.

Trainer: Jordi.

Tarjetes auriòles : Felipe, Àlex, Borja.

Tarjeta vermelha: Pol.

Gols : 1-0 Servat (70’).

Arbitre: Cardillo Hugo

Liniers : Laven Michael, Encausse Mathias.