dissabte, 20 de gener de 2018

Non podem jogar eth parti

Degut ar aigua d'aguesta tarde eth partit entrera U..E. Bossòst e er Etoile du Cagire non s'ha pogut jogar

dilluns, 15 de gener de 2018

Victòria important en derby deth Portilhon

B. Luchon 0 - U.E. Bossòst  1

Partit tipic de derby eth d’aguest darrèr dissabte en Luchon. Ena prumèra mietat iniciatiua deth jòc pera part aranesa e jòc de contraatac deth Luchon en tot sajar de suspréner ara defensa damb desplaçaments longui. Auérem bones oportunitats pera part dreta deth nòste atac, damb jogades de Charles e Luis que non podérem acabar de concretar. Reclamèrem tanben un parelh de queigudes en área francesa de Castet e Ignasi. Damb eth 0-0 s’arribaue ath descans.
Ena dusaua mietat, eth jòc siguec mes físic e non joguèrem tant ben. Ath quart d’ora un shut de luenh de Luis anaue a suspréner ath portèr e mercaue eth 0-1. A compdar d’alavetz eth jòc siguec mès subterrani damb fòrça interrupcions. Eth Luchon auie era milhor ocasion quan en un lançament de fauta rapida, Figueroa susprenie ara defensa aranesa e se plantaue dauant deth portèr debutant Manu que damb ua gran intervencion desviaue era pilota entath cornèr.
Ath finau victòria important que mos place ena part mieia dera classificacion.

Eth pròplèu partit jogam en Bossòst eth dissabte 20 de gèr tàs 20:00 ores contra er equip der Etoile du Cagire.

B. Luchon : Kouassigan, Arino, Sarrato, El Mahraoui, Lansalot, Munill, Van Mo, Farrus, Figueroa, Cazes, Pons. Remplaçants: Yassine, Laumond.
Trainer: Gomez Frederic.
Tarjetes auriòles: Van Mo, Arino.
Tarjetes vermelhas: Arino.

U.E. Bossòst: Manu, Salva, Javito, Borja, Felipe, Àlex, Luis, Charles, Castet,  Ignasi,  e Marco. Remplaçants: Jonathan, Carlos, Cristian.
Trainer: Jordi.
Tarjetes auriòles : Ignasi, Felipe.

Gols : 0-1 Luis (60’).

Arbitre: Nogueira Cunha Philippe

Liniers : Darnaud Claude, Martres Ludovic.

dilluns, 8 de gener de 2018

Derròta fòrça dolorosa entà començar er an

U.E. Bossòst  1 – Pyrénées Sud 2

Bon partit eth d’aguest darrèr dissabte en Bossòst, mès molt mau resultat. Siguérem er milhor equip enes prumèrs 85’ e enes darrères 5’ eth Pyrénées Sud anaue a remontar eth mercador. Ena prumèra mietat patirem era lesion de Felipe.
Artenhíem eth 1-0 ara ora de jòc en ua molt bona jogada qu’acabaue damb un cop de cap d’Ignasi. Ara seguida, auérem dues rematades enes garrots en ocasions de Javi e Mampel. Er atacant Daffos anaue a profitar es darrères menutes entà dar era victòria ath sòn equip.
Ath finau, ua auta derròta dolorosa que non mereshíem. Auem de retrapà-mos damb era victòria lo abantes possible entà gésser dera part baisha dera classificacion.

Eth pròplèu partit ei eth Derby deth Portilhon en Luchon eth dissabte 13 de gèr tàs 20 :00 contra er equip locau.

U.E. Bossòst: Marcos, Jaime, Peirò, Borja, Felipe, Àlex, Uri, Mampel, Castet,  Ignasi,  e Marco. Remplaçants: Carlos, Dani, Álvaro.
Trainer: Miki.

Pyrénées Sud : Diaz, Deu, Clavel, Foix, Alarcon, Talavera,Fourment, Pujol, Daffos, Ludwig, Bernoville. Remplaçants : Reulet, Dupuy.
Trainer: Anel Florent.

Gols : 1-0 Ignasi (60’), 1-1 Daffos (85’), 1-2 Daffos (87’).

Arbitre: Chauvet Lionel.

Liniers : Laven Mickael, Hubert Marc.

dijous, 4 de gener de 2018

¡¡¡ Prumèr partit der an 2018 !!!

Aguest dissabte 6 de gèr tàs 20:00 en Bossòst partit contra er equip Pyrenées Sud Comminges.

dimecres, 3 de gener de 2018