Patírem un arbitratge molt dolent que mos portèc ara derròta

Ent. Boulogne II 2 - U.E. Bossòst 1

Darrèr partit der an mercat peth dolent arbitratge des tres arbitres. Influïren en mercador, en tot auer decisions tostemp en contra nòsta: dehòres de jòc molt clars des francesi non senhalades,  jogades en posicion corrèctes dera nòsta part que senhalizauen dehòra de jòc e tarjetes d’amonestacion sonque entath nòste equip.

E sustout era jogada ena dusaua mietat que decidie eth partit ena que senhalèc un penalty, dempús de qu’era pilota siguesse arturada peth nòste portèr.Eth joc continuèc e en tot veir dus jogadors lesionadi , eth nòste capitan tirèc era pilota dehòra deth camp; er arbitre campèc es jogadors lesionadi e en veir qu’eth francés auie un patac ena cama senhalèc un penalty que mos portèc ara derròta. Veir entà creir, jamès vist.

Eth partit començèc fòrça mau e, as dues menutes, encaishàuem un gol dempús d’un lançament de cornèr en que Desquene se profitaue dera badada defensiua entà mercar eth 1-0. Era U.E. Bossòst sajaue d’empatar eth partit e non siguec enquiara menuta 30 ena qu’Àlex en ua bona jogada shutaue des de dehòra der àrea un shut ras entà empatar eth partit. Lèu deth descans Juan auec ua bona oportunitat entà mercar, mès era pilota la treiguèc un jogador dera linha. Descans damb 1-1 en mercador.

Ena dusaua mietat siguec mercada pera jogada deth penalty e era expulsion d’Àlex. A 5’ deth finau, auérem ua molt bona ocasion entà empatar eth partit mès Gachi non acabèc de shutar ben era pilota.

Ath finau, domatge d’aguesta derròta mercada pera dolenta actuacion des arbitres.

Era classificacio dempús de 9 jornades ei:  Carbonne 19, Landorthe 17, Mabroc, 16, Etoile du Cagire 15, St. Gaudens 14, Montastruc e Boulogne 13, U.E. Bossòst 12,  Luchon 10, Villen. Lecussan 9, Isle en Dodon 5, Aurignac 3.

Ara a descansar, donques non tornaram enquiar an que ven, era dimenjada 12-13 de gèr en Bossòst, derby deth Portilhon contra eth Luchon.

¡¡¡ Vos desiram ues Bones Hèstes e un molt Bon An Nau 2019 entà toti es socis e aficionadi !!!.

Ent. Boulogne II : Lartigue, Col, Chefd, Duplan, Desquene, Menvielle, Cottet, Clerand, Sicre, Cier, Demont. Remplaçants : Lassus, Louge, Carsalade.

Trainer : Subreville Jean Pierre.

U.E. Bossòst: Joshue, Aitor V., Alvaro, Borja, Peiro, Àlex, Gachi, Juan, Lil, Charles, Moreno. Remplaçants: Pol, Luis, Castet

Trainer: Adrian, Uri

Tarjetes auriòles: Borja, Gachi, Àlex, Luis.

Tarjeta vermelha : Àlex.

Gols: 1-0 Desquene (2’), 1-1 Àlex ( 30’), 2-1 Cottet (p. 75’).

Arbitre: El Ghazouani Brahim.

Liniers: Margottat Olivier, Ajouad Loic.

Jogam eth 22 de deseme

Dissabte 22 de deseme tàs 20:00 en Boulogne jogaram eth partit suspenut dera dimenjada passada.

Partit suspenut

Eth partit d'aguesta tarde 15.12.18 tàs 18:00 en Boulogne a estat suspenut mes dolentes condicions deth terren de joc.

Deman darrèr partit der an

Deman dissabte 15 de deseme tàs 18:00 en Boulogne, jogam eth darrèr partit der an contra er equip locau que ven de guanhar en St. Gaudens ena eliminatòria dera Copa Departamentau dera dimenjada passada.

Empatam a 3 gols e demostram un gran Fair Play

U.E. Bossòst 3 – F.C. Montastruc 3

Un aute partit eth dimenge que non acabam en victòria. Començèc fòrça malament eth partit entà nosati donques as 5 menutes ja perdíem per 0-2. Un lançament de cornèr lo remataue tot solet Ribet J. e dempús Lacarrere T. mercaue en un gran centre-shut. Era U.E. Bossòst sajèc de reduir distàncies en mercador abantes deth descans e atau as 30’ Álvaro mercaue dempús d’un passe d’Oriol. Damb eth 1-2 s’arribaue ath descans.

Ena dusaua mietat encara anaue a èster mès gran eth nòste domini en jòc. Ath quart d’ora se produsic era curiosa jogada ena que retornàuem era pilota ath Montastruc: eth portèr s’enganhèc damb un defensa e era pilota queiguie enes pès d’Oriol que mercaue eth 2-2. Dempús de trèir de centre er equip francés, era U.E. Bossòst se marquèc voluntariament un gol ena sua portería entà deishar eth mercador 2-3 en contra. Se continuèc en tot jogar ben ath madeish temps qu´ embarram ar equip contrari laguens der área e atau Oriol mercaue en ua jogada eth 3-3. Auíem remontat un resultat molt en contra, mès encara mos quedaue acabar era faena e ath finau , a despiet der esforç de toti es jogadors e públic,  non podérem arténher cap de gol mès, Eth Montastruc enes darrères menutes se mostrèc molt perilhós enes sòns contraatacs.

Ath finau, un aute empat que non mos da era recompensa deth gran trebalh que realizèc tot er equip.

Eth plòplèu partit non jogaram enquia d’aciu dues dimenjades en Boulogne contra er equip locau. De moment, èm pendenti deth dia e ora pr’amor que mos an demanat un cambi.

U.E. Bossòst : Manu, Pipe, Aitor C., Felipe, Peiro, Gachi, Àlex, Alvaro, Oriol, Luis e Marco. Remplaçants: Juan, Charles, Hector.

Trainer: Adrian.

F.C. Montastruc: Darmani, Lougarre, Ribet T.,  Lacarrere C., Chabassiere, Denat, Lacarrere T., Ribet J., Arcangeli, Brun, Casties. Remplaçants: Cucuron, Christen, Cardillo.

Trainer : Moulie Robert

Gols : 0-1 Ribet J. (2’), 0-2 Lacarrere T. (5’), 1-2 Alvaro (30’), 2-2 Oriol (60’), 2-3 Manu (p.p 61’), 3-3 Oriol (70’).

Arbitre : Darnaud Claude.

Liniers : Magne Bertrand, D’Angelo Damien.

Non passam der empat en casa

U.E. Bossòst 1 – A.S. Villeneuve Lecussan 1

Un aute viatge que se mos escapen es punts en casa. Començèrem fòrça ben eth partit, damb dues bones oportunitats de Javi: en ua, eth sòn shut damb era esquèrra anèc dehòra ; ena auta ocasión, un defensor evitaue eth gol ena linha.  Pera banda dreta Juan realizaue bones jogades mès fautèc en darrèr moment posar era pilota laguens. Es francesi sajauen de suspréner ath contraatac. Damb eth 0-0 s’arribaue ath descans.

Ena dusaua mietat mès domini aranés qu’artenhie eth premi ath quart d’ora quan Lil, shutaue des de dehòra der àrea e mercaue un polit gol, ère eth 1-0. Non auérem temps de saborejar aguest gol pr’amor qu´eth Villeneuve Lecussan profitaue ara seguida ua fauta ath bòrd der área ena que Lavit Q., shutaue un bon shut que significaue er empat a 1 gol. Encara quedaue molt de partit e es dus equips sajauen de guanhar eth partit. Es ocasions araneses enes botes de Javi, Edu e Felipe non se materializèrem per ben poc. Der equip francés es lançaments de fauta sigueren es viatges que creèrem mès perilh.

Ath finau , empat a 1 gol. Ja son 7 punts es que se mos an escapat en casa.

Eth pròplèu partit ( en que auem ua auta oportunitat tà arténher era victòria ) jogam 8aua jornada deth campionat en Bossòst eth dimenge 2 de deseme tàs 15 :00 ores contra er equip deth F.C. Montastruc de Salies.

  

U.E. Bossòst: Marcos, Héctor, , Felipe, Àlex, Pipe, Juan, Edu, Gachi, Oriol, Diego, Castet, . Remplaçants: Lil, Aitor C., Álvaro

Trainer: Adri-Uri.

Tarjetes auriòles: Aitor C., Edu, Felipe.

A.S. Villeneuve Lecussan: Ronze, Nogues, Duran, Le Thoer, Mandin, Henchi, Delhom, Perisse J., Lavit R., Lavit Q., Descamps. Remplaçants : Saint Raymond, Perisse N., Dupleich.

Trainer : Lavit Thierry.

Tarjetes auriòles : Nogues, Duran, Henchi.

Arbitre: Mbappe Jean Pierre.

Liniers: Adrafi Ben Nacer, Sainson Maxime.

¡¡¡ Molt bona victòria en St. Gaudens !!!

Comminges St. Gaudens II 1 - U.E. Bossòst 2

Victòria important era d’aguest darrèr dissabte en St. Gaudens dempús d’auer perdut er anterior partit en casa. Ua prumèra part qu’acabaue damb eth resultat de 0-0. Ena dusaua mietat, es gols de Felipe e Álvaro auançauen ara U.E. Bossòst per 0-2. Ath finau, es francesi mercarien un gol entà deishar eth resultat 1-2.

Classificacion dempús de 6 jornades: Mabroc 15, Carbonne 13, Etoile 11, Bossòst e Landorthe 10, Montastruc 9, Villen. Lecussan e Boulogne 8, St. Gaudens e Luchon 7, Isle en Dodon 4, Aurignac -1.

Eth pròplèu partit non serà enquia d’aciu dues dimenjades : 7ª jornada deth campionat en Bossòst eth dimenge 25 de noveme tàs 15 :00 ores contra er equip deth Villeneuve-Lecussan.

Comminges St.Gaudens II : Lafforgue, Rodriguez, Aouam, Noudofinin, Barthe, Ruz, Fourment, Bouigue, Noel, Lecussan, Del Rio,  Remplaçants: Marcos, Tsimpou, Diakite.

Trainer : Dubois Philippe.

U.E. Bossòst: Héctor, Aitor V., Jaime, Felipe, Peiró,  Àlex, Gachi, Roberto,  Oriol, Marco, Álvaro. Remplaçants: Edu, Uri.

Trainer: Adrian

Tarjetes auriòles: Gachi.

Arbitre: Castro Antoine.

Liniers: Boitel Eric, Smara Sabry.

Mínima derròta en casa

U.E. Bossòst 0 - Ent. Landorthe 1

Partit igualat eth d'aguest dimenge jogat en Bossòst. Dos equips igualats a punts e que sajauen de guanhar entà plaçase enes prumers lòcs dera classificacion. Molt poques ocasions de gol, iniciatiua per part aranesa e responsa dera part francesa damb ràpits contratacs. Non se marcarie enquiara era dusaua mietat quan eth jogador Ottonelli en ua jogada personaua aprofitaue ua pilota longa entà mercar eth 0-1. Era U.E. Bossòst sajèc d'empatar eth partit enquiara darrera menuta mes non siguèc possible.

Dissabte que ven desplaçament a St. Gaudens dia 10 de noveme tàs 20:00 partit contra eth Comminges St. Gaudens II

U.E. Bossòst: Manu, Aitor, Marco, Peiró, Felipe, Gachi, Luis, Àlex, Roberto, Pipe, Oriol. Remplaçants: Alvaro, Cristian, Javi.

Trainer: Uri.

Tajetes auriòles: Àlex, Oriol

Ent. Landorthe: Combes, Aries, Lacaze, Ferreira, Ribet, Saint Paul, Tovar, Dutheil, Ottonelli, Scotto, Tisseyre. Remplaçants: Brune, Castex, Bsaili.

Trainer: Constant Raphael.

Tarjetes auriòles: Saint Paul

Gol: 0-1 Ottonelli (70').

Arbitre: Darolles Jean.

Liniers: Martinet Ludovic, Ghazouani Moudher.

Eliminadi dera Copa Departamentau per golejada

U.S. Cazeres II 7 - U.E. Bossòst 0

Derròta contundent en aguesta eliminatòria dera Copa Departamentau, dauant er equip deth Cazeres II que siguèc eth clar dominador deth joc. A més per diuerses circunstàncies nosati sonque anèrem damb 12 jogadors e un d’eri se lesionèc as 25’. A més iauie us quanti jogadors qu’ere eth sòn prumèr partit damb er equip aguest an. Massa facilitats entà un equip de categoría superior qu’aprofitèc molt ben es nòstes debilitats. Ara mieia ora ja perdíem per 3-0, resultat en que s’arribaue ath descans.

Ena dusaua mietat era clara dominación deth Cazeres II en joc, encara mos hèc encaishant 4 gols mes.

Ath finau eliminadi dera Copa Departamentau d’ua manera contundent, ara sonque mos quede pensar en campionat.

Eth pròplèu partit, jogam 5ª jornada deth campionat en Bossòst eth dissabte 3 de noveme tàs 20 :00 ores contra er equip deth Landorthe.

U.S. Cazeres II : Meunier, Gouider, Levasseur, Pujol, Cabartier, Mouthe, Adouin, Couzinet, El Hayyate, Fabre, Manenq. Remplaçants: Rosa, Ribeiro, Mbungu.

Trainer : Chelle Frederic.

U.E. Bossòst: Marcos, Aitor C., Jose Ramon, Aitor V., Felipe, Àlex, Pau, Roberto,  Oriol, Castet, Alvaro. Remplaçants: Adrian.

Trainer: Salva.

Tarjetes auriòles: Aitor C.

Arbitre: Bonzom Sebastien.

Prumèra victòria en campionat dehòra de casa

E.F.C. Aurignac II 1 - U.E. Bossòst 2

Partit dauant eth darrèr classificat en qu’er equip aranés estèc superior sustot ena prumèra mietat ena que podie auer deishat sentenciat eth partit. Mès es oportunitats non les aprofitèrem e non siguec enquia lèu dera mieja ora en que ua jogada damb centre de Luis e que siguec rematada per Moreno, era pilota anaue a tocar en garròt dera portería e tot solet en dusau garrot Oriol profitaue entà mercar de cap: ère eth 0-1. Er Aurignac sajèc de profitar es lançaments de fauta e cornèr entà reduir era distància en mercador. Damb eth 0-1 s’arribaue ath descans.

Ena dusaua mietat sonque començar profitàuem qu’er Aurignac estaue damb 10 jogadors per ua expulsion de 10’ per tarjeta blanca d’un jogador, entà mercar eth dusau gol: siguec ua polida jogada ( un passe de Luis ar espai entà Marco que de primères centraue e Oriol, de cap, mercaue eth 0-2 ) Eth partit estaue controlat, mès ua compensacion arbitrau comportaue era expulsion de 10’ d’un jogador aranés; açò ac profitèc molt ben er Aurignac entà suspréner ara defensa aranesa e mercar eth 1-2. D’aquiu enqiath finau sajàuem de suspréner ath contraatac, mès non acabèrem de dar era darrèr passe correctament. Pera part der Aurignac, aquest sajèc de profitar es lançaments de pilota arturada. Ena darrera menuta deth partit se produic era expulsion de Ferrere.

Prumèra victòria dehòra de casa que mos mantie ena part mieia-nauta dera classificacion.

Eth pròplèu partit jogam 1º tour dera Copa Departamentau ( non auem agut sort en sorteig : mos enfrentam ath Cazères II en Cazères - vigent campeon dera competicion ) eth dissabte 27 d’octobre tàs 20 :00 ores.

E.F.C. Aurignac II : Shiavon, Barrau, Benazet, Coursolle, Mallet, Dreher, Rey, Mayet, Benyaha, Lapuyade, Ferrere. Remplaçants: Dorle ac, Ousset, Darnaud.

Trainer : Ane Jean Michel.

Tarjetes auriòles : Benazet, Lapuyade.

Tarjetes vermelhes : Ferrere.

U.E. Bossòst: Manu, Aitor V., Felipe, Àlex, Gachi, Luis,  Oriol, Castet, Moreno, Marco, Pipe . Remplaçants: Álvaro, Sergio

Trainer: Uri

Tarjetes auriòles: Moreno, Felipe

Gols: 0-1 Oriol (25’), 0-2 Oriol (50’), 1-2 Ferrere (75’).

Arbitre: Cheik Omar.

Liniers : Chanabe Marc, Grange Didier.

Un SaliesMane massa fort, passe ronda ena Copa d’Occitania

U.E. Bossòst 2 – SaliesMane 7

Partit eth d’aguest dissabte en que se notèc ath long des 90 menutes era diferència de categoria. A partir deth quart d’ora en que SaliesMane mercaue eth prumèr gol e encaishar ara seguida en segon en autogol er equip aranés auéc fòrça problemes entà parar as delanters contraris. Surtout era velocitat de Gilly siguèc determinant entà encaishar un gol darrèr der aute. Abantes deth descans, Aitor V. acabaue ua bona jogada entà mercar eth 1-5, resultat en que s’arribaue ath descans.

Ena dusaua mietat, damb es canvis en equip francés non siguèc tant clar eth domini francés. Encara encaishariem un parell de gols mes. Era U.E. Bossòst mercaue un aute gol, en un polit shut de Oriol. Ath finau resultat de 2-7.

Eliminacion lógica, dauant un equip de dues categories superiors que se mostrèc fòrça superior ar equip aranés pendent tot eth partit. Eth joc ràpit e precis deth SaliesMane creèc eth pànic ena defensa aranesa. Ara mos toque pensar en campionat.

Eth pròplèu partit jogam 4ª jornada deth campionat de Liga en Aurignac eth dissabte 20 d’octobre tàs 20 :00 ores contra er equip der E.F.C. Aurignac II.

U.E. Bossòst: Marcos, Aitor V., Felipe, Hector, Peiro, Sergio, Àlex, Pau, Aitor C.,  Oriol, Pipe . Remplaçants: Alvaro, Carlos, Dani.

Trainer: Adrian.

Tarjetes auriòles: Àlex

SaliesMane: Marrot, Montegut, Montauriol, Ferran, Lacomme, Fronton, Leite, Marty, Durrieu, Dias, Gilly. Remplaçants : Gramont, Da Luz, Gauthier.

Trainer :Poisson Lionel

Arbitre: Martins Serafin.

Empatam a 0 g ols dauant eth líder

U.E. Bossòst 0 – J.S. Carbonne II 0

Partit qu’auerem de jogar en Cierp pera suspension deth nòste terren de joc. Eth partit siguèc fòrça igualat e iauèc ua part entà cada equip. A més, patirem en escauement era lesion deth nòste portèr Pol que siguèc reemplaçat per Hector que realitzèc un bon partit.

Damb es gràcies ara aficion que se desplaçèc entà d’aguest partit entà dar eth sòn suport ar equip.

Eth pròplèu partit jogam 3º tour dera Copa d’Occitania en Bossòst eth dissabte 13 d’octobre tàs 20 :00 ores contra er equip deth SaliesMane 1 (Regional 3).

U.E. Bossòst: Hector, Aitor, Felipe, Peiro, Sergio, Àlex, Gachi, Marco, Moreno, Oriol, Pipe . Remplaçants: Pau, Pol, Castet.

Trainer: Uri.

Tarjetes auriòles: Felipe, Àlex, Castet, Pipe.

J.S. Carbonne II: Manguin, Touaoula, Bardou, Darracq, Soto, Marchand, Dehimi, Sallandre, Fabre, Balat, Faure. Remplaçants : Chaib, Renaud, Quintana.

Trainer :Laurent Jean Louis.

Arbitre: Cunha Philippe.

Liniers:Abdou Salami, Senges Pierre.

Sorteig 3º tour Copa d'Occitania

En sorteig d'agèr deth 3º tour dera Copa d'Occitania jogaram eth dissabte que ven 13.10.18 tàs 20:00 en Bossòst contra eth prumèr equip de SaliesMane (Regional 3 poule C) líder deth son grup.

¡¡¡ Passam ronda ena Copa d’Occitània ena prolongacion !!!

 U.S. Luchon-Cierp 1 - U.E. Bossòst 2

Partit tipic de derby: poc jòc, tarjetes, expulsions e victòria pera minima dera U.E. Bossòst. Mos semblaue qu´ aguest ère un partit sense guaire importància e damb eth cambi de club es causes anauen a èster diferents, mès non, siguec encara pitjor. Aumens ena prumèra mietat encara I auec continuitat en jòc e se podec jogar sense cap incidéncia. Auérem ua prumèra ocasion en ua jogada d’Oriol que shutaue a tocar deth garròt. Mos auançàuem en mercador en un penalty que heren a Moreno e que Felipe shutaue entà mercar eth 0-1. Non mos durèc guaire era alegria e as 5 menutes Farrus empataue damb un shut laguens der área que reclamauen ua fauta que patic Aitor en inici dera jogada en èster posat peth delantèr. Podíem auer mercat en ua molt bona ocasion de Marco que se plantaue tot solet dauant dera portería e shutaue dessús deth portèr Cazes. Damb eth 1-1 s’arribaue ath descans.

Ena dusaua mietat entre tarjetes e entrades dures per part der equip francés se joguèc molt pòc a fotbòl. En ua dura entrada ath quart d’ora siguec expulsat Berges ( veiram coma va eth jòc de Salva qu’auec de deishar eth partit ). Lèu deth finau El Mahraoui siguec expulsat per agresion a Héctor. Auíem eth domini mès tampoc auérem moltes ocasions. Era mès clara, un aute viatge, Marco que shutaue des de laguens der àrea e Cazes arturaue eth shut. Ena prolongacion ,en ua jogada aislada, un centre-shut de Héctor anaue a plaçar era pilota ena esquaira dera portería francesa e mos daue era victòria per 1-2 ath finau des 120 menutes.

Passam ronda ena Copa d’Occitània e demoram adversari en sorteig d’ aguesta setmana, eth dijaus 4 d’octobre.

Eth pròplèu partit ( tresau partit deth campionat ) jogam un aute viatge en Cierp pr’amor qu´auem un partit de sancion en nòste camp, contra er equip deth J.S. Carbonne II lider deth campionat, dissabte 6 d’octobre tàs 20 :00 ores.

U.S. Luchon-Cierp : Cazes, Costes, Van Mo, El Mahraoui, Sarrato, Boy, Berges, Farrus, Laporte, Manresa, Salis. Remplaçant : Iche, Remba, Bertin.

Trainer : Farrus Eric.

Tarjetes auriòles : Cazes, Sarrato, Berges, Farrus, Iche.

Tarjeta vermelha : Berges, El Mahraoui.

U.E. Bossòst: Marcos, Salva, Aitor, Felipe, Àlex, Pau, Gachi, Marco, Moreno, Oriol, Luis . Remplaçants: Carlos, Héctor, Llonch.

Trainer: Uri.

Tarjetes auriòles: Luis, Gachi.

  

Gols : 0-1 Felipe (p.30’), 1-1 Farrus (35’), 1-2 Héctor (115’).

Arbitre: Cardillo Hugo.

Derròta en prumèr desplaçament

Etoile du Cagire 2 - U.E. Bossòst 1

Prumèr desplaçament e prumèra derrota en un dia calurós e un terren de jòc sec que perjudiquèc eth jòc des dus equips. Er Etoile du Cagire gessec milhor en partit e s’apropaue en área aranesa. Ara U.E. Bossòst le costaue combinar en miei deth camp entà poder arribar en àrea francesa. En ua jogada sense aparent guaire perilh, era defensa aranesa hec a quèir a Garnier e er arbitre fiulèc penalti que siguec transformat per Marigo: ère eth 1-0. Es causes se complicauen quan patíem era expulsion de 10’ per tarjeta blanca de Sergio. En jogar damb 10 jogadors er equip aranés, lo aprofitèc molt ben er equip francés entà her ua jogada pera dreta de Garnier que centraue e Marigo tot solet en dusau garròt shutaue entà mercar eth 2-0. Damb aguest resultat s’arribaue ath descans.

Ena dusaua mietat cambiauen es causes donques eth jòc dera U.E. Bossòst siguec fòrça milhor e caushigàuem er àrea damb fòrça perilh. En ua jogada indicidua deth joen jogador Oriol, aguest siguec derribat laguens der área e eth clar penalti lo transformaue Felipe entà mercar eth 2-1. Quedaue encara fòrça temps entà remontar eth partit. Eth madeish Oriol auec dues bones ocasions entà empatar: ena prumèra, eth sòn shut anaue a tocar en garròt dera portería francesa e ena dusaua ocasion, eth passe d´Aitor non arribèc per molt poc entà poder mercar a porta ueda. Er Etoile du Cagire quasi non arribaue en área contraria e sajaue de profitar es lançaments de fautes. En ua fauta, Laplagne anaue a auer era milhor ocasion quan shutaue en garròt dera portería de Pol. Enquiath finau sajèc era U.E. Bossòst d’empatar, mès non siguec aguest viatge posible.

Prumèra derròta dauant un equip que coneishem hè fòrça ans. Prenérem massa ventaja en mercador ena prumèra mietat. Si que milhorèrem fòrça ena dusaua mietat mès ja siguec un shinhau tard.

Eth pròplèu partit jogam Copa d’Occitania en Cierp, un derby deth Portilhon contra eth nau equip deth B. Luchon-Cierp diuendres 28 de seteme tàs 20 :30.

Etoile du Cagire : Domench I, Domench II, Gavalda, Roux, Bresquignan, Laplagne, Garnier, Cluzet, Marigo, Magnese, Bares. Remplaçant : Nadal

Trainer : Laplagne Jean Michel.

Tarjetes auriòles : Domench II, Brequignan, Bares.

U.E. Bossòst: Pol, Salva, Aitor, Felipe, Héctor, Sergio, Àlex, Pau, Ignasi, Oriol, Marco . Remplaçants: Jaime, Pipe, Uri.

Trainer: Uri.

Tarjetes auriòles: Felipe

Gols : 1-0 Marigo (p.20’), 2-0 Marigo (35’), 2-1 Felipe (p.55’).

Arbitre: Lefevre Julien.

Liniers : Lompech Antoine, Smara Mathieu.

¡¡¡ Gran golejada entà començar eth campionat !!!

U.E. Bossòst 6 – F.C. Mabroc II 1

Molt bon inici deth campionat pera part dera U.E. Bossòst en aguest prumèr partit jogat en casa. Enes 90 menutes er equip aranés estèc fòrça superior ar equip deth F.C. Mabroc II. Auérem moltes ocasions e, tant en jogada coma en pilota arturada, cada accion ère de perilh en àrea francesa. Non siguec enquiara mieja ora que Luis en jogada individuau mercaue eth 1-0 dempús d’arribar tot solet laguens der àrea. Lèu deth descans, en ua pilota controlada ath bord der àrea, eth madeish Luis anaue a shutar e plaçar era pilota ena esquaira dera porteria francesa, un gran gol, ère eth 2-0 resultat damb eth que s’arribaue ath descans.

Ena dusaua mietat mès de lo madeish. As 5 menutes Luis, shutaue un fort shut que susprenie ath portèr Gomez: ère eth 3-0. A poc de gésser en terren de joc,  Marcos anaue a mercar un polit gol dempús de shutar des deth costat der àrea e plaçar era pilota ena esquaira : ère eth 4-0. En ua accion d’oportuniste Javi mercaue tot solet eth 5-0. Luis anaue a arredonir era sua gran net en tot mercar un póker de gols quan driblaue a tota era defensa francesa e mercaue eth 6-0. Eth gol der aunor deth Mabroc lo artenhie ena darrera menuta Petitjean en un lançament de fauta : ère eth 6-1, resultat ath finau des 90 menutes.

Gran golejada entà començar eth campionat, molt bon partit de toti es jogadors que participèren. Era dimenjada que ven non auem partit. Eth pròplèu partit non serà enquiath dimenge 23 de seteme tàs 15 :00 en Estadens contra er equip der Etoile du Cagire.

U.E. Bossòst: Manu, Salva, Aitor, Felipe, Héctor, Jaime, Àlex, Kikón, Ignasi, Luis, Javi. Remplaçants: Miquel, Marcos.

Trainer: Jordi.

F.C. Mabroc II : Gomez, David, Bousquet, Marche, Roquabert, Falempe, Petitjean, Naylies, Martin, Sape, Beraudo. Remplaçants : Chauchard, Tissieres, Thevenot.

Trainer : Tetard Guy.

Tarjetes aurioles : David.

Gols : 1-0 Luis (30’), 2-0 Luis (44’), 3-0 Luis (50’), 4-0 Marcos (60’), 5-0 Javi (75’),

 6-0 Luis (85’), 6-1 Petitjean (90’).

Arbitre: Martins Serafin.

Liniers : Bellour Mohamed, Senges Pierre.

Derròta logica ena Copa de França

U.E. Bossòst 1- St.Alban Aucamville 4

Partit corresponent ara dusau eliminatòria dera Copa de França contra eth St. Alban Aucamville, equip de tres categories de mès que demostrèc era sua superioritat ath long des 90 menutes. Sonque començar, as 5 menutes ja mos merquèren eth 0-1 en ua rematada des der área petita dempús d’un centre pera dreta. En un cornèr encaishauen un aute gol, en un bon cop de cap de Sako: ère eth 0-2. Abantes d’arribar ath descans tornàuem a mercar un aute gol, ère eth 0-3 resultat damb eth que s’arribaue ath descans.

Ena dusaua mietat  era U.E. Bossòst reduie ath quart d’ora era distància en mercador damb un bon shut d’Ignasi des de dehòra der área que susprenie ath portèr Cadenet. Eth St. Alban demostraue era sua categoria en tot mercar eth 1-4, resultat ath finau des 90 menutes.

Ath finau eliminacion logica dera Copa de França. Ara mos toque pensar en campionat que començe era dimenjada vinenta. Partit en Bossòst eth dissabte 8 de seteme tàs 20:00 contra er equip deth F.C. Mabroc II.

U.E. Bossòst: Pol, Salva, Aitor, Felipe, Àlex, Marco, Gachi, Pau, Luis, Hector, Ignasi.  Remplaçants: Miquel, Castet.

Trainer: Jordi.

St. Alban Aucamville : Cadenet, Descures, Benos, Guilbaud, Texier, Fargues, Garraud, Chekouch, Sako, Mousse, Daire. Remplaçants : Escrivant, Uhlmann, Rosa, Andreu.

Trainer : Bugnicourt Bertrand.

Arbitre: Darolles Jean.

Liniers : Lompech Antoine, Toulouse Vincent.

Copa de França

Aguest dissabte 1 de seteme tàs 18:00 en Bossòst partit de dusau tour dera Copa de França:

U.E. Bossòst - St. Alban Aucamville (Regional 2)

Enes partits amistosi dera semana passada, derròta per 1-2 dauant eth Comminges St. Gaudens e victòria per 6-5 contra er Encausse. Dos boni partits dauant de dos equips de categoria superior.

Eth trofeig se quede en casa

Victòria enes lançaments de penalty en XXIX Trofeig Memoriau Manuel Huguet. Eth partit acabèc damb empat a 1 gol. Enes lançaments guanyèc era U.E. Bossòst per 5-4.

Partits amistosi dera setmana que ven en Bossòst:

dimars 21 d'agost tàs 20:30

U.E. Bossòst - Comminges St.Gaudens.

diuendres 24 d'agost tàs 21:00 

U.E. Bossòst - U.S. Encausse

XXIX Trofeig Memoriau Manuel Huguet

Com cada an laguens des actes dera nòsta Hèsta Major, deman passat dimèrcles 15 d'agost tàs 19:15 jogaram eth partit deth XXIX Trofeig Memoriau Manuel Huguet contra er equip deth F.C. Montastruc de Salies. ¡¡¡ Vos demoram a toti !!!

Pretemporada U.E. Bossòst sason 2018-2019

Aué començam es entrenaments entà preparar era naua sason 2018-2019. Es partits qu’auem a dia d’aué son:

15 d’agost Memoriau Manuel Huguet: U.E. Bossòst – F.C. Montastruc de Salies

Partits amistosi sense determinar lòc entà jogar :

21-22 d’agost : U.E. Bossòst – Comminges St. Gaudens 1

24 d’agost: U.E. Bossòst – U.S. Encausse 1

Ena copa de França mos toquèc en prumèr tour jogar contra er equip de Bagatelle en sòn camp mès an estat forfait e passam era eliminatòria.

En dusau tour jogaram:

1 de seteme en Bossòst: U.E. Bossòst – St. Alban Aucamville 1, equip de Regional 2 tres categories mès que nosati.

Era dimenjada deth 8-9 de seteme començarà eth campionat de Liga dera naua categoria Departamentau 2.

Deman gran dia de ciclisme en Portilhon, Bossòst e Aran tostemp damb eth Tour de França

Eth tour de França 2018 arribe entà Aran.

Eth dimarts 24 de junhsega, etapa nº 16 prumèra des Pirineus entre Carcassone e Bagneres de Luishon damb 218 km, damb es pujades ena part finau de: Col de Portet, Col de Menté e Col deth PORTILHON a molt poqui km dera arribada.

¡¡¡ Vos demoram a toti !!!

Equips dera naua categoria Departamental 2

Poule A : Auriac-sur-Vendinelle, Aussonne 2, Castelmaurou Verfeil, JET, L'Union Saint-Jean 3, Labège, Bruguières, Grenade, Cornebarrieu, Pradettes 2, Villemur, Saint-Simon 2.

Poule B : Carbonne 2, Luchon, Saint-Gaudens 2, Aurignac 2, Boulogne-Péguilhan 2, Landorthe, Cagire, Mabroc 2, Bossost, Villeneuve Lecussan, L'Isle en Dodon 2, Labarthe-Eaunes 2.

Eth prumèr classificat pujarà entà Departamental 1. Es quate darrèrs baisharan entà Depatarmental 3.

Victória épica damb 9 jogadors

U.E. Bossòst  3- Ent. Landorthe 1

Partit que començerem fòrça ben e que as 5 menutes auiem mercat eth prumèr gol en ua bona jogada que rematèc Javi laguens der àrea petita. A partir d’alavetz eth Landorthe sajaue de portar era iniciatiua e nosati de sorprene en contraatac. En un cornèr Lacaze anaue a empatar damb ua bona rematada de cap, ere eth 1-1. Er equip aranés responia dera madeisha manera e Paba tamben de cap en un cornèr mercaue eth

2-1, resultat en que s’arribaue ath descans.

Ena dusaua mietat patiem dos expulsions de dos jogadors e practicament la jogauem casi sencera damb 9 jogadors. Er equip se defensèc molt ben e casi non deishèc cap d’ocasión ar equip francés. Ena darrera jogada deth partit ua jogada individual plea de fòrça, Salva anaue a mercar eth definitiu 3-1.

Era classificacion finau d’aguesta categoria d’Excellence ei: Encausse, Cazeres, Pyrenees Sud, Landorthe, Aurignac, Bossòst, Luchon, St. Gaudens, Boulogne, Mabroc. Etoile du Cagire e Pointis-Inard.

Veiram era remodelación des categories com afecte as equips, Encausse puje entà R3, Cazeres e Pyrenees Sud pujariem entara naua categoría de Departamentau 1, toti es auti quedariem ena naua Departamentau 2 a excepcion de Pointis-Inard que baisharia entà Departamentau 3.

¡¡¡ BON ESTIEU ENTÀ TOTI!!!

U.E. Bossòst: Pol, Salva, Sala, Felipe, Peiro, Kikon, Paba, Àlex, Luis, Javi, Dani.  Remplaçants: Carlos, Cristian

Trainer: Jordi.

Ent. Landorthe: Combes, Ferreira, Vignes, Moras, Brune, Louge, Lacaze, Saint Paul, Ahazrir, Tombini, Tovar. Remplaçants : Constant, Gardien.

Trainer : Constant Raphael.

Gols: 1-0 Javi (5’), 1-1 Lacaze (25’), 2-1 Paba (35’), 3-1 Salva (90’).

Arbitre: Millon Pierrick.

Liniers : Hubert Marc, Martres Ludovic.

Derròta contundent dauant eth campion

U.S. Encausse 7 - U.E. Bossòst  1

Partit dauant eth líder damb moltes baishes en equip e sonque nomes un canvi. Eth partit se mos hèc long e sobrèc era dusaua mietat. Ena prumèra mietat abantes de 10 menutes ja s’auien mercat 3 gols, dos er Encausse e un nosati. Er Encausse aprofitèc era qualitat des sons delantèrs entà mercar un aute gol e mete eth 3-1 en mercador. Era U.E. Bossòst auèc dues bones ocasions abantes deth descans en ua rematada de Kikon a tocar deth garròt e ua rematada de Javi C. qu’anaue a tocar eth garròt.

Aqueres anauen a estèr es darrères ocasions des aranesi pr’amor ena dusaua mietat er Encausse anaue a aprofitar er esforç aranés ena prumèra mietat entà mercar encara 4 gols mes e deishar aguest contundent 7-1.

Ara mos quede eth darrèr partit entà acabar eth campionat d’ua manera milhor en casa

Eth pròplèu partit jogam eth dissabte 26 de mai tàs 20 :00 en Bossòst contra er equip der Ent. Landorthe.

U.S. Encausse : Dos Santos, Galibert, Ortet, Vinsonneau, Paya M., Huchet, Moreau, Paya V., Rodrigues, Noilan, Paya S. Remplaçants : Labatut, Lazorat.

Trainer : Huet Yannick.

U.E. Bossòst: Marcos, Salva, Jaime, Felipe, Alex, Gachi, Kikon, Ignasi, Abraham, Javi C., Dani.  Remplaçants: Carlos.

Trainer: Jordi.

Gols: 1-0 Paya V. (3’), 1-1 Javi C. (5’), 2-1 Paya S. (8’), 3-1 Paya S. (30’), 4-1 Paya S. (50’), 5-1 Labatut (60’), 6-1 Rodrigues (75’ p.), 7-1 Labatut (85’).

Arbitre: Boitel Eric.

Liniers : Cardillo Hugo, Gueguen Hugues.

Imatges de diuendres passat deth partit U.E. Bossòst - B. Luchon, gràcies a Javi LLonch peth sòn trebalh

Un Luchon mès efectiu se´n pòrte eth derby deth Portilhon

U.E. Bossòst 2 – B. Luchon 4 

Bon partit damb fòrça gols eth d’aguest darrèr diuendres en Bossòst . Er equip aranés començèc fòrça ben e auec diuerses arribades en àrea deth Luchon que non podec concretar, uns viatges per ua dolenta definicion dauant era porteríía e un aute viatge pes excelents arturades deth portèr Laumond que evitèc qu’era U.E. Bossòst prenesse auança en mercador. Eth Luchon anaue a profitar as 30’ un lançament de fauta en qu’era pilota desviada per Marcos, anaue a quèir enes botes de Farrus que des de dehora der àrea plaçaue un shut ras a tocar deth garròt. Ère eth 0-1.  Er equip aranés responèc damb un gran shut de Castet qu’anaue entara esquaira mès eth portèr francés hège ua gran arturada desviant era pilota entà cornèr. Precisament Luchon profitaue un lançament de cornèr en que Laporte tot solet remataue de cap era pilota laguens dera porteríía. Ère eth 0-2, resultat damb eth que s’arribaue ath descans.

Ena dusaua mietat mès domini aranés sense poder acabar de horadar era porteria francesa. Coma passe tostemp ena prumèra arribada deth Luchon en àrea aranesa Laporte shutaue ras a tocar deth garròt e mercaue eth 0-3. Era U.E. Bossòst continuèc luitant e en 5’ anaue a mercar 2 gols en dues bones rematades de cap d’Ignasi e Kikon que deishauen eth mercador en un emocionant 2-3 a manca de 10’ entath finau. Es aranesi auérem 2-3 ocasions entà mercar eth 3-3, mès era bona actuacion deth portèr Laumond ( milhor jogador deth Luchon) evitèc er empat. Ena darrèra jogada deth partit Munill anaue a mercar damb un polit shut eth darrèr gol. ÈEre eth 2-4 resultat ath finau deth partit.

Ath finau derròta en aguest derby a on encaishèrem massa gols e ath delà mos trapèrem ua molt bona actuacion deth portèr francés que facilitèc era victòria deth sòn equip

Eth pròplèu partit jogam eth diuendres 18 de mai tàs 21 :00 en Encausse contra er equip locau, campion d’aguest campionat d’Excellence d’aguesta sason dempús dera sua victòria aguesta dimenjada en Latoue contra er E.F.C. Aurignac II.

U.E. Bossòst: Marcos, Miquel, Javito, Felipe, Salva, Peiro, Gachi, Marco, Ignasi, Àlex, Javi C..  Remplaçants: Dani, Alvaro, Kikon.

Trainer: Jordi.

B. Luchon: Laumond, Lansalot, Van Mo, El Mahraoui, Coutinho, Revertegat, Berges, Boy, Laporte, Munill, Bertin. Remplaçants: Farrus, Sarrato, Arnauduc.

Trainer: Gomez Frederic, Farrus Eric.

  

Gols: 0-1 Farrus (30’), 0-2 Laporte (40’), 0-3 Laporte (60’), 1-3 Ignasi (75’), 2-3 Kikon (80’),2-4 Munill (93’).

Arbitre: Darnaud Claude

Liniers : Darnaud Corentin, Lompech Antoine.

Eth derby deth Portilhon en diuendres

Eth partit dera 20 jornada deth campionat d'Excellence se jogarà en Bossòst eth diuendres 11 de mai tàs 21:00 contra eth B. Luchon Sp.
¡¡¡ Vos demoram a toti !!!

¡¡¡ Guanham en un finau tens !!!

F.C. Mabroc II 1 - U.E. Bossòst 2

Bona victòria era artenhuda aguest darrèr dissabte en Martres Tolosane contra er equip deth F.C. Mabroc II. Eth partit començèc fòrça ben entà nosati: sonque trèir de centre sense que cap jogador francés toquèsse era pilota, Àlex mercaue d’un gran shut damb era cama esquèra plaçant era pilota ena esquaira dera porteria francesa. Ère eth 0-1 e sonque portàuem en tot jogat 20” de partit. En aguesta prumèra mietat er equip francés sajaue de profitar es lançaments de cornèr o fautes entà empatar eth partit. Lèu deth descans auérem ua gran ocasion quan Àlex se quedaue dauant de Querre e eth sòn shut siguec desviat peth portèr. Damb eth 0-1 s’arribaue ath descans.

Ena dusaua mietat eth protagonisme der arbitre enes tarjetes blanques que comporte era expulsion deth jogador pendent 10’ mos penalizèc a nosati dus viatges e ath contrari , un viatge. Ath quart d’ora eth F.C. Mabroc profitaue un lançament de fauta de Lapuyade tà profitar eth delantèr era pilota retornada per Pol entà empatar a 1 gol eth partit. Cada equip auérem dues grans ocasions enes lançaments enes garròts per part de Lapuyade e Marco. En ua jogada laguens der área rematada per Gachi, eth defensa francés metie era man entà evitar qu’era pilota entrèsse; eth clar penalti siguec shutat per Felipe mercant eth 1-2. A compdar d’alavetz eth partit se tornèc mès tens e damb un jòc mes nerviós per part des dus equips çò que comportèc era expulsion per dusaua tarjeta jauna de Javi. Mos toquèc patir es darrèrs menutes damb 10 jogadors, mès era solidesa defensiua der equip aranés non permetèc cap ocasion de gol.

Ath finau, victòria en un partit tens ; eri non se demoràuem pèrder dempús d’empatà-mos eth partit. Aguest resultat mos torne a recuperar eth 5ua lòc dera classificacion.

Eth pròplèu partit jogam d’açi dues dimenjades en Bossòst eth derby deth Portilhon : dissabte 12 de mai tàs 20:00 ores contra er equip deth B. Luchon S.P.

F.C. Mabroc II: Querre, Perdreau, Chauchart, Casties, Dalleau, Lapuyade, Maleplate, Descuns, Martin, Hritane, Beraudo.. Remplaçants: Tissieres, Castet, Bousquet

Trainer: Tetard Guy.

Tarjetes auriòles: Lapuyade, Dalleau.

U.E. Bossòst: Pol, Miquel, Javito, Felipe, Salva, Peiro, Gachi, Marco, Guille, Àlex, Dani.  Remplaçants: Javi

Trainer: Jordi.

Tarjetes auriòles : Javi

Tarjeta vermelha: Javi

Gols: 0-1 Àlex (1’), 1-1 Bousquet (60’), 1-2 Felipe (p. 75’).

Arbitre: Hubert Marc.

Liniers : Gueguen Hugues, Bellour Mohamed.

¡¡¡ Espectacular partit mes quin domatge de resultat !!!

Pyrenees Sud 6 - U.E. Bossòst 4

Pluia de gols aguest darrèr dissabte en Gourdan. Er equip aranés portèc era iniciatiua en mercador ¾ parts deth partit, mes en darrèr quart d’ora er equip francés remontaue en mercador. Ena prumèra mietat as 10 menutes mercauen eth 0-1 quant Àlex se presentaue dauant eth portèr e lo driblaue entà mercar a porta bueda. Ara seguida iauèc era jogada clau deth partit quan en ua jogada molt semblanta Àlex ere derribat clarament laguens der área peth portèr. Er arbitre non fiulèc arren, ere un clar penalty ne tampoc era possible expulsión deth portèr francés. Deth posible 0-2, passeren ath 1-1 quant Borreda V., aprofitaue tot solet ua pilota laguens der área entà shutar. Tornauem a auançamos damb un esplendid shut d’Àlex ena esquaira dera portería ere eth 1-2. En ua fauta shutada rapidament Daffos sorprenia ara defensa aranesa entà mercar de cap eth 2-2, resultat que s’arribarie ath descans.

Ena dusaua mietat gesserem molt ben e ath quart d’ora ja guanhauem per 2-4 dempús de qu’Àlex tornese a mercar dos explendids gols. Encara quedaue mieja ora de joc e solet auiem un canvi qu’auiem realitzat ena prumèra mietat pera lesión de Miquel. Eth Pyrenees Sud damb lançaments de pilota longa aprofitèc eth cansament der equip aranés e anaue a remontar en mercador : Daffos, Ortet, Anel (2) anauem a mercar enes darreres 20 menutes e deishauen eth mercador damb eth 6-4.

Ath finau ua derròta en un mercador de tenis. Un partit que se mos hèc massa long e que podíem aué artenhut un milhor resultat dempús de mercar 4 gols dehòra de casa.

Eth pròplèu partit jogam d’açi dues dimenjades en Martres Tolosane eth dissabte 28 d’abriu tàs 20:00 ores contra er equip deth F.C. Mabroc.

Pyrenees Sud: Diaz, Reulet, Clave, Talavera, Alarcon, Pujol, Ortet, Borreda V., Daffos,  Borreda N., Fourment. Remplaçants: Larque, Toumane, Anel.

Trainer:Anel Florent.

Tarjetes auriòles: Alarcon

U.E. Bossòst: Manu, Miquel, Javito, Felipe, Peiro, Uri, Ignasi, Mampel, Àlex, Dani, e Alvaro. Remplaçants: Ferri.

Trainer: Jordi.

Tarjetes auriòles : Uri, Mampel, Alex.

Gols: 0-1 Àlex (10’), 1-1 Borreda V.(15’), 1-2 Àlex (25’), 2-2 Daffos (35’), 2-3 Àlex (50’), 2-4 Àlex (60’), 3-4 Daffos (70’), 4-4 Ortet (80’), 5-4 Anel (85’), 6-4 Anel (90’).

Arbitre: Laven Michael.

Liniers : Souifi Hacen, D’Angelo Damien.

Derròta trista

U.E. Bossòst 1 – E.F.C. Aurignac II 2

Derròta contra er Aurignac, un equip qu’arribèc sonque damb un cambi, mès que se placèc fòrça ben en terren de jòc e profitèc es nòsti errors defensius. Era U.E. Bossòst portèc era iniciatiua deth jòc pendent es 90 menutes, mès mos costèc plan mercar un gol enes multiples oportunitas qu’auérem. Ena prumèra mietat Luis, shutaue en garròt dera portería francesa. Eth portèr Dzuman auec de despejar damb es punhs dues fautes laterals shutades pes delantèrs aranesi. En ua pilota enviada ath nòste portèr Pol, aguest tardèc un sinhau en shutar e era pilota tocaue a Plante e s’introduie laguens dera nòsta portería. Ère eth 0-1 mercat casi sense arribar ena nòsta portería. Damb aguest resultat s’arribaue ath descans.

Ena dusaua mietat , er equip aranés en tot sajar d’empatar eth partit e un Aurignac ben posicionat que non se dejaue suspréner. Ath delà, passat eth quart d’ora Dumazert anaue a profitar ua pilota longa entà escapà-se dera defensa aranesa e plantà-se dauant deth portèr e mercar eth 0-2. Era faena encara se complicaue mès quan un shut de falta de Charles anaue a tocar eth garròt dera porteria ben defenuda per Dzuman.

En ua jogada pera dreta de Marco eth sòn centre siguec aprofitat per Ignasi entà mercar eth 1-2. Encara quedauen 5 menutes e auérem un parelh d’ocasions entà empatar eth partit mès non podec èster e eth partit acabèc damb eth 1-2.

Ath finau, derròta trista que mos deishe en sisau lòc dera classificacion empatadi a 25 punts damb er Aurignac.

Eth pròplèu partit jogam en Gourdan-Polignan eth dissabte 14 d’abriu tàs 20:00 ores contra er equip deth Pyrénées Sud, dusau classificat deth campionat.

U.E. Bossòst: Pol, Salva, Javito, Felipe, Peiro, Luis, Ignasi, Gachi, Alex, Charles, e Javi. Remplaçants: Paba, Guille, Marco

Trainer: Jordi.

Tarjetes auriòles : Gachi, Paba.

Tarjeta vermelha: Paba

E.F.C. Aurignac II: Dzuman, Mallet, Benazet, Hurle, Lestrade, Zunnui, Rey, Boue, Dumazert, Scymczak, Plante. Remplaçant : Mayet.

Trainer : Benac Gilles.

Tarjetes auriòles : Hurle, Zunnui, Dumazert.

Gols: 0-1 Plante (25’), 0-2 Dumazert (70’), 1-2 Ignasi (86’).

Arbitre: Martins Seraphin.

Liniers : Hubert Marc, Almansa Miguel.

Eth Comité de Competicion mos da era raçon

U.S. Cazères 0 - U.E. Bossòst 3

Eth Comité de Competicion mos a dat era raçon pera alinhacion indeuida deth jogador deth Cazères Conde Oumar que auie de complir un partit de sancion a compdar deth 19 de març e per tant non estaue qualificat entà poder jogar contra nosati eth passat 24 de març. Partit guanhat per 0-3.

Era classificacion ( a manca de 6 partits ) ei era seguënta: Encausse 40, Pyrennees Sud 33, Cazeres 30, Landothe 27, U.E. Bossòst 25, Aurignac 22, B.luchon 20, Boulogne e Mabroc 17, Comminges St. Gaudens 14, Pointis-Inard 10, Etoile du Cagire 5.

Aguest dissabte 7 d’abriu tàs 20 :00 partit en Bossòst contra er E.F.C. Aurignac II.

Derròta contundent mès pendent deth Comité de Competicion

U.S. Cazères 5 - U.E. Bossòst 0

Derrròta contundent dauant deth que ei tà nosati eth milhor equip dera competicion. Eth partit se joguèc en terren sintetic çò que non anèc guaire ben ar equip aranés. Quan ath partit, inciatiua e domini deth jòc per equip francés pendent es 90 menutes. Un equip que, a despient d’anar dusau, a jogadors damb fòrça experiéncia en categories superiors ara nòsta. Non podérem plantar cara e es gols anauen quènt un darrèr der aute ena nòsta porteria. Sonque auérem ua bona ocasion de Luis. Ena mieja part, ja perdíem 4-0.

Ena dusaua mietat mès de lo madeish, mès eth jòc siguec mès igualat e eth Cazères auie pro ventaja en mercador. Auérem un parelh de bones oportunitats entà auer pogut mercar en rematades d’Ignasi e Felipe. En cambi, eth Cazères ja lèu deth finau anaue a mercar eth darrèr gol, molt semblant as tres prumèrs: pilota longa ara esquia e profitar era velocitat des sòns delantèrs entà plantà-se dauant deth nòste portèr e mercar facilment eth gol.

Ath finau deth partit presentèrem reclamacion pera alinhacion deth jogador deth Cazères Conde Oumar que auie de cumplir un partit de sancion a compdar deth 19 de març e per tant non estaue qualificat entà poder jogar aguesta dimenjada. Ara mos toque demorar era responsa deth Comité de Competicion.

Eth pròplèu partit jogam d’açiu dues dimenjades en Bossòst eth dissabte 7 d’abriu tàs 20:00 ores contra er equip der E.F.C. Aurignac II.

U.S. Cazères: Riviere, Conde, Levasseur, Mehhouti, Chauvignat, Fonbonne, Adouin, Rosa, Calvet, Bouaricha, Manenq. Remplaçants : Coutanceau, Couzinet, Calvet II.

Trainer : Clavet Yann.

Tarjetes auriòles : Fonbonne.

U.E. Bossòst: Manu, Miquel, Javito, Borja, Àlex, Salva, Luis, Ignasi, Gachi, Charles, e Moha. Remplaçants: Dani, Cristian

Trainer: Jordi.

Tarjetes auriòles : Salva.

Gols: 1-0 Bouaricha (15’), 2-0 Bouaricha (20’), 3-0 Bouaricha (30’), 4-0 Calvet (40’), 5-0 Manenq (85’).

Arbitre: Bonzom Sebastien.

Liniers : Magne Bertrand, Toumane Saindou.