¡¡¡ Doblet d’Ignasi entà guanhar eth partit !!!

U.S. Encausse 0 - U.E. Bossòst 2

Dusau desplaçament ara seguida e victòria important entà plaçamos en 5º posición a lèu deth quatau e tresau. Eth partit siguèc igualat ena prumèra mietat, siguen eth joen jogador dera U.E. Bossòst Javito eth qu’auie era milhor ocasión quan eth portèr Paya mancaue eth son shut, mes eth jogador aranés non podèc per poc a agarrar era pilota e shutar a porta bueda. Er Encausse sajaue damb es desplaçaments longs deth sòn portèr entà arribar en àrea aranesa. Era defensa e eth porter aranés estèren molt segurs pendent es 90 menutes deth partit. A lèu deth descans Marcos arturaue un shut dera delantera francesa. Damb eth 0-0 s’arribaue ath descans.

Ena dusaua mietat er equip aranés anaue a mercar es dos gols. En dues jugades molt semblantes Ignasi se treiguie de dessus ara defensa e shutaue a tocar deth garròt dret entà merca es dos gols. Entre es dos gols Paba auèc ua molt bona ocasión quan tot solet dauant de Paya non arribaue a poder mercar, dempús d’ua bona jogada dera delantera aranesa. Er Encausse sajaue de posar contra eth sòn camp ar equip aranés entà crear vera ocasión mes non podèc ene cap. Era U.E. Bossòst sajaue ath contraatac d’arredonir eth bon partit damb un aute gol.

Ath finau, polida victòria per 0-2 e ara cau dar continuitat en partit dera dimenjada que ven que jogam en casa.

Eth pròplèu partit jogam en Bossòst, dissabte 4 de març tàs 20 :00 ores contra er equip deth R.C.S.O Isle en Dodon.

U.S. Encausse : Paya, Ortet, Lun, Chabassiere, Descoubes, Barousse, Bissieres, Marigo, Dos Santos, Noilhan, Labatut. Remplaçants : Batmalle, Lazorat, Aunos.

Trainer : Germain Thierry.

Tarjetes auriòles : Barousse, Lazorat, Ortet.

  

U.E. Bossòst: Marcos, Salva, Borja, Felipe, Àlex, Uri, Paba, Llonch, Ignasi, Javito e Jonathan. Remplaçants: Gachi, Dani, Charles.

Trainer: Jordi.

Tarjetes auriòles : Ignasi.

Gols : 0-1 Ignasi (70’), 0-2 Ignasi (75’)

Arbitre: Venant Maxime.

Un penalty inexistent mos pòrte ara prumèra derròta d’enguan

Etoile du Cagire 1 - U.E. Bossòst 0

Desplaçament dificil eth d’aguest dimenge en Estadens dauant er equip der Etoile du Cagire. Tot eth partit siguec bastant igualat, mès era actuacion arbitrau e era contundéncia defensiua der equip francés mos portèc a patir ua derròta.

Ena prumèra mietat iniciatiua deth jòc pera part aranesa. Er Etoile du Cagire sajaue de suspréner damb es longui desplaçaments de Mola entà Watel. Era irregularitat deth terren de jòc non ajudèc bric ara U.E. Bossòst ( equip mès tècnic qu’eth contrari ) En un shut de luenh de Jonathan, eth portèr francés desviaue era pilota entath cornèr. Er Etoile du Cagire responèc damb un contraatac de Watel que shutaue desviat dehòra dera porteria aranesa. Lèu deth descans, Paba auie ua bona ocasion mès eth sòn shut gessie per molt pòc dehòra dera porteria.

Ena dusaua mietat, ena prumèra menuta se produie era jogada qu’anaue a decidir eth partit : ath bord der àrea , Watel e Felipe corren amassa. Eth jogador francés se tire en terra e damb era suspresa de toti , er arbitre fiule penalty. Er equip francés profite eth “regalo” entà que Mola shutèsse eth penalty ras ara dreta de Marcos. Ère eth 1-0. Damb aguesta decision er equip aranés se gessec un sinhau deth partit e açò impedic de poder aumens arténher er empat. Ignasi auec era milhor ocasion quan shutaue laguens der àrea, mès Domench arturaue eth sòn shut. En ua auta jogada, Salva siguec clarament derribat en punt de penalty per dus jogadors francesi, mès er arbitre non fiulèc era clara fauta, diguèc de continuar eth jòc. Er Etoile sajaue ath contraatac de mercar un aute gol entà decidir eth partit. Era U.E. Bossòst intentèc enquiath darrèr moment damb fautes e cornèrs mès non podérem mercar cap gol.

Ath finau, prumèra derròta d’enguan ; portam dus partits ara seguida sense mercar e cau repréner lèu eth camin deth gol se volem arténher resultats positius.

Eth pròplèu partit jogam en Encausse, dissabte 25 de hereuèr tàs 20 :00 ores contra er equip locau..

Etoile du Cagire : Domench, Bresquignan, Segu, Cluzet, Mola, Magnesse, Deu, Bares, Camin, Sarradet, Watel. Remplaçants : Chaubet, Patrick, Jordana.

Trainer : Campet Alain.

Tarjetes auriòles : Bresquignan, Mola.

U.E. Bossòst: Marcos, Jaime, José Ramón,  Borja, Felipe, Àlex, Uri, Paba, Ignasi, Salva e Jonathan. Remplaçants: Gustavo, Javito, Javi.

Trainer: Jordi.

Tarjetes auriòles : Ignasi, Uri, Paba.

Arbitre: Laven Mickael.

Era jornada des partits suspenudi se jogarà era dimenjada deth 18-19 d’hereuèr

Eth partit contra er Etoile du Cagire ath finau se jogarà eth dimenge 19 d’hereuèr tàs 15 :00 en Estadens.

Non passam der empat a 0

U.E. Bossòst 0 – F.C. Pointis-Inard 0

Partit complicat eth d’aguest dissabte en Bossòst en un terren trende que dificultèc eth jòc as dus equips.

Eth F.C. Pointis-Inard damb eth jogador ex-professionau deth Toulouse, Avezac , siguec un equip dificil de suspréner. Ena prumera mietat, auérem eth domini deth jòc mès mos manquèc èster contundents en àrea. Adrián auec ua bona ocasion, mès eth sòn shut anec as mans de Dahleb. Era mès clara siguec de Marco quan , a passada d’Ignasi,  shutaue e era pilota siguec desviada entre era defensa e eth portèr francés. Eth Pointis-Inard auec ua molt bona ocasion quan Rodrigues tot solet dauant de Marcos, shutaue dehòra a tocar deth garròt. Damb eth 0-0 s’arribaue ath descans.

Ena dusaua mietat començaue damb un bon cop de cap de Paba en un cornèr que gessec per dessús dera porteria. Eth Pointis-Inard sajaue de suspréner en jogades de contraatac. En jòc, ena dusaua mietat, i auec fòrça interrupcions per fautes des jogadors. Ena recta finau deth partit bones ocasions dera U.E. Bossòst enes botes de Miguel e Moha que per molt poc non podérem transformar. Es francesi tanben auérem bèra ocasion mès en shuts de Bou que sigueren arturadi per Marcos.

Ath finau 0-0, un resultat que non deishèc contenti a cap des dus equips.

Eth pròplèu partit jogam en Estadens, dissabte 11 de hereuèr tàs 20 :00 ores contra er equip der Etoile du Cagire.

Dempús deth partit er equip hèc sopar de despedida entà Miguel Angel Novo Lamas ( Chini) que deishe er equip auem estat damb nosati 8 sasons. Le desiram ço de milhor en nau destin de trebalh.

U.E. Bossòst: Marcos, Salva, Borja, Felipe, Àlex, Uri, Paba, Ignasi, Marco, Jonathan e Adrián. Remplaçants: Miguel, Luis, Moha

Trainer: Jordi.

Tarjetes auriòles : Marcos, Uri.

F.C. Pointis-Inard : Dahleb, Beret, Duprat, Peyris, Avezac, Ruz, Dos Santos, Bottarel, Rodrigues, Choquart, Servat. Remplaçants : Laforgue, Vignolles, Bou.

Trainer : Gracia Yannick.

Tarjetes auriòles : Duprat, Ruz.

Arbitre: Duplan David.