dilluns, 30 de gener de 2017

¡¡¡ Retornam ara competicion damb ua bona victòria en Aurignac !!!

E.F.C. Aurignac 2 - U.E. Bossòst 4

Dempús de mès d’un mes e miei sense jogar peth mau temps de gèr, podíem jogar aguest partit, qu’ei eth darrèr deth prumèr tour.
Eth partit se metie de cara as 5 menutes quan Àlex, des de dehòra der àrea en un bon shut susprenie ath portèr francés ; ère eth 0-1. Er Aurignac sajèc de méter mès intensitat en jòc,  mès non arribaue damb guaire perilh ena porteria aranesa. Ara mieja ora de jòc en ua fauta lateral molt ben shutada per Charles ère rematada de cap per Uri en dusau garròt; ère eth 0-2. Abantes deth descans er Aurignac reduie distàncies en mercador quan Zunnui a pòrta ueda profitaue un rebot dera pilota en garròt; ère eth 1-2 resultat en que s’arribaue ath descans.
Ena dusaua mietat as 10 menutes en ua fauta shutada per Àlex, Ignasi s’auançaue ara gessuda deth portèr francés Masquere e de cap mercaue eth 1-3. Continuèc eth bon jòc aranés, e en ua bona jogada der equip acabaue a lèu der àrea e José Ramón shutaue era pilota e la plaçaue ena esquaira dera porteria, un gran gol entath 1-4. Er Aurignac non baishèc es braçi e a un quart d’ora deth finau, se beneficiaue d’un penalty dubtòs e Zunnui shutaue entà mercar eth 2-4 que serie eth resultat ath finau deth partit.
Retornam damb ua bona victòria damb quate gols, domatge es dus gols encashadi. Ara estam plaçats en cinquau lòc dera classificacion damb 27 punts.

Eth pròplèu jogam en Bossòst, dissabte 4 de hereuèr tàs 20 :00 contra er equip de F.C. Pointis-Inard.

E.F.C. Aurignac : Masquere, Beautes, Aouam, Gergaud, Mercou, Darnaud, Boue, Gateau, Vayeux, Dzuman, Noel. Remplaçants : Cazenave, Zunnui, Pfeifer.
Trainer : Bouhours Gilles.
Tarjetes auriòles : Beautes, Noel.


U.E. Bossòst: Pol, Jaime, José Ramón, Borja, Felipe, Àlex, Uri, Paba, Ignasi, Charles e Adrian. Remplaçants: Marco, Dani e Javi.
Trainer: Jordi.
Tarjetes auriòles : Pol.


Arbitre: Micheau Andre.

Cap comentari: