¡¡¡¡ Bon Nadau e Eròs An Nau 2018 entà toti !!!!

Non podem jogar

Eth partit d'aué disabte 16.12.17 contra eth F .C.Mabroc II non se pot jogar pr'amor dera molta aigua e un sinhau de nhèu qu'auem en camp de fotbòl.

Partit suspenut

Eth partit d'aguesta neta estat suspenut pr'amor qu'era nhèu encara l'auem en camp de fotbòl.
Era dimenjada que ven tornam a jogar en Bossòst, veiram com va temps pendent aguesta semana.
Partit dissabte 16 de deseme: U.E. Bossòst - F.C. Mabroc

Mereishíem un milhor resultat

E.F.C. Aurignac II 3 - U.E. Bossòst  2

Partit disputat damb fòrça e importants baishes en totes es linhes der equip. A despiet d’aquerò, er equip joguèc un partit pro correcte. Ena prumèra mietat eth joc siguec igualat sense auer un clar dominador e es defenses s’imposauen as delantèrs. Er Aurignac creaue perilh damb es jogades deth sòn jogador Bellour qu’anaue a suspréner ara defensa aranesa en un parelh de jogades; ena dusaua artenhie mercar eth 1-0 quan shutaue ras a tocar deth garròt. Era U.E. Bossòst artenhie er empat en ua jogada de Cristian que se plantaue dauant deth portèr, eth sòn shut siguec refusat mès era pilota queiguie enes botes de Charles que mercaue eth 1-1, resultat damb eth que s’arribaue ath descans.

Ena dusaua mietat, sonque començar, cornèr mau defenut e Boue en prumèr garròt shute entà mercar eth 2-1. Auérem dues bones ocasions ara seguida, mès es shuts de Salva e Castet sigueren desviadi entath cornèr per Shiavon. En cambi er Aurignac en ua jogada de Dumazert se plantaue dauant Paba e mercaue eth 3-1. Er equip aranés sajaue d’escuerçar es distàncies en mercador, mès eth portèr francés Shiavon siguec eth milhor jogador deth sòn equip en tot trèir ua bona rematada de cap de Charles quan toti ja celebràuem eth gol. A 5 menutes deth finau ua bona jogada entre Charles e Castet , qu´anaue a profitar aguest entà mercar eth 3-2. Encara quedaue temps mès non podérem aumens empatar eth partit.

Ath finau, ua auta derròta. Non estèrem tan luenh d’arténher un milhor resultat, eth camin seguís. Auem dus partits en casa abantes d’acabar er an e qu’auem dearofitar entà retrobà-mos damb era victòria.

Non jogam enquia d’açiu dues dimenjades :

- 9au. Jornada deth campionat de Liga en Bossòst eth dissabte 9 de deseme tàs 20 :00 contra er equip deth F.C. Pyrenees Sud.

E.F.C. Aurignac II : Shiavon, Benazet, Mayet, Hurle, Mallet, Benyahya, Rey, Boue, Bellour, Gateau, Ferrere. Remplaçants : Plante Germain, Guezennec, Dumazert.

Trainer : Benac Gilles.

U.E. Bossòst: Paba, Miquel, Javito, Borja, Felipe, Àlex, Salva, Castet,  Cristian, Charles,  e Marco. Remplaçants: Jonathan, Carlos, Dani

Trainer: Jordi.

Gols : 1-0 Bellour (35’), 1-1 Charles (42’), 2-1 Boue (50’), 3-1 Dumazert (60’), 3-2 Castet (85’).

Arbitre: Marnissi Oasmi Achraf.

Liniers : Sengles Pierre, Mekouchech Farid.

Ua derròta mercada pes lesions

U.E. Bossòst 1 – U.S. Cazères II 3

Derròta dauant eth bon equip deth Cazères que des d´ un començament pressionaue plan era pilota en nòste terren de jòc. Es dus equips non auérem guaire ocasions. Es causes se complicàuen entar equip aranés quan Ignasi e Gachi auíem de deishar eth terren de jòc as 35’ per lesion. Lèu deth descans, eth Cazères anaue a profitar ua fauta a prop der área entà mercar, dempús de qu’era pilota siguesse desviada involuntariament pera defensa aranesa. Damb eth 0-1 s’arribaue ath descans.

Ena dusaua mietat, en ua fauta molt ben shutada per Àlex , era pilota anaue a tocar eth garròt dera porteria francesa. Encara se mos complicàuen mès es causes quan auíem de cambiar per lesion a LLonch. En un aute lançament de fauta ,eth Cazères mercaue eth 0-2 quan Mehhouti plaçaue era pilota ena esquaira dera porteria de Marcos. A compdar d’alavetz ja siguec mès difícil continuar en partit. Eth Cazères profitaue entà mercar eth 0-3 en un shut de Chauvigant laguens der àrea. Enes darrèrs minuts Dani mercaue eth gol der aunor aranés : ère eth 1-3, resultat damb eth que s’acabaue eth partit.

Ath finau, derròta dauant un bon Cazères mès estèrem molt penalizadeipes lesions des nòsti 3 jogadors. Non auràn guaire temps de recuperà-se donques era pròplèu setmana  tornam a auer partit :

- 8au. Jornada deth campionat de Liga en Aurignac eth dissabte 25 de noveme tàs 20 :00 contra er equip locau.

U.E. Bossòst: Marcos, Salva, Javito, Borja, Felipe, Àlex, LLonch, Gachi,  Ignasi, Charles,  e Marco. Remplaçants: Jaime, Carlos, Dani

Trainer: Jordi.

Tarjetes auriòles : Salva, Gachi.

U.S. Cazères : Mepor, Sau. Levasseur, Coutanceau, Mehhouti, Fonbonne, Adouin, Ribeiro, Couzinet I, Couzinet II, Chauvignat. Remplaçants : Dega, Gouider, Rosa.

Trainer : Bouffartigue Bernard.

Tarjetes auriòles : Sau, Gouider

Gols : 0-1 Salva (p.p 44’), 0-2 Mehhouti (70’),0-3 Chauvignat (75’), 1-3 Dani (86’).

Arbitre: Lompech Antoine.

Liniers :  Darnaud Corentin, Dega Eric.

Dam massa facilitats en defensa

Ent. Boulogne II 3 - U.E. Bossòst 0

Derròta en desplaçament a Boulogne en que mostrerem es nòstes debilitats defensiues. E portam començauem fòrça ben eth partit damb dues bones oportunitats enes botes de Marcos que shutaue dauant deth portèr que desviaue era pilota a cornèr; eth lançament de cornèr rematat per Felipe anèc entà dehòra per molt poc. Enquiara era menuta 30, joc igualat. Eth Boulogne aprofitaue ua fauta jogada rapidament entà sorprene ara defensa aranesa e Demont shutaue tot solet entà mercar eth 1-0. A lèu deth descans en ua fauta shutada desde luenh sense guaire perilh, Navarre aprofitaue entà mercar eth 2-0, resultat ath descans.

Ena dusaua mietat se veiguèc ua U.E. Bossòst superada en mercador e sajant de reduir es distàncies. Es causes se complicauen quan en ua pilota perduda en miei camp eth Boulogne realitzaue un rapit contraatac entà que Demont, eth sòn milhor jogador , shutaue a prop de portería sense que Pol poguese e arren entà arturar era pilota. Ere eth 3-0, d’aquieu enquiath finau ua bona ocasión de Jonathan mes eth son shut siguèc arturat peth portèr francés.

Ath finau, derròta massa abultada peth joc des dos equips, mes estan damb massa facilitats en defensa e en atac tamben mos coste molt aprofitat es ocasions.

Eth pròplèu partit ei d’açi dues dimenjades era 7au. Jornada deth campionat de Liga en Bossòst eth dissabte 18 de noveme tàs 20 :00 contra er equip der U.S. Cazeres II.

Ent. Boulogne II : Masquere, Sicre, Chefd Hotel, Pagotto, Cieutat, Marque, Castex, Bajon, Navarre, Barbe, Demont. Remplaçants : Cottet, Sarrabayrouse,  Godel.

Trainer : Subreville Jean Pierre.

Tarjetes auriòles : Bajon.

U.E. Bossòst: Pol, Salva, Javito, Borja, Felipe, Peiro, Àlex, Gachi,  Marcos, Jonathan,  e Marco. Remplaçants: Carlos

Trainer: Jordi.

Tarjetes auriòles : Felipe.

Gols : 1-0 Demont (30’), 2-0 Navarre (40’), 3-0 Demont (75’).

Arbitre: Nogueira Cunha Philippe.

Liniers :  Hubert Marc, Lemert Eric.

¡¡ Doblet de Jonathan entà sumar 3 punts !!

U.E. Bossòst  2 – F.C. Pointis-Inard 0

Partit damb victòria logica per part dera U.E. Bossòst dauant eth Pointis-Inard que sonque se presentèc damb 11 jogadors e, ath delà, a 10 menutes deth descans se quedaue damb 10 pera expulsion d’un jogador. Ena prumèra mietat en ua fauta Àlex shutaue e era pilota tocaue eth garròt dera portería francesa. Se tornaue a repetir era jogada en un lançament de Luis quan era pilota en tocar en garròt le queiguec enes pès de Mampel que non podie acabar de controlarla. Eth Pointis-Inard non passaue deth miei camp, mès s’arribaue ath descans damb eth 0-0 en mercador.

Ena dusaua mietat eth portèr francés Dhaleb anaue a èster eth protagonista sauvant ath sòn equip d’ua golejada. As 10 menutes arturaue un penalti que shutaue Mampel ras e fluix ara sua dreta. En un cornèr Ignasi remataue tot solet de cap, e realizaue ua gran arturada entà desviar era pilota a cornèr. Mos auérem de demorar enquiath darrèr quart d’ora entà veir es gols qu’anaue a mercar Jonathan a passada d’Ignasi prumèr, e eth dusau en ua bona jogada de Luis quan s’acabaue eth partit.

Ath finau, victòria entà sumar tres punts dauant un equip molt fluix ath que podiem auer mercar fòrça mès gols.

Eth pròplèu partit ei era 6au. Jornada deth campionat de Liga en Boulogne eth dissabte 4 de noveme tàs 18 :00 contra er equip locau. Auem demanat d’auançar eth partir entà diuendres tàs 21 :00.

U.E. Bossòst: Marcos, Salva, Javito, Borja, Àlex, Luis, Llonch, Ignasi, Mampel, Javi e Marco. Remplaçants: Dani, Alvaro e Jonathan

Trainer: Jordi.

Tarjetes auriòles : Luis, Mampel.

F.C. Pointis-Inard : Dhaleb, Duprat, Peyris, Laforgue, Dupuy, Bottarel, Gordia, Vignolles, Tsimpou I, Ruz, Tsimpou II.

Trainer : Gracia Yannick.

Tarjetes auriòles : Peyris.

Tarjeta vermelha : Gordia.

Gols : 1-0 Jonathan (75’), 2-0 Jonathan (89’).

Arbitre: Darnaud Claude.

Liniers : Magne Bernat, Darnaud Corentin.

Ua dusaua part dolenta mos deishe dehòra dera Copa Comminges

U.S. Cazeres II 4 - U.E. Bossòst  1

Partit de Copa de Comminges en Cazeres dauant un bon equip. Joguèrem ua bona prumèra mietat en tot de sajar de jogar en un camp f`òrça gran ath contraatac e deféner era nòsta porteria. As 25’ en ua bona jogada dera U.E. Bossòst, Salva passaue era pilota a Marcos que tot solet mercaue per naut: ère eth 0-1. Petita sorpresa en mercador que durarie molt poc, quan as 5’, Manenq centraue laguens der àrea entà que Couzinet merquèsse er empat a un gol. Auérem ua bona oportunitat quan Javi se quedaue tot solet en área, mès eth sòn shut anaue a gésser desviat dera porteria. S’arribaue ath descans damb 1-1.

Ena dusaua mietat non estèrem tant ben defensivament e eth Cazeres anaue a profitar era nòsta debilitat. As 10 menutes en ua fauta laterau Pol non podie acabar de desviar era pilota entà cornèr e entraue laguens dera portería aranesa. Encara s’anàuen a complicar mès es causes quan Debez profitaue ua pilota ara esquia dera defensa entà mercar eth 3-1. Auérem ua molt bona ocasion quan Javi tot solet laguens der área non podie mercar e era pilota desviada per Riviere siguec profitada peth Cazeres entà realizar un ràpit contraatac entà mercar eth 4-1, resultat ath finau deth partit.

Ath finau, eliminadi dera Copa de Comminges dauant un equip damb fòrça experiéncia. Joguèrem ua molt bona prumèra mietat mès mos manquèc consisténcia defensiua ena nòsta área e definicion en área contraria ena dusaua mietat. Ara, sonque mos toque pensar en campionat.

Eth pròplèu partit ei era 5au. Jornada deth campionat de Liga en Bossòst eth dissabte 28 d’octobre tàs 20 :00 contra er equip F.C. Pointis-Inard.

U.S. Cazeres: Riviere, Rosa, Sau, Couzinet, Mehhouti, Fonbonne, Adouin, Fabre, Calvet, Debez, Manenq. Reemplaçants : Coutanceau, De la Silva.

Trainer : Calvet Yann.

Tarjetes auriòles : Fonbonne, Debez.

  

U.E. Bossòst: Pol, Jaime, Javito, Felipe, Borja, Peiró, Àlex, Salva, Marcos, Javi e Marco. Remplaçants: Luis, Carlos, Ignasi.

Trainer: Jordi.

Tarjetes auriòles : Luis.

Gols : 0-1 Marcos (25’), 1-1 Couzinet (30’), 2-1 Debez (55’), 3-1 Debez (65), 4-1 Calvet (80’).

Arbitre: Darolles Jean.

Derròta minima

Ent. Landorthe 1 - U.E. Bossòst  0

Partit igualat eth disputat aguest dissabte en Estancarbon contra eth Landorthe en qu’er equip aranés mereishia artenhe un milhor resultat. Siguèc ena prumèra mietat en qu’er equip francés mercaue er unic gol deth partit. Er equip aranés auèc ocasions entà poder aumens igualar eth partit lo qu’auese estat un resultat mes just, vist lo vist enes 90 menutes.

Eth pròplèu partit ei era 2au. Eliminatòria dera Copa de Comminges en Cazeres eth dissabte 21 d’octobre tàs 20 :00 contra er equip locau. Aguest an non auem sort enes sorteigs de Copa, quate partits e toti dehòra de casa.

Ent. Landorthe : Combes, Moras, Lacaze, Villani, Brune, Louge, Jibbou, Dutheil, Boukebouche, Tombini, Tovar Molle . Remplaçants: Lordat, Ferreira, Ahazrir.

Trainer : Constant Raphael.

Tarjetes auriòles : Louge, Ferreira

U.E. Bossòst: Marcos, Salva, Javito, Felipe, Borja, Àlex, Paba, Cristian, Gachi,  Ignasi e Marco. Remplaçants: Carlos, Gustavo.

Trainer: Miki.

Gols : 1-0 Boukebouche (25’).

Arbitre: Peter Yann.

Liniers : Benallou Sofiane, Laoufi Sofiane.

Golejada e dehòra dera Copa d’Occitània

U.S. Miramont 5 - U.E. Bossòst  1

Partit molt dolent eth jogat pera U.E. Bossòst aguest dissabte en Miramont contra er equip locau. Sonque eth prumèr quart d’ora semblaue que èren un sinhau superiors e auérem un parelh d’oportunitats enes botes d’Ignasi e Mampel. Mès, a compdar d’encaishar eth prumèr gol, tot cambièc. Ei vertat que patiem fòrça baishes ena part defensiua, mès aquerò non justifique auer encaishat tanti gols. Ara mieja part, ja perdíem per 2-0.

Ena dusaua mietat sonque començar, encaishèrem eth tresau gol que sentenciaue era eliminatòria. Si que reduirem distàncies donques a un quart d’ora deth finau anàuem a mercar un gol en un penalti a Javi que shutaue Jonathan. En darrèr quart d’ora eth Miramont encara mercarie dus gols mès, pes sòns jogadors Dridi e Ausset que siguec er òme deth partit en tot mercar un póker de gols.

Ath finau derròta en ua competicion que non ei entà guanhar nosati  mès qu’auiem d’auer competit d’ua auta manera e non deishar encaishar aguesta golejada en contra.

Eth pròplèu partit 4au. jornada deth campionat de Liga en Estancarbon eth dissabte 14 d’octobre tàs 20 :00 contra er equip Ent. Landorthe.

U.S. Miramont : Senges, Pinho, Gingreau, Tekou, Ribeiro, Navas, Exposito, Dridi, Barrouche, Chaks, Ausset. Remplaçants: Kihal, El Ghali, Pellegrino.

Tarjetes auriòles : Navas, Exposito.

Trainer : Campo François.

U.E. Bossòst: Miguel, Carlos, Javito, Mampel, Anthony, Àlex, Uri, Jonathan, Castet,  Ignasi e Marco. Remplaçants: Dani, Alvaro, Miquel.

Trainer: Miguel.

Tarjetes auriòles: Mampel, Ignasi

Gols : 1-0 Ausset (15’), 2-0 Ausset (40’), 2-0 Ausset (50’), 3-1 Jonathan (p. 75’), 4-1 Dridi (80’), 5-1 Ausset (85’).

Arbitre: Chauvet Lionel.

¡¡¡ Victòria en casa!!!

U.E. Bossòst  3 – Comminges St. Gaudens 2

Vibrant partit eth disputat aguest darrèr dissabte en Bossòst en qu’er equip aranés remontèc ua diferéncia de dus gols en mercador. Era prumèra part dominada per equip francés que presentèc un bon equip e realizèc un bon jòc pendent es 90 menutes. Era U.E. Bossòst siguec perjudicada ena prumèra mietat pes blesures de Luis e Gachi. Eth Comminges St.Gaudens s’aunçaue en un lançament de fauta que Pol non podie arturar. Domatge d´ aguesta jogada pr’amor que Pol siguec un jogador que realizèc un gran partit damb ues bones arturades que mos permetèc ath finau guanhar eth partit.

En ua pilota perduda en miei deth camp, jogada per banda de Paya e eth sòn centro ère rematat per Ottonelli: ère eth 0-2 e eth partit se mos complicaue fòrça. Auérem era sort ena menuta finau abantes deth descans que Jonathan forçèc en ua jogada un penalty que shutat per Felipe anaue a èster eth 1-2, resultat que s’arribaue ath descans.

Ena dusaua mietat era U.E. Bossòst as 10 menutes artenhie er empat a 2 gols quan Àlex profitaue un bon passe de Felipe entà mercar a porta ueda, dempús de qu’eth porter gessesse dera portería. Eth Comminges St.Gaudens hec fòrça perilh damb eth sòn delantèr Ottonelli, mès Pol estec esplendid en totes es sues intervencions.

En un lançament de fauta, Uri anaue a plaçar era pilota ena esquaira dera portería francesa, en tot mercar un gran gol: eth 3-2. Encara quedaue un quart d’ora e er equip aranés auec de deféner damb ungles e dents aguesta petita diferéncia qu’auie en mercador.

Damb sort, ath finau victoria per 3-2, ja non mos embrembàuem dera darrèra victòria en casa pr’amor qu’auíem perdut es tres darrèrs partits dera sason passada e eth prumèr d’aguesta. Eth Comminges St.Gaudens non demostrèc eth darrèr lòc qu’ocupe ena classificacion,  ath contrari eth sòn joc siguec fòrça bon e segur que gesserà d’aguesta posicion. A nosati aguesta victòria mos plaçe en cinquau lòc damb 6 punts.

Era classificacion ei: Encausse e Pyrennées Sud 9 punts, Cazères e Landorthe 7 punts, U.E. Bossòst e Aurignac 6 punts,  B. Luchon, Boulogne e Mabroc 3 punts, St.Gaudens, Pointis-Inard e Etoile du Cagire 0 punts.

Eth pròplèu parti ei partit de 1ª Eliminatòria dera Copa d’Occitània en Miramont eth dissabte 7 d’octobre tàs 20 :00 contra er equip U.S. Miramont.

U.E. Bossòst: Pol, Salva, Luis, Anthony, Felipe, Peiro, Àlex, Uri, Jonathan, Castet e Gachi. Remplaçants: Javito, Carlos, Miquel.

Trainer: Miguel.

Tarjetes auriòles: Uri, Salva, Àlex.

Gols : 0-1 (25’), 0-2 Ottonelli (35’), 1-2 Felipe (p.45’), 2-2 Àlex (55’), 3-2 Uri (75’).

Arbitre: Lompech Antoine.

Liniers : Martres Ludovic.

¡¡¡ Prumèra victòria deth campionat !!!

Etoile du Cagire 1 - U.E. Bossòst  2

Partit en un camp dolent e dauant un equip que tostemp mos a costat fòrça guanhales e mes en sòn terren de joc. Era U.E. Bossòst gessèc a peth partit desde era prumèra menuta e siguèc er equip que portèc era iniciatiua pendent es 90 menutes. Ath quart d’ora Uri sorprenia ath portèr francés damb un shut damb era cama Esquerra. Ere eth 0-1. Er equip francés responèc damb accions a pilota arturada damb eth sòn jogador Laplagne. Anauen a aprofitar ua pilota perduda en miei camp aranés entà empatar eth partit per miei de Segu que le queiguèc un rebot enes sons pes e mercaue eth 1-1. Era U.E. Bossòst poguèc mercar abantes deth descans en ua clara ocasión de Mampel, mes eth sòn shut anaue a tocar eth garròt dera portería de Gavalda. Damb eth 1-1 s’arribaue ath descans.

Ena dusaua mietat, madeish partit sense guaire ocasions per part des dos equips. As 20 menutes Jonathan desde eth miei deth camp, corrèc entà plantase dauant deth portèr e shutar damb era cama esquerra un shut suau entà mercar eth 1-2. A partir d’alavetz er arbitre començèc a distribuir non de la madeisha manera es tarjetes auriòles. Ath finau nosati sies e eth contrari ua. Enes menutes finaus ua bona ocasion entas dos equips, Javi shutaue per dessus dera portería e eth shut de Bares anaue a tocar eth garròt dera portería de Marcos.

Ath finau, prumèra victoria deth campionat que mos servis un sinhau entà recuperamos dera derròta en casa deth prumèr partit.

Era dimenjada que ven, auem un aute viatge descans, partits dera prumèra eliminatoria dera Copa d’Occitania e encara non començam era competición.

Eth pròplèu parti ei partit deth campionat d’Excellence en Bossòst eth dissabte 30 de seteme contra er equip deth Comminges St. Gaudens II.

Etoile du Cagire : Gavalda, Deu, Roux, Mienville, Bresquignan, Sarradet, Cluzet, Segu, Bares, Laplagne, Garnier. Remplaçants : Ripoll.

Trainer : Watel Romain.

Tarjetes auriòles : Deu.

U.E. Bossòst: Marcos, Borja, José Ramón, Anthony, Felipe, Àlex, Mampel, Uri, Ignasi, Castet e Marco. Remplaçants: Salva, Carlos, Jonathan

Trainer: Miguel.

Tarjetes auriòles : Marcos, Borja, Mampel, Uri, Salva, Jonathan.

Gols : 0-1 Uri 15’), 1-1 Segu (25’), 1-2 Jonathan (70’).

Arbitre: Magne Bertrand.

Liniers : Nogueira Cunha Phlippe, Smara Mathieu.

Dissabte dusaua jornada deth campionat

Aguest dissabte 16 de seteme tàs 20:00, dusaua jornada deth campionat d'Excellence entara U.E. Bossòst e prumèr desplaçament, jogam en Estadens contra er equip der Etoile du Cagire.

Començam eth campionat en casa damb ua derròta

U.E. Bossòst 3 - U.S. Encausse 4

Partit damb massa gols encajadi en aguest inici deth campionat. E acrò qu'ath quart d'ora Felipe en un lançament de penalty mercaue eth 1-0. Era resposta der Encausse siguèc ara seguida e Rodrigues Oliveira shutaue de luenh entà mercar er empat a 1 gol. Abantes deth descans eth perilhos jogador Paya, anaue a adelantar as francesi en un shut ras que Marcos non podie arturar. Damb eth 1-2 s'arribaue ath descans.

Ena dusaua mietat en un inici plen de gols s'anauen a intercanviar cops es dos equips e ataua Rodrigues Oliveira per part der Encausse anaue a mercar dos polidi gols e Ignasi anaue her lo de madeish entara U.E. Bossòst. Eth resultat ere de 3-4 damb mes de 35' entà jogar. Era iniciatiua siguèc der equip aranés clar dominador en aguesta dusaua mietat en que a part des dos gols creèc ocasions entà mercarne mes. Er Encausse continuèc damb eth son perilhos joc de contraatac entà aué tamben ocasions entà mercar.

Ath finau derrota en un partit en que tampoc auerem era sort en cap des dues àrees deth terren de joc. Es aficionadi reconeshien ath finau deth partit er esforç deth son equip damb aplaudiments.

Aguestadimenjada que ven non auem partit en principi, estam

pendents deth sorteig dera prumèra ronda dera Copa de Midi eth dijaus 7 deseteme.

U.E. Bossòst: Marcos, Jaime, Borja, Anthony, Felipe, Peiro, Ignasi,

Marco, Jose Ramon, Jonathan e Paba. Remplaçants: Alex, Carlos, Abraham.

Trainer: Jordi

U.S.Encausse: Dos Santos, Martins, Ortet, Vinsonneau, Paya II,

Huchet, Lazorat, Cassan, Rodrigues Oliveira, Noilhan, Paya. Remplaçants: Dos Santos Lopes, Lun, Aunos.

Trainer: Germain Thierry.

Gols: 1-0 Felipe (15'), 1-1 Rodrigues Oliveira (17'), 1-2 Paya(30'), 1-3 Rodrigues Oliveira (47'), 2-3 Ignasi (49'), 2-4 Rodrigues Oliveira (51'), 3-4 Ignasi (53').

Arbitre: Boitel Eric.

Liniers: Castro Antoine, Abdou Salami Abidhari.

Començam eth campionat de Liga

Dempús d'ester eliminadi era dimenjada passada en camp deth

Pibrac contra er equip der U.S. Leguevin en un partit fòrça igualat que s'anaue a decidir enes darrères 5 menutes quan er equip francés mercaue es 2 gols entà emportasen era victòria, començam eth campionat de Liga aguesta dimenjada.

Partit dissabte 2 de seteme tàs 20:00 en Bossòst

U.E. Bossòst - U.S. Encausse

Guanham eth derby deth Portilhon

B. Luchon 0 - U.E Bossòst 2

Guanham eth derby deth Portilhon e passam ronda ena Copa de França. Com cada derby partit igualat que non se decidic enquias darrères 20 menutes. Auerem es milhors oportunitats damb xuts enes garròts de Gachi e Llonch. Siguèren Paba e Luis es golejadors.

Ara entath dusau partit d'aguesta Copa de França mos tocara viatjar mes luenh, enquia tocar de Toulose contra er equip deth Leguevin U.S. Partit era dimenjada que ven, encara non se sap de cert eth dia e era ora.

B. Luchon: Miquel, Farrus, Van Mo, El Mahraoui, De Abreu, Revertegat, Yassine, Boy, Cases, Berges, Arnaduc. Remplaçants: Munill, Pons, Figueroa.

Trainer: Revertegat Philippe.
Tarjetes auriòles: Farrus, El Mahraoui, Boy.

U.E. Bossòst : Pol, Salva, Borja, Anthony, Alex, Paba, Luis, Marco, Gachi, Ignasi e LLonch. Remplaçants: Marcos, Carlos, Castet, Jaime.

Trainer: Miguel Jimenez.
Tarjetes auriòles: Luis, Llonch.

Gols: 0-1 Paba (75'), 0-2 Luis (80').

Arbitre: Lompech Antoine.

Liniers: Magne Bertrand e Cazenave Didier.

Eth trofeig se quedèc en casa

Eth XXVIII Trofeig Memoriau Manuel Huguet siguèc guanhat pera U.E Bossòst ens lançaments de penalty per 4-3 gols. Eth partit auie acabat damb empat a 1 gol, gol merat per Javi Castet.
Aué dissabte tàs 20.00 prumèra eliminatoria dera Copa de França, derby deth Portilhon en Luchon;
B. Luchon S.p. - U.E. Bossòst

XXXVIII TROFEIG MANUEL HUGUET

Deman dimars 15 d’agost tàs 19 :15

U.E. Bossòst – U.D. La Fueva

Nau entrenador dera U.E. Bossòst entara sason 2017-2018

Miguel A. Jimenez Sanchez a començat aguesta semana a dirigir es entrenaments deth nòste equip e serà eth trainer entara naua sason.

Míguel a estat fòrça ans vinculats ara E.F. Val d’Aran coma trainer. Tanben abantes estèc en F.C. Vielha, prumèr coma jugador e dempús coma trainer.

Li desiram fòrça éxits en aguesta naua etapa fotbolistica.

Eth prumèr partit der equip com cada an serà laguens des actes dera nòsta Hèsta Major:

Partit dimars 15 d’agost tàs 19:15

U.E. Bossòst – U.D. La Fueva

Era prumèra jornada deth campionat començaram en casa, dissabte 2 de setme tàs 20:00 contra er Encausse U.S.

Deman començe a rodar era pilota

Deman dimars 1 d’agost començen es entrenaments dera U.E. Bossòst entà premanir era sason 2017-208. En aguesti prumèrs dies i aurà tres sesions semanaus.

Es partits qu’auem a dia d’aué son:

XXVIII Trofeig  Manuel Huguet (Hèsta Major 2017), dimars 15 d’agost tàs 19:15.

U.E. Bossòst – U.D. La Fueva

Dimenjada deth 19-20 d’agost, 1ª eliminatòria dera Copa de França en Luchon contra er equip locau

En principi eth campionat començarà era prumèra dimenjada de seteme dies 2-3.

Sorteig Copa de França

En sorteig d'agèr dera prumera eliminatòria dera Copa de França jogaram eth prumèr derby deth Portilhon, era dimenjada deth 19-20 d'agost en Luchon;
B. Luchon - U.E. Bossòst
Es auti partits son:
Villeneuve de Riviere - St. Gaudens
U.S. Encausse - Pointis-Inard
Ent. Landorthe - Le Plan A.S.
Ent. Boulogne - Aurignac
SaliesMane - Pyrenees Sud
F.C. Mabroc - Miramont

Acabam molt mau eth campionat, mès sauvam era categoria

U.E. Bossòst  1 – Ent. Boulogne 6

Sort que s’acabat eth campionat. En aguesti darrèrs 5 partits auem anat de mau en pitjor. Jogar contra es tres equips de naut en tot pèrder mès realitzant boni partits, a comportat un desgast important ar equip e , entre lesionadi e jogadors sancionadi, auem acabat aguesti dus partits en casa damb uns resultats en contra que jamès auiem patit. Ei vertat que jogàuen contra dus equips reforçadi damb jogadors deth prumèr equip, mès auíem d’auer dat ua milhor resposta. Non auem estat contundents darrèr donques damb molt pòc er equip contrari mos a marcat gols. Cò de milhor ei qu’auem artenhut er objectiu de sauvar era categoria.

Ath finau, eth campeon a estat eth F.C. Mabroc. Es dus equips que baishen de categoria son er Etoile du Cagire e Isle en Dodon.

Classificacion finau ei: Mabroc 77, Cazères 76, Pyrénnées Sud 54, Pointis 52, Encausse 51, St. Gaudens e Luchon 48, Aurignac, Bossòst, Boulogne, 46, Etoile du Cagire 44, B, Isle en Dodon 40.

Ara toque descansar e cargar molt ben es piles entara pròplèu sason. Mos retrapam a prumèrs deth mes d’agost. ¡¡¡ Bon estiu entà toti !!!.

U.E. Bossòst: Pol, Salva, José Ramón, Borja, Àlex, Paba, Gachi, Marco, Jonathan, Castat e Miguel. Remplaçants: Javito, Carlos, Abraham.

Trainer: Jordi.

Tarjetes auriòles : Àlex.

Ent. Boulogne : Roumeguere, Col I, Sicre, Bourgade, Barbe, Dequesne, Adoue, Col II, Tapie, Senac, Demont. Remplaçants : Puyol, Marque, Sarrabayrouse.

Trainer : Subreville Jean Pierre.

Tarjetes auriòles : Puyol.

Gols : 0-1 Tapie (25’), 0-2 Dumont (35’), 0-3 Dequesne(44’), 0-4 Col II (60’), 0-5 Tapie (70’), 0-6 Tapie (75’), 1-6 Castet (80’).

Arbitre: Duprat Philippe.

Contundent derròta en casa

U.E. Bossòst  0 – E.F.C. Aurignac 4

Contundent derròta en casa dauant er equip der Aurignac que pòrte un dusau torn deth campionat quasi perfecte damb solet un partit perdut en casa deth líder. Començèc fòrça mau eth partit entara U.E. Bossòst quan as 5 menutes patíem era lesion de Felipe. Ara seguida, er Aurignac mercaue eth 0-1. Le costèc ar equip aranés retrobà-se eth partit dempús d’aguestes dues patacades. As 35’ Dzuman anaue a mercar eth 0-2 en profitar ua pilota longa qu’era defensa aranesa non podec despejar. Damb eth 0-2 s’arribaue ath descans.

Ena dusaua mietat ja non compdàuem damb Uri ( tanben lesionat ) e, ath delà,  patiríem es expulsions per doble tarjeta jauna de Llonch e Marcos. Er Aurignac profitèc molt ben era feblesa defensiua aranesa entà mercar dus gols mès en aguesta mietat per sòns delantèrs Dzuman e Sánchez. Ar equip aranés le costèc fòrça arribar en àrea francesa entà aumens mercar un gol.

Ath finau derròta amplia; la vertat ei que tot mos gessec mau: lesion de dus jogadors importants, era expulsion de dus jugadors e ath delà er Aurignac se presentèc damb molt bon equip ( arren a veir damb eth deth prumèr torn )

A manca d’ua jornada , era classificacion ei: Mabroc 73, Cazères 72, Pyrénnées Sud 53, Pointis 48, St.Gaudens e Encausse 47 e Bossòst e Aurignac 45, Luchon 44, Etoile du Cagire 43, Boulogne 42, Isle en Dodon 39. Encara tot per decidir tant ena part de naut coma ena part de baish a despiet de que baishe segur er Isle en Dodon mès manque saber er aute equip.

Eth pròplèu partit ei eth darrèr deth campionat, jogam en Bossòst, dissabte 20 de mai tàs 20 :00 ores contra er equip der Ent. Boulogne

U.E. Bossòst: Pol, Abraham, José Ramón, Borja, Àlex, Felipe, Uri, Llonch, Marco, Gachi e Miguel. Remplaçants: Marcos, Salva e Moha.

Trainer: Jordi.

Tarjetes auriòles : Llonch, Miguel, Marcos.

Tarjetes vermelhes: Llonch, Marcos.

E.F.C. Aurignac: Masquere, Mallet, Aouam, Gergaud, Lapuyade, Thomas, Sánchez, Cancy, Dzuman, Barthe, Boue. Remplaçants: Ferrere, Beautes, Gateau.

Trainer:Bouhours Gilles.

Tarjetes auriòles: Dzuman.

Gols : 0-1 Boue (10’), 0-2 Dzuman (35’), 0-3 Dzuman (50’), 0-4 Sanchez (60’).

Arbitre: Lompech Antoine.

¡¡¡Un gros equip de Cazeres !!!

U.S. Cazères 5 - U.E. Bossòst  1

Deuant un equip fòrça superior damb fòrça jogadors de dues o tres categories de mès, molt pòc podec hèr er equip aranés. Eth Cazères se jogue er ascens e a recuperat a jogadors lesionadi deth prumèr equip e , ath delà, en 4 darrèrs partits  a mercat 22 gols e encajat 3.

Era U.E. Bossòst non hec un mal partit; sajèc de defensà-se e gésser ara contra quan podie. Era qualitat des delantèrs deth Cazères heren era diferéncia ena prumèra mietat e a compdar deth quart d’ora anaue a daurir eth mercador e enquia tres viatges mès anaue a repetir. Es jogadors Koffi e Conde sigueren es milhors deth sòn equip. Damb eth 4-0 s’arribaue ath descans.

Ena dusaua mietat, madeish guion deth partit damb clar domini der equip francés qu’anaue a incrementar eth son mercador coma non, damb un aute gol de Koffi. Es aranesi anauen a arténher eth gol en un penalty a Javi que Felipe s’encarguèc de shutar e mercar.

Ath finau, derròta per 5-1, arren a díer dauant un gros equip de Cazères.

A manca de dues jornades , era classificacion ei: Mabroc 69, Cazères 68, Pyrénnées Sud 52, Pointis 47, St.Gaudens 45, Encausse e Bossòst 44, Luchon 43, Etoile du Cagire 42, Aurignac 41, Boulogne 38, Isle en Dodon 37. Encara tot per decidir tant ena part de naut com ena part de baish.

Eth pròplèu partit ei d’aciu dues dimenjades, jogam en Bossòst, dissabte 13 de mai tàs 20 :00 ores contra er equip der Aurignac

U.S. Cazèes : Meunier, Jaure, Pujol, Rosa, Colonnette, Fonbonne, Adouin, Couzinet I, Conde, Manenq, Koffi. Remplaçants : Couzinet II, Coutanceau, Dega.

Trainer : Pina Pascal.

U.E. Bossòst: Marcos, Jaime, Borja, Àlex, Felipe, Luis, Paba, Marco, Jonathan, Moha e Miguel. Remplaçants: Javito, Carlos, Javi.

Trainer: Jordi.

  

Gols : 1-0 Conde (15’), 2-0 Koffi (25’), 3-0 Conde (35’), 4-0 Couzinet I (44’), 5-0 Koffi (60’), 5-1 Felipe (p.75’).

Arbitre: Nogueira Cunha Philippe.

Líder Sólid

U.E. Bossòst 0 – F.C. Mabroc 2

Era U.E Bossòst demoraue ager en casa ath Mabroc, líder dera categoria, ua equipa que se mostrèc molt solida e que guanhèc per 0 gòls a 2 as locaus en un partit fòrça igualat.

Ena menuta 10 se presentèc era prumèra oportunitat de gòl tàs aranesi en un penalti a favor, que Felipe hèc a tocar en garròt. Eth Mabroc se mostraue perilhós a pilòta arturada, e eth sòn jogador Arcidet plaçaue uns boni centri en area aranesa.

Passats es prumères 35 menutes arribaue eth 0-1 aprofitant un còrner jogat en cuert e qu'eth francés Rives d'esquies ara porteria desviaue era trajectòria entà estonar ath portèr aranés. Damb aguesta diferéncia a s'arribaue ath descans.

Ena represa, jòc ara contra des francesi que estonèren ath quart d'ora quan, un aute còp, Rives aprofitaue era sua velocitat entà mercar a pòrta ueda. Arribaue eth dusau gòl.
Era UE Bossòst auec molt bones ocasions en shuts d'Uri e Javito mès non pogueren redusir era distància en mercador.

A manca de 10 menutes de finalizar eth partit, era U.E Bossòst se quedaue damb 10 jogadors a causa dera expulsion d'Ignasi . Encara e atau, era equipa contunhèc lutant enquiath finau sajant aumens de mercar un gòl, mès sense sòrt. Er arbitre fiulèc eth finau deth partit damb eth 0-2 en mercador.
Eth pròplèu partit jogam en Cazeres, dissabte 29 d’abriu tàs 20 :00 ores contra er equip locau.

U.E. Bossòst: Pol, Borja, Gustavo, Àlex, Felipe, Uri, Llonch, Marco, Jonathan, Abraham e Castet. Remplaçants: Javito, Yerai, Ignasi.
Trainer: Jordi.
Tarjetes auriòles : Castet, Uri, Àlex, Llonch, Jonathan.
Tarjeta vermelha : Ignasi

F.C. Mabroc : Baboulene, Casimir, Crouzil, Arcidet, Hritane, Coutanceau, Rosa, Falempe, Rives, Feuillerat, Dominguez. Remplaçants : Bresteau, Berges, Mary.
Trainer : Poisson Lionel.
Tarjetes auriòles : Crouzil.

Gols : 0-1 Rives (35’), 0-2 Rives (60’).

Arbitre: Venant Maxime.

Domatge deth darrèr quart d’ora

Pyrénnées Sud 3 - U.E. Bossòst  1

Partit en que portàuem moltes baishes e que , ath finau, se mos hèc un shinhau long. Ena prumera mietat auérem bones escadences dauant deth portèr Diaz. En ua, Moha shutaue e eth portèr artenhie a desviar damb era punta dera bota. En ua auta, Marcos shutaue e era pilota passaue a prop deth garròt quan eth portèr ère dehòra dera porteria. Eth Pyrénnées Sud hec perilh a pilota arturada ens lançaments de fauta o de cornèr. Damb eth 0-0 s’arribaue ath descans.

Ena dusaua mietat, eth partit estèc mès o mens igualat enquias 20 menutes dera represa quan Gachi mercaue eth 0-1 dempús d’un excellent control shutaue per baish ara gessuda de Diaz. A lèu dera menuta 80 mos empatàuem eth partit en ua jogada en qu’eth delantèr Germa se quedaue dauant deth nòste portèr Pol e mercaue d’un fort shut. As dues menutes en ua jogada de molt mala sort, Felipe pressionat peth delantèr volie despejar era pilota dempús d’un centro e aguesta se calaue laguens dera nòsta porteria. Non acabarien aquiu es desgràcies der equip aranés: ena menuta 85 un penalty en contra siguec transformat per Germa que mercaue eth 3-1, resultat ath finau des 90 menutes.

Ath finau, domatge deth darrèr quart d’ora en que eri sigueren superiors fisicament e se trapèren ua victòria que no demoràuem dempús de qu’era U.E. Bossòst auesse jogat un molt bon partit. Mos manquen 4 partits  e deth quart classificat que èm nosati enquiath darrèr lutaram enquiath finau entà veir ath finau quini son es dus equips que baisharàn de categoria.

Aguesta dimenjada que ven non auem partit. Eth pròplèu partit jogam en Bossòst, dissabte 22 d’abriu tàs 20 :00 ores contra er equip deth  F.C. Mabroc, lider deth nòste campionat.

Pyrénnées Sud : Diaz, Ducasse, Chaussepied, Talavera, Alarcon, Borreda, Germa, Ribeiro, Daffos, Bellour, Magri. Remplaçants : Symzack, Bernoville, Deu.

U.E. Bossòst: Pol, Miquel, Jaime, Borja, Felipe, Gachi, Charles, Javito, Moha, Carlos e Abraham. Remplaçants: Dani, Marcos, Ignasi.

Trainer: Jordi.

Tarjetes auriòles : Gachi.

Gols : 0-1 Gachi (601), 1-1 Germa (78’), Felipe (p.p) 2-1, 3-1 Germa (penalty)

Arbitre: Lacanal Christophe.

Victòria trebalhada

U.E. Bossòst 2 – Comminges St.Gaudens 1

Ath finau se poguèc jogar, dempús dera nheuada de diuendres pera nèt eth terren de joc un sinhau pesat mes en condicions entà disputar eth partit.

Ena prumèra mietat mes domini der equip aranés damb arribades de perilh en àrea francesa. Ath quart d’ora aprofitauen un corner entà que Uri desviaue un shut laguens der àrea e mercaue eth 1-0. Eth Comminges St. Gaudens s’apropèc molt poqui viatges en àrea de Marcos. Era U.E. Bossòst non poguèc aprofitar eth son domini damb un aute gol e damb eth 1-0 s’arribaue ath descans.

Ena dusaua mietat tot anau a canviar, eth Comminges St. Gaudens mos pressionèc fòrça desde un bon començament e dominèc eth joc. As 5 menutes Botbot, tot solet laguens der àrea shutaue contra eth garròt dera porteria de Marcos. Er equip aranés auèc ues bones ocasions des jogadors Borja, Charles e Moha sense poder arribar a mercar. Eth nòste portèr Marcos auèc d’arturar un parell de pilotes que portauen fòrça perilh entara porteria aranesa. Non siguèc enquia es 5 menutes finaus en que s’anauen a mercar es dos darrèrs gols. Luis aprofitaue un balon ath bord der àrea entà shutar ras e dempús de tocar en garròt entraue ena porteria francesa. Ara seguida eth St. Gaudens se quedaue damb 10 jogadors pera expulsión de Boyer. Ena darrèra menuta Marques aprofitaue ua pilota laguens der àrea petita entà mercar eth 2-1, resultat ath finau deth partit.

Victòria trebalhada e important entà artenher er objectiu dera permanencia. Ara estam quataus, mes en aguesta jornada non se jogueren tres partits.

Aguesta dimenjada que ven non auem partit. Eth pròplèu partit jogam en Clarac, dissabte 8 d’abriu tàs 20 :00 ores contra er equip deth Pyrenees Sud.

U.E. Bossòst: Marcos, Llonch, Borja, Felipe, Peiró, Uri, Àlex, Luis, Charles, Gachi e Jonathan. Remplaçants: Dani, Moha, Miquel.

Trainer: Jordi.

Tarjetes auriòles : Llonch, Uri, Felipe.

Comminges St.Gaudens: Ricochon, Labbe, Marques, Decap, Noudofinin, Lecussan, Castex, Boukcheb, Botbot, Boyer, Pinho. Remplaçants : Moras, Peretti.

Trainer : Perin Sebastien.

Tarjetes auriòles: Pinho, Boyer.

Tarjeta vermelha: Boyer.

  

Arbitre: Castro Antoine.

Eth. Luchon s’empòrte eth derby deth Portilhon

B. Luchon 1 - U.E. Bossòst 0

Deuant un Luchon mermat de jogadors non podérem trèir un resultat positiu dera nòsta visita ath sòn camp. Partit que non auec un clar dominador, damb fòrça interrrupcions deth jòc sustot ena prumèra mietat. Era milhor ocasion l’auec Jonathan que dempús de veir ath portèr dehòra dera porteria shutaue, mès era pilota anaue a tocar eth garròt dera porteria francesa. Eth B. Luchon sajaue de pressionar en miei deth camp entà poder panar era pilota e suspréner ara defensa aranesa. Damb eth 0-0 s’arribaue ath descans.

Ena dusaua mietat se vedie qu’er equip que s’auancèsse en mercador s’aproparie fòrça ara victòria. Era sort queiguec deth costat francés quan Berges recuperaue un balon ena rodona deth miei deth camp e vedie ath portèr Marcos auançat, le shutaue ua pilota que l’anaue a superar e mercaue un gran gol, ère eth 1-0. Era U.E. Bossòst responec damb ua bona ocasion d’Àlex que remataue dauant eth portèr, mès aguest desviaue era pilota entath cornèr. En un lançament de cornèr, ua auta ocasion en un cop de cap de Felipe qu’anaue entà dehòra. Ath finau deth partit arrírem quan mos quedèrem damb defensa de tres jogadors; eth Luchon auec ua bona ocasion entà decidir eth partit, mès Marcos arturaue era pilota. Era U.E. Bossòst sajèc d’empatar eth partit enquiara darrera menuta, mès açò non podec èster.

Ath finau, derròta pera minima en un partit en qu’eth Luchon anec a per totes damb sonque 11 jogadors e nosati dèc era impression de que demoràauen a que ja se cansarien e les poiríiem guanhar. Non siguec atau. Açò non ei pas acabat : mos queden 6 partits.

  

Eth pròplèu partit jogam en Bossòst, dissabte 25 de març tàs 20 :00 ores contra er equip deth Comminges St. Gaudens.

B. Luchon : Rolland, Coutinho, Ardite, El Mahraoui, Da Costa, Munill, Berges, Yassine, Laporte, Latour e Lansalot.

Trainer: Casteran Thierry.

Tarjetes auriòles: Berges, El Mahraoui.

U.E. Bossòst: Marcos,Borja, Jose Ramon, Felipe, Peiró, Uri, Àlex, Llonch, Charles, Gachi e Jonathan. Remplaçants: Gustavo, Javi,  e Marco.

Trainer: Jordi.

Tarjetes auriòles : Marcos, Jonathan.

 Arbitre: Duprat Philippe.

¡¡¡ Non podem acabar de remontar !!!

U.E. Bossòst 2 – R.C.S.O. Isle en Dodon 2

Partit estranh eth d’aguest dissabte en Bossòst. Començèc ara menuta damb era lesion de Marcos eth nòste portèr que se dèc un patac ena celha contra eth garròt dera porteria e auec de jogar era resta deth partit damb un vendatje en sòn cap. As 5 menutes, Castex susprenie damb un shut des de luenh en un lançament de falta que Marcos non podie arturar. Non joguèrem ben aguesta prumèra mietat, en tot èster fòrça estàtics sense poder suspréne ara defensa francesa. Entà acabar d’apraiar es causes, Lourde en posicion dubtosa profitaue un centre entà mercar eth 0-2.  Siguec ua losa important que, en aguesta prumèra mietat , pesèc fòrça e non poguèren reduir eth mercador abantes deth descans. Ena mieja parte eth resultat ère de 0-2.

Ena dusaua mietat es causes cambièren entà milhor. Domini totau dera U.E. Bossòst qu’embarrèc en sòn camp ath Isle en Dodon que en compdades ocasions podec creuar era linha deth sòn camp. Auérem moltes ocasions entà mercar, sustot en lançaments de fauta ( er equip francés mos hèc moltes fautes) e de cornèrs. En un lançament de fauta Felipe s’adelantaue ara gessuda deth portèr e mercaue eth 1-2. Jonathan auec ua bona ocasion, mès eth sòn shut siguec desviat entà cornèr per Ridet. Un shut de Luis estec a punt d’entrar mès eth portèr francés artenhec arturar era pilota. A manca de 5’ en un lançament de banda, Jaime plaçaue era pilota laguens der àrea e Paba s’auançaue ara defensa e ath portèr francés entà mercar eth 2-2. Encara quedaue temps entà sajar de virar eth mercador. Ena milhor ocasion dempús d’un centro de Moha, Gachi tot solet dauant dera porteria, shutaue, mès eth sòn shut passaue a tocar deth garròt dehòra dera porteria.

Ath finau, empat a dus gols que non deishe content a cap des dus equips.

Era classificacion ei: Cazères e Mabroc 51, Pyrenées Sud 39, U.E. Bossòst e St.Gaudens 36, Encausse 35, Luchon 33, Isle en Dodon 31, Aurignac e Pointis-Inard 30, Boulogne 29, Etoile du Cagire 26.

Eth pròplèu partit jogam eth derby deth Portilhon en Luchon, dissabte 18 de març tàs 20 :00 ores contra er equip locau.

U.E. Bossòst: Marcos, Jaime, Borja, Felipe, Àlex, Luis, Paba, Llonch, Charles, Gachi e Jonathan. Remplaçants: Javi, Moha e Marco.

Trainer: Jordi.

Tarjetes auriòles : Àlex, Luis, Jonathan.

R.C.S.O. Isle en Dodon : Ridet, Arexis, Latapie, Saint Blancat, Brune, Sarniguet, Larrieu, Lourde, Dandre, Castex, Bachet. Remplaçants : Roulet, Richer, Delavergne.

Trainer : Benech Vincent.

Tarjetes auriòles : Arexis, Latapie, Bachet.

Gols : 0-1 Castex (5’), 0-2 Lourde(30’), 1-2 Felipe (60’), 2-2 Paba (85’).

Arbitre: Venant Maxime.

Jogam deman dissabte

Eth partit contra er Isle en Dodon suspenut ena darrera dimenjada jogam deman dissabte 11 de març tàs 20:00 en Bossòst.

Partit suspenut

Eth partit d'aué dissabte non se jogue peth mau estat deth terren de joc.

¡¡¡ Doblet d’Ignasi entà guanhar eth partit !!!

U.S. Encausse 0 - U.E. Bossòst 2

Dusau desplaçament ara seguida e victòria important entà plaçamos en 5º posición a lèu deth quatau e tresau. Eth partit siguèc igualat ena prumèra mietat, siguen eth joen jogador dera U.E. Bossòst Javito eth qu’auie era milhor ocasión quan eth portèr Paya mancaue eth son shut, mes eth jogador aranés non podèc per poc a agarrar era pilota e shutar a porta bueda. Er Encausse sajaue damb es desplaçaments longs deth sòn portèr entà arribar en àrea aranesa. Era defensa e eth porter aranés estèren molt segurs pendent es 90 menutes deth partit. A lèu deth descans Marcos arturaue un shut dera delantera francesa. Damb eth 0-0 s’arribaue ath descans.

Ena dusaua mietat er equip aranés anaue a mercar es dos gols. En dues jugades molt semblantes Ignasi se treiguie de dessus ara defensa e shutaue a tocar deth garròt dret entà merca es dos gols. Entre es dos gols Paba auèc ua molt bona ocasión quan tot solet dauant de Paya non arribaue a poder mercar, dempús d’ua bona jogada dera delantera aranesa. Er Encausse sajaue de posar contra eth sòn camp ar equip aranés entà crear vera ocasión mes non podèc ene cap. Era U.E. Bossòst sajaue ath contraatac d’arredonir eth bon partit damb un aute gol.

Ath finau, polida victòria per 0-2 e ara cau dar continuitat en partit dera dimenjada que ven que jogam en casa.

Eth pròplèu partit jogam en Bossòst, dissabte 4 de març tàs 20 :00 ores contra er equip deth R.C.S.O Isle en Dodon.

U.S. Encausse : Paya, Ortet, Lun, Chabassiere, Descoubes, Barousse, Bissieres, Marigo, Dos Santos, Noilhan, Labatut. Remplaçants : Batmalle, Lazorat, Aunos.

Trainer : Germain Thierry.

Tarjetes auriòles : Barousse, Lazorat, Ortet.

  

U.E. Bossòst: Marcos, Salva, Borja, Felipe, Àlex, Uri, Paba, Llonch, Ignasi, Javito e Jonathan. Remplaçants: Gachi, Dani, Charles.

Trainer: Jordi.

Tarjetes auriòles : Ignasi.

Gols : 0-1 Ignasi (70’), 0-2 Ignasi (75’)

Arbitre: Venant Maxime.