Mos empaten ena darrèra menuta

U.E. Bossòst 1 – Ent. Boulogne 1

Partit en que començèrem fòrça ben donques encara non s’ auie complit era prumèra menuta de jòc quan Uri en ua bona jogada dera U.E. Bossòst mercaue eth 1-0. Sabíem que quedaue fòrça menutes entà jogar. Er equip aranés portèc era iniciatiua deth jòc e auec bèra ocasion mès ena que non podem mercar. Ath finau ( per no mercar eth dusau gol), ena menuta 90’ en ua pilota perduda en miei deth camp, mos ocasionèc ua jogada de molt mala sort qu’acabèc damb eth gol der Ent. Boulogne.

Ath finau, empat a 1 gol, en un partit que mereishíem era victòria. Encara mos toque “remar” entà arténher er objectiu dera permanéncia. Queden 6 partits enquiath finau dera sason.

Eth pròplèu partit, jogam en Bossòst dissabte 2 d’abriu tàs 19 :00 contra er equip deth R.C.S.O. Isle en Dodon 2.

U.E. Bossòst: Marcos, Salva, Abraham, Felipe, Àlex Jaime, Paba, Ignasi, Jonathan, Uri e Soufi. Remplaçants: Borja, Miguel, Javi.

Trainer: Xavi.

Ent. Boulogne: Roumeguere, Sicre, Charbonier, Col I, Laguens, Marque, Col II, Dequesne, Cier, Larrieu, Demont. Remplaçants : Pelou, Louge, Bonnet.

Tarjetes auriòles : Col I.

Trainer : Barbe Alain.

Gols : 1-0 Uri (1’), 1-1 Dequesne (91’).

Arbitre: Castro Antoine.

Derròta minima

Etoile du Cagire 1 - U.E. Bossòst 0

Partit disputat en un terren de jòc fòrça dolent que perjudiquèc per igual as dus equips. Gessec ath camp milhor er Etoile du Cagire, en tot sajar de suspréner ara defensa aranesa damb era rapidesa des sòns delanters. As 5 menutes, en ua fauta ath bord der àrea, Embialet anaue a enviar eth sòn shut ath garròt dera porteria aranesa. Mos costèc fòrça arribar en àrea francesa entà méter perilh ena sua porteria. Er Etoile anaue a profitar ua jogada individuau de Chaubet qu’entraue laguens der àrea e shutaue entà mercar eth 1-0. Era U.E. Bossòst responec damb ua bona ocasion de Soufi, mès eth sòn shut gessie desviat dera porteria. Damb eth 1-0 s’arribaue ath descans.

Ena dusaua mietat era U.E. Bossòst portèc era iniciatiua e auec eth domini deth jòc. Auérem bones oportunitats enes botes d’Àlex, Charles e Paba mès es sòns shuts per pòc gesseren desviadi entà dehòra dera porteria. Reclamèren un penalty en ua accion dera defensa francesa que shutèc era pilota amassa damb era cama deth delantèr aranés Soufi. Ath finau , auérem  dus cornèrs ara seguida, eth darrèr rematat per Jaime de cap tot solet, mès eth balon siguec arturat per Domench.

Ath finau derròta minima dempús de fòrça partits. Era classificacion ei fòrça igualada; aguesta dimenjada que ven se joguen tres partits anuladi en sòn dia, entà méter eth calendari igual entà toti es equips. A compdar d’alavetz quedaran 6 partits enquiath finau deth campionat.

Eth pròplèu partit, jogam en Bossòst dissabte 26 de març tàs 20 :00 contra er equip der Ent. Boulogne II.

Etoile du Cagire: Domench, Jordana, Segu, Cluzet, Mola, Renou, Camin, Chaubet, Embialet, Watel, Veronese. Remplaçants : Jordana, Magnesse, Bories.

Tarjetes auriòles : Domench.

Trainer : Campet Alain, Bories.

U.E. Bossòst: Pol, Salva, Abraham, Jaime, Peiro, Paba, Ignasi, Charles, Àlex, Carlos, e Soufi. Remplaçants: Kike, Miquel.

Tarjetes auriòles : Carlos, Ignasi, Jaime

Trainer: Xavi.

Arbitre: Nogueira Cunha Phillippe.

Partits anulats

Eth partit dera -15 e dera U.E. Bossòst que s'auien de jogar aué en Bossòst han estat anulats pes dolentes condicions deth terren de joc.
Eth pròplèu partit jogam dissabte 19 de març tàs 20:00 en Estadens contra er equip der Etoile du Cagire.

Un derby deth Portilhon sense gols

B. Luchon 0 - U.E. Bossòst 0

Partit vibrant e fòrça disputat pes dus equips. De gessuda gessec mès ambiciós eth B. Luchon e embarrèc ar equip aranés en sòn camp. As 10 menutes auec eth Luchon ua bona ocasion quan Lansalot en ua bona jogada peth costat esquèr arribaue dauant de Pol e shutaue ras mès eth portèr aranés desvièc eth shut.  Patírem en defensar bèra jogada de cornèr e de fautes. Dempús de dominar era prumèra mieja ora, era U.E. Bossòst poguec caushigar damb opcions er àrea des francesi. A Jonathan le fiulèren un dehòra de jòc quan auie regatejat ath darrèr defensa e se quedaue solet dauant deth portèr Remi. Era prumera mietat acabaue damb un bon shut de Charles que passaue a tocar deth garròt dera porteria. Damb 0-0 s’arribaue ath descans.

Ena dusaua mietat gessec milhor era U.E. Bossòst e ath B.Luchon le costèc arribar en àrea aranesa entà crear ocasions de perilh. Ath quart d’ora i auec era jogada “polemica” deth partit quan Jonathan driblaue ath defensa e aguest le hège quèir; era clara fauta era fiulada per arbitre, toti demoràuem eth penalty e entara nòsta suspresa la treiguèc dehòra der àrea. Eth lançament de fauta de Miguel, siguec desviat peth portèr francés. Ara mieja ora se produie era petita tangana de cada derby, sense anar mès enlà. Eth Luchon sajèc de suspréner ara defensa aranesa, mès aguesta juntament damb eth portèr PoL heren un partit sense cap error. Ath finau deth partit auérem bones arribades de Miguel, Jonathan e Paba que per molt poc, non podíen profitar.

Ath finau, un empat que pot èster mos deishe un sinhau mès contenti a nosati. Eth Luchon ei eth dusau classificat e ath delà jogaue en casa. Nosati, a continuar jogant e luitant coma es darrèrs partits; ja en portam ara seguida sies sense pèrder, aguest ei eth camin.

Arregraïr fòrça ara aficion que se desplaçèc en un bon numero de persones entà dar suport ath sòn equip.

Eth pròplèu partit, jogam en Bossòst dissabte 12 de març tàs 20 :00 contra er equip deR Ent. Boulogne II.

B. Luchon: Remi, Van Mo, Lansalot, Barta, El Mahraoui, Da Costa, Munill, Fort, Cazes, Berges, Laporte. Reemplaçants: Sebastien, Revertegat.

Tarjetes auriòles: Revertegat, El Mahraoui.

Trainer: Cau Jean M.

U.E. Bossòst: Pol, Borja, José Ramón, Felipe, Àlex, Paba, Ignasi, Charles, Salva, Jontahan, e Soufi. Remplaçants: Uri, Miguel, Abraham.

Tarjetes auriòles : Felipe, Salva

Trainer: Xavi.

Arbitre: Duplan David.

Jogaram dissabte

Dissabte 5 de març en Luchon tàs 20:00:
B. Luchon - U.E. Bossòst