Partit suspenut

Eth partit d'aguesta net en Luchon ha estat suspenut. Segurament se jogarà era plòpleu dimenjada.

Ua victòria que mos plaçe ena part nauta dera classificacion

F.C. Larboust-OÔ 0 - U.E. Bossòst 2

Partit jogat en camp deth Cierp Gaud, un terren irregular pes condicions climatologiques que dificultèc eth jòc des dus equips. En prumèr quart d’ora er equip aranés anaue a sentenciar eth partit. As 5 menutes en un cornèr shutat per Àlex, era pilota quedaue as pès de Felipe que , lèu dera porteria , shutaue entà mercar eth 0-1. Ath quart d’ora serie Javi que des de laguens der àrea shutaue ara esquaira dera porteria francesa e mercaue eth 0-2. Eth F.C. Larboust-OÒ sajaue d’ apropà-se ath àrea aranesa pes lançaments de fauta e cornèr. Damb eth 0-2 s’arribaue ath descans.

Ena dusaua mietat podíem auer ampliat eth resultat. As 5 menutes en un bon shut de Jonathan eth portèr desviaue era pilota que dempús un defensa shutaue fòrça mau e anaue a tocar eth garròt dera porteria francesa. Auérem ues pòques arribades en àrea francesa que non saberem definir era darrèra passada o eth darrèr shut dauant un portèr francés fòrça auançat dera sua porteria. Eth Larboust sajèc de suspréner damb lançaments de luenh, mès eth nòste portèr debutant Miguel arturèc es pilotes shutades.

Ath finau, ua victòria que mos place ena part nauta dera classificacion. Aguesta dimenjada se joguen tres partits pendents dera 14ª jornada.

Auem de dar es gràcies ara aficion qu’en un bon grapat se desplaçèc enquia Cierp Gaud entà dar suport ath sòn equip; ath finau semblaue que jogàuem en casa ronques i auie mès aficionadi nòsti que d’ eri. Un dètz entara nòsta aficion. Eth dissabte tanben vos demoram a toti.

Eth pròplèu partit, derby deth Portilhon dissabte 27 de hereuèr tàs 20 :00 ores en Luchon contra er equip locau.

F.C. Larboust-OÔ : Gabriel, Abella, Rumeau, Joli, Escole II, Baux, Coulaud, Heride, Escole I, Defontaine, Pascau. Remplaçants : Da Costa, Babatinca, Sicre.

Trainer : Gabriel Gilles.

U.E. Bossòst: Miguel, Borja, Miquel, Felipe, Àlex, Paba, Ignasi, Charles, Salva, Javi, e Soufi. Remplaçants: Gachi, Carlos, Jonathan.

Trainer: Xavi.

Gols :0-1 Felipe (5’), 0-2 Javi (15’).

Arbitre: Migotto Michel.

Jogaram en Cierp-Gaud

Eth partit previst entà d'aguest dimenge en OÔ, se jogarà eth dissabte 20 d'hereuèr tàs 20:00 en Cierp-Gaud contra er equip deth F.C. Larboust-OÔ.

Suspenuda tota era jornada

Suspenudi toti es partits de totes es categories pes condicions metereologiques dolentas d'aguesta dimenjada.

Partit suspenut

Degut ara nheuada d'aguesta net eth partit deth F.C. Larboust - U.E. Bossòst ha estat suspenut.
Eth dissabte 13 d'hereuèr tàs 20:00 en Luchon derby deth Portilhon:
B. Luchon - U.E. Bossòst