Victòria cuerta mès important

U.E. Bossòst 2 – U.S. SaliesMane III 1

Victòria cuerta mès important era artenhuda aguest darrèr dissabte pera U.E. Bossòst. Mos enfrentàuem ath darrèr classificat en un camp plan tendre e que dificultèc un sinhau eth jòc. Domini e bones oportunitats dera U.E. Bossòst que non artenhie eth gol enquiara mieja ora de jòc en ua bona jogada per banda de José Ramón que centraue e Soufi remataue des de laguens der àrea. Ère eth 1-0. Eth nòste delantèr Jonathan non auec ua bona serada e enquia tres viatges se presentèc dauant deth portèr francès e non poguec mercar en cap jogada.  Eth SaliesMane sajaue de profitar es jogades a pilota arturada entà portar eth perilh en àrea aranesa. Damb eth 1-0 s’arribaue ath descans.

Ena dusaua mietat mès domini dera U.E. Bossòst que se concretèc damb un dusau gol: Javi se presentaue dauant deth portèr e lo driblaue entà mercar a porta ueda. Tornèrem a auer 2-3 oportunitats enes botes de Jonathan que tot solet dauant deth portèr Tremouille non podec mercar : le guanhèc totes es accions. Ath finau, coma passe tostemp eth SaliesMane profitèc ua fauta laterau entà que Copin d’un cop de cap reduisse distància en mercador. Er equip s’acabèc aculant ena nòsta àrea entà defensar era avantatja en mercador.

Ath finau 2-1, victòria que mos plaçe ena zona tranquilla dera classificacion de moment. Ara, auram dus partits ara seguida dehòra de casa damb es nosti vesins de Larboust e Luchon en que sera important continuar sumant punts.

Eth pròplèu partit, jogam d’açi dues dimenjades en OÔ eth dimenge 7 de hereuèr tàs 14 :30 ores contra er equip deth F.C. Larboust-OÔ.

U.E. Bossòst: Jhosue, Salva, José Ramón, Felipe, Àlex, Paba, David, Charles, Ignasi, Jonathan, e Soufi. Remplaçants: Borja, Moha, Javi.

Trainer: Xavi.

Tarjetes auriòles : Charles.

U.S. SaliesMane III : Tremouille, Lagrange I, Millet, Bamard, Soulier, Buffalan, Casse, Roumagnac, Roca, Vergojeanne, Copin. Remplaçants : Lagrange II, Garnier.

Trainer : Riviere Franck.

Tarjetes auriòles : Millet.

Gols : 1-0 Soufi (30’), 2-0 Castet (65’), 2-1 Copin (80’).

Arbitre: Toulouse Vincent.

Empat sense gols dehòra de casa

U.S. Encausse 0 – U.E. Bossòst 0

Partit igualat eth d’aguest darrèr dissabte en Encausse. Es defenses s’imposèren as atacs e non i auec guaire ocasions de gol. Ath delà, eth terren de jòc en un estat pro dolent non ajudèc bric.

Ena prumèra mietat, fòrça jòc de miei deth camp e as dus equips mos costèc arribar en àrea contraria. Er Encausse sajaue de profitar bèra fauta laterau o cornèr entà mercar e pera sua part, era U.E. Bossòst eth contraatac entà suspréner ara defensa francesa. Damb eth 0-0 s’arribaue ath descans.

Ena dusaua mietat ei quan auérem es milhors ocasions: Soufi profitaue un centro entà shutar en garròt dera porteria. Miguel reclamèc un penalty per fauta laguens der àrea. Mos anullèren un gol a Javi per dehòra de jòc pro dubtós.

Ena menuta 70’ dempús d’ua clara fauta de Felipe se produsic ua petita “tangana” damb era qu’acabauen expulsadi un jogador per cada equip.

A compdar d’alavetz, un bon shut d’Alex gessie entà naut dera porteria. Er Encausse non sabec profitar era expulsion deth nòste portèr Marcos.

Ath finau un empat dauant un rivau complicat ; entà que sigue bon aguest resultat calerà arténher era victòria en prumèr partit deth dusau torn que començam era pròplèu dimenjada.

Eth pròplèu partit, jogam en Bossòst eth dissabte 23 de gèr tàs 20 :00 ores contra er equip deth U.S. SaliesMane 3.

U.S. Encausse : Gamboni, Marcos, Marigo, Chabassiere, Descoubes, Barousse, Duclos, Lompech, Paya V, Noilhan, Dos Santos. Remplaçants : Martins, Paya M., Ortet.

Trainer : Germain Thierry.

Tarjetes auriòles : Ortet.

Tarjetes vermelhes : Marigo.

U.E. Bossòst: Marcos, Salva, Borja, Felipe, Jaime, Àlex, Paba, Charles, Miguel, Jonathan, e Soufi. Remplaçants: Miquel, Kevin, Javi.

Trainer: Xavi.

Tarjetes auriòles : Felipe.

Tarjetes vermelhes : Marcos

Arbitre: Duplan David.

¡¡¡ Començam er an damb era prumèra victòria dehòra de casa !!!

Ent. Landorthe 1 – U.E. Bossòst 2

Aguest dissabte joguèrem en Landorthe eth partit aplaçat que non se poguec jogar en sòn dia ; atau, toti es equips auem ara es madeishi partits disputats.

Eth partit ena prumèra mietat siguec igualat ath començament, mès a compdar deth prumèr quart d’ora auérem es melhores oportunitats. Mos fiulèrem un parelh de dehòres de jòc a Ignasi fòrça dubtosi quan marxaue tot solet enquiara porteria. En ua bona jogada Paba se plantaue dauant eth portèr Smara, mès en sòn shut ras gessie a tocar deth garròt. Eth domini aranés auie eth sòn premi quan Charles susprenie ath portèr francés damb un shut naut per dessús dera sua gessuda. Ère eth 0-1 resultat damb eth que s’arribaue ath descans.

Ena dusaua mietat, sonque començar, en ua bona jogada d’Ignasi era pilota arribaue as pès de Miguel que damb un shut doç plaçaue era pilota ena esquaira dera porteria. Ère eth 0-2. Era joia sonque mos durèc ua menuta; eth Landorthe que non auie shutat ena porteria ena prumèra mietat, profitaue ua pilota centrada Lazorat entà mercar de cap a lèu deth dusau garròt. Ère eth 1-2 e encara quedaue mès de mieja ora de jòc. Eth Landorthe passèc a èster eth clar dominador deth jòc. Semblèc qu’eth terren de jòc s’inclinaue ath sòn favor. Er equip aranés cansat sonque se defensaue damb poques arribades en àrea francesa. Ath del+a, er arbitre mos castiguèc damb un parelh de fautes ath bòrd der àrea e dus cornèrs que non ac heren. Se joguèc 5 menutes de prolongacion, mès ath finau eth resultat non se botjaue entara joia des jogadors dera U.E. Bossòst.

Ath finau victòria super trebalhada : pensàuem que damb eth 0-2 auíem ua bona diferéncia, mès eth sòn gol tan ràpit mos hèc a retrasar es línees e mos calèc luitar enquiara darrèra menuta entà mantier eth resultat.

Eth pròplèu partit serà eth darrèr deth prumèr torn, jogam en Encausse eth dissabte 16 de gèr tàs 20 :00 ores contra er equip locau.

Ent. Landorthe : Smara, Rodriguez, Lacaze, Nebra, Lopez, Bosc, Lazorat, Jibbou, Ferreira, Perroud e Gouaze. Remplaçants : Cappe, Dutheil, Fethi.

U.E. Bossòst: Marcos, Miquel, Borja, Felipe, Àlex, Luis, Paba, Charles, Miguel, Ignasi, e Salva. Remplaçants: Kevin, Carlos.

Trainer: Jordi.

Gols : 0-1 Charles (38’), 0-2 Miguel (54’), 1-2 Lazorat (55’).

Arbitre: Duprat Philippe.