Era U.E. Bossòst vos desire ues Bones Hèstes e un molt bon An 2017 entà toti es socis e aficionadis

¡¡¡ Victòria damb ua golejada dauant deth líder !!!

U.E. Bossòst 4 – U.S. Cazeres 1

Gran partit eth jogat pera U.E. Bossòst aguest dissabte contra eth líder U.S. Cazeres e qu’acabèc damb era clara e contundent victòria der equip aranés.

Ena prumèra mietat eth nòste bon jòc se transformèc en tres gols : ath quart d’ora un bon centre de Charles ère rematat de cap laguens der àrea petita per Adrian e mercaue eth 1-0. Eth 2-0 siguec mercat per Charles dempús de controlar era pilota damb eth piech e shutar damb era sua cama esquèrra, sense deishar quèir era pilota en tot suspréner ath portèr francés. En ua bona jogada, Adrian siguec clarament derribat laguens der àrea e eth clar penalty siguec shutat per Felipe entà mercar eth 3-0. Eth Cazeres sajaue de suspréner ar equip aranés enviant pilotes a Koffi, eth sòn melhor jogador, mès era defensa aranesa estèc fòrça ben e non deishèc cap ocasion ath jogador. Damb eth 3-0 s’arribaue ath descans.

Ena dusaua mietat, continuèc çò de madeish e per part der equip aranés Uri anaue a incrementar eth mercador en tot profitar ua bona passada d’Àlex, entà quedà-se dauant de Meunier e shutar per dessús mercant eth 4-0. Eth Cazeres anaue a mercar eth gol der aunor en profitar molt ben Koffi ua pilota laguens der àrea e shutar ras, sense que Pol podesse arturar era pilota.

Ath finau ua polida victòria entà acabar er an dauant eth líder; un gran partit de toti es jogadors. Dam es gràcies ara aficion que ,a despiet der heired , estèc animant pendent es 90 menutes ath sòn equip.

Eth pròplèu partit non jogam enquiar an 2017, darrèr partit deth prumèr tour, dimenge 15 de gèr tas 15 :00 en Latoue contra er equip der E.F.C. Aurignac

U.E. Bossòst: Pol, Jaime, Jose Ramon, Borja, Felipe, Àlex, Uri, Paba, Llonch, Charles e Adrian. Remplaçants: Marco, Javi e Ignasi

Trainer: Jordi.

Tarjetes auriòles : Adrian, Llonch, Uri.

U.S. Cazeres : Meunier, Coutanceau, Dega, Levasseur, Mehhouti, Hritane, Cabartier, Couzinet II, Adjibi, Couzinet I, Koffi. Remplaçants : Geraldes, Pina

Trainer : Pina Pascal.

Gols: 1-0 Adrian (15’), 2-0 Charles (25’), 3-0 Felipe (p. 30 ‘), 4-0 Uri (65’), 4-1 Koffi (75’)..

Arbitre: Hubert Marc.

Mos passen per dessús ena dusaua mietat

F.C. Mabroc 4 - U.E. Bossòst 0

Derròta contundent era d’aguest darrèr dissabte en Boussens dauant er equip deth F.C. Mabroc. Ena prumèra mietat encara siguec eth partit igualat, mès ena dusaua mietat estèc molt superior er equip francés e demostrèc per què se trape en dusau lòc dera classificacion. Era velocitat des sues puntes ja susprenec ena prumèra mietat ara defensa aranesa e atau, as 20 menutes, Rives tot solet dauant de Marcos mercaue eth 1-0. Era U.E. Bossòst en aguesta prumèra mietat auec un parelh d’ocasions enes shuts d’Adrian e Ignasi. Damb eth 1-0 s’arribaue ath descans.

Ena dusaua mietat sonque i auec un equip en camp, eth F.C. Mabroc. Mos costèc fòrça superar eth miei deth camp contrari e en cambi eri damb es sòns lançaments ràpits ara esquia dera nòsta defensa anèrem mercant es gols un darrèr der aute dera madeisha manèra. Encara auérem sort dera bona actuacion de Marcos qu’evitèc bèth gol e deth bon arbitratge entà qu’eth resultat no siguesse mès abultat.

Ath finau, derròta contundent en un mau partit per part nòsta dauant un equip superior a nosati e que jogarà contra eth Cazeres e eth Pyrennes Sud era prumèra plaça deth campionat.

Eth pròplèu partit jogam en Bossòst contra er equip der U.S. Cazeres, prumèr  classificat deth campionat, dissabte 10 de deseme tàs 20 :00

F.C. Mabroc : Baboulene, Mary, Crouzil, Arcidet, Hritane, Rosa, Coutanceau, Nadal, Rives, Feuillerat, Falempe. Remplaçants : Dominguez, Casimir, Sansas.

Trainer : Poisson Lionel

U.E. Bossòst: Marcos, Llonch, Miguel, Borja, Àlex, Uri, Paba, Ignasi, Charles,  Jonathan e Adrian. Remplaçants: Miquel, Marco, Dani.

Trainer: Jordi.

Gols: 1-0 Rives (20’), 2-0 Rives (55’), 3-0 Hritane (80’), 4-0 Casimir (89’).

Arbitre: Boitel Eric.

¡¡¡ Ua vergonha d’arbitratge mos porte ara derròta !!!

U.E. Bossòst 2 – Pyrenees Sud C.F. 5

Quin domatge damb eth bon partit que s’estaue veiguent ena prumèra mietat , donques er arbitre ath començament dera dusaua mietat damb es sues decisions perjudiquèc greument ar equip aranés qu’acabèc jogant damb 9 jogadors es darrèrs 20 menutes deth partit, çò que profitèc fòrça ben eth Pyrennees Sud entà arténher ua clara victòria. Enguan ja portam dus partits damb uns arbitratges molt dolenti e que capviren es resultats des partits ena nòsta contra. Auem presentat es nòstes reclamacions ena Federacion, mès creigui qu’eth niveu d’arbitratge non va a pujar de cop ; mos calerà aumens demorar ara naua sason e veir coma arbitren es deth naut Districte Haute Garonne. Semble èster qu’enes categories mès nautes i aurie tres arbitres entà fiular es partits, mès alavetz comportaria auer de repartir es partits entre tota era dimenjada.

Deth partit, díder qu’es dus gran gols marcadi per Uri e Adrian auien d’auer servit entà bèra causa mès. Eth d’Uri en un lançament de fauta ère eth 1-1. Eth d’Adrian, jugant damb 10 jogadors, ère er empat a 2 gols. Abantes , ja auíem patit eth penalty en contra e era expulsion injusta de Salva. Dempús venguec era expulsion de Miguel peth nau carton blanc d’ enguan de 10’ que se convertic en 20’ pera cara d’arbitre. Er arbitre non acabèc era huelha deth partit e non auem pogut envià-la entà validar eth resultat e auer era informacion des tarjetes e alineacions.

Ath finau, derròta injusta. Er equip hec un bon partit e non se mereishie de cap manera acabar damb aguesta contudent derròta ; ne en milhor des sòns , eth Pyrennees Sud imaginiaue ena prumèra mietat guanhar per 2-5.

Eth pròplèu partit desplaçament complicat : jogam en Boussens contra er equip deth F.C. Mabroc, dusau classificat deth campionat.

U.E. Bossòst: Marcos, Salva, Jaime, Borja, Àlex, Uri, Paba, Llonch, Miguel,  Jonathan e Adrian. Remplaçants: Marco, Javito, Dani

Trainer: Xavi.

Tarjetes auriòles : Adrian

Tarjeta vermelha : Salva

Gols: 1-1 Uri (25’), 2-2 Adrian (65’)

Arbitre: Darnaud Claude.

Non acabam d’arténher era remontada

Comminges St.Gaudens 1 - U.E. Bossòst 1

Partit que non començèrem guaire ben e qu’un error defensiu ath quart d’ora hec qu’eth jogador Fisse, shutèsse dauant de Marcos e qu’aguest desvièsse era pilota qu’anaue a quèir enes pès der extrem que mercaue eth 1-0. Era U.E. Bossòst sajèc de suspréner ara defensa francesa en jogades de fautes e cornèrs, mès eth sòn portèr Peretti estec molt atent e desviaue totes es arribades ena sua porteria.

Damb eth 1-0 s’arribaue ath descans.

Ena dusaua mietat er equip aranés joguèc molt milhor e enes prumères menutes embarrèc ath St. Gaudens en sòn camp. Mos anulèren un gol a Ignasi per dehòra de jòc. En ua fauta laterau molt ben shutade per Adrian, Uri artenhie a tocar damb era punta dera sua bota era pilota e susprenie ath portèr entà mercar eth mereishut empat a 1 gol. Un St. Gaudens fòrça nerviós damb eth gol recebec ues quantes tarjetes peth sòn jòc antiesportiu, mès er arbitre non goçèc expulsar a un parelh de jogadors que damb tarjeta auriòla encara continuàuem protestant o desplaçant luenh era pilota un viatge fiulada era fauta. Eth St. Gaudens auec ua bona ocasion en ua jogada de Boukebouche pera dreta, mès ath finau era defensa aranesa poguec despejar era pilota. Ena darrèra jogada deth partit, en un contraatac aranés de tres delantèrs contra un defensa, ath finau era pilota anaue a arribar a Miguel que shutaue ras e mercaue gol. Era joia der equip aranés quedèc gelada quan er arbitre anulèc eth gol per dehòra de jòc deth delantèr dera U.E. Bossòst.

Ath finau, un empat damb sabor agridoç coma tostemp pass; ena prumèra mietat mos costèc entrar en jòc , mès ena dusaua mietat er equip aranés anec a cercar eth partit e a punt estec d’arténher era remontada.

Comminges St. Gaudens: Peretti, Maury, Barthe, Valat, Durand, Castex, Bouigue, Ruz, Fisse, Guers, Marques. Remplaçants: Boukebouche, Labbe, Pinho.

Trainer : Boyer Thierry.

Tarjetes auriòles : Valat, Durand, Fisse, Boukebouche.

  

U.E. Bossòst: Marcos, Miquel, Jaime, Borja, Àlex, Uri, Paba, Llonch, Miguel,  Ignasi e Adrian. Remplaçants: Marco, Javito.

Trainer: Jordi.

Tarjetes auriòles : Jaime

Gols : 1-0 Marques (15’), 1-1 Uri (65’).

Arbitre: Castro Antoine.

Un arbitratge molt dolent mos met dehòra dera Copa de Comminges

F.C. Barousse 3 - U.E. Bossòst 2

Partit d’aguest dissabte que mos sembléc tornar entàs ans 70-80 damb un arbitratge en contra nòsta d’ua manèra que hège molt de temps que non vedíem pendents es 120 menutes. Mos trobam fòrça decepcionadi pera manèra ena que auem estat eliminadi e entà nosati ei difícil explicar coma pòt passar çò que passèc en plen sègle XXI. Era explicacion deth partit aué serà mès cuerta pr´amor qu´ei molt difícil explicar çò que passèc en ues poques línhes. Coma veiratz, non figuren er equip contrari damb un comportament antiesportiu e fòrça provocador ne er arbitre, donques non se mereishen gésser en aguesta petita cronica.

Eth plòplèu partit jogam era 7ua jornada deth campionat de Liga eth dimenge 20 de noveme tàs 15 :00 en Saint- Gaudens contra er equip locau.

U.E. Bossòst: Pol, Miquel, José Ramón, Borja, Felipe, Peiro, Uri, Salva Àlex,  Miguel e Adrian. Remplaçants: Sergio, Marco e Ignasi.

Trainer: Jordi.

Tarjetes auriòles : Adrian.

Tarjeta vermelha : Felipe

Golejadors: Àlex, Adrian.

¡¡¡ Mos emportam eth derby deth Portilhon!!!

U.E. Bossòst 3 – B. Luchon 1

Partit vibrant com tot es derbys eth jogat aguest darrèr dissabte en Bossòst. Era U.E. Bossòst començèc damb domini territoriau deth joc. Eth Luchon anaue aprofitar molt ben as 20 menutes era prumèra arribada en àrea aranesa , Laporte solet auie de posar ena línea de gol era pilota qu’auie shutat eth son companh Dargassies. Damb eth 0-1 encara siguèc mes clar eth domini dera U.E. Bossòst. Non siguèc enquia a 5 menutes deth descans qu’anauen a aprofitar un cornèr shutat per Àlex entà que Felipe shutese desde er àrea petita entà empatar eth partit a 1. Damb eth 1-1 s’arribaue ath descans.

Ena dusaua mietat era superioritat aranesa s’anaue a demostrar en mercador, mercan dos gols mes. En ua jogada de dehora de banda, treiguda rápidamente per Ignasi, Adrian podie centrar entà que Jonathan tot solet en dusau garròt remataue de cap, mercan un gran gol, ere eth 2-1. Era diferencia mes gran en mercador siguèc a un quart d’ora deth finau que Paba en ua jogada personau shutaue desde 35 m. dera porteria e sorprenie per naut ath bon portèr Rolland, un gran gol entath 3-1. D’aquieu ath finau, un sinhau de domini deth joc per part deth Luchon sense aué guaire arribades perilhoses en àrea aranesa.

Ath finau, victòria important pr’amor qu’ere eth tresau partit en casa e encara non auiem guanhat encara cap. Cau arregrair ara aficion eth sòn important suport a despier deth mau temps estèc damb eth sòn equip.

Eth plòplèu partit jogam es 1/8 de finau dera Copa de Comminges dissabte 12 de noveme tàs 20 :00 en Loures Barousse contra er equip locau.

U.E. Bossòst: Marcos, Miquel, Salva, Borja, Felipe, Àlex, Uri, Paba, Jonathan,  Ignasi e Adrian. Remplaçants: Abraham, Sergio e Miguel.

Trainer: Jordi.

Tarjetes auriòles : Jonathan, Àlex.

B. Luchon : Rolland, Ardite, Latour, Coutinho, Barta, Fort, Revertegat, Laporte, Dargassies, Lansalot. Remplaçants : Da Costa, El Mahraoui.

Trainer : Da Costa Roland

Gols : 0-1 Laporte (25’), 1-1 Felipe (40’), 2-1 Jonathan (65’), 3-1 Paba (75’).

Arbitre: Castro Antoine.

Loteria Nadau U.E. Bossòst, non te pòs quedar sense

Mos retrapam damb era victòria

R.C.S.O. Isle en Dodon 1 - U.E. Bossòst 2

Victòria important era artenhuda aguest darrèr dissabte en Isle en Dodon. Non siguec bric fàcil pr’amor que des dera prumèra menuta er equip francés anaue a suspréner ara defensa aranesa e Dandre shutaue un shut tot solet dauant de Marcos qu’eth portèr aranés non podie arturar. Ère eth 1-0 e sonque s’auie jogat un minut de jòc. Açò hec molt de mau ar equip aranés que pendent aguesta prumèra mietat le costèc entrar en partit. Er Isle en Dodon sajaue de suspréner damb pilotes longues as sòns ràpits delantèrs. Era U.E. Bossòst auec un parelh de bones ocasions en un shut de fauta de Peiro e en ua jogada personau d’Àlex, mès enes dues viatges era pilota anaue a gésser dehòra dera porteria. Damb eth 1-0 s’arribaue ath descans.

Ena dusaua mietat tot cambièc afortunadament donques eth jòc aranés milhorèc fòrça e poguèrem damb eth torn ath mercador. Encara non portàuem 10 menutes dera represa quan Ignasi shutaue de volea ua pilota centrada des deth costat dret entà mercar er empat a 1 gol. Er equip aranés artenhíe eth 1-2 en una jogada individuau d’Àlex que driblaue ara defensa e shutaue luenh deth portèr Pérez entà mercar eth 1-2. Aguest madeish jogador auec ua gran ocasion entà mercar, mès aguest viatge solet dauant deth portèr eth sòn shut siguec arturat. Er Isle en Dodon caushiguèc molt poc er àrea aranesa pendent aguesta dusaua mietat mès a 5 menutes deth finau auec ua fauta dehòra der àrea que, shutada molt ben peth son delantèr, anaue a tocar eth garròt dera porteria aranesa. Aguest siguec eth darrèr espant entara U.E. Bossòst qu’ath finau se´n portaue era victòria.

Mos retrapam damb era victòria; des dera prumèra jornada que non artenhíem un resultat atau e tanben dehòra de casa. Cau milhorar fòrça es resultats ena nòsta casa se non volem patir ena classificacion.

Eth plòplèu partit 6au jornada deth campionat de Liga non serà enquia d’açiu dues dimenjades, en Bossòst, eth dissabte 5 de noveme tàs 20 :00, derby deth Portilhon contra er equip deth B. Luchon.

R.C.S.O. Isle en Dodon : Pérez, Delaleau, Latapie, Saint Blancat, Brune, Cuvelier, Sarniguet, Larrieu, Dandre, Sottom, Latapie. Remplaçants : Lourde, Burtin, Cazeneuve.

Trainer : Furton Philippe.

 U.E. Bossòst: Marcos, Borja, Salva, Peiro, Felipe, Uri, Paba, Llonch, Àlex, Ignasi e Marco. Remplaçants: Pol, Javi, Yerai.

Trainer: Virgilio.

  

Gols : 1-0 Dandre (1’), 1-1 Ignasi (55’), 1-2 Àlex (75’).

Arbitre: Duplan David.

Empat agridoç

U.E. Bossòst 2 – U.S. Encausse 2

Partit intens eth disputat aguest darrèr dissabte en Bossòst. Er Encausse venguec a destruïr coma siguesse eth jòc dera U.E. Bossòst e dempús sajar de profitar era velocitat deth sòn jogador Paya. Atau, ena prumèra mietat, fòrça fautes pera part francesa e poca continuitat deth jòc. Er equip aranés creaue es ocasions de perilh enes lançament de pilota arturada o enes lançaments de banda pera part de Jaime e Salva. Era prumèra arribada ena nòsta àrea jogada individuau siguec de Paya que deishaue era pilota enes pès de Chabassiere que tot solet dauant de Marcos sonque auie de shutar entà mercar eth 0-1. Era U.E. Bossòst le costèc reaccionar e non siguec enquia lèu deth descans qu’Ignasi shutaue des de dehòra der àrea e era pilota ère despejada peth portèr francés. Damb eth 0-1 s’arribaue ath descans.

Ena dusaua mietat mès domini aranés en iniciatiua e jòc damb poques ocasions entà redusir eth mercador. Er Encausse estec a punt de mercar en un shut de Batmalle qu’entre Marcos e eth garròt pogueren evitar eth gol. En darrèr quart d’ora anàuem a dar eth tour ath mercador. En un lançament de cornèr, Jonatahan remataue molt ben de cap entà mercar eth 1-1. As 5 menutes , Àlex en un lançament de fauta de luenh susprenie ath portèr francés Michel e mercaue eth 2-1. Encara quedauen 10 menutes de partit e tot ère possible. Ena darrèra jogada deth partit, er Encausse mos anaue a empatar,en ua jogada de Paya peth costat esquèr, acabaue damb un centre que Martins remataue a prop dera porteria entà mercar eth 2-2, resultat en que s’arribaue ath finau deth partit.

Ath finau, dusau empat consecutiu en casa a dus gols, mos cau èster milhor defensivament entà encaishar mens gols e sajar de profitar milhor es ocasions dauant era porteria contraria.

Eth plòplèu partit 5au jornada deth campionat de Liga, en Isle en Dodon eth dissabte 22 d’octobre tàs 20 :00 contra er equip locau.

U.E. Bossòst: Marcos, Jaime, Salva, Borja, Felipe, Àlex, Adrian, Llonch, Miguel, Ignasi e Jonathan Remplaçants: Abraham,  Javi.

Trainer: Virgilio.

Tarjetes auriòles : Abraham

U.S. Encausse : Michel, Martins, Ortet, Chabassiere, Cassan, Barousse, Le Vecher, Marigo, Vincent, Batmalle, Paya. Remplaçants : Labatut, Drissi, Aunos.

Trainer : Germain Thierry.

Tarjetes auriòles : Batmalle, Aunos.

  

Gols :0-1 Chabassiere (25’), 1-1 Jonathan (75’), 2-1 Àlex (80’), 2-2 Martins (90’).

Arbitre: Duprat Philippe.

Patim era prumèra derròta deth campionat damb un arbitratge fòrça dolent

F.C. Pointis-Inard 2 - U.E. Bossòst 1

Dusau desplaçament deth campionat e prumèra derròta. Partit que non esterem guaire ben ens prumèrs 45 menutes. Eth Pointis-Inard profitèc entà adelantà-se en mercador en ua jogada deth sòn milhor jogador Avezac,  que driblaue ara defensa aranesa e mercaue d’un shut sense que Pol podesse arturar era pilota. Era U.E. Bossòst responec a pilota arturada; Jonathan en un lançament de cornèr remataue de cap tot solet, mès era pilota anaue dehòra per molt poc. En un aute lançament, José Ramón remataue laguens der àrea petita e Dahleb arturaue era pilota. Lèu deth descans, eth Pointis-Inard profitaue ua fauta non fiulada ath delanter francés Pol e laguens der àrea petita entà mercar eth 2-0 Avezac d’un bon remate des de dehòra der àrea.Damb eth 2-0 s’arribaue ath descans.

Ena dusaua mietat er equip aranés gessec mès calat eth partit e enes prumères menutes mercaue eth 2-1 en un shut de Marcos qu’eth porter francés non podie arturar. Eth domini aranés semblaue que mos portarie a empatar, mès ua auta decision arbitrau dolenta deishaue ar equip damb 10 jogadors pera expulsion de Felipe. Damb un jogador de mens, er equip sajèc d’empatar mès non podec profitar dues fautes a prop der àrea e tampoc es lançaments de cornèr. Eth Pointis- Inard podie auer mercat en un contraatac, mès incomprensiblement Avezac aguest viatge tot solet a porteria ueda shutaue entà dehòra.

Ath finau, derròta dolorosa donques es decisions arbitrals decidiren un partit igualat deth que podíem aumens tret un empat.

Eth plòplèu partit 4ª jornada deth campionat de Liga, non serà enquia d’aciu 15 dies, en Bossòst eth dissabte 15 d’octobre tàs 20 :00 contra er equip der Encausse .

F.C. Pointis-Inard : Dahleb, Bottarel, Duprat, Laforgue, Dupuy, Avezac, Casse, Joucla, Servat, Choquart, Rodrigues. Remplaçants : Verge, Dos Santos, Sorribas.

Trainer : Defossez Jean François.

Tarjetes auriòles : Casse

  

U.E. Bossòst: Pol, Jaime, Borja, Felipe, Àlex, José Ramón, Uri, Marcos,  Marco, Ignasi e Jonathan Remplaçants: Miquel, Yerai, Javi.

Trainer: Virgilio.

Tarjetes auriòles : Felipe, Jaime, Jonathan.

Tarjeta vermelha : Felipe

  

Gols :1-0 Avezac (20’), 2-0 Avezac (40’), 2-1 Marcos (50’).

Arbitre: Passemar François.

Eliminadi dera Copa de Midi

U.E. Bossòst 1- F.C. Monstastruc de Salies 2 

Derròta susprenent era patida aguest dissabte en Bossòst en partit dera dusaua eliminatòria dera Copa de Midi. Mos enfrentàuem a un equip de categoria inferior e ath delà en casa, non cau díder qu’èrem es favorits entà passar, mès en partit tot mos anec a reves man. Ena prumèra mietat, as 20 menutes bona oportunitat de Jonathan en rematar tot solet laguens der àrea, Cucuron arturaue damb eth pè era pilota. Ara seguida aguest  jogador patie ua lesion que l’obliguèc a deishar eth terren de jòc. Miguel tanben auec un parelh de bones oportunitats entà mercar, mès eth sòns shuts, un gessec dehòra e er aute siguec desviat peth portèr ath cornèr. Eth Montastruc anaue a profitar a lèu deth descans ua pilota endarrerida dera linha mieja dera U.E. Bossòst , mès aguesta anaue a quèir enes pès de Perrin que shutaue un tir creuat que non podie arturar Marcos. Ère eth 0-1 resultat damb que s’arribaue ath descans.

Ena dusaua mietat domini totau dera U.E. Bossòst, damb bones ocasions entà empatar eth mercador. Mès non ère era nòsta net, eth Montastruc sense casi apropàr-se ara nòsta àrea anaue a profitar ua cesion dera defensa aranesa ath son portèr e Da Costa mercaue eth 0-2. Encara ère mès difícil remontar. En un bon lançament de fauta d’Àlex estèrem a punt de mercar, mès era pilota dempús de tocar eth portèr anaue en garròt e siguec despejada pera defensa francesa. Ara seguida, patíem era lesion d’un aute jogador, en aguest cas Felipe, que auie de deishar eth terren de jòc. A punt estèc de mercar Yerai en ua bona rematada de cap que gessie a tocar deth garròt. Non siguec esquiara darrèra menuta qu’era insisténcia aranesa trobaue en ua rematada de cap de José Ramón que susprenie ath portèr francés. Ère eth 1-2 e ja non mos dec temps a hèr arren més.

Ath finau, derròta en un partit en que patirem era lesion de dus jogadors plan important, non auèrem era sort de cara e tampoc er arbitre non volec saber arren des mans laguens der àrea francesa. Ara, a pensar ena Liga e ena Copa de Comminges.

Eth plòplèu partit 3ª jornada deth campionat de Liga, en Pointis-Inard eth dimenge 2 d’octobre tàs 15 :00 contra er equip locau .

U.E. Bossòst: Marcos, Borja, Felipe, José Ramón, Miquel, Àlex, Adrian,  Marco, Yerai Miguel, Jonathan Remplaçants: Salva, Borja e Gustavo.

Trainer: Virgilio.

Tarjetes auriòles : Salva.

F.C. Montastruc de Salies: Cucuron I, Cucuron II, Saint Martin, Chauvet, Estrade, Lacarrere I, Lacarrere II, Ribet, Perrin, Denat, Peretti. Remplaçants : Sauvage, Lougarre, Da Costa

Trainer : Cardillo Hugo.

Tarjetes auriòles : Lacarrere II.

Gols : 0-1 Perrin (42’), 0-2 Da Costa (70’), 1-2 Jose Ramon (90’)

Arbitre: Lartigue Nicolas.

Empat e gràcies

U.E. Bossòst 2- Etoile du Cagire 2

Dusaua jornada deth campionat d’Excellence e prumèr partit ena nòsta casa. Sonque començar ena prumèra menuta, Miguel aprofitaue ua bona passada de Paba entà shutar creuat e mercar eth 1-0. Mos durèc poc era joia, e as 5 menutes Watel mercaue er empat a 1, en ua “vaselina” dauant era gessuda de Marcos. Ath equip le costèc molt porta era iniciatiua deth joc e dec era sensación de que tostemp anèrem a remolc der equip francés que solet s’auie presentat damb 11 jogadors. En un lançament de cornèr de Miguel, ere rematat perfectament per Jonathan entà mercar eth 2-1. Coma en prumèr gol, ara seguida er Etoile du Cagire, hege ua jogada ena dreta qu’acabaue en un centro que rematat per Watel, mercaue er empat a 2. Aguest madeish jogador gràcies ara bona arturada de Marcos non podèc mercar en ua jogada en que se presentèc tot solet dauant dera porteria. Damb eth 2-2 s’arribaue ath descans.

Ena dusaua mietat non se botjarie eth mercador e acrò qu’es dos equips auerem es sues oportunitats. Er Etoile du Cagire damb eth son delanter perilhos Watel auèc un parelh d’ocasions que gesseren dehòra per ben poc. Era U.E. Bossòst auèc es ocasions en un bon lançament de fauta d’Alex qu’eth portèr desvièc a cornèr e a tocar deth finau ua bona jogada de Paba l’acabaue damb un shut un sinhau naut que gessie entà dehòra dera porteria.

Ath finau empat en un partit que mos les prometiem fòrça ben enes prumères menutes mes que dempús tostemp dèc era sensacion que mos costaue molt impossar eth nòste joc entà superar aguest equip.

Eth plòplèu partit ei dera Copa de Midi 2º Tour, en Bossòst eth dissabte 24 de seteme tàs 20 :00 contra er equip deth Montastruc de Salies .

U.E. Bossòst: Marcos, Borja, Àlex, Jose Ramon, Jaime, Paba, Uri, Gustavo, Marco, Miguel, Jonathan Remplaçants: Salva, Abraham e Javi.

Trainer: Virgilio.

Tarjetes auriòles : Uri, Borja.

Etoile du Cagire: Domench, Bresquignan, Jordana, Nadal, Perbost, Cluzet, Camin, Renou, Mola, Watel, Constant.

Trainer : Campet Alain

Tarjetes auriòles : Cluzet, Mola.

Gols : 1-0 Miguel (1’), 1-1 Watel (5’), 2-1 Jonathan (20’), 2-2 Watel (25’).

Arbitre: Darnaud Claude.

¡¡¡ Passam ronda ena Copa de Midi !!!

U.E. Bossòst 3- U.S. Encausse 1

Classificacion justa dera U.E. Bossòst en partit dera Copa de Midi dauant er Encausse. Er equip aranés portèc era iniciatiua pendent es 90 menutes; er equip francés sajèc de deféner damb ordre e sajar de suspréner en bèra jogada de contraatac.

Ena prumèra mietat, Miguel en un lançament de fauta laterau estèc a punt de suspréner ath portèr Roussel. Era ocasion mès clara siguec enes botes de José Ramón que tot solet dauant deth portèr en comptes de shutar, volec hèr un passe a Miguel que le gessec massa long. Damb eth 0-0 s’arribaue ath descans.

Ena dusaua mietat eth domini aranés se transfomèc en gols. Ath quart d’ora, Adrian mercaue eth 1-0 en profitar ua pilota no blocada peth portèr. En un lançament de cornèr,  Ignasi shutaue a lèu dera porteria entà arténher eth 2-0. Er Encausse se beneficièc d’una decision arbitrau dubtosa der arbitre que senhalèc penalty en ua queiguda deth delantèr francés; Marigo mercaue eth sòn shut en tot enganhar a Marcos: ère eth 2-1. Ath poc temps er arbitre compensaue er error e fiulaue un penalty a favor dera U.E. Bossòst en ua queiguda de Javi en àrea francesa. Felipe s’encarreguèc de shutar e mercar eth 3-1, resultat damb eth que s’arribaue ath finau deth partit.

Ath finau, passam ronda de Copa de Midi, continuam damb un auta victòria, non se produsic cap de lesion e cap jogador prenec cap de tarjeta.

Eth plòplèu partit ei deth campionat de Liga en Bossòst eth dissabte 17 de seteme tàs 20 :00 contra er equip der Etoile du Cagire .

U.E. Bossòst: Marcos, Abraham, Borja, Àlex, Felipe, Paba, Uri, Jose Ramon, Adrian, Miguel, Ignasi. Remplaçants: Javi, Gustavo e Miquel.

Trainer: Virgilio.

U.S. Encausse: Roussel, Tissinie, Lun, Chabassiere, Paya, Barousse, Descoubes, Marigo, Labatut, Noilhan, Dos Santos. Remplaçants : Bissieres, Laghrissi, Aunos.

Trainer : Germain Thierry.

Gols : 1-0 Adrian (60’), 2-0 Ignasi (65’), 2-1 Marigo (p. 80’), 3-1 Felipe (85’).

Arbitre: Duprat Philippe.

¡¡¡ Estrea dera naua sason damb ua victòria dehòra de casa !!!

Ent. Boulogne-Peguilhan II 1 - U.E. Bossòst 2

Partit disputat en Boulogne aguest dissabte que dauria era sason 2016-2017 dera liga d’Excellence entara U.E. Bossòst. Ena prumèra mietat sonque començar, gol anulat a Jonathan per dehòra de joc mes que dubtos. Eth Boulogne sajaue d’enviar pilotes nautes ath sòn grand delanter Navarre entà crear perilh en àrea aranesa. Ara mieja ora de joc en ua pilota recuperada en miei deth camp, Ignasi veiguic adelantat ath portèr francés e shutèc per dessus mercant un gran gol, ere eth 0-1. Eth Boulogne sajèc d’empatar en lançaments de cornèrs, més era defensa e eth portèr aranés defenseren fòrça ben.

Damb 0-1 s’arribaue ath descans.

Ena dusaua mietat un sinhau mes d’iniciatiua per part deth Boulogne qu’ere er equip que jogaue en casa e a mes anaue perden, mes sense aué clares ocasions. Era U.E. Bossòst sajaue de sorprene ath contraatac ara defensa francesa.

En un lançament de cornèr la pilota l’anaue a queir enes pes d’Ignasi que shutaue sense pensar guaire e era pilota dempús de tocar enes cames d’un defensa s’introduie laguens dera porteria. Ere eth 0-2.

As 5 menutes eth Boulogne aprofitaue ua pilota que Navarre desvièc damb eth cap entà que Col se plantaue dauant de Marcos entà mercar en un shut ras. Ere eth 1-2 encara quedaue un quart d’ora de partit. Coma passe en aguestes ocasions pas endarrèr der equip aranés e fort domini deth Boulogne. A més er arbitre non ajudèc bric as interesi aranesi e prolongaue era dusaua mietat enquiath menut 53. Enes darrères menutes s’altereneren es ocasions identiques en cada porteria. Un shut en garròt entà cada equip e ua situacion deth delanter dauant deth portèr qu’arturaue era pilota.

Ath finau estrea dera naua sason damb ua victòria dehòra de casa molt trebalhada. Açò sonque a het que començar.

Eth plòplèu partit ei de Copa de Midi, 1º tour, dissabte 10 de seteme tàs 20 :00 en Bossòst contra er equip der Encausse.

Ent. Boulogne-Peguilhan II: Roumeguere, Col, Espy, Bourgade, Laguens, Marque, Navarre, Dequesne, Adoue, Pailloux, Demont. Remplaçants : Sebastien, Sicre, Ibos.

Trainer: Subreville Jean Pierre.

Tarjetes auriòles: Col.

U.E. Bossòst: Marcos, Borja, Jose Ramon Àlex, Felipe, Uri, Javi, Jonathan, Paba, Ignasi, Adri. Remplaçants: Jaime, Ivan, Miguel.

Tarjetes auriòles, Uri, Jose Ramon, Adri, Jonathan.

Trainer: Virgilio.

Gols : 0-1 Ignasi (30’), 0-2 Ignasi (70’), 1-2 Col (75’).

Arbitre : Castro Antoine.

text-justify:inter-ideograph'> 

Arbitre : Castro Antoine.

Un St. Gaudens superior passe ronda ena Copa de França

Comminges St. Gaudens 3 - U.E. Bossòst 1

Prumèr partit de competicion oficiau corresponent ara Copa de França. Non auiem sort en sorteig e mos tocaue jogar en camp deth        St. Gaudens equip de categoria supeiror a nosati.  Partit que començèc damb domini e iniciatiua per part francesa, sense qu’er equip aranés passese per guaire ocasions de perilh. Acrò si mos costèc fòrça arribar en àrea deth St. Gaudens. Ena menuta 35’ dempus d’ua fauta laterau lançada peth St. Gaudens se produie ua jogada embolicada en àrea aranesa qu’era nòsta defensa non podèc d’acabar de despejar era pilota e aguesta ere rematada de prop per Decap entà mercar eth 1-0. Ara seguida, dempús d’un cornèr shutat pera U.E. Bossòst contraatac ràpit deth St. Gaudens qu’acabaue Loustalot damb un shut a tocar deth garròt esquerre dera porteria de Marcos. Damb eth 2-0 s’arribaue ath descans.

Ena dusaua mietat sonque començar bona jogada aranesa qu’acabe en un penalty a Javi que siguèc shutat per Felipe entà mercar eth 2-1. Molt poc anaue a durar era joia aranesa quan en ua pilota perduda pera defensa siguèc aprofitada molt ben per Loustalot entà mercat d’un gran shut ena esquaira aranesa eth 3-1. Encara quedaue fòrça partit per dauant es dos equips sajeren d’incrementar eth mercador, mes entrera defensa e es portèrs eth mercador ja non se botjaria enquiath finau.

Ath finau, derròta logica dauant un equip qu’er an passat baishèc a Promocion Liga e saje de recuperar era categoria perduda. Pera nòsta part aprène des errors d’aguest equip entàs partits importants deth campionat e dera Copa de Commiges que son es objectius de cada sason.

Er equip continuarà es sessions d’entrenaments e jogarà en principi dos partits amistosi es dimecres 24 e 31 d’agost ens camps deth Cierp e Luchon contra es equips locaus.

Eth plòplèu partit començam eth campionat, dissabte 3 de seteme tàs 20 :00 en camp deth Boulogne-Peguilhan II.

Comminges St.Gaudens: Gamboni, Aouam, Sanmartino, Decap, Guy, Chabassiere, Arieu, Bouigue, Loustalot, Dikkite, Ruz. Remplaçants: Del Rio, Pinho, Gimenez.

Trainer: Serie Christophe, Perin Sebastien.

Tarjetes auriòles: Pinho.

U.E. Bossòst: Marcos, Abraham, Borja, Àlex, Felipe, Marco, Ivan, Miguel, Paba, Ignasi, Adri. Remplaçants: Miquel, Sergio, Javi.

Trainer: Virgilio.

Gols : 1-0 Decap (35’), 2-0 Loustalot (40’), 2-1 Felipe (p. 47’), 3-1 Loustalot (50’).

Arbitre : Laven Mickael.

Liniers : Laforgue Sebastien, Touruie Damien

Eth Trofeig se quedèc en casa

Eth XXVII Trofeig Memoriau Manuel Huguet siguèc guanhat pera U.E. Bossòst per 4-2 dauant un bon equip deth Cazeres. Es golejadors pera part aranesa siguèren: Ignasi, Gachi, Miguel e Javi.
Eth plòplèu partit 1º tour dera Copa Fran ça serà aguest dimenge 21 d'agost tàs 15:00 en St Gaudens contra eth prumèr equip locau dera categoria Promocion Liga.

HÈSTA MAJOR BOSSÒST 2016 XXVII TROFEIG MEMORIAU MANUEL HUGUET

Laguens des actes dera nòsta Hèsta Major, deluns 15 d'agost tàs 19:15 XXVII Trofeig Memoriau Manuel Huguet entre es equips: U.E. Bossòst - U.S. Cazeres.
Aguest partit servis de presentacion der equip entara sason 2016-2017 entrenat peth nau entrenador, Virgilio Hernandez.

Nau trainer ena U.E. Bossòst entara sason 2016-2017

Virgilio Hernandez Paesa, ex-jogador de 1ª division enes ans 90 d’equips com era U.E. Lleida, Real Zaragoza, S.D. Compostela…….

Com entrenador a entrenat a equips com eth Binefar, Tamarite …..

¡¡¡Le desiram molta sort en aguesta naua etapa !!!

Er equip començe es sos entrenaments eth plòplèu dimarts 2 d’agost a compdar des 20 :30 .

Partit en Garós agèr dimenge

Derròta per 0-4 dera nòsta Seleccion Aranesa dauant eth Lleida en un partit digne des jogadors entrenadi per Miguel Jimenez e Javi Iglesias

Sorteig Copa de França

Era dimenjada deth 20-21 d’agost se jogue eth 1º Tour dera Copa de França: En sorteig d’agèr se disputaran aguesti partits:

E. CAGIRE / ISLE EN DODON

MONTASTRUC DE SALIES / PSCF

E.F.C.A / BOULOGNE.PEG ENT

B.LUCHON / PIOC

VILLENEUVE DE RIVIERE FC / M.A.B.R.O.C

CSGF / BOSSOST

 SALIES.MANE ENT / ENCAUSSE SOGA 20H

¡¡¡ Amics x sempre, XAVI!!!

Després d’estar durant cinc temporades a la U.E. Bossòst, les tres primeres com jugador i les dos darreres com entrenador, Xavi Mena Bernabe deixa el càrrec d’entrenador per motius personals.

 Ha segut un plaer per nosaltres poder gaudir de la teva professionalitat i dedicació durant tot aquest temps i ja saps que deixes a Bossòst i l’Aran un munt d’amics.

¡¡¡ Moltes, moltes gràcies per tot !!!

Dimenjada de Finals de Copa Comminges

Stade Jules Ribet de St.Gaudens

Dissabte 4 de junh tàs 20:00
Final Femenina: SaliesMane - Landorthe

Dimenge 5 de junh
09:30 Final U15 MabrocCazeres - 3 Canton
11:00 Final U17 Sud Pyrenees - CazereMabroc
14:30 Final U19 Isle en Dodon - SaliesMane
16:30 Final Senior U.S. Encausse - F.C. Villeneuve de Riviere

Mos sobrèc era dusaua mietat

F.C. Mabroc 5 - U.E. Bossòst 0

Darrèr partit deth campionat eth disputat aguest dissabte en Martres Tolosane. Eth Mabroc se jogaue eth descens dera categoria e ère fòrça mès motivat que nosati entà jogar aguest partit.

Ena prumèra mietat partit igualat sense guaire arrribades de cap des dus equips. Ath finau dera prumèra mietat eth Mabroc mercaue eth 1-0 en un shut des de laguens que Miguel non podie acabar d’arturar. Damb eth 1-0 s’arribaue ath descans.

Eth partit se suspenec pendent 45’ pera forta tronada que queiguec en descans deth partit. Es jogadors profitèren entà campar era finau dera Champions. Quan er arbitre fiulèc entà tornar a jogar ja se veiguec que mos costèc fòrça entà arribar ath terren de jòc. Aguesta arturada desconectèc ar equip deth partit, causa que profitèc molt ben eth Mabroc entà mercar enquia 5 gols entà asegurà-se era permanència, causa qu’ena prumèra mietat non ac auie bric clar.

Ath finau, derròta contundent en un partit que sobrèc era dusaua mietat.

De totes maneres objectiu aconseguit pera U.E. Bossòst d’arténher era permanència abantes dera darrèra jornada deth campionat.

F.C. Mabroc : Baboulene, Bresteau I, Hamdi, Casimir, Hritane, Feuillerat, Khan, Nadal, Rouquette, Gomes, Bresteau II. Remplaçants : Dominguez, Girard, Mary.

Tarjetes auriòles : Nadal (35’).

Trainer : Lamalch Rachid.

U.E. Bossòst: MIguel, José Ramón, Borja, Miquel, Felipe, Peiro, Uri, Soufi,  Àlex, Jonathan e Moha. Remplaçants: Abraham, Luis e Javi.

Trainer: Xavi.

Arbitre: Hubert Marc.

¡¡¡ Empat injust !!!

U.E. Bossòst 2 – U.S. Encausse 2

Darrèr partit deth campionat en casa eth disputat aguest dissabte en Bossòst. Eth partit siguec igualat ath començament sense que cap des dus equips arribèsse damb perilh ena porteria contraria. Fòrça interrupcions deth jòc damb fòrça fautes. Passada era mieja ora de jòc s’anaue a botjar eth mercador: ua bona jogada d’ Àlex acabaue damb un passe que Paba tot solet dauant deth portèr francés mercaue eth 1-0. Er Encausse sajèc de profitar era velocitat de Paya entà crear perilh. Damb eth 1-0 s’arribaue ath descans.

Ena dusaua mietat, mès iniciatiua pera part francesa mès sense caushigar guaire er àrea aranesa. Anàuem a profitar un excelent lançament de cornèr per part de Miguel entà que Jonathan rematèsse de cap laguens der àrea petita entà mercar eth 2-0. En Encausse encara pressionèc mès quan per ua fauta de Paya, tot solet laguens der àrea , profitaue eth passe de cap d’ Aunos. Quedaue un sinhau mès de 10 menutes. Era U.E. Bossòst se defenec ben enquiara darrèra menuta ena que damb un centre que Paya remataue, era pilota dempús de tocar en un jogador aranés non poguec èster arturada per Marcos e Martins remataue a porta ueda.

Ath finau resultat injust, se joguèren massa menutes de prolongacion e mos empatèren ena darrèra jogada.

Eth pròplèu partit, jogam eth darrèr partit dera sason, dissabte 28 de mai tàs 20 :00 en Martres Tolosane contra er equip deth F.C. Mabroc.

U.E. Bossòst: Marcos, Abraham, Borja, Felipe, Peiro, Ignasi, Paba,  Àlex, Jonathan e David. Remplaçants: Miquel, Moha, Miguel.

Tarjetes auriòles: Abraham (16’), Àlex (35’).

Trainer: Xavi.

U.S. Encausse : Michel, Marcos, Ortet, Chabassiere, Descoubes, Barousse, Duclos, Lompech, Vincent, Noilhan, Paya. Remplaçants : Martins, Batmalle, Aunos.

Tarjetes auriòles : Marcos (36’).

Trainer : Germanin Thierry.

Gols : 1-0 Paba (35’), 2-0 Jonathan (70’), 2-1 Paya (80’), 2-2 Martins (90’).

Arbitre: Castro Antoine.

¡¡¡ Domatge de resultat !!!

U.S. Cazères 4 - U.E. Bossòst 2

Partit damb gols eth disputat en casa deth dusau classificat. Ena prumèra mietat joguèrem fòrça milhor qu’ eth Cazères, mès non profitèrem es clares ocasions. As 20 menutes en ua bona jogada, Àlex, passaue era pilota a Soufi qu’entraue laguens der àrea entà mercar eth 1-0 en un shut ras a tocar deth garrot. Auérem dues oportunitats iguals qu’ era deth gol, mès es shuts de Moha sigueren paradi o desviadi entath cornèr peth portèr francés. Ena gessuda d’un shut de corner, Soufi remataue e era pilota anaue a tocar eth garrot dera porteria de Mepor. Eth Cazères solet auie shutat entara porteria aranesa en dues fautes. Enes dues darrèrs menutes dera prumèra mietat mos anauen a remontar eth mercador. Prumèr en un lançament de cornèr Couzinet I, remataue tot solet en punt de penalty de cap entà mercar un polit gol. Ara seguida en un error dera defensa aranesa eth madeish jogador se quedaue dauant de Marcos entà shutar ath costat deth garròt e mercaue eth 0-2, resultat en que s’arribaue ath descans.

Ena dusaua mietat,  sonque començar eth Cazères podie auer mercat en ua jogada en que Marcos paraue eth shut deth delanter francés. Era U.E. Bossòst responie damb un shut de volea de Soufi que gessie per naut dera porteria. En un shut long de Miquel, Àlex anaue a suspréner ara defensa francesa e en posicion de dehòra de joc driblaue ath portèr e mercaue eth 2-2. Pòc mos durèc era joia, ara seguida er arbitre anaue a compensar eth son error fiulant un penalty en àrea aranesa que Couzinet I anaue a shutar entà mercar eth 3-2. Encara quedaue temps, er equip aranés sajèc d’empatar eth partit e auançèc es sues linhes. Açò profitèc Manenq en ua pilota longa entà mercar a pòrta ueda, dempús de driblar a Marcos: ère eth 4-2, resultat ath finau des 90 menutes.

Ath finau:  domatge de derròta. Ena prumèra mietat auíem d’auer anat ath descans damb ua ventatja fòrça gran ath nòste favor mès perdonèrem es ocasions e estèrem mau enes dues darrèrs menutes; ena dusau mietat en un joc mès igualat, mos fautèren un sinhau es fòrçes.

Eth pròplèu partit, jogam d’açiu dues dimenjades, dissabte 21 de mai tàs 20 :00 en Bossòst contra er equip der Encausse.

U.S. Cazères : Mepor, Levasseur, Mehhouti, Coutanceau, Dega, Rosa I, Rosa II, Couzinet II, Manenq, Couzinet I, Alhama. Remplaçants : Knockaert, Buades, Montanel.

Tarjetes auriòles : Buades (50’), Levasseur (56’)

Trainer : Pina Pascal

U.E. Bossòst: Marcos, Abraham, José Ramón, Felipe, Peiro, Miquel, Paba,  Àlex, Moha e Soufi. Remplaçants: Gachi.

Tarjetes auriòles: Gachi (65’), Àlex (70’).

Trainer: Xavi.

Gols : 0-1 Soufi (20’), 1-1 Couzinet I (44’), 2-1 Couzinet I (45’), 2-2 Àlex (65’), 3-2 Couzinet I (67’ p.), 4-2 Manenq (80’).

Arbitre: Micheau Andre.

¡¡¡ Victòria entà arténher era permanéncia !!!

U.E. Bossòst 3 – Ent. Landorthe 0

Partit intens eth d’aguet dissabte dauant eth Landorthe, equip físic e que sajaue damb fautes impedir eth bon jòc dera U.E. Bossòst. Començèrem fòrça ben dominant eth jòc e portant era iniciatiua. As 20 menutes, Àlex en ua bona jogada peth costat esquèr susprenie ath porter francés damb un shut e mercaue eth 1-0. Ara seguida, Jonathan auec ua bona ocasion mès era pilota siguec desviada entath cornèr peth portèr Feuillerat. Eth Landorthe sajèc de suspréner damb dus boni shuts de Bosc e Gouaze que Marcos auec de desviar entath cornèr. Ara mieja ora de jòc en una bona jogada entre Àlex e José Ramón, aguest centraue entà que Jonathan rematèsse de cap entà mercar eth 2-0. Damb aguest resultat s’arribaue ath descans.

Ena dusaua mietat ( mès intensitat per part deth Landorthe ) mos costèc creuar eth miei deth camp. Eth Landorthe sajaue de profitar es lançaments a pilota arturada entà portar eth perilh en àrea aranesa. Eth jòc s’enlordic e er arbitre mostrèc es tarjetes auriòles d’ ua manera igualitària. En un lançament de luenh de fauta Miguel anaue a sentenciar eth partit en suspréner ath portèr e plaça era pilota ena esquaira dera porteria. Ère eth 3-0 : resultat ath finau des 90 menutes.

Victòria important que mos plaçe en 5au lòc ( a manca de 3 jornades) dera classificacion abantes de visitar eth terren deth Cazères que en aguesta jornada acabe de pèrder eth liderat deth campionat. Classificacion: Villeneuve de Rivière 61, Cazères 59, B.Luchon 54, Etoile du Cagire 49, U.E. Bossòst 47, Encausse e Isle en Dodon 46, F.C. Mabroc 42, Ent. Boulogne 41, Landorthe 38, Larboust-OÔ 36, SaliesMane 30.

Eth pròplèu partit, jogam d’açiu dues dimenjades, dissabte 7 de mai tàs 20 :00 en Cazères contra er equip locau.

U.E. Bossòst: Marcos, Borja, Jaime, Felipe, Peiro, David, Ignasi,  Àlex, Jonathan e Soufi. Remplaçants: Abraham, Miguel, Javi..

Tarjetes auriòles: Jaime (75’), Javi (80’).

Trainer: Xavi.

Ent. Landorthe: Feuillerat, Beautes, Villani, Nebra, Lopez, Bosc, Rodriguez, Gouaze, Morvan, Fethi, Lacaze. Remplaçants: Jibbou, Tombini, Pauchenne.

Tarjetes auriòles: Gouaze(74’), Jibbou(85’).

Trainer : Lacaze Gerard.

Gols : 1-0 Àlex(20’), 2-0 Jonathan (30’), 3-0 Miguel (75’).

Arbitre: Duprat Philippe.

Derròta en casa deth dusau classificat

F.C. Villeneuve de Rivière 2 – U.E. Bossòst 0

Bon partit eth jogat aguest dissabte en Villeneuve de Rivière dauant eth dusau classificat. Des d’un començament domini der equip locau ; jogàuem damb ua defensa de 5 lo que dificultèc er atac locau e a nosati mos faltèc auer mès era pilota entà arribar en àrea francesa. Molt poques ocasions ena prumèra mietat : eth Villeneuve sajaue de profitar eth jòc individuau deth sòn capitan Riqueza. En un shut de fauta laterau, Clemencon remataue e era pilota anaue a tocar eth garròt dera porteria aranesa. Siguec era milhor ocasion des francesi ena prumèra mietat. Lèu deth descans auérem era milhor ocasion quan Uri en ua bona jogada, shutèc sus era gessuda de Dos Santos e era pilota anaue a gesse dehora a tocar deth garròt. Damb eth 0-0 s’arribaue ath descans.

Ena dusaua mietat auérem ua molt bona ocasion sonque començar. Jonathan a dus metres dera linha de gol shutaue e era pilota dempús de tocar era esquia deth portèr gessie entath cornèr. Ena menuta 55’ se produsie era jogada qu’anaue a decidir eth partit, Paba perdie era pilota en miei deth camp e hège fauta ath bòrd der àrea a Riqueza, lo que comportèc era tarjeta auriòla que en èster era dusaua ère expulsat. Mos quedàuem damb 10 a manca de 35’ enquiath finau. Ath delà, eth lançament de fauta de Masi, suposèc eth 1-0 dempús de que Marcos non podsese arturar eth shut centrat. A despiet de quedà-mos en inferioritat, er equip luitèc ath màxim e non mos creèrem guaire ocasions de perilh. A 10’ deth finau en un aute lançament de fauta, Rigaut profitaue eth despeje de Marcos entà mercar eth 2-0.

Ath finau derròta dauant un bon equip que luitarà peth títol. Mos penalitzèc fòrça era expulsion e eth gol ena madeisha jogada. Tot encara per hèr a manca de 4 jornades enquiath finau.

Eth pròplèu partit, jogam d’açi dues dimenjades, dissabte 23 d’abriu tàs 20 :00 en Bossòst contra er equip der Ent. Landorthe-Estancarbon.

F.C. Villeneuve de Riviere : Dos Santos, Durand, Hervas, Carceller, Moreno, Adoue, Masi, Clemencon, Dessaint, Riqueza, Rigaut. Remplaçants: Milan, Dufraise.

Trainer: Casteran Laurent.

U.E. Bossòst: Marcos, Borja, Jaime, Felipe, Àlex, Paba, Abraham, Ignasi,  Uri, Jonathan e Carlos. Remplaçants: Sergio, Miquel.

Tarjetes auriòles: Paba (40’), Paba (55’).

Tarjeta vermelha: Paba (55’).

Trainer: Xavi.

Gols : 1-0 Masi (55’), 2-0 Rigaut (80’).

Arbitre: Martins Serafin.

Victòria en un partit mercat pera grèu lesion de Salva

U.E. Bossòst 2 – Isle en Dodon 0

Partit que començèc igualat e mercat pera grèu lesion de Salva que lèu deth quart d’ora recebie ua dura entrada per part deth defensor francés lo que comportèc qu’eth partit siguesse arturat mès de 20’. A compdar d’alavetz er Isle en Dodon se quedèc damb 10 jogadors e tot siguec fòrça mès fàcil entar equip aranés. Dominaue eth jòc e ath Isle en Dodon le costaue apropà-se en àrea aranesa. Eth domini aranés auec eth fruit en ua jogada de Javi que dempús de driblar ath defensor siguec derribat clarament ; er arbitre fiulèc eth penalty que siguec transfomat per Felipe ; ère eth 1-0 resultat en que s’arribarie ath descans.

Ena dusaua mietat, continuèc eth domini aranés en jòc e pòques arribades per part der Isle en Dodon. Ena menuta 70 ua bona jogada acabaue damb ua pilota centrada en àrea que Miguel tot solet remataue laguens dera porteria. Ère eth 2-0, que serie eth madeish resultat ath finau des 90 menutes.

Ath finau victòria important que mos plaçe en quart lòc dera classifiacion a manca de 5 partits enquiath finau deth campionat.

Demoram ua lèu e bona recuperacion deth nòste jogador Salva que patic era fractura dera tibia ena dura entrada deth partit de dissabte.

Eth pròplèu partit, jogam en Villeneuve de Rivière dissabte 9 d’abriu tàs 20 :00 contra er equip locau.

U.E. Bossòst: Marcos, Salva, José Ramón, Felipe, Àlex, Borja, Miguel, Ignasi, Jonathan, Javi e Soufi. Remplaçants: Carlos, Abraham, Miquel.

Tarjetes auriòles: Marcos (15’), Miguel (70’).

Trainer: Xavi.

R.C.S.O. Isle en Dodon: Perez, Latapie I, Lozes, Latapie II, Larrieu, Clerand, Delaleau, Jouanny, Delavergne, Robin, Lourde. Remplaçants : Dandre, Furton.

Tarjetes auriòles : Larrieu (30’).

Tarjeta vermelha : Delaleau (15’)

Gols : 1-0 Felipe (30’ penalty), 2-0 Miguel (70’).

Arbitre: Hubert Marc.