Perdem era finau dera Copa der Amitié enes lançaments de penalty

U.S. Salies Mane 0 – U.E. Bossòst 0

Penaltys: 7 – 6

Non mereshíem pèrder atau ua finau enes cruels lançaments de penalty. Era U.E. Bossòst non auec era sort de cara ena aguesta finau. Patírem as 25 menutes era lesion deth nòste capitan Ignasi, damb lo que aquerò supose entar equip. Dominèrem eth partit e siguerem er equip qu’ auec es milhors oportunitats entà mercar: ua pilota en garròt en un bon lançament de Paba ena prumèra mietat, ena dusaua mietat bones arribades d’ Àlex mès es sòns shuts passèren a tocar deth garròt. Ena darrera jogada deth partit en ua bona jogada de Luis que Javi non podie rematar, si qu’arribèc Moha entà shutar ras, mès eth portèr Gustave arturaue era pilota. Eth SaliesMane sonque shutèc un viatge damb perilh en un shut que Marcos desviaue entath cornèr.

Enes lançaments de penalty s’arribèc enquiath nau lançament entà decidir eth campeon dera Copa der Amitié.

Ath finau, derròta dolorosa dauant un equip reforçat deth Saliesmane 4. Eth jogadors lutèrem pendents es 120 menutes e cau díder qu´era aficion se desplaçèc en gran numerò entà ajudar e animar ath sòn equip enquiath finau. Mos cau felicitar as jogadors, dirigents e aficionadi per excellent comportament deth nòste equip pendent aguesta sason.

Eth plòplèu partit, jogam eth darrèr partit deth campionat eth dimenge 31 de mai tàs 15 :00 ores en Cardeilhac contra er equip locau. En aguest partit se decidirà quin des dus equips serà eth campeon de campionat dera 1ª division.

U.S. SaliesMane :Gustave, Buffalan, Vergonseanne, Millet, Cazenave, Ertlen, Daspet, Montauriol, Ricard, Soulier, Viaud. Remplaçants : Laffront, Garnung, Damien.

Tarjetes auriòles : Cazenave, Buffalan.

Tarjeta vermelha : Buffalan.

Trainer : De Mattos A.

U.E. Bossòst: Marcos, Salva, Chapo, Felipe, Peiró, Luis, David, Ignasi, Àlex, Moha e Paba. Remplaçants: Abraham, Miguel e Javi.

Tarjetes auriòles : Luis.

Trainer: Xavi.

  

Arbitre: Laven M.

Liniers : Grange D., Duplan D.

¡¡¡ ESTE AÑO SUBE EL BOSSÒST SUBE EL BOSSÒST !!!

Pointis Inard O.C. 1 – U.E. Bossòst 2

Un an dempús recuperam era categoria d’Excellence. En darrèr partit deth campionat a disputar eth dia 31 de mai contra eth Cardeilhac, se decidirà quin ei er equip campeon dera categoria.

En un partit “trampa” er equip aranés auec de luitar contra un terren de jòc en fòrça mau estat, damb era èrba nauta e un arbitratge fòrça dolent que non sabec sancionar es agressions que patíren es jogadors dera U.E. Bossòst.

Eth partit siguec dominat per equip aranés mès sense auer bones ocasions de gol. Merquèrem eth gol en ua bona jogada de Soufi que deishèc era pilota enes pès de Miguel que, de “puntera” des de dehòra der àrea, susprenie ath portèr francés. Pòc abantes deth descans, auérem ua molt bona oportunitat quan Kike se plantaue tot solet laguens der àrea e en lòc de shutar a porteria sajèc de passar era pilota sense que arrès podesse rematar. Damb eth 0-1 s’arribaue ath descans.

Sonque començar era dusaua mietat , Paba auec era milhor ocasion deth partit quan susprenie ara defensa e se plantaue dauant de Smara e shutaue, mès eth sòn shut gessie desviat a tocar deth garròt. Sabíem que mos tocarie patir en desaprofitar aguestes clares ocasions. En ua jogada aislada eth Pointis Inard anaue a mercar eth gol der empat quan Laforgue shutaue laguens der àrea sense que Marcos podesse arturar era pilota. Quedàuen dètz menutes enquias 90, encara auíem temps de mercar; e atau siguec quan Miguel siguec derribat clarament laguens der àrea peth defensa. Eth clar penalty siguec shutat per Felipe que mercaue eth 1-2. D’ aquiu ath finau, jòc molt pòc esportiu deth Pointis Inard damb agresion ath nòste capitan Ignasi. Entà compensar, er arbitre expulsèc ath nòste jogador Soufi per dusaua tarjeta. E se açò non ère pro, er arbitre alonguèc eth partit 9 menutes sense cap motiu.

Ath finau victòria que mos plaçe en prumèr lòc a manca d’un partit.

Era classificion ei : U.E. Bossòst 75, Cardeilhac 72, Mabroc 69, Miramont 57.

Eth plòplèu partit jogam era finau dera Copa der Amitié en Sant-Gaudens en stade Jules Ribet dissabte 23 de mai tàs 20:00 ores contra er equip deth SaliesMane 4.

Pointis Inard O.C. : Smara, Beret, Verge, Baboulet, Do Canto, Laforgue, Casse, Sorribas, Fourment, Choquart, Bou. Remplaçants : Gordia, Puddu, Chanfreau.

Tarjetes auriòles : Laforgue, Choquart.

Tarjeta vermelha : Casse.

Trainer: Dessosez J.F.

U.E. Bossòst: Marcos, Abraham, Chapo, Felipe, Àlex, Iván,  Soufi, Ignasi, Miguel, Kike e Paba. Remplaçants: Camilo, Manu, Ori.

Tarjetes auriòles : Ignasi, Soufi.

Tarjeta vermelha : Soufi.

Trainer: Xavi.

Gols : 0-1 Miguel (38’), 1-1 Laforgue (80’), 1-2 Felipe (p. 85’).

Arbitre: Brune Fabien.

¡¡¡ Un set de gols entà apropamos ath títol !!!

Pyrenées Sud II 2 – U.E. Bossòst 6

Victòria fòrça important e contundent dauant un equip que venguie d’empatar damb eth Mabroc. Sonque començar merquèrem eth 0-1 en ua fauta laterau qu’eth portèr francés non poguec aluenhar era pilota e  quedaue enes pès de Paba que shutaue tot solet. Ara seguida, en un bon passe de Salva, Soufi profitaue entà plantà-se dauant Contreral e shutar ras entre es sues cames e mercar eth 0-2. Eth Pyrennées Sud responec damb un polit gol deth sòn delantèr centre Bordeies ; ère eth 1-2. Non pasaue ne ua menuta quan Àlex profitaue ua pilota ath darrèr dera defensa francesa, driblaue ath portèr e mercaue eth 1-3. Encara anàuem a enxamplir es diferéncies damb un aute gol d’Àlex fòrça semblant ar anterior. Ère eth 1-4, resultat en que s’arribaue ath descans.

Ena dusaua mietat encara merquèrem dus gol mès: en prumèr, era pilota dempús de shutar Àlex rebotaue en un defensa e se calaue laguens dera porteria francesa. Ère eth 1-5. En ua auta jogada Àlex tot solet coma enes anteriors gols, driblaue ath portèr e mercaue eth 1-6 a porta ueda.  Eth Pyrenées Sud mercaue eth darrèr gol en ua jogada en que Ribet shutaue ras ena gessuda deth nòste portèr Marcos. Ère eth 2-6 resultat ath finau deth partit.

Ath finau, victòria important en aguest partit pendent que mos aprope ath títol. Era classificion ei : U.E. Bossòst 71, Cardeilhac 68, Mabroc 65, Miramont 53.

Eth plòplèu partit jogam partit deth campionat de liga en Pointis-Inard eth dimenge 17 de mai tàs 15:00 ores contra er equip locau.

Pyrenées Sud II : Contreral, Reulet, Chaussepied, Zaoui, Castillie, Ribet, Fissomou, Fourment, Bordeies, Via, Fourreau. Remplaçants : Belin, Thouvenat, Poussan.

Tarjetes auriòles : Reulet, Zaoui, Via.

Trainer : Gez Fabien.

U.E. Bossòst: Marcos, Abraham, Chapo, Felipe, Peiró, David, Salva, Soufi, Àlex, Ignasi e Paba. Remplaçants: Ivan, Kike, Miguel.

Tarjetes auriòles : Salva

Trainer: Xavi.

Gols : 0-1 Paba (5’), 0-2 Soufi (10’), 1-2 Bordeies (25’), 1-3 Àlex ( 26’), 1-4 Àlex (40’), 1-5 Àlex (60’), 1-6 Àlex (70’), 2-6 Ribet.

Arbitre: Castro Antoine.

Partit pendent

Eth partit qu'auem pendent deth campionat de liga se jogarà aguest dijaus 14 de mai tas 21:00 en terren de joc de Clarac contra er equip deth Pyrenees Sud. Damb aguest enfrentament toti es equips auram jogat es madeishi partits a manca de dues jornades entath finau deth campionat.

¡¡¡ Repoker de gols en darrèr partit deth campionat en casa !!!

U.E. Bossòst 5 . Ent. Boulogne III 0 

En darrèr partit en casa contundent victòria dera U.E. Bossòst entà seguir ena sua corsa entà acabar prumèr d’aguest campionat de 1ª division. Partit dominat pendent es 90 menutes per equip aranés. Non rebrembam cap d’arturada deth nòste portèr Marcos pr´amor qu’ auérem ua tarde ben tranquilla. Passat eth prumèr quart d’ora,  anàuem a mercar eth prumèr gol quan Moha se profite d’ua pilota que treiguíe de porteria er equip francés e se plantaue dauant eth portèr e mercaue damb un shut ras. En dusau gol, Moha susprenie ara defensa francesa entà mercar eth 2-0 resultat en que s’arribaue ath descans.

Ena dusaua mietat eth domini aranés non auec era sua recompensa enquiath darrèr quart d’ora. En ua pilota que Javi luitèc damb eth defensa francés se l’acabèc d’emportar e des dera cantoada der àrea shutaue un shut ajustat ath garròt e mercaue eth 3-0. En ua bona jogada, Moha l’acabaue damb un shut ras des dera línha de porteria e era pilota dempús de tocar en garròt entraue laguens. Ère eth 4-0 e hat-trick de Moha. Entà acabar de redondejar era golejada, Javi shutaue des de dehòra der àrea ua pilota despejada pera defensa e susprenie ath portèr. Ère eth 5-0 resultat deth finau deth partit.

Victòria fàcil entà despedir-mos dera nòsta aficion; ara mos queden tres partits deth campionat dehòra e era finau dera Copa der Amitié en St. Gaudens. Demoram contunhar damb aguesti boni resultats.

Eth plòplèu partit jogam partit deth campionat de liga en Pointis-Inard eth dimenge 17 de mai tàs 15:00 ores contra er equip locau.

U.E. Bossòst: Marcos, Salva, Abraham, Felipe, Peiró, David, Chapo, Soufi, Àlex, Moha e Ivan. Remplaçants: Cabezas, Manu, Javi.

Trainer: Xavi.

Ent. Boulogne : Saintcriq, Didier, Bajon, Vvies, Suzane, Marque, Benac, Louge, Cier, Touzanne, Barrere. Remplaçants : Plateel, Bathion.

Tarjetes auriòles : Suzane.

Trainer : Castex Benjamin.

Gols : 1-0 Moha (20’), 2-0 Moha (35’), 3-0 Javi (75’), 4-0 Moha (80’), 5-0 Javi (85’).

Arbitre: Hubert Marc.

¡¡¡ Ua maneta de gols entà passar ara finau dera Copa der Amitié !!!

Ent. Bla.Ca.La. 1 – U.E. Bossòst 5

Classificacion mès fàcil de çò que mos demoràuem entà arténher era finau dera Copa der Amitié. Ath long des 90 menutes fòrça superioritat aranesa tant tecnicament coma fisicament. As 3 menutes artenhíem a mercar quan Ignasi remataue de cap un lançament de cornèr. Eth domini aranés auec eth sòn premi en un shut ras des de dehòra der àrea d’Ignasi que susprenie ath portèr francés. Portàuem 20 menutes e ja dominàuem per 0-2. Abantes deth descans anàuem a deishar sentenciat eth partit damb 2 gols mès : eth prumèr de Kike dempús d’una bona jogada d’Àlex e eth dusau, en un centre-shut, de Chapo que susprenie ath portèr Brune. Damb eth resultat de 0-4 s’arribaue ath descans.

Ena dusaua mietat siguec mès desluida; eth Bla.Ca.La. no acceptèc ben era superioritat aranesa e es sues entrades e maneres de jogar sigueren molt pòc esportiues. Er arbitre non sabec punir damb bèra expulsion era sua agresivitat. Mos mercàuem eth solet gol encaishat en ua fauta shutada des deth miei deth camp, en ua mala gessuda deth nòste portèr Marcos, çò que permitie ath delantèr rematar tot solet a porta ueda. Er equip aranés responec damb un polit gol de Javi que tot solet dauant deth portèr mercaue damb un shut ras a tocar deth garròt. Ère eth 1-5 resultat ath finau deth partit.

Ath finau, objectiu complit e billet entara finau deth dissabte dia 22 de mai en St. Gaudens contra er equip deth SaliesMane 4 guanhador der auta eliminatòria.

Eth plòplèu partit jogam partit deth campionat de liga en Bossòst eth dissabte 9 de mai tàs 20:00 ores contra Ent. Boulogne.

Ent. Bla.Ca.La. : Brune, Beffente, Duran, Beze, Angla, Fitte, Lacaze, Moniz, Mascaras, Laabidi, Perisse. Remplaçants : Jerome, Bosc, Fidalgo.

Tarjetes auriòles : Angla, Fitte, Lacaze, Jerome.

Trainer : Salles Patrick.

U.E. Bossòst: Marcos, Salva, Chapo, Felipe, Héctor, Peiró, Luis, Ignasi, Àlex, Kike e Paba. Remplaçants: Camilo, Miquel, Javi.

Tarjetes auriòles : Héctor, Camilo.

Trainer: Xavi.

  

Gols : 0-1 Ignasi (3’), 0-2 Ignasi (20’), 0-3 Kike (40’), 0-4 Chapo (44’), 1-4 Mascaras (65’), 1-5 Javi (75’).

Arbitre: Migotto Michel.

Liniers: Foumen William, Boitel Eric.