¡¡¡ Poker de gols entà classificà-mos entara ½ finau dera Copa der Amitié !!!

U.E. Bossòst 4 – AMS Cardeilhac 1 

Bon partit eth d’aguest dissabte en Bossòst des ¼ finau dera Copa der Amitié.

Des deth començament, domini dera U.E. Bossòst qu’ artenhie daurir eth mercador as 20 menutes quan un lançament en long de Héctor susprenie ara defensa francesa e permitie a Paba plantà-se tot solet dauant eth portèr e damb un shut per dessús, mercaue eth 1-0. Eth Cardeilhac creéc fòrça perilh enes fautes e cornèrs shutadi peth sòn capitan Duplan ; en un d’aguesti, N’Diaye tot solet en dusau garròt remataue de cap entà dehòra. Damb eth 1-0 s’arribaue ath descans.

Ena dusaua mietat sonque començar, es aranesi anàuen a decidir eth partit. Encara non portaue ne 30 segons quan un passe d’Ivan deishaue tot solet a Javi damb un defensa que dempús de driblar shutaue ras ena gessuda deth portèr e mercaue eth 2-0. As 5 menutes, en ua bona jogada qu’acabaue ena banda, Salva centraue e un defensa desviaue era pilota qu’entraue laguens dera porteria francesa, ère eth 3-0. Eth Cardeilhac non se conformèc damb aguesta clara derròta e Duplan en dues ocasions rematèc a porteria e Marcos enes dues ocasions auec de desviar damb ua gran arturada era pilota entath cornèr. En un lançament de cornèr mos despistèrem un shinhau e Jiménez entraue tot solet laguens der àrea entà rematar damb era sua cama esquerra e mercar eth gol que deishaue eth mercador en 3-1. Er arbitre anulèc un polit gol de Javi de cap per fauta ath defensa francés. Enes darrèrs moments deth partit, Javi se plantaue tot solet dauant deth portèr e lo driblaue entà mercar eth 4-1 que siguec eth resultat ath finau deth partit.

Ath finau , classificacion mès fàcil de çò que demoràuem dauant eth líder dera nosta categoria. Sense descans auem es ½ finaus era dimenjada que ben.

Eth plòplèu partit jogam partit des 1/2 de finau dera Copa Amitié en Valentine dimenge 3 de mai tàs 15 :00 ores contra Ent. Bla.Ca.La.

U.E. Bossòst: Marcos, Salva, Chapo, Felipe, Héctor, Àlex, Soufi, Iván, David, Kike e Paba. Remplaçants: Camilo, Pipe, Javi.

Trainer: Xavi.

AMS Cardeilhac : Quereilhac, Canevese, Jiménez, Payrau, Sansonetto, Pellegrino, Tekon, Devaud, Lombard, N’Diaye, Duplan. Remplaçants : Ferrere, Aime.

Trainer : Toulouse Vincent.

Tarjetes auriòles : Jiménez.

Gols : 1-0 Paba (20’), 2-0 Javi (47’), 3-0 Salva (50’), 3-1 Jimenez (70’), 4-1 Javi (89’).

Arbitre: Cunha Philippe.

Liniers: Foumen William, Riviere J.C.

¡¡¡ Guanham eth partit des Líders !!!

U.E. Bossòst 1 – F.C. Mabroc 0

Partit entre dus des líders deth campionat. Eth F.C. Mabroc ère er unic equip qu’auie guanhat ath equip aranés. S’enfrentaue er equip mès golejador, eth Mabroc, contra er equip mens golejat : era U.E. Bossòst. Partit sense guaire ocasions ena prumèra mietat; jòc igualat de bon nivèu en que es defenses s’imposàuem as atacants e es portèrs lèu non i auíem d’intervier. Es equips non podérem profitar es sòns lançaments de fauta o de cornèr. Damb eth resultat de 0-0 s’arribaue ath descans.

Ena dusaua mieta, sonque començar, eth Mabroc auec ua doble ocasión, mès era pilota anèc entà dehòra. Açò hec a desvelhar ar equip aranés e un lançament de fauta ras d’Àlex anaue a tocar eth garròt dera porteria francesa e era pilota quedaue as pès de Kike que tot solet remataue entà dehòra. As 70 menutes Moha se calaue laguens der àrea francesa e eth sòn shut entraue ras a tocar deth garròt. Damb aguest gol er equip aranés encara podec mercar en dues ocasions deth madeish Moha e de Luis, mès es sòns shuts sigueren arturadi peth portèr Dos Santos. Er equip deth Mabroc sajèc d’empatar, mès era defensa e eth portèr aranés sigueren infranqueables entara delantera francesa. Cau dar fòrça gràcies ara aficion que siguec tostemp damb eth supòrt ath sòn equip e ajudèc a arténher aguesta important victòria.

Ath finau, victòria important que sarre era classificacion per nau. Encara mos queden 4 finaus.

Era classificacion ei: Cardeilhac 64, U.E. Bossòst 63, F.C. Mabroc 63, Villeneuve Lecussan 43, Labarthe de Riviere 43.

Eth plòplèu partit jogam partit des ¼ de finau dera Copa Amitié en Bossòst dissabte 25 d’abriu tàs 20 :00 ores contra er AMS Cardeilhac, líder deth nòste campionat.

U.E. Bossòst: Marcos, Abraham, Chapo, Felipe, Àlex, Luis, Salva, Iván, Ignasi, Héctor e Moha . Remplaçants: Camilo, Kike, David.

Trainer: Xavi.

Tarjetes auriòles : Àlex.

F.C. Mabroc : Dos Santos, Querre, Roquabert, Casimir, Coutanceau, Nadal, Duvivier, Bresteau, Dominguez, Hritane, Eychenne. Remplaçants : Rives, Urban, Dege.

Trainer : Tetard Guy.

Tarjetes auriòles : Hritane, Rives.

Gols : 1-0 Moha (70’).

Arbitre: Boitel Eric.

Artenhem era victòria a 5 menutes deth finau

A.S. Villeneuve Lecussan 1 - U.E. Bossòst 2

Victòria important en terren deth quatau classificat deth campionat. En un terren de jòc fòrça irregular, era U.E. Bossòst s’aunçaue en mercador as 20 menutes en ua bona jogada ena que Felipe hège un bon passe a Salva que centraue era pilota que siguec rematada per Ignasi des de laguens der àrea petita e mercaue eth 0-1. Eth Villeneuve Lecussan responec damb ua jogada ena qu’eth delantèr sajèc de suspréner ath portèr aranés damb un shut que gessec per dessús dera porteria. Javi auec ua bona ocasion en ua jogada en qu’entrèc laguens der àrea mès eth sòn centre-shut non trobèc ne rematador ne era porteria. Luis auec dues bones ocasions mès es sòns shuts gesseren per poc entà dehòra. Damb eth 0-1 s’arribaue ath descans.

Ena dusaua mietat, eth Villeneuve Lecussan anaue a empatà-mos eth partit en ua jogada ena qu’eth òn delantèr Martinez shutaue ras des deth punt de penalty sense qu’eth portèr Marcos podesse arturar era pilota. Encara quedaue 20 menutes enquiath finau e Ignasi sajèc de suspréner ath portèr francés damb un shut ras. A manca de 5 menutes, ua jogada entre es mès joeni der equip mos anaue a dar era victòria: David hège un bon passe entre era defensa francesa e Camilo profitaue era sua velocitat entà quedà-se dauant deth portèr e mercar damb un shut ras. Ère eth 1-2 resultat ath finau deth partit.

Vcitòria artenhuda ath finau ; non siguec tant fàcil coma eth partit deth prumèr tour en que les marquèrem 10 gols. A manca de 5 jornades, era classificacion ei: Mabroc 62, U.E. Bossòst 59, Cardeilhac 56, Villeneuve Lecussan 42, Labarthe de Riviere 42.

Eth plòplèu partit jogam partit de Liga en Bossòst dissabte 18 d’abriu tàs 20 :00 ores contra er deth F.C. Mabroc, líder deth campionat.

A.S. Villeneuve Lecussan : Ronze, Barrere, Mallet, Chabassifre, Mandin, Verdier, Lacroix, Nogues, Barcikowski, Delhom, Martinez. Remplaçants : Fourquet, Birabent, Fontan.

Trainer : Lavit Thierry.

Tarjetes auriòles :Fontan. 

U.E. Bossòst: Marcos, Abraham, Chapo, Felipe, Àlex, Santi, Salva, Luis, Ignasi, Ivan e Javi . Remplaçants: Camilo, Kike, David.

Trainer: Xavi.

Tarjetes auriòles : Àlex. 

Gols : 0-1 Ignasi (20’), 1-1 Martinez (70’), 1-2 Camilo (85’).

Arbitre: Venant Maxime.

Victòria important

U.E. Bossòst 2 – Labarthe de Riviere 0

Victòria important entà continuar enes prumèrs lòcs. Partit en miei des hèstes de Pasca, bric fàcil de jogar. Era U.E. Bossòst dominèc pendent es 90 menutes. Ena prumèra mietat Moha remataue de cap laguens der àrea petita més eth portèr francés Duret arturaue era pilota. Ues menutes més tard Moha en jogada personau shutaue ras a tocar deth garròt e marcaue eth 1-0. Eth Labarthe de Riviere responèc damb vera fauta o cornèr. Damb eth 1-0 s’arribaue ath descans.

Ena dusaua mietat encara auèrem més oportunitats més era excellent actuación deth portèr francés Duret impedic ar equip aranés de marcar més gols. En un shut desde dehòra der àrea de Javi anèc entara esquaira dera porteria mes Duret artaurau era pilota. Dempús de regatejar ath defensa Moha tot solet dauant de Duret shutaue ras mes eth portèr francés arturaue era dificil pilota. Ena soleta jogada en àrea aranesa Blanchet estèc a punt de marcar més era pilota quan semblaue qu’anaue entrar passèc per dessus dera porteria. Eth gol dera tranquilitat l’artenhiem a 5 menutes deth finau quan Ignasi laguens der àrea controlaue era pilota, driblaue ath defensa e damb un bon shut, marcaue eth 2-0, resultat ath finau deth partit.

Classificacion: Mabroc 58, U.E. Bossòst 55, Cardeilhac 52, Villeneuve Lecussan 41, Labarthe de Riviere 38.

Eth plòplèu partit jogam partit de Liga en Villeneuve Lecussan dissabte 11 d’abriu tàs 20 :00 ores contra er equip locau.

U.E. Bossòst: Marcos, Abraham, Salva, Felipe, Àlex, Luis, Ignasi, Javi, Moha, Héctor e Paba. Remplaçants: Miquel, Cabezas, Xavi.

Trainer: Xavi.

Labarthe de Riviere F.C. : Duret, Allemane, Cartery, Laumont, Dupla II, Blanchet, Poni, Chanfreau, Garnier, Dupla I, Couton. Remplaçants : Dubuc, Toumazet.

Trainer : Bruel Nicolas.

Tarjetes auriòles : Allemane.

Gols : 1-0 Moha (20’), 2-0 Ignasi (85’).

Arbitre: Cardillo Hugo.