Empatam eth partit en darrèr moment

U.E. Bossòst 1 – U.S. Miramont 1

Partit complicat eth d’aguest dissabte en Bossòst, dauant eth Miramont que non auem pogut guanhar en cap des dus partits donques es dus acabèrem damb empat.

En un terren de jòc ath límit entà jogar, es dus equips sajèren d’imposar eth sòn jòc. Era U.E. Bossòst auec es milhors ocasions, mès non sabec profitar e açò lèu mos còste eth partit. Salva, en jogador individuau, se plantaue dauant deth portèr a 4 mètres e shutaue en sòn cos sense poder mercar ua clara ocasion. Mès tard, ua bona jogada de Chapo acabaue damb un centre que Javi tot solet non podie acabar de shutar en un àrea petita en molt mau estat. Eth Miramont sonque arribèc en àrea aranesa en lançaments de cornèr o fautes. Damb eth 0-0 s’arribaue ath descans.

Ena dusaua mietat, enes prumères 20 menutes, auérem 3 ocasions entà mercar. Paba remataue de cap e eth portèr francés desviaue entath cornèr. Un shut ras de Luis anaue a tocar eth garròt dera  porteria e acabaue enes mans deth portèr. Ena darrèra ocasion, Salva pasaaue a Santi que tot solet non podie acabar de rematar ena porteria francesa. Passat aguesti moments de domini, eth Miramont creèc ua bona ocasion mès era pilota gessec dehòra a tocar deth garròt. En ua pilota mau despejada dera defensa aranesa anaue a acabar enes pès de Racca que s’auançaue e mercaue eth 0-1 sonque a 5 menutes deth finau. Er equip aranés sajèc d’empatar eth partit e artenhie eth gol ena darrera jogada deth partit quan un shut de Felipe, desviat pera defensa queiguie enes pès de Kike que shutaue un shut ras qu’eth portèr francés non poguec blocar.

Ath finau, un empat que mos deishe un sabor de boca agridoç; auérem bones ocasions entà poder mercar prumèr mès ath finau cau dar per bon er empat.

Eth plòplèu partit jogam partit de Liga en Bossòst dissabte 4 d’abriu tàs 20 :00 ores contra er equip deth Labarthe de Rivière.

U.E. Bossòst: Marcos, Abraham, Chapo, Felipe, Jorge, Ivan, Luis, Salva, Javi, Héctor e Paba. Remplaçants: Kike, Santi, David.

Trainer: Xavi.

Tarjetes auriòles : Marcos, Salva

U.S. Miramont : Monserie, Senges, Navas, Campo, Essaoui, Ribeiro, Pellegrin, Boutbaki, Racca, Ausset, Fethi. Remplaçants : Gingreau, Saaf.

Trainer : Monserie Jeremy.

Tarjetes auriòles : Campo, Pellegrin, Fethi.

Gols : 0-1 Racca (85’) , 1-1 Kike (90’).

Arbitre: Castro Antoine.

Victòria trebalhada

U.S. Encausse 2 - U.E. Bossòst 4

Partit complicat eth jogat aguest darrèr dissabte en Encausse dauant un equip reforçat e que dèc milhors sensacions qu’en partit d’anada.

Auérem sonque començar ua bona ocasion de Luis que shutèc as mans deth portèr francés. En un lançament de cornèr, er Encausse anaue a daurir eth marcador en shutar Noilhan ua pilota que Marcos non auie despejat. Era alegria francesa durèc poques menutes donques Ignasi mercaue e igualaue a 1. Er Encausse creèc fòrça perilh damb es lançaments de fauta e cornèr. À lèu deth descans en ua jogada d’estrategia, Moha remataue e eth portèr Liotier podie arturar era pilota. Damb eth 1-1 s’arribaue ath descans.

Ena dusaua mietat en un terren de joc encara mès pesat pera pluja, era U.E. Bossòt podec profitar es sues ocasions de gol. Atau, Moha mercaue eth 1-2 en un shut des deth cant der àrea e ara seguida Ignasi des deth miei deth camp se plantaue dauant deth portèr francés e mercaue eth 1-3. Ues menutes mès tard, Ignasi patie ua lesion en ua jogada tamb Liotier e auie de deishar eth terren de jòc. En ua bona jogada de Salva acabaue en un bon centro que Javi remataue de cap: ère eth 1-4. Er Encausse non s’anaue a dar per vençut e retalhaue distàncies en marcador en un shut de Drissi que desviaue un defensa aranés e despistaue a Marcos que non podie arturar era pilota, ère eth 2-4. Ena darrera menuta, aguest madeish jogador shutaue en garròt dera porteria aranesa.

Ath finau victòria trebalhada que mos plaçe en dusau lòc damb un partit de mens qu’eth prumèr. Classificacion: F.C. Mabroc 50, U.E. Bossòst 49, Cardeilhac 47, Vill. Lecussan e Labarthe 36.

Eth plòplèu partit jogam partit de Liga en Bossòst dissabte 28 de març tàs 20 :00 ores contra er equip deth Miramont.

U.S. Encausse : Liotier, Vacossant, Boixaderas, Noilhan, Labat, Levecher, Bissieres, Ortet I, Ortet II, Drissi, Destoup. Remplaçants : Laghribi, Nogueira, Gil.

Trainer : Serie Sebastien

U.E. Bossòst: Marcos, Abraham, Camilo, Felipe, Àlex, Ivan, Luis, Salva, Santi, Moha e Ignasi. Remplaçants: Javi, Miquel e David.

Trainer: Xavi.

Gols : 1-0 Noilhan (20’), 1-1 Ignasi (25’), 1-2 Moha (65’), 1-3 Ignasi (75’), 1-4 Javi (80’), 2-4 Drissi (85’).

Arbitre: Loubet Marc.

Patim massa enta passar ronda ena Copa de l’Amitié

U.E. Bossòst 3 – F.C. Lussan 1

Partit non guaire bon eth jogat aguest dissabte en Bossòst, damb ues condicions metereologiques fòrça dolentes. Ena prumèra mietat començèc més fort aguest equip de Lussan que sorprenèc ath equip aranés en dues o tres arribades en que Yago auèc d’arturar eth perilh. Era U.E. Bossòst non auèc guaire ocasions, era més clara ua de Miguel que laguens der àrea petita shutaue ath dessus deth portèr francés. Ara mieja ora de joc patirem era blessura deth nòste portèr Yago qu’auèc d’ester reemplaçat per Camilo.

Damb eth 0-0 s’arribaue ath descans.

Ena dusaua mietat se joguèc un sinhau milhor e arribaren es gols. Ignasi marcau eth prumèr en ua jogada personau. Eth Lussan responèc ara seguida e mos empataue eth partit a 1. Auèc d’ester un aute viatge Ignasi que damb era ajuda d’un defensa francés marcaue eth 2-1. En un cornèr se mos lesionèc Ignasi e damb es lesions deth partit acabèrem jogam es darreres menutes damb 10 jogadors. En ua jogada laguens der àrea Salva siguèc derribar peth defensa francés; er arbitre fiulèc eth clar penalty que Felipe s’encarregaue de shutar e marcar eth 3-1, resultat en que s’arribaue ath finau deth partit.

Ath finau classificacion damb patiment entas ¼ d finau dera Copa de l’Amitié dauant un rivau que mos metèc es causes fòrça dificils. Lo pitjor es blessures d’enquia 5 jogadors en aguest partit. Ara ei eth moment important dera sason e auem de besonh de toti. Veiram coma evolucionen es lesionadi.

Eth plòplèu partit jogam partit de Liga en Encausse dissabte 21 de març tàs 20 :00 ores contra er equip locau.

U.E. Bossòst: Yago, Abraham, Salva, Miquel, Felipe, Àlex, Ignasi, David, Cabezas, Kike e Miguel. Remplaçants: Manu, Camilo e Santi.

Tarjetes auriòles : Yago (5’).

Trainer: Xavi.

F.C. Lussan : Cortiade, Papy, Couget, Arexis, Raymond, Villemur, Darbon, Alexandre, Portet, Serie, Aries. Remplaçants : Rousseau

Tarjetes auriòles : Alexandre(15’).

Trainer : Aries Gilbert.

Gols : 1-0 Ignasi (50’), 1-1 Rousseau (55’), 2-1 Ignasi (70’), 3-1 Felipe (p. 85’).

Arbitre: Duprat Philippe.

1/8 de finau Copa de l'Amitié

Partit des 1/8 de finau dera Copa de l'Amitié aguest dissabte 14 de març tàs 20:00 en Bossòst  entre era U.E. Bossòst - F.C. Lussan.

¡¡¡ Guanham sense jogar !!!

Mos acaben d’avisar deth Districte de Comminges de qu’er Ent. Trois Vallés non se desplaçarà a jogar aguesta net en Bossòst per manca de jogadors.

Resultat deth partit:

U.E. Bossòst 3 – Ent. Trois Vallées 0 

¡¡¡ Jogaram en casa !!!

Ath finau jogaram en casa dempús de 2-3 dimenjades sense jogar peth mau temps.
Deman dissabte 7 de març tàs 20:00 en Bossòst partit deth campionat de 1ª division deth Districte de Comminges contra er Ent. Trois Vallées.