dilluns, 16 de febrer de 2015

Victòria pera minima, mès fòrça important

Ent. Bla.Ca.La. 0 - U.E. Bossòst 1

Dempús de lèu un mes, repreníem era competicion en un partit pla important. Mos enfrentàuem ath quatau classificat deth campionat e ath delà en sòn camp. Sabíem que non serie bric fàcil, mès çò de milhor deth partit siguec eth resultat. En tot començar, Paba auie ua  bona ocasion e se quedaue dauant deth portèr mès eth sòn shut gessie dehòra per molt pòc. Eth Cazaril responie damb un shut de luenh que gessie desviat entà dehòra dera porteria aranesa. Lèu dera mieja ora de jòc, Miguel controlaue era pilota laguens der àrea e eth defensa deth Cazaril le daue un clar cop de pè ara sua cama qu’er arbitre fiulaue eth penalty que Felipe s’encarregaue de shutar e enganhar ath portèr francés  en tot mercar eth 0-1. Damb aguest resultat s’arribaue ath descans.
Ena dusaua mietat, eth jòc lord der equip francés perjudic eth poder jogar a fotbòl. Non mos saberem adaptar as circunstàncies e er arbitre non treiguec es tarjetes entà frenar es entrades violentes dera defensa francesa. Sonque auérem ua clara ocasion que Cabezas ath bord der àrea shutaue ras entà dehòra dera porteria. Er Ent.Bla.Ca. sonque creèc perilh a pilota arturada damb ua fauta indirecta laguens der àrea que shutauen entà dehòra dera porteria aranesa.
Ath finau, victòria damb patiment dauant un des candidats entà pujar de categoria. Non les sentèc guaire ben es nòsti càntics pera victòria laguens deth nòste vestuari pr’amor que mos vengueren a cridar ( e bèra causa mès: i auie fòrça violéncia ena sua guardada) dauant dera nòsta porta. Açò demostre era sua poca esportivitat entà encaishar era derròta.
Damb aguest partit començam eth dusau tour deth campionat. Era classificacion ei: U.E. Bossòst 41, Cardeilhac 41,  F.C. Mabroc 40, Ent. Bla.Ca.La. 34.

Eth plòplèu partit jogam Copa de l’Amitié en Bossòst dissabte 21 de hereuèr tàs 20 :00 ores contra er equip deth Lussan.

Ent. Bla.Ca.La. : Brune, Beffeyte, Duran, Beze, Difagio, Fitte, Lacaze, Murillo, St Raymond, Mascarad, Perisse. Remplaçants : Jerome, Messeguet, Ferran.
Tarjetes auriòles : Duran, Murillo, Jerome.
Trainer: Solles Patrick.

U.E. Bossòst: Yago, Abraham, Salva, Àlex, Felipe, Iván, Ignasi, David, Paba, Kike e Miguel. Remplaçants: Cabezas, Camilo e Javi.
Tarjetes auriòles : Miguel e Paba.
Trainer: Xavi.
  
Gols : 0-1 Felipe (p.30’)

Arbitre: Cunha Philippe.

Cap comentari: