Partit suspenut

Tota era jornada de partits de fotbòl deth Districte de Comminges a estat suspenuda peth mau temps.
En sorteig des 1/8 de finau dera Copa d'Amitié d'agèr mos a tocat jogar eth dia 21 d'hereuèr en Bossòst contra er equip deth Lussan.

Non acabam de remontar eth partit

U.E. Bossòst 2 – Pointis-Inard O.C. 2

Prumèrs punts perduts en casa en un partit que se mos compliquèc des dera prumèra menuta quan en un shut de luenh, Verge anaue a mercar eth 0-1. Es causes encara se meterien pitjor quan Duprat mercaue eth 0-2 dempús de profitar ua pilota non guaire ben despejada peth portèr aranés dempús d’un shut de fauta. Era U.E. Bossòst sajèc de reduir distàncies en mercador, mè es sues bones oportunitats non acabèren en gol per manca d’acert ena rematada e era bona actuacion deth portèr francés. Damb eth 0-2 s’arribaue ath descans.

Ena dusaua mietat, as 10 menutes, en un bon centre de Salva, Moha remataue de cap entà mercar eth 1-2. Artenhíem er empat a manca de 20 menutes tath finau en un auta bona jogada de Salva que centraue e Kike damb eth pé remataue eth 2-2. Auiem hèt çò de mès difícil, mès patirem era expulsion de Luis en protestar ua jogada en que reclamèc penalty e açò mos compliquèc fòrça es causes entà poder acabar remontant eth partit. Er equip, a despiet de quedà-se damb 10 jogadors luitèc enquiara darrèra menuta entà arténher eth gol dera victòria.

Ath finau non podérem sumar es 4 punts e ath delà dera expulsion de Luis, patirem es herides de Santi, Héctor e Manu.

Damb aguest partit acabam eth prumèr tour deth campionat. Era classificacion ei: U.E. Bossòst 37, Cardeilhac 37,  F.C. Mabroc 36, Ent. Bla.Ca.La. 33.

Eth plòplèu partit jogam en Cazaril dissabte 31 de gèr tàs 20 :00 ores contra er equip deth Ent. Bla.Ca.La.

U.E. Bossòst: Yago, Abraham, Chapo, Àlex, Felipe, Iván, Luis, Santi, Salva, Moha e Héctor. Remplaçants: Kike, Manu e Miquel.

Tarjetes auriòles : Chapo, Iván, Àlex.

Tarjeta vermelha : Luis.

Trainer: Xavi.

Pointis-Inard O.C. : Smarce, Saint-Martin, Verge, Baboulet, Do Canto, Laforgue, Duprat, Daure, Fourmnet, Choquart, Casse. Remplaçants : Puddu, Gordia.

Tarjetes auriòles : Laforgue, Daure, Puddu.

Trainer : Defosses Jean François.

Gols : 0-1 Verge (1’), 0-2 Duprat (15’), 1-2 Moha (55’), 2-2 Kike (70’).

Arbitre: Hubert Marc.

Començam er an damb ua cuerta victòria dehòra de casa

Ent. Boulogne III 0 - U.E. Bossòst 2

Prumèr partit der an eth jogat aguest dimenge en Peguilhan contra er equip deth Boulogne III. Era prumèra mietat siguec dominada per equip aranés que poguec arténher ua diferéncia mès grana en mercador. Auérem fòrça bones ocasions enes botes de Salva, Paba e Héctor, mès non artenherím eth gol enquiara darrera menuta dera prumèra mietat ena que un bon shut de Héctor des de dehòra der àrea anaue a dà-mos eth 0-1, resultat damb eth que s’arribaue ath descans.

Ena dusaua mietat ja non auérem tantes ocasions: as 10 menutes, en jogada d’Abraham, Marcos remataue a lèu dera porteria e mercaue eth 0-2. Eth Boulogne sajèc de reduir distàncies en mercador mès tant era defensa coma eth portèr aranés non ac deishèren.

Ath finau, victòria cuerta. Mos cau profitar es ocasions entà èster mès tranquils en quant ath mercador. Continuam líders, era classificacion ei: U.E. Bossòst 35, Cardeilhac 33, Ent.Bla.Ca.La 32, F.C. Mabroc 28.

Eth plòplèu partit jogam en Bossòst dissabte 17 de gèr tàs 20 :00 contra er equip deth Pointis Inard.

Ent. Boulogne III : Roumeguere, Sicre, Barrere, Didier, Suzane, Louge, Benac, Pelon, Touzanne, Derviche, Bathion. Remplaçants : Archetti, Latge, Laguens.

Trainer : Lassus Philippe.

U.E. Bossòst: Yago, Abraham, Miquel, Àlex, Felipe, Iván, David, Santi, Salva, Ruben e Héctor. Remplaçants: Marcos, Xavi, Ignasi.

Trainer: Xavi.

Gols : 0-1 Héctor (44’), 0-2 Marcos (55’).

Arbitre: Duprat Philippe.

Prumèr partit der an

Aguest dimenge 11 de gèr tàs 15:00 en Peguilhan prumèr partit der an 2015 entre
Ent. Boulogne III - U.E. Bossòst