¡¡¡ Bon Nadau e Eròs An Nau 2016 entà toti !!!

Victòria important en darrèr partit der an

U.E. Bossòst 4 – F.C. Villeneuve de Rivière 2

Bon joc en darrèr partit der an eth disputat aguest dissabte en Bossòst que, fin finau, acabèc damb ua victòria aranesa. Mos enfrentàuem a un des equips milhors deth campionat e açò se demostrèc ath long des 90’. Era U.E. Bossòst gessec fòrça concentrada en jòc e auec ua bona ocasion en un shut de Luis que dempús de tocar eth portèr tocaue eth garròt dera porteria francesa. Ath quart d’ora en ua bona jogada de tot er equip Jonathan shutaue superant era gessuda deth portèr Dos Santos. Ère eth 1-0. Semblaue qu’anàuem a arribar ath descans damb aguest resultat, mès ues menutes abantes en ua jogada de Rigaut que mos semblèc dehòra de jòc, queiguec laguens der àrea en ua entrada d’Àlex e er arbitre fiulaue penalty que Riqueza s’encarregaue de shutar entà mercar eth 1-1 resultat en que s’arribaue ath descans.

Ena dusaua mietat gesséèc milhor eth Villeneuve e profitaue ua pilota longa Masi I e plantà-se dauant de Jhosue entà mercar en un shut ras a tocar deth garròt. Passèren 10 menutes de mau hèr en qu’er equip francés podie auer sentenciat eth partit. Ena menuta 70 en un cornèr shutat per Àlex, Miguel remataue de cap e Dos Santos arturaue sense poder agarrar era pilota que siguec rematada per Paba a tocar dera linha de gol: ère eth 2-2. Ara seguida, en ua bona jogada d’Ignasi, aguest centraue e Miguel tot solet laguens der àrea petita shutaue entà mercar eth 3-2. En plena desconcentracion dera defensa francesa, la pilota arribaue a Javi que des deth bòrd der àrea shutaue ras a tocar deth garròt sense qu’eth portèr podesse hèr arren entà parar era pilota. Ère eth 4-2. Eth Villeneuve sajèc de reduir diferéncies en mercador, mès era defensa e eth portèr aranès non les deishèren cap d’ocasion.

Ath finau victòria important dauant un bon equip - aguest ei eth camin a seguir. Auem de sajar de recuperar lòcs ena classificacion. Encara mos quede un partit aplaçat e calerie dar continuacion a que seguisquen es bons resultats.

Eth pròplèu partit jogam en Landorthe eth dissabte 9 de gèr deth 2016 tàs 20 :00 ores contra er Ent. Landorthe-Estancarbon.

U.E. Bossòst: Jhosue, Borja, José Ramón, Felipe, Àlex, Luis, Paba, David,  Javi, Jonathan, e Soufi. Remplaçants: Héctor, Miguel, Ignasi,

Trainer: Xavi.

Tarjetes auriòles: Felipe, Jonathan

Tarjeta vermelha: Jonathan

F.C. Villeneuve de Rivière: Dos Santos, Ribet, Hervas, Snela, Carceller, Moreno, Masi I, Adoue, Rigaut, Riqueza e Clemençon. Remplaçants: Durand, Masi II, Espalieu.

Trainer : Casteran Michel.

Gols : 1-0 Jonathan (15’), 1-1 Riqueza (40’ p.), 1-2 Masi I (60’), 2-2 Paba (70’), 3-2 Miguel (75’), 4-2 Javi (80’).

Arbitre: Stefani Serge.

Non mereshíem era derròta dauant deth líder

U.E. Bossòst 1 – U.S. Cazères 2

Partit dauant deth líder en qu’ er equip, a despiet des fòrça baishes, dèc era cara e estèc a punt de somar bèth punt. Era U.E. Bossòst disputèc eth partit en tot deishar era iniciatiua ath Cazères entà sajar de suspréner ath contraatac e a punt estèc de gésser ben. Ena prumèra mietat auérem ua bona ocasion en un bon shut de Paba qu’ anaue a tocar en garròt dera porteria francesa. Jonathan tanben de luenh sajèc de suspréner ath portèr francés. Eth Cazères sonque ena darrèra menuta auec ua bona ocasion en un shut creuat d’Alhama. Damb eth 0-0 s’arribaue ath descans.

Ena dusaua mietat damb era entrada d’Ignasi que tornaue a jogar dempús dera blesura ena finau dera Copa der Amitié deth mes de junh, auérem mes preséncia ena delantèra. En ua jogada de Paba e Ignasi l’acabaue aguest darrèr damb un shut des de laguens der àrea e plaçaue era pilota ena esquaira dera porteria. Ère eth 1-0, mès Ignasi non podie continuar en terren de jòc.

Eth Cazères anaue a profitar ua jogada d’ indecision entre era defensa e eth portèr aranés entà mercar Couzinet er empat a 1. Encara s’ anauen a méter es causes pitjor quan en ua bona jogada de Tokple, acabaue damb un centro que Buades remataue lèu dera porteria aranesa. Ère eth 1-2 resultat ath finau deth partit.

Derròta que non mereshíem dauant deth líder; non mos shutèren lèu a porteria e s’emportèren un premi massa gran. Nosati luitèrem entà arténher un resultat milhor, mès està vist qu’ aguest an mos tocarà patir. Eth dissabte jogam eth partit aplaçat .

Eth pròplèu partit jogam en Bossòst eth dissabte 19 de deseme tàs 20 :00 ores contra eth Villeneuve de Rivière.

U.E. Bossòst: Jhosue, Borja, José Ramón, Chapo, Felipe, Àlex, Abraham, Paba, Marcos, Jonathan, e Soufi. Remplaçants: Ignasi, Miquel, Salva.

Trainer: Xavi.

U.S. Cazeres: Arcidet, Levasseur, Mehhouti, Montanel, Dega, Tokple, Cabartier, Rosa, Alhama, Couzinet, Hritane I. Remplaçants : Hritane II, Buades, Andre.

Trainer : Pina Pascal

Gols : 1-0 Ignasi (70’), 1-1 Couzinet (80’), 1-2 Buades (89’).

Arbitre: Darnaud Claude.

Partit non jogat

Eth partit d'aguest dissabte 5 de deseme en Landorthe non poguèrem jogar peth brouillard. Ara auem dos partits pendent per jogar.
Eth pròplèu partit jogam aguest dissabte 12 de deseme tàs 20:00 en Bossòst contra eth U.S. Cazeres, equip lider deth nòste campionat

Partits suspenuts

Es dos partits que s'auien de jogar aué dissabte en Bossòst, tàs 15:00 era E.F. Val d'Aran - Lab/Cagire e tàs 20:00 eth U.E. Bossòst - F.C. Villeneuve de Riviere han sigut suspenudi degut ara fòrça aigua deth terren de joc.
Eth pròplèu partit dera U.E. Bossòst ei eth dissabte 5 de deseme tàs 19:00 en Landorthe contra er equip locau.

Encaisham ua auta derròta contundent

R.C.S.O Isle en Dodon 4 - U.E. Bossòst 0

Partit dominat pendent es 90 menutes per equip der Isle en Dodon. Profitèrem fòrça ben es nòstes debilitats defensiues e mercaren dus gols abantes deth prumèr quart d’ora. Ar equip aranés le costèc fòrça arribar damb perilh en àrea francesa. Ath delà, abantes deth descans encaishàuem un aute gol. Damb 3-0 s’arribaue ath descans.

Ena dusaua mietat auérem bèra ocasion entà auer mercat en dus shuts de Jonathan e Miguel. Era ocasion mès clara siguec en un centre de Salva que Jonathan remataue de cap tot solet e era pilota gessie entà dehòra. Er Isle en Dodon tanben auec es sues ocasions damb ua pilota en garròt, mès siguec Robin eth que anaue a mercar eth sòn tresau gol deth partit.

Ath finau, derròta contundent que mos place ena zòna perilhosa dera classificacion.

Eth pròplèu partit jogam en Bossòst eth dissabte 28 de noveme tàs 20 :00 ores contra eth Villeneuve de Rivière.

Gols:

2’ 1-0 Pilota perduda en nòste costat dret que profite er extrem entà centrar e mercar Robin tot solet en dusau garròt. 

15’ 2-0 Jogada de Delavergne qu’acabe damb un passe que Robin merca tot solet dauant de Marcos 

35’ 3-0 Pilota perduda ena nòsta linea dera mieja que profite er Isle en Dodon entà méter un passe a Delaleau que merca tot solet dauant de Marcos. 

60’ 4-0 Robin profite un mau despeje de Marcos entà shutar per dessús d’ eth e mercar un gran gol des deth miei deth camp.

R.C.S.O. Isle en Dodon: Moreira, Larrieu, Lozes, Saint Blancat, Furton, Sarniguet, Delaleau, Idrac, Delavergne, Robin, Sottom. Remplaçants : Latapie I, Latapie II, Jouanny.

Trainer : Mallet Michel.

U.E. Bossòst: Marcos, Borja, José Ramón, Miquel,  Felipe, Àlex, Abraham, Miguel, Salva, Jonathan, e Soufi. Remplaçants: Sergio.

Trainer: Xavi.

Arbitre: Hubert Marc.

Eliminadi dera Copa de Comminges ena prolongacion

F.C. Larboust-OÔ 2 - U.E. Bossòst 1

Partit en un terren de jòc d’ ues dimensions fòrça petites e que siguec fòrça igualat. Calèc disputar es 120 menutes entà saber eth guanhador dera eliminatòria. Auérem en partit bones ocasions enes botes de Jonathan e Paba. Eth Larboust responec e auec bones ocasions damb Heride I e Sicre. Ena prologancion, Uri en un lançament de fauta e Richard, auérem dues bones ocasiones mès siguec eth Larboust-OÔ eth que profitèc milhor es sues ocasions. A nosati mos coste mercar, mos cau her fòrça ocasions.

Ath finau, eliminacion quan semblaue que s’anaue a arribar ath lançament deth punt de penal entà decidir er equip que passaue as ¼ de finau.

Ara sonque toque centrà-mos en campionat entà sajar de milhorar es darrèrs resultats.

Eth pròplèu partit jogam partit deth campionat de Liga en Isle en Dodon eth dissabte 21 de noveme tàs 20 :00 ores contra er equip locau.

Gols:

60’ 1-0 Heride profite un centre entà shutar damb era esquèrra ras a tocar deth garròt.

75’ 1-1 Miguel sonque passar eth miei deth camp shute e merque un gran gol en suspréner ath portè francés.

115’ 2-1 Baux en un lançament de fauta ath bord der àrea shute ras a tocar deth garròt.

F.C. Larboust-OÔ : Tresserre, Rumeau, Joly I, Joly II, Escole I, Baux, Heride I, Coulaud, Sicre, Da Costa, Babatinca. Remplaçants : Heride II, Escole II, Arnauduc.

Trainer : Gabriel Gilles.

U.E. Bossòst: Jhosue, Abraham, Salva, Jaime, Àlex, Paba, Uri, Richard, Luis, Jonathan, e Soufi. Remplaçants: Miguel, José Ramón, Héctor.

Tarjetes auriòles : Àlex.

Trainer: Xavi.

Arbitre: Ferran David.

Mos remonten eth partit en inici dera dusaua mietat

U.E. Bossòst 2 – Etoile du Cagire 3

Partit igualat dauant un equip dera part nauta dera classificacion. Auérem era sort d’ auançà-mos en mercador quan Jonathan profitaue un contraatac entà mercar eth 1-0. Era alegria non durèc fòrça e er Etoile mos igualaue a 1 en ua rematada de cap. Lèu deth descans en ua bona jogada, Soufi driblaue ath sòn defensor entà shutar e mercar eth 2-1, resultat damb eth que s’arribaue ath descans.

Ena dusaua mietat non començèrem bric ben e en ua jogada ena qu’era pilota le rebotaue ar arbitre, quedaue as pès deth delantèr entà mercar eth 2-2. Ara seguida en ua jogada que mos agarraue era esquia dera nòsta defensa mercàuem eth 2-3. Aguest inici dera dusaua mietat siguec molt semblant ath deth prumèr partit deth campionat contra eth F.C. Mabroc en que tanben encaishèrem dus gols en molt poc temps .

Era U.E. Bossòst sajèc d’empatar eth partit e auec bones ocasions enes botes de Marcos e sustot de Miguel , mès des que non poguèrem acabar de trèir profit.

Ath finau derròta que mos plaçe ena part mieja-baisha dera classificacion. Er equip luitèc ath màxim damb eth suport der aficion, mès tampoc auérem era sort de cara.

Eth pròplèu partit cambiam de competicion :  jogam 1/8 de finau dera Copa de Comminges en OÔ eth dimenge 15 de noveme tàs 14 :30 contra er equip deth F.C. Larboust- OÒ.

U.E. Bossòst: Jhosue, Abraham, Chapo, Juanka, Àlex, David, Uri, Richard, Salva Jonathan, e Soufi. Remplaçants: Marcos, Borja e Miguel

Trainer: Xavi.

Etoile du Cagire: Thines I, Jordana, Segu, Cluzet, Deu, Renou, Veronesse, Camin, Embialet, Watel e Thines II. Remplaçants : Tiesse.

Trainer : Bresquignan Gilbert.

Tarjetes auriòles : Embialet

Arbitre: Castro Antoine

Patim ua derròta contundent

Ent. Boulogne 6 - U.E. Bossòst 1

Partit entà desbrembar lo mès ràpit possible. Sonque estèrem 30 menuts en tot disputar eth partit donques a compdar des dus prumèrs gols en ua menuta, damb dus greus errors defensius, er equip baishèc es braçi e ja non tornèc a entrar en partit. Damb eth resultat de 2-0 s’arribaue ath descans.

Ena dusaua mietat sonque començar en 10 menutes, encaishàuem tres gols mès, lo que deishaue ath equip aranés KO . En darrèr quatau d’ora encaishàuem un aute gol e Miguel mercaue eth gol der aunor entara U.E. Bossòst.

Ath finau, derròta contundente. Ei evident que non estèrem ben e cau passar plana entà pensar enes pròplèus compromisi que non seràn bric fàcils. Calerà recuperar era seguretat defensiua deth partit contra eth Luchon. Eth calendari d’ açiu ath descans des hèstes de Nadau ei plan complicat: mos enfrentam en casa contra es tres prumèrs classificats e dehòra de casa damb dus equips dera part baisha que non meteràn es causes bric fàcils. Ath delà, en sorteig deth passat dijaus des 1/8 de finau dera Copa de Comminges mos a tocat jogar en camp deth Larboust-OÔ.

Eth pròplèu partit  jogam en Bossòst, dissabte 7 de noveme tàs 20 :00 contra er equip der Etoile du Cagire.

Ent. Boulogne : Roummeguere, Chefd, Bijard, Col, Garcia, Dequesne, Louge, Marque, Adoue, Rancon e Demont. Remplaçants: Cier, Ibos.

Trainer : Subreville Jean Pierre.

U.E. Bossòst: Marcos, Salva, Borja, José Ramón, Jaime, Àlex, David, Richard, Ivan, Moha, e Soufi. Remplaçants: Miguel, Sergi e Javi

Trainer: Xavi.

Tarjetes auriòles : Sergi.

Gols : 1-0 Adoue (31’), 2-0 Dequesne (32’), 3-0 Demont (50’), 4-0 Demont (55’), 5-0 Marque (60’), 6-0 Demont (75’), 6-1 Miguel (80’).

Arbitre: Magne Bertrand

Loteria Nadau U.E. Bossòst

Un gol de Jonathan mos da era victòria en derby deth Portilhon

U.E. Bossòst 1 – B. Luchon 0

Partit tipic de derby damb tarjetes auriòles e vermelhes, resultat sarrat e fòrça ambient en camp. Eth B. Luchon se presentèc sonque damb 11 jogadors mès metec es causes dificiles. Eth jòc siguec dominat ath començament pera U.E. Bossòst que auec ua molt bona ocasion en un shut de Soufi qu’eth portèr francés Cazes arturèc en tot desviar era pilota entath cornèr. En ua bona jogada de Luis, aguest siguec derribat per darrèr defensa sense qu’er arbitre lo expulsèsse e que, en cambi, ensenhèc era tarjeta auriòla ath jogador aranés per protestar era jogada. As 20 menutes en un cornèr shutat per Àlex, e que siguec rematat des de laguens der àrea petita per Jonathan, aguest damb eth sòn còp de cap susprenie ara defensa e ath portèr. Ère eth 1-0. Eth Luchon sajèc de profitar es lançaments de cornèr e fauta tà arténher igualar eth partit. Damb eth 1-0 s’arribaue ath descans.

Ena dusaua mietat pujèren es revolucions deth partit e siguec quan s’ensenhèren mès tarjetes. Eth Luchon sajaue d’empatar e era U.E. Bossòst de profitar ua contra entà sentenciar eth partit. Era milhor ocasion l’auec Miguel que dempús d’un bon passe de Salva, tot solet dauant deth portèr creua massa eth sòn shut que gessie entà dehòra. Eth nòste portèr debutant, Jhosue ,s’auec d’emplear en bèra jogada ena qu’ er equip francés intentaue suspréner ara defensa aranesa damb lançaments de pilota ara sua esquia. A manca de 15 menutes, eth Luchon se quedaue damb 10 jogadors. Non podérem profitar era superioritat numerica, mès aumens tampoc deishèrem ath Luchon mercar cap gol.

Arregraïm ara aficion eth sòn suport pendent es 90 menutes, siguec eth jogador num. 12 entà poder arténher era victòria.

Ath finau victoria fòrça trebalhada per 1-0 que mos plaçe en quatau lòc dera classificacion qu’ei ara madeish liderada peth Cazères 16, Vill. De Rivière 14, Etoile Cagire 13, U.E. Bossòst 11, Encausse, Ent. Boulogne e Luchon 10.

Eth pròplèu partit non jogam enquia d’ aciu dues dimenjades partit de liga, dissabte 31 d’octobre tàs 20:00 ores en Boulogne contra er equip der Ent. Boulogne-Peguilhan.

U.E. Bossòst: Jhosue, Borja, Juanka, Jaime, Àlex, Uri, Luis, José Ramón, Paba, Jonathan e Soufi. Remplaçants: Salva, Marcos, Miguel.

Trainer: Xavi.

Tarjetes auriòles :Jhosue, Luis, Jonathan, Soufi e Marcos.

B. Luchon : Cazes, Cavallero, Costes, Cau, Barta, Revertegat, Boy, Da Costa, Lansalot, Berges e Ardite.

Trainer : Cau Jean M.

Tarjetes auriòles : Costes, Cavallero.

Tarjeta vermelha : Costes.

Gols : 1-0 Jonathan (20’).

Arbitre: Ferran David.

Derby deth Portilhon

ué a compdar des 20:00 en Bossòst se jogue eth derby deth Portilhon entre era U.E.Bossòst e eth Bagneres de Luchon.
Socis, aficionats en generau aué non te pos quedar en casa as de vier entath camp entà ajudar ath tòn equip.
¡¡¡ Vos demoram a toti !!!
Fòrça UEBossòst

Eliminacion dolorosa dera Copa de Midi dempús de 120 menutes

U.E. Bossòst 1 – E.F.C. Aurignac 4

Partit dauant der Aurignac, equip de promocion liga, en que pendent es 90 menutes siguérem milhors que eri, mès era expulsion de Felipe mos hec fòrça mau e ena prorroga er Aurignac mos guanhèc eth partit.

Ena prumèra mietat siguec er equip aranés eth que portaue era iniciatiua deth jòc e auérem ua bona ocasion en un shut d’ Àlex que arturaue molt ben eth portèr Shiavon. Tanben en un cornèr que Soufi remataue e que era defensa desviaue era pilota. Lèu deth descans auérem era milhor ocasion quan Àlex panaue ua pilota ara defensa francesa e se plantaue dauant deth portèr, mès eth sòn shut anaue a gésser desviat entà dehòra dera porteria. Er Aurignac non shutèc ara porteria aranesa pendent era prumèra mietat. Damb eth 0-0 s’arribaue ath descans.

Ena dusaua mietat as 10 menutes anàuem a mercar en ua fauta shutada per Peiro; era pilota anaue a quèir enes pès de Jonathan que d’un shut ras mercaue eth 1-0. A compdar d’alavetz er Aurignac mos dominèc sense auer ocasions. Ena menuta 75 se beneficiaue d’ua fauta ath bòrd der àrea e dempús d’ èster shutada, Fontan profitaue eth refus de Pol entà mercar eth 1-1. Quedaue un quart d’ora e eth partit ère molt dubert. Es causes se mos anauen a complicar a 5 menutes deth finau quan er arbitre mos fiulaue un penalty de Felipe que ath delà, dempús de discutir damb un jogador der Aurignac, ère expulsat per arbitre ; eth penalty shutat per Alves siguec arturat molt ben per Pol. Ath finau des 90 menutes s’arribaue damb eth resultat d’empat a 1 gol.

Ena prolongacion er Aurignac profitèc era superioritat numerica e Fontan mercaue 2 gols entà sentenciar era eliminatòria. Auérem dues bones ocasions enes botes d’ Àlex entà reduir eth mercador, mès eth que tornaue a mercar siguec er Aurignac e Hurle mercaue eth 1-4, resultat ath finau des 90 menutes.

Ath finau eliminacion dolorosa, resultat massa abultat en contra e expulsion de Felipe que lo perderam us quanti partits. Ath delà es tarjetes auriòles tanben comportaràn partits de sancion d’ aciu quinze dies entà Uri e Paba.

Eth pròplèu partit jogam partit de liga, eth derby deth Portilhon dissabte 17 d’octobre tàs 20:00 ores en Bossòst contra er equip deth B. Luchon

U.E. Bossòst: Pol, Abraham, Salva, Felipe, Peiro, Uri, Luis, Àlex, Paba, Jonathan e Soufi. Remplaçants: Miquel, Sergio, Cabezas.

Trainer: Xavi.

Tarjetes auriòles : Salva, Uri, Paba, Jonathan.

Tarjeta vermelha: Felipe.

E.F.C. Aurignac : Shiavon, Aouam, Mayet, Berthon, Fumery, Arnould, Sanchez, Thomas, Fontan, Alves, Hurle. Remplaçants : Exposito, Lastrade.

Trainer : Garrigues Jerome.

Tarjetes auriòles : Alves, Hurle.

Gols : 1-0 Jonathan (55’), 1-1 Fontan (75’), 1-2 Fontan (95’), 1-3 Fontan (110’), 1-4 Hurle (115’).

Arbitre: Venant Maxime.

Mínima e prumèra victòria deth campionat

U.E. Bossòst 1 – F.C. Larboust-OÔ 0

Eth partit siguec igualat entre es dus equips que mos coneishem pro e siguec de mau suspréner-se. Cau rebrembar qu’eth Larboust-OÔ siguec er equip convidat enguan entà disputar eth XXVI trofèu Memoriau Manuel Huguet eth 15 d’agost.

Ath quart d’ora artenhíem eth gol en un cornèr shutat per Àlex e que un defensa introduie era pilota laguens dera sua madeisha porteria. Damb eth 1-0 auérem ua clara ocasion en ua pilota que Paba tot solet laguens der àrea shutaue dehòra dera porteria. Eth Larboust-OÔ sajèc de suspréner enes lançaments de fautes e cornèrs. Damb eth 1-0 s’arribaue ath descans.

Ena dusaua mietat, era iniciatiua deth jòc siguec der equip francés que sajaue d’empatar sense auer guaire ocasions. Er equip aranés podie auer sentenciat en bèra jogada de contraatac ,mès tant Paba coma Luis non poderen suspréner ath portèr Gabriel que fòrça jogades i ère dehòra dera sua àrea. Eth Larboust-OÔ insistic enquiath finau entà poder mercar, mès er equip aranés se defensèc fòrça ben.

Ath finau prumèra victòria deth campionat e mès plan important entà plaçà-mos ena part mieja dera taula. Classificacion: Etoile Cagire e Cazères 12, Villen. de Rivière 10, B.Luchon 9, U.E. Bossòst 7, Encausse, Boulogne, Landorthe e SaliesMane 6, F.C. Mabroc 5, Isle en Dodon e Larboust-OÔ 4.

Eth pròplèu partit jogam partit de 3au ronda dera Copa de Midi dissabte 10 d’octobre tàs 20:00 ores en Bossòst contra er equip der Aurignac (Promotion Ligue).

U.E. Bossòst: Marcos, Abraham, Juanka, Felipe, Jaime,  Àlex, Uri, Luis, Soufi, Paba e Salva. Remplaçants: Borja, Ivan, Pipe.

Trainer: Xavi.

F.C. Larboust-OÒ : Gabriel I, Rumeau, Escole II, Joly, Guiziou, Heride II, Da Costa, Sicre, Baux, Escole I. Remplaçants : Coulaud, Gabriel II, Arnauduc.

Trainer : Gabriel Gilles.

Gols : 1-0 Àlex (15’).

Arbitre: Duprat Philippe.

Golejada entà passar ronda ena Copa de Midi

Et. Canton de St. Martory 1 – U.E. Bossòst 4

Partit plasid e classificacion logica dera U.E. Bossòst que demostrèc ath long des 90 menutes era diferéncia de categoria. Ena prumera mietat mos adelantauen en mercador quan Jonathan se presentaue tot solet dauant deth portèr e lo driblaue entà mercar eth 0-1. En un cornèr contra es aranesi, er arbitre fiulèc penalty en ues mans que vedec eth solet. Eth penalty shutat per Ferrere siguec molt ben arturat peth nòste portèr Pol. Lèu deth descans, Soufi anaue a mercar damb un shut ras a tocar deth garròt. Ère eth 0-2 resultat que s’arribaue ath descans.

Ena dusaua mietat encara siguec mès clar eth domini aranés e atau anàuem a ampliar es diferéncies en mercador. En ua bona jogada, José Ramón a passada d’ Uri se presentaue dauant deth portèr francés e mercaue damb un shut ras. Ère eth 0-3. Eth 0-4 siguec mercat per Jonathan que susprenie ara defensa e mercaue deuant Broquere a tocar deth garròt. Encara podíem auer ampliat mès eth mercador mès eth que merquèc eth gol der aunor entath St. Martory siguec Saux d’un excelent shut de fauta, enviaue era pilota ena esquaira sense que Pol podesse hèr arren entà arturar era pilota.

Ath finau victòria per 1-4. Objectiu complit sense cap lesionat e cap de tarjeta. Eth pròplèu torn serà mès complicat, tiratge deman dimarts en St. Gaudens ; sonque quedam d’’Excellence : Encausse, Larboust-OÔ e U.E. Bossòst donques toti es auti seran de categoria superior excepte eth Miramont de 1ª division.

Eth pròplèu partit jogam partit de liga , 3ª jornada dissabte 3 d’octobre tàs 20:00 ores en Bossòst contra er equip deth Larboust-OÔ

Et. Canton de St. Martory : Broquere, Saves, De la Tour, Dussant,          Durac, Chaubet, Freddy, Dauban, Ferrere, Cazabet, Fourroux. Remplaçants : Antoine, Saux.

Trainer : Lejous Patrick.

Tarjetes auriòles : Saux.

U.E. Bossòst: Pol, Abraham, José Ramón, Juanka, Felipe, Àlex, Uri, Luis, Soufi, Jonathan e Salva. Remplaçants: Borja, Miquel, Cabezas.

Trainer: Xavi.

Gols : 0-1 Jonathan (20’), 0-2 Soufi (42’), 0-3 Jose Ramon (60’), 0-4 Jonathan (70’), 1-4 Saux (80’).

Arbitre: Cunha Philippe.

Derròta minima

U.S. SaliesMane 2 – U.E. Bossòst 1

Prumèra derròta deth campionat en un partit igualat en que podíem auer artenhut un resultat milhor. Eth partit començèc damb un joc igualat en que era U.E. Bossòst portaue era iniciatiua deth jòc e eth SaliesMane sajaue de suspréner ara contra. En ua pilota perduda ena nòsta linha de miei, anaue a profitar eth SaliesMane entà daurir eth mercador: Da Luz remataue e Marcos desviaue era pilota qu’anaue a quèir enes pès de Viaud que a pòrta ueda mercaue eth 1-0. Era U.E. Bossòst sajèc d’empatar abans deth descans: era ocasion mès clara siguec ua fauta shutada per Àlex, se l’escapèc ath portèr Gustave era pilota e non poguec cap de delantèr rematà-la. Damb eth 1-0 s’arribaue ath descans.

Ena dusaua mietat encara siguec mès clar eth domini aranés, mès as 10 menutes eth SaliesMane se beneficiaue d’ ua fauta non fiulada sus un jogador dera U.E. Bossòst e Roca II shutaue per dessús deth nòste Marcos. Damb eth 2-0 era U.E. Bossòst non baishèc es braçi e encara dominèc mès eth partit. En un remat de cap de Jonathan dempús d’ un cornèr, era pilota gessie per dessús deth garròt. Ena menuta 80 Àlex en un lançament de fauta mercaue un gran gol e reduie eth mercador a 2-1. Poderíem auer empatat en un remate de cap de Paba en ua gessuda dolenta deth portèr, mès era pilota anaue entà dehòra.

Ath finau, derròta en un partit que mos penalizèc fòrça es perdudes de pilota, èm en ua categoria ena que auem de sajar de redusir es erròrs ath mínim.

Eth plòplèu partit jogam era 2ª eliminatòria dera Copa de Midi, eth dimenge 27 de seteme tàs 16:00 ores en Lestelle contra er equip deth Canton de St Martory.

U.S. SaliesMane : Gustave, Vergonjeanne, Lagrange, Ertlen I, Laffont, Ertlen II, Roca II, Soulier, Da Luz, Roca I, Viaud. Remplaçants : Bonzom, Copin.

Trainer : Riviere Franck.

U.E. Bossòst: Marcos, Abraham, José Ramón, Juanka, Jaime, Àlex, Ivan, Chapo, Paba, Jonathan e Moha. Remplaçants: Sergio, Miquel, Pipe.

Trainer: Xavi.

Gols : 1-0 Viaud (20’), 2-0 Roca II (55’), 2-1 Àlex (80’).

Arbitre: Castro Antoine.

Passam ronda ena Copa de Midi

Montbernard S.C. 0 – U.E. Bossòst 3

Victòria clara era artenhuda aguest passat dissabte en terren deth Montbernard dauant er equip locau. Ena prumèra mietat mos costèc arribar damb ocasions clares ena porteria francesa. Eth Montbernard auec ua clara ocasion damb un shut en garròt dera porteria aranesa. Tanben Luis shutèc ras e era pilota anaue a tocar eth garròt dera porteria. Lèu deth descans, profitàuem un cornèr entà daurir eth mercador quan ath portèr Shiavon s´ac escapaue era pilota que siguec rematada per Cabezas entà mercar eth 0-1 resultat damb eth que s’arribaue ath descans.

Ena dusaua mietat era diferéncia siguec mès grana entre es dus equips e er equip aranés marquèc dus gols mès; eth prumèr dempús d’ua bona jogada ena que ath finau Àlex deishaue era pilota as pès de Miguel que damb un gran shut damb era sua cama esquèrra plaçaue era pilota ena esquaira dera porteria, e eth dusau siguec en un centre de José Ramón que Àlex remataue de volea. Auérem diverses ocasions sustot enes shuts de Miguel e Paba que gessíem per molt pòc desviadi entà dehòra. Eth Montbernard sajèc de profitar bèra contra, mès eth portèr aranés Pol arturèc es pòques ocasions que aueren. Enes menutes finaus er arbitre deishèc de fiular un clar penalty que li heren a Pipe.

Ath finau, passam ronda sense patir cap de blessura e non ensenhà-mos cap de tarjeta.

Eth plòplèu partit ei eth 19 de seteme tàs 20 :00 ores en Mane contra er equip deth SaliesMane 3.

Montbernard S.C: Shiavon, Cazeneuve, Bonnecharre, Ousset, Drex, Vicente, Peioroques, Clermont, Barthe, Lourde, Brune. Remplaçants : Alvin, Daneau, Castex.

Tarjetes auriòles : Lourde.

Trainer : Drex Gerard.

U.E. Bossòst: Pol, Sergio, José Ramón, Felipe, Peiró, Uri, Luis, Àlex, Paba, Cabezas e Miguel. Remplaçants: David, Miquel, Pipe.

Trainer: Xavi.

Gols : 0-1 Cabezas (40’), 0-2 Miguel (50’), 0-3 Àlex (75’).

Arbitre: El Mahraoui Monsif.

Un empat damb gols entà començar eth campionat

U.E. Bossòst 3 – F.C. Mabroc 3

Domatge de non aué pogut conservar era auança qu’auiem ena mieja part. Eth partit començéc damb fòrça igualtat, eren dus equips que s’auien enfrentat er an passat e que pujauem entara categoria d’Excellence. Era U.E. Bossòst marcaue eth 1-0 en un centro de Miguel era pilota siguèc rematada per Jonathan damb era cama esquerra e plaçaue era pilota ena esquaira dera porteria francesa. Eth Mabroc sajèc de reduir es distàncies en marcador enes lançaments de cornèr que creeren fòrça perilh ena porteria aranesa. A lèu deth descans un bon centro de Paba, siguèc era pilota controlada per Miguel que d’un shut ras tornaue a marcar, ere eth 2-0, resultat en que s’arribaue ath descans.

Ena dusaua mietat sonque en dues menutes eth Mabroc anaue a empatar eth partit, prumèr Khan marcaue dempús d’un centro a porta bueda e ara seguida Girard aprofitaue un error dera defensa aranesa entà plantase dauant de Pol e marcar d’un shut ras. Ere eth 2-2 e quedaue tota era dusaua mietat entà disputar. Era U.E. Bossòst auèc ua bona ocasion en ua fauta shutada per Peiro que Felipe remataue e eth portèr Firmino non sabem coma desvièc era pilota entà cornèr. En un posicion mes que dubtosa Girard anaue a marcar eth 2-3 quan shutaue ras sus era gessuda deth portèr aranés. En un gran shut de Paba era pilota gessie a tocar deth garròt. Era luita aranesa artenhie eth premi quan Jonathan aprofitaue un error deth portèr francés dempús d’un shut d’Alex entà marcar eth 3-3. Quedauem 10 menutes en que poques ocasions siguèren deth costat aranés sense poguer acabar de marcar.

Ath finau empat en aguest prumèr partit en casa, mos hèc fòrça mau er inici dera dusaua mietat en que de gessuda mos marcauem e mos empatauem eth partit e dempús calèc remontar era desventatja en marcador. Er equip luitèc e damb eth support der aficion artenhie er empat. En aguesta categoria cau estar fòrça segurs darrèr, qualsevol error ei molt ben aprofitat per equip contrari.

Eth plòplèu partit ei de Copa de Midi, dissabte 12 de seteme tàs 20 :00 en camp deth Montbernard equip de categoria inferior.

  

U.E. Bossòst: Pol, Juanka, Jose Ramon, Peiro, Felipe, Uri, Ivan, Luis, Paba, Jonathan, Miguel. Remplaçants: Miquel, Pipe, Alex.

Trainer: Jordi.

Tarjetes auriòles: Uri, Paba, Miguel.

F.C. Mabroc: Firmino, Bresteau I, Roquabert, Casimir, Coutanceau, Rouquette, Nadal, Dominguez, Khan, Gomes, Bresteau II. Remplaçants : Urban, Rives, Girard.

Trainer: Tetard Guy.

Tarjetes auriòles: Casimir, Rouquette, Gomes, Bresteau II.

Gols : 1-0 Jonathan (20’), 2-0 Miguel (40’), 2-1 Khan (49’), 2-2 Girard (50’), 2-3 Girard (70’), 3-3 Jonathan (80’).

Arbitre : Hubert Marc.

Aguesta dimenjada començam eth campionat

Eth dissabte 5 de seteme tas 20:00 en Bossòst començam eth campionat de liga dera categoria d'Excellence dera sason 2015-2016 contra er equip deth F.C. Mabroc.

Eliminadi dera Copa de França en un excelent partit que non mereishiem perde

E.F.C. Aurignac 3 – U.E. Bossòst 2

Partit tipic d’eliminatòria de Copa damb alternatiues en marcador e fòrça ben disputat pes dus equips, non se notèc bric la diferencia de categoria entre es dus equips. Era U.E. Bossòst començèc auem es milhors ocasions, en un shut de Juanka eth portèr francés realitzèc ua bona arturada ; en un lançament de fauta d’Alex ere rematat per Felipe de cap e era pilota era arturada peth portèr Schiavon. Er Aurignac sajaue de sorprene en contraatac e atau ena menuta 25 se produie era jogada que mos anaue a deishar damb 10 jogadors quan eth nòste portèr Marcos derribaue clarament a Alves dehòra der àrea. Era clara expulsion comportèc que Paba se metese de portèr a partir d’alavetz. Ena menuta 40 er Aurignac daurie eth marcador en quedase Sanchez solet dauant deth portèr e marcar eth 1-0 resultat en que s’arribaue ath descans.

Ena dusaua mietat en 15 menutes anauem a remontar eth resultat. Ena menuta 50 dempús d’un cornèr shutat per Alex ere rematat de cap per Soufi ara esquaira dera porteria. Ere et 1-1. Ath quart d’ora Jonathan Daugrois jogador francés fitxat aguest an, sorprenéc ath portér francés desde eth miei deth camp damb un shut qu’acabaue entran ena porteria. Ere eth 1-2. Encara quedaue mieja ora de joc e estauen damb 10 jogadors, er equip der Aurignac mos dominaue sense aue moltes clares ocasión. Ena menuta 80 en un cornèr en cuert non arribauem a tapar eth shut de Lestrade qu’entraue a tocar deth garròt ena porteria aranesa. Ere eth 2-2. Quan semblauem qu’arribauem ara prorroga ena menuta 90 ua entrada de Paba ath jogador Fontan siguéc fiulada coma penalty. Eth dubtos penalty siguéc shutat peth madeish jogador e marcaue eth 3-2. Encara auerem talents entà auer ua darrera ocasion més eth shut deth delantér aranés siguéc desviat peth portér.

Ath finau eliminacion injusta, domatge d’auer de jogar mes d’ua ora damb 10 jogadors. Cau campar era part positiua der esforç e era luita en partit que mos a d’ensehar eth camin entà repetir açò madeish pendent es partits deth campionat de Liga.

E.F.C. Aurignac: Shiavon, Mallet, Aouam, Arnould, Fumery, Berthon, Lestrade, Sanchez, Fontan, Guezenec, Alves. Remplaçants: Cazenave, Lapuyade.

Trainer: Garrigues Jerome.

Tarjetes auriòles: Lapuyade.

U.E. Bossòst: Marcos, Abraham, Juanka, Miquel, Felipe, Uri, Alex, Soufi, Paba, David, Jonathan. Remplaçants: Jose Ramon, Cabezas, Xavi.

Trainer: Xavi.

Tarjetes auriòles: Uri, Paba.

Tarjeta vermelha : Marcos.

Gols : 1-0 Sanchez (40’), 1-1 Soufi (50’), 1-2 Jonathan (60’), 2-2 Lestrade (80’), 3-2 Fontan (90’ p.).

Arbitre : Stefani Serge.

Liniers : Loubet Marc, Pensarini Serge.

Perdem eth trofeig dera hèsta major 2015 enes lançaments de penalty

Er equip deth Larboust-OÔ ha guanhat era 26ª edicion deth Trofeig Memoriau Manuel Huguet dempus de guanhar per 4-2 enes lançaments de penalty. Eth partit auie acabat damb empat a 2 gols.
Eth dissabte 22 d'agost tàs 20:00 jogam 1ª eliminatòria dera Copa de França en Boussan contra er equip der Aurignac.

Hèsta Major Bossòst 2015

XXVI Trofeig Memoriau Manuel Huguet
Dissabte 15 d'agost tàs 19:30
U.E. Bossòst - F.C. Larboust-OÔ

Aué començam es entrenaments

Aué dimarts 4 d'agost començam a entrenar entà preparar era sason 2015-2016.
Er inici deth campionat serà eth dia 5-6 de seteme. Abantes jogaram eth trofeig Memoriau Manuel Huguet e era eliminatoria dera Copa de França.

Sorteig Copa de França 2015-2016

En sorteig dera Copa de França realitzat agèr en St.Gaudens mos a tocat jogar dehora de casa contra eth prumèr equip der Aurignac que jogue ua categoria superior a nosati. Eth partit se jogarà eth dissabte 22 d'agost en camp de Boussan.
Era resta d'enfrentaments son aguesti:
Landorthe - Pyrenees Sud
Villen. Riviere - Larboust
Montastruc de Salies - B. Luchon
Encausse - U.S. Cazeres
F.C. Mabroc - U.S. SaliesMane
Etoile Cagire - Ent. Boulogne
Isle en Dodon - Comminges St. Gaudens

Equips dera categoria Excellence dera sason 2015-2016

B. Luchon, Isle en Dodon II, Encausse, Cazeres II, Landorthe, Larboust, SaliesMane III, Villeneuve de Riviere, Boulogne II, Etoile du Cagire, Mabroc e U.E. Bossòst.

R.C.D. Español en Aran

Eth R.C.D. Español ei des deth dimèrcles en Garòs entà hèr eth sòn stage de pretemporada.
Deman dissabte 11 de junhsèga, a compdar des 19:00 ores s'enfrentarà en camp deth Garòs a ua seleccion de jogadors dera Val d'Aran.

Loteria estieu U.E. Bossòst

¡¡¡ Hay si me toca !!!

Derròta contundent que mos deishe sense eth títol

AMS Cardeilhac 3 – U.E. Bossòst 0

Auem patit era dusaua derròta deth campionat e era mès contundent. En un partit en que començèc fòrça parièr, òc que se veiguec mès fòrça e contundéncia en equip deth Cardeilhac. Sense guaire ocasions, eth Cardeilhac mercaue eth sòn prumèr gol quan Lombard entraue en àrea e shutaue ras a tocar deth garròt sense que Marcos podesse arturar era pilota. Ara seguida, en un centre-shut ,Jiménez mercaue eth 2-0, resultat damb eth que s’arribaue ath descans.

Ena dusaua mietat, er equip aranés sajèc de reduir distàncies en mercador, mès siguec eth Cardeilhac eth que en ua situacion ath límit de dehòra de jòc, N’Daye realizaue un gran shut q’anaue ena esquaira dera porteria. Enes darreres menutes ei quan auérem es milhors ocasions enes botes de Manu, Moha e Kike; tanben reclamèren ues clares mans laguens der àrea d’un defensa francés, mès tot açò non auec eth prèmi deth gol. Mos manquèc era sort des guanhadors.

Ath finau mos quedam sense campionat. An estat dos revesi ara seguida : era setmana passada era Copa der Amitié e aguesta setmana eth títol dera Liga. Er objectiu deth començament dera sason s’ a artenhut, qu’ ère tornar ara categoria d’Excellence, mès ei domatge èster tant a pròp des títols e non poder arténher-ac. En aguesti dus partit tant importants, mos auem quedat sense poder mercar cap gol.

Ara a descansar enquia finaus de junhsèga o començament d’agost, entà premanir era sason 2015-2016 ena categoria d’Excellence çò de milhor possible.

¡¡¡ Bones Vacances entà toti !!!

AMS Cardeilhac: Quereilhac, Ferrere, Jiménez, Duteck, Sansonetto, Pellegrino, Cazenave, Devaud, Lombard, Tekeu, Duplan. Remplaçants: Payrau, N’Daye.

Tarjetes auriòles : Pellegrino, Devaud.

Trainer : Toulouse V.

U.E. Bossòst: Marcos, Salva, Abraham, Felipe, Mikel, Àlex, David, Soufi, Kike, Moha e Paba. Remplaçants: Camilo, Manu, Ori.

Tarjetes auriòles : Felipe, Soufi.

Tarjeta vermelha : Salva.

Trainer: Xavi.

Gols : 1-0 Lombard (30’), 2-0 Jimenez (35’), 3-0 N’Daye (75’).

Arbitre: Hubert Marc.

Perdem era finau dera Copa der Amitié enes lançaments de penalty

U.S. Salies Mane 0 – U.E. Bossòst 0

Penaltys: 7 – 6

Non mereshíem pèrder atau ua finau enes cruels lançaments de penalty. Era U.E. Bossòst non auec era sort de cara ena aguesta finau. Patírem as 25 menutes era lesion deth nòste capitan Ignasi, damb lo que aquerò supose entar equip. Dominèrem eth partit e siguerem er equip qu’ auec es milhors oportunitats entà mercar: ua pilota en garròt en un bon lançament de Paba ena prumèra mietat, ena dusaua mietat bones arribades d’ Àlex mès es sòns shuts passèren a tocar deth garròt. Ena darrera jogada deth partit en ua bona jogada de Luis que Javi non podie rematar, si qu’arribèc Moha entà shutar ras, mès eth portèr Gustave arturaue era pilota. Eth SaliesMane sonque shutèc un viatge damb perilh en un shut que Marcos desviaue entath cornèr.

Enes lançaments de penalty s’arribèc enquiath nau lançament entà decidir eth campeon dera Copa der Amitié.

Ath finau, derròta dolorosa dauant un equip reforçat deth Saliesmane 4. Eth jogadors lutèrem pendents es 120 menutes e cau díder qu´era aficion se desplaçèc en gran numerò entà ajudar e animar ath sòn equip enquiath finau. Mos cau felicitar as jogadors, dirigents e aficionadi per excellent comportament deth nòste equip pendent aguesta sason.

Eth plòplèu partit, jogam eth darrèr partit deth campionat eth dimenge 31 de mai tàs 15 :00 ores en Cardeilhac contra er equip locau. En aguest partit se decidirà quin des dus equips serà eth campeon de campionat dera 1ª division.

U.S. SaliesMane :Gustave, Buffalan, Vergonseanne, Millet, Cazenave, Ertlen, Daspet, Montauriol, Ricard, Soulier, Viaud. Remplaçants : Laffront, Garnung, Damien.

Tarjetes auriòles : Cazenave, Buffalan.

Tarjeta vermelha : Buffalan.

Trainer : De Mattos A.

U.E. Bossòst: Marcos, Salva, Chapo, Felipe, Peiró, Luis, David, Ignasi, Àlex, Moha e Paba. Remplaçants: Abraham, Miguel e Javi.

Tarjetes auriòles : Luis.

Trainer: Xavi.

  

Arbitre: Laven M.

Liniers : Grange D., Duplan D.

¡¡¡ ESTE AÑO SUBE EL BOSSÒST SUBE EL BOSSÒST !!!

Pointis Inard O.C. 1 – U.E. Bossòst 2

Un an dempús recuperam era categoria d’Excellence. En darrèr partit deth campionat a disputar eth dia 31 de mai contra eth Cardeilhac, se decidirà quin ei er equip campeon dera categoria.

En un partit “trampa” er equip aranés auec de luitar contra un terren de jòc en fòrça mau estat, damb era èrba nauta e un arbitratge fòrça dolent que non sabec sancionar es agressions que patíren es jogadors dera U.E. Bossòst.

Eth partit siguec dominat per equip aranés mès sense auer bones ocasions de gol. Merquèrem eth gol en ua bona jogada de Soufi que deishèc era pilota enes pès de Miguel que, de “puntera” des de dehòra der àrea, susprenie ath portèr francés. Pòc abantes deth descans, auérem ua molt bona oportunitat quan Kike se plantaue tot solet laguens der àrea e en lòc de shutar a porteria sajèc de passar era pilota sense que arrès podesse rematar. Damb eth 0-1 s’arribaue ath descans.

Sonque començar era dusaua mietat , Paba auec era milhor ocasion deth partit quan susprenie ara defensa e se plantaue dauant de Smara e shutaue, mès eth sòn shut gessie desviat a tocar deth garròt. Sabíem que mos tocarie patir en desaprofitar aguestes clares ocasions. En ua jogada aislada eth Pointis Inard anaue a mercar eth gol der empat quan Laforgue shutaue laguens der àrea sense que Marcos podesse arturar era pilota. Quedàuen dètz menutes enquias 90, encara auíem temps de mercar; e atau siguec quan Miguel siguec derribat clarament laguens der àrea peth defensa. Eth clar penalty siguec shutat per Felipe que mercaue eth 1-2. D’ aquiu ath finau, jòc molt pòc esportiu deth Pointis Inard damb agresion ath nòste capitan Ignasi. Entà compensar, er arbitre expulsèc ath nòste jogador Soufi per dusaua tarjeta. E se açò non ère pro, er arbitre alonguèc eth partit 9 menutes sense cap motiu.

Ath finau victòria que mos plaçe en prumèr lòc a manca d’un partit.

Era classificion ei : U.E. Bossòst 75, Cardeilhac 72, Mabroc 69, Miramont 57.

Eth plòplèu partit jogam era finau dera Copa der Amitié en Sant-Gaudens en stade Jules Ribet dissabte 23 de mai tàs 20:00 ores contra er equip deth SaliesMane 4.

Pointis Inard O.C. : Smara, Beret, Verge, Baboulet, Do Canto, Laforgue, Casse, Sorribas, Fourment, Choquart, Bou. Remplaçants : Gordia, Puddu, Chanfreau.

Tarjetes auriòles : Laforgue, Choquart.

Tarjeta vermelha : Casse.

Trainer: Dessosez J.F.

U.E. Bossòst: Marcos, Abraham, Chapo, Felipe, Àlex, Iván,  Soufi, Ignasi, Miguel, Kike e Paba. Remplaçants: Camilo, Manu, Ori.

Tarjetes auriòles : Ignasi, Soufi.

Tarjeta vermelha : Soufi.

Trainer: Xavi.

Gols : 0-1 Miguel (38’), 1-1 Laforgue (80’), 1-2 Felipe (p. 85’).

Arbitre: Brune Fabien.

¡¡¡ Un set de gols entà apropamos ath títol !!!

Pyrenées Sud II 2 – U.E. Bossòst 6

Victòria fòrça important e contundent dauant un equip que venguie d’empatar damb eth Mabroc. Sonque començar merquèrem eth 0-1 en ua fauta laterau qu’eth portèr francés non poguec aluenhar era pilota e  quedaue enes pès de Paba que shutaue tot solet. Ara seguida, en un bon passe de Salva, Soufi profitaue entà plantà-se dauant Contreral e shutar ras entre es sues cames e mercar eth 0-2. Eth Pyrennées Sud responec damb un polit gol deth sòn delantèr centre Bordeies ; ère eth 1-2. Non pasaue ne ua menuta quan Àlex profitaue ua pilota ath darrèr dera defensa francesa, driblaue ath portèr e mercaue eth 1-3. Encara anàuem a enxamplir es diferéncies damb un aute gol d’Àlex fòrça semblant ar anterior. Ère eth 1-4, resultat en que s’arribaue ath descans.

Ena dusaua mietat encara merquèrem dus gol mès: en prumèr, era pilota dempús de shutar Àlex rebotaue en un defensa e se calaue laguens dera porteria francesa. Ère eth 1-5. En ua auta jogada Àlex tot solet coma enes anteriors gols, driblaue ath portèr e mercaue eth 1-6 a porta ueda.  Eth Pyrenées Sud mercaue eth darrèr gol en ua jogada en que Ribet shutaue ras ena gessuda deth nòste portèr Marcos. Ère eth 2-6 resultat ath finau deth partit.

Ath finau, victòria important en aguest partit pendent que mos aprope ath títol. Era classificion ei : U.E. Bossòst 71, Cardeilhac 68, Mabroc 65, Miramont 53.

Eth plòplèu partit jogam partit deth campionat de liga en Pointis-Inard eth dimenge 17 de mai tàs 15:00 ores contra er equip locau.

Pyrenées Sud II : Contreral, Reulet, Chaussepied, Zaoui, Castillie, Ribet, Fissomou, Fourment, Bordeies, Via, Fourreau. Remplaçants : Belin, Thouvenat, Poussan.

Tarjetes auriòles : Reulet, Zaoui, Via.

Trainer : Gez Fabien.

U.E. Bossòst: Marcos, Abraham, Chapo, Felipe, Peiró, David, Salva, Soufi, Àlex, Ignasi e Paba. Remplaçants: Ivan, Kike, Miguel.

Tarjetes auriòles : Salva

Trainer: Xavi.

Gols : 0-1 Paba (5’), 0-2 Soufi (10’), 1-2 Bordeies (25’), 1-3 Àlex ( 26’), 1-4 Àlex (40’), 1-5 Àlex (60’), 1-6 Àlex (70’), 2-6 Ribet.

Arbitre: Castro Antoine.

Partit pendent

Eth partit qu'auem pendent deth campionat de liga se jogarà aguest dijaus 14 de mai tas 21:00 en terren de joc de Clarac contra er equip deth Pyrenees Sud. Damb aguest enfrentament toti es equips auram jogat es madeishi partits a manca de dues jornades entath finau deth campionat.

¡¡¡ Repoker de gols en darrèr partit deth campionat en casa !!!

U.E. Bossòst 5 . Ent. Boulogne III 0 

En darrèr partit en casa contundent victòria dera U.E. Bossòst entà seguir ena sua corsa entà acabar prumèr d’aguest campionat de 1ª division. Partit dominat pendent es 90 menutes per equip aranés. Non rebrembam cap d’arturada deth nòste portèr Marcos pr´amor qu’ auérem ua tarde ben tranquilla. Passat eth prumèr quart d’ora,  anàuem a mercar eth prumèr gol quan Moha se profite d’ua pilota que treiguíe de porteria er equip francés e se plantaue dauant eth portèr e mercaue damb un shut ras. En dusau gol, Moha susprenie ara defensa francesa entà mercar eth 2-0 resultat en que s’arribaue ath descans.

Ena dusaua mietat eth domini aranés non auec era sua recompensa enquiath darrèr quart d’ora. En ua pilota que Javi luitèc damb eth defensa francés se l’acabèc d’emportar e des dera cantoada der àrea shutaue un shut ajustat ath garròt e mercaue eth 3-0. En ua bona jogada, Moha l’acabaue damb un shut ras des dera línha de porteria e era pilota dempús de tocar en garròt entraue laguens. Ère eth 4-0 e hat-trick de Moha. Entà acabar de redondejar era golejada, Javi shutaue des de dehòra der àrea ua pilota despejada pera defensa e susprenie ath portèr. Ère eth 5-0 resultat deth finau deth partit.

Victòria fàcil entà despedir-mos dera nòsta aficion; ara mos queden tres partits deth campionat dehòra e era finau dera Copa der Amitié en St. Gaudens. Demoram contunhar damb aguesti boni resultats.

Eth plòplèu partit jogam partit deth campionat de liga en Pointis-Inard eth dimenge 17 de mai tàs 15:00 ores contra er equip locau.

U.E. Bossòst: Marcos, Salva, Abraham, Felipe, Peiró, David, Chapo, Soufi, Àlex, Moha e Ivan. Remplaçants: Cabezas, Manu, Javi.

Trainer: Xavi.

Ent. Boulogne : Saintcriq, Didier, Bajon, Vvies, Suzane, Marque, Benac, Louge, Cier, Touzanne, Barrere. Remplaçants : Plateel, Bathion.

Tarjetes auriòles : Suzane.

Trainer : Castex Benjamin.

Gols : 1-0 Moha (20’), 2-0 Moha (35’), 3-0 Javi (75’), 4-0 Moha (80’), 5-0 Javi (85’).

Arbitre: Hubert Marc.