Non lheuam cap

Etoile du Cagire 2 - U.E. Bossòst 0 

Partit jogat aguest darrèr dissabte en Aspet en un terren de jòc impropi d’ua categoria d’Excellence que siguec fòrça damnatjós tath jòc der equip aranés.

Eth partit començèc mau entara U.E. Bossòst quan Marcos non poguec agarrar ua pilota fàcil qu’anaue entà dehòra e Watel profitèc era badada deth portèr aranés entà mercar eth 1-0 a porta bueda. Ath equip der Etoile se le metie eth partit de cara tà arténher çò que volie : jogar ara contra e calà-se entà darrèr entà deféner eth resultat. Es jogades mès perilhoses dera U.E. Bossòst ena prumèra mietat vengueren pera banda de Salva, mès es sòns centri non pogueren èster rematadi damb comoditat pes delantèrs aranesi. Lèu deth descans, ua fauta shutada per Àlex siguec desviada entà cornèr peth portèr Domench. Damb eth 1-0 s’arribaue ath descans.

Ena dusaua mietat , lo madeish: domini e iniciatiua dera U.E. Bossòst sense auer guaire ocasions de gol e timits contratacs der equip der Etoile. Ena menuta 75’, Sarradet damb un shut ras des de dehòra der àrea susprenie ath portèr aranés e dempús de tocar en garròt, se calaue laguens dera porteria. Ère eth 2-0 resultat ath finau des 90 menutes.

Derròta dolorosa dauant un rivau directe entara permanéncia ena categoria. Mos queden 7 finals e tot depent encara de nosati, mès mos calerie ua victòria entà gésser d’aguesta dinamica negatiua. Classificacion ena part baisha: Etoile du Cagire 32, Montastruc 30, U.E. Bossòst 28, Cazaril 26 e SaliesMane 25.

Eth pròplèu partit jogam en Bossòst  eth dissabte 5 d’abriu tàs 20:00 contra er equip der Encausse.

Etoile du Cagire : Domench, Pruvot, Segu, Magnesse, Garros, Embialet, Daffos, Deu, Labarre, Watel, Sarradet. Remplaçants : Bresquignan e Heuillet.

Trainer : Dutreich J. Louis

Tarjetes auriòles : Embialet, Daffos, Labarre, Watel, Sarradet, Heuillet.

U.E. Bossòst : Marcos, Abraham, Miguel, Felipe,  Jorge, Àlex, Uri, Santi, Salva, Ignasi,  e Soufi. Remplaçants: Cabezas, Gachi e Quique

Trainer: Adrian.

Tarjetes auriòles :Uri, Jorge, Miguel.

Gols : 1-0 Watel (10’), 2-0 Sarrader (75’).

Arbitre : Stefani Serge.

Un líder contundent s’emporte era victòria

U.E. Bossòst 0 – Comminges  St.Gaudens 2 

Partit igualat ena prumèra mietat ena que non se botjèc eth mercador. Eth Comminges St.Gaudens auec era prumèra ocasion as 5 menutes en un cornèr en qu´era pilota anec a tocar en garròt dempús d’ èster desviada per Àlex. Eth portèr Moreira auec de desviar a cornèr un bon shut de Miguel. Es defenses ena prumèra mietat s’imposèren as delantèrs e non i auec guaire ocasions de gol, er equip francés sajaue de profitar es pilotades arturades entà crear eth perilh en àrea aranesa. Lèu deth descans, Ignasi de “chilena” remataue dehòra en ua bona posicion. Damb eth resultat de 0-0 s’arribaue ath descans.

Ath començament dera dusaua mietat eth líder se mostrèc contundent e en 5 menutes decidic eth partit damb 2 gols de Fontan que damb es sòns shuts susprenec ath portèr aranés Marcos. Era U.E. Bossòst sajèc de reduir distàncies en marcador mès non auec era sort de cara e es rematades de Cabezas en dues ocasions e Soufi gesseren dehòra a tocar deth garròt. Ua bona rematada de Miguel d’ esquies ara porteria siguec arturada peth portèr francés Moreira, un des destacadi deth partit.

Ath finau, derròta dauant eth líder, damb bones sensacions mès damb 5 menutes dolenti que mos portèc a pèrder eth partit.

Eth pròplèu partit jogam en Aspet  eth dimenge 30 de marc tàs 15 :00 contra er equip der Etoile du Cagire.

U.E. Bossòst : Marcos, Héctor, Jaime, Felipe, Àlex, Uri, Santi, Salva, Ignasi, Cabezas e Miguel. Remplaçants: Soufi, Abraham e Miquel.

Trainer: Xavi.

Tarjetes auriòles : Santi.

Comminges St.Gaudens : Moreira, Moras, Dupuy, Gares, Valat, Soucasse, Bouigue, Marie Sainte, Fisse, Magri, Fontan. Remplaçants : Labbe, Gimenez, Coste.

Trainer : Constant Raphael.

Tarjetes auriòles : Marie Sainte.

Gols : 0-1 Fontan (50’), 0-2 Fontan (55’).

Arbitre : Toulouse Vincent

Mos quedam a un gol dera remontada

F.C. Larboust-OÔ 3 – U.E. Bossòst 2 

Partit damb ua part entà cada equip eth que se disputèc ager dimenge en OÔ. Sabíem des dimensions redusides deth terren de jòc e era importància des jogades a pilota arturada coma fautes, cornèrs e lançaments de banda, mès

ath finau aguestes jogades an decidit era major part des gols marcadi e encajadi.

Eth Larboust-OÒ estèc mès calat en partit ena prumera mietat e sense guaire esforci, s’emportèc ua bona renda ath descans. En ua fauta shutada per Cabare, Marcos non podie blocar era pilota e Blando en dues rematades artenhie eth 1-0. En un lançament de banda mos marcaue eth madeish jogador eth 2-0 en un shut ras damb ua pilota qu´era nòsta defensa non podec despejar luenh. E coma non n´ i a dues sense tres, Blando artenhie eth 3-0 en posicion de dehòra de jòc e mercaue a porta bueda. Damb aguest resultat de 3-0 s’arribaue ath descans.

Era U.E. Bossòst gessec damb ua auta actitud ena dusaua mietat e embarrèc ath equip francés en sòn terren de jòc. Es jogades de perilh se produsirém, mès fautaue eth gol. Cabezas mercaue eth 3-1 en un shut ras a passe d’Ignasi. En ua bona jogadam, eth shut de Héctor anaue a tocar en garròt dera porteria. En un lançament de banda Ignasi de cap mercaue eth 3-2. Encara quedauen 15 menutes e pensàuem en aumens empatar eth partit. Continuec eth nòste domini insistent, eth Larboust molt pòqui viatges creuèc eth miei deth camp mès ath finau non auérem era sort de poder marcar.

Ath finau, derròta pera minima que mos deishe damb dolentes sensacions, encaishèrem massa gols ena prumèra mietat e, ena dusaua, ja siguec un shinhau tard poder arribar a remontar eth mercador. Domatge d’aguest resultat que mos plaçe enes lòcs complicadi entà sauvar era categoria.

Eth pròplèu partit jogam en Bossòst  eth dissabte 22 de marc tàs 20 :00 contra er equip deth Comminges St.Gaudens actuau líder deth campionat..

F.C. Larboust-OÔ : Baux, Ges, Escole I, Escole II, Arnauduc, Heride, Blando, Cabare, Dulon, Moussaoui, Pascau. Remplaçants : Jolibert.

Trainer : Tine Jean Claude.

U.E. Bossòst : Marcos, Abraham, Jorge, Héctor , José Ramón, Àlex, Uri, Salva, Ignasi, Javi Castet  e Paba. Remplaçants: Cabezas, Miquel

Trainer: Xavi.

Tarjetes auriòles : Miquel.

Arbitre : Lozes Henri.

Empat sense gols

U.S. Montastruc 0 – U.E. Bossòst 0

Partit fòrça intens eth d’aguest dissabte en Montastruc en que sonque manquèren es gols. Ath començament deth partit, siguec milhor eth Montastruc e ei quan auec es milhors ocasions entà mercar, mès per dus viatges es shuts d’Embarek gesseren entà dehòra dera porteria de Marcos. Mos costèc fòrça entrar en partit e non siguec enquiara mieja ora quan arribàuem a caushigar damb perilh er àrea deth Montastruc damb ua bona jogada de Pèir que centraue e Ignasi de volea remataue era pilota que siguec desviada entà cornèr en ua bona arturada deth portèr Darmani. Damb eth 0-0 s’arribaue ath descans.

Ena dusaua mietat, er equip estèc fòrça milhor e siguec qui portèc mès era iniciatiua deth jòc e calie auer compde es contraatacs deth Montastruc. Atau, en ua bona jogada d’Embarek, eth sòn delantèr mès perilhós, centraue e Lacarrere shutaue per dessús dera porteria aranesa. Era U.E. Bossòst auec era milhor ocasion quan Paba en ua bona jogada se quedaue tot solet a 5 metres dera porteria e shutaue contra es cames deth portèr francés. Enquias darrèrs moments luitèrem entà guanhar ; auerem ua fauta, mès non la poguerem profitar.

Ath finau, empat contra un rivau directe entà sauvar era categoria. Mos queden 10 partits e èm 6 equips separadi per pòqui punts.

Eth pròplèu partit jogam en OÔ  eth dimenge 16 de marc tàs 14 :30 contra er equip deth F.C. Larboust-OÒ.

U.S. Montastruc : Darmani, Casties, Saint-Martin, Ribet, Cardillo, Denat, Lacarrere, Rampon, Embarek, Brun II, Brun I. Remplaçants: Cucuron, Arcangeli.

Tarjetes auriòles : Casties, Cardillo.

Trainer : Arrèou Patrice.

U.E. Bossòst : Marcos, Abraham, Miguel, Héctor , José Ramón, Àlex, Uri, Luis, Ignasi, Santi  e Pèir. Remplaçants: Salva, Paba, Quique,

Trainer: Adrian.

Tarjetes auriòles : Héctor.

Arbitre : Castro Antoine.

Partit suspenut

Eth partit d'aué dissabte en Bossòst contra eth Cazaril a estat suspenut pera nhèu e er aigua qu'auem en terren de joc.
Eth dissabte 8 de març jogam en Montastruc de Salies tàs 20:00 contra er equip locau. Entrenaments dimars e dijaus