Derròta contundent en casa

U.E. Bossòst 1 – U.S. Cazères 4

Partit entà desbrembar ac mès ràpid possible. Ena prumèra mietat non semblaue qu’anàuem a patir aguesta golejada. Eth jòc siguec igualat damb pòques ocasions entas dus equips. Eth Cazères artenhie auançà-se en mercador quan Zeze en un centre agarraue era esquia dera defensa aranesa e controlaue era pilota entà marcar tot solet dauant de Pol. Era U.E. Bossòst auie pogut empatar ena darrèra jogada dera prumèra mietat quan en un centre de Salva, Cabezas non arribaue a poder rematar e eth defensa despejaue a cornèr. Damb eth 0-1 s’arribaue ath descans.

Ena dusaua mietat, en prumèr quart d’ora eth Cazères mercaue eth 0-2 en un shut de Couzinet que Pol non podie arturar. En ua passada retrasada ath portèr deth Cazères, aguest non artenhie a shutar e era pilota gessie dehòra a tocar deth garròt. Ues menutes mès tard, era U.E. Bossòst reduie distàncies en mercador en ua fauta (comportèc era expulsion deth defensa francés) Àlex shutaue e mercaue eth 1-2 sense qu´eth portèr francés podesse acabar d’arturar era pilota. Semblaue qu’ ère eth nòste moment deth partit: auíem mercat e jogàuem contra 10 jogadors, mès en ua jogada de molt mala sort , Abraham introduie sense voler era pilota laguens dera nòsta porteria. Siguec un còp dur, que mos deishèc KO e qu´eth Cazères profitèc entà jogar es milhors menutes de jòc e acabaren en tot mercar eth 1-4 en ua jogada ena que Drief se profitaue d’un dubte dera defensa aranesa.

Ath finau,derròta contundente en casa dauant un equip que segur estarà luitant peth campionat mès non pot èster qu´eth nòste milhor jogador dera dusaua mietat sigue eth nòste portèr Pol qu’ evitèc ua golejada mès grana.

Important eth pròplèu partit que jogam en casa eth dissabte ; jogam en Bossòst eth dissabte 1 de març tàs 20 :00 ores contra er equip deth Cazaril.

U.E. Bossòst : Pol, Salva, Chapo, Héctor , Xavi, Àlex, Adrian, Abraham, Ignasi, Cabezas  e Pèir. Remplaçants: Quique, Javi Llonch, Pipe

Trainer: Jordi.

U.S. Cazeres: Mepor, Cordelier, Levasseur, Lourde II, Coutanceau, Cabartier, Adouin, Couzinet, Drief, Sejrady, Zeze. Remplaçant : Lourde I

Tarjetes auriòles : Lourde II (60’).

Tarjeta vermelha : Coutanceau (70’).

Gols : 0-1 Zeze (25’), 0-2 Couzinet (60’), 1-2 Àlex (70’), 1-3 Abraham (p.p 75’), 1-4 Drief (80’)

Arbitre: Darnaud Claude.

Meritori empat damb 10 jogadors des des 2 menutes

U.E. Bossòst 2 – Isle en Dodon 2 

Partit marcat pera expulsion deth nòste jogador Felipe as 2 menutes de començar eth partit e que hec qu’auéssem de disputar es 90 menutes de jòc damb un jogador de mens. Er Isle en Dodon podec auançà-se en marcador quan Rodriguez shutaue en garròt dera porteria aranesa. Era U.E. Bossòst responec damb ua bona fauta shutada per Miguel que passèc a tocar deth garròt. En ua jogada d’ un dehòra de banda artenhíem eth prumèr gol deth partit quan Miguel remataue ath bord der àrea damb un shut ras; ère eth 1-0, resultat damb eth que s’arribaue ath descans.

Ena dusaua mietat, er Isle en Dodon en dues menutes anaue a dar era volta ath mercador en dus cornèrs; en prumèr, Delavergne remataue de cap tot solet en dusau garròt e dempús Bachet se trobaue ua pilota laguens der àrea e shutaue entà mercar eth 1-2. As 5 menutes, Uri en un gran lançament de fauta mercaue eth 2-2. Un cop de cap Ignasi obliguèc a Pérez a hèr ua bona arturada. D’ aciu ath finau, es dus equips sajèren de des.hèir era igualada en mercador sense auer guaire bones oportunitats.

Ath finau, empat. Domatge d’auer jogar damb un jogador de mens encara que er equip luitèc e s’amoldèc ad aguesta circunstància que mos impedic arténher un resultat mielhor. Mos penalizèc fòrça auer concedit aqueri dus cornèrs d’ ua manèra leugèra e non auer-les defenut correctament. 

Eth pròplèu partit , jogam en Bossòst d’aciu 15 dies contra er equip deth Cazères, dissabte 22 de hereuèr tàs 20:00 ores.

U.E. Bossòst : Pol, Abraham, Chapo, Felipe , Jaime, Àlex, Uri, Paba, Ignasi, Santi  e Miguel. Remplaçants: Salva, Richard, Pipe

Trainer: Adrian.

Tarjetes auriòles: Abraham (71’), Salva (85’)

Tarjeta vermelha: Felipe (2’).

Isle en Dodon: Perez, Lozes, Cuvelier, Laveran, Furton, Saint-Blancat, Sabathie, Rodriguez, Delavergne, Bachet, Jouanny. Remplaçants : Villac, Lourde.

Tarjetes auriòles : Bachet (35’), Furton (70’), Cuvelier (79’).

Gols : 1-0 Miguel (40’), 1-1 Delavergne (55’), 1-2 Bachet (58’), 2-2 Uri (65’).

Arbitre: Castro Antoine.

Tampoc podem jogar contra eth Cazeres

Eth partit d'aguest dissabte en Bossòst contra eth Cazeres non auem pogut jogar degut a quera pluja a deishat eth camp damb fòrça aigua.