Non jogaram en Montastruc de Salies

Eth partit de deman dissabte que s'auie de jogar en Montastruc de Salies non jogaram ha estat suspenuda tota era jornada peth mau temps.

Non poguèrem jogar

Degut ara pluja deth dissabte en Bossòst eth partit contra eth Cazaril non se poguèc jogar.

Mereishíem un milhor resultat

Ent. Landorthe 3 -U.E. Bossòst 2 

Partit jogat aguest dimenge en Landorthe en que patírem era prumèra derròta der an. Siguec un partit en que mos penalizèc fòrça es petits errors defensius qu´eth Landorthe sabec profitar fòrça ben. Mos adelantàuem en mercador en ua fauta qu’ Àlex shutaue des de dehòra der àrea e era pilota entraue dempús de tocar eth garròt : ère eth 0-1. Non mos durèc guaire era alegria donques ua menuta dempús, en ua pilota que non acabèrem de tirar dehòra, Baseggio profitaue entà plantà-se dauant de Kike e mercar eth 1-1. Auérem bones ocasions en rematades de Miguel e Ignasi. Landorthe artenhie un aute gol en un lançament de fauta que Baseggio remataue tot solet ena porteria aranesa. Ère eth 2-1.

Richard auec era milhor ocasion dera prumèra mietat en quedà-se tot solet daunt deth portèr francés e shutar per dessús dera porteria. Damb eth 2-1 s’arribaue ath descans.

Ena dusaua mietat, domini aranès sense trapar eth premi deth gol enquiara menuta 70 ena que Pèir, en un gran lançament de fauta, plaçaue era pilota ena esquaira, ère eth 2-2 e quedaue fòrça temps entà intentar era remontada. A 10 menutes deth finau, en un mau shut dera defensa aranesa, eth balon quedaue as pès de Beyt que en posicion de dehòra de jòc mercaue eth 3-2. Auérem ua bona ocasion de Miguel que tot solet shutaue per dessús dera porteria. Ena dusaua mieta patírem es costants senhalizacions de dehòra de jòc per part deth linier deth Landorte que cada an mos hè çò de madeish.

Ath finau, derròta en un partit que mereshíem un milhor resultat donques er equip luitèc ath màxim.

Auem de díder qu’er arbitre que fiulaue eth partit ère deth Districte der Ariege e realizèc un molt bon arbitratge.

Eth pròplèu partit , jogam en Bossòst contra er equip deth Cazaril, dissabte 18 de gèr tàs 20:00 ores.

Ent. Landorthe : Lacaze, Villani, Bernadas, Louis, Nebra, Bosc, Gardien, Tombini, Perroud, Baseggio, Noel. Remplaçants : Beyt, Jibbou, Saux.

Trainer: Duchein Fabrice.

Tarjetes auriòles: Lacaze, Bosc.

U.E. Bossòst : Kike, Abraham, Chapo, Felipe , Marc, Àlex, Richard, Ignasi, Pèir  e Miguel. Remplaçants: Salva, Miquel.

Trainer: Adrian.

Tarjetes auriòles: Pèir, Chapo.

Gols : 0-1 Alex (25’), 1-1 Baseggio (26’), 2-1 Baseggio (35’), 2-2 Pèir (70’), 3-2 Beyt (85’).

Arbitre: Bouyelli Rourad.

¡¡¡ Començam er an damb ua remontada !!!

Encausse 3 -U.E. Bossòst 4

Partit intens eth d’aguest dissabte en Encausse en que mos portam ua victòria important. Cau díder que non començèrem bric ben : as 3 menutes, Lompech profitèc un grèu error dera defensa aranesa entà marcar eth 1-0. Era U.E. Bossòst auec ua bona ocasion en ua jogada de Paba. Jogàuem fòrça ben, mès mos fautaue eth gol qu’arribèc dempús d’ua jogada colectiva que finalizèc Miguel laguens der àrea damb un shut a tocar deth garròt, ère eth 1-1. Non mos durèc guaire era alegria pr’amor qu’ un aute error dera defensa, permetie a Paya mercar eth 2-1. Es causes se mos metien encara petjor quan Lompech shutèc des de dehòra der àrea, susprenie ath portèr aranés e mercaue eth 3-1. Auérem era sort de redusir distàncies en mercador abantes deth descans quan Àlex, en un lançament de fauta, taNben susprenie ath portèr francés: ère eth 3-2, resultat damb eth que s’arribaue ath descans.

Ena dusaua mietat : domini e  iniciatiua dera U.E. Bossòst e jòc de contraatac der Encausse. Se mos anulèc un polit gol de Pèir en ua bona rematada de cap. Artenhíem era igualada en un shut d’ Àlex des de dehòra der àrea qu’entraue rasa a tocar deth garròt. Encara mos quedaue temps entà acabar de remontar eth partit e artenhíem eth gol dera victòria en un lançament de cornèr per part d’ Àlex que Richard posaue entà laguens dera porteria ena madeisha linha. Ja quedaue pòc temps e eth resultat non se botjarie, 3-4 entara U.E. Bossòst.

Ath finau, hérem ua bona remontada dempús de pèrder 3-1 dauant un molt bon equip mès er equip aranés creiguec tostemp enes sues posibilitats. Ara, cau dar continuitat ad aguest resultat en un aute difícil desplaçament.

Eth pròplèu partit jogam en Landorthe contra er equip locau, dimenge 12 de gèr deth 2014 tàs 15:00 ores.

U.S. Encausse : Smara, Marcos, Lefrançois, Marigo, Loutfi, Brana, Duclos, Lompech, Levecher, Noilhan, Paya. Remplaçants: Vincent, Drissi, Labatut.

Trainer: Germain Thierry.

Tarjeta auriola: Marcos(70’).

Tarjeta vermelha: Marcos (93’).

U.E. Bossòst : Kike, Abraham, Chapo, Felipe , Jaime, Àlex, Uri,  Paba, Ignasi, Pèir  e Miguel. Remplaçants: Salva, Santi, Richard.

Trainer: Adrian.

Gols : 1-0 Lompech (3’), 1-1 Miguel (25’), 2-1 Paya (26’), 3-1 Lompech (33’),

3-2 Alex (40’) , 3-3 Alex (80’), 3-4 Richard (87’).

Arbitre: Duprat Philippe.