LOTERIA REIS U.E. BOSSÒST

 ¡¡¡ NON TE QUEDES SENSE !!!

Bon Nadau e Eròs An Nau 2015 entà toti

¡¡¡ SUPERGOLEJADA DE LIDER !!!

U.E. Bossòst 10 – A.S. Villeneuve Lecussan 1 

Supergolejada de líder en darrèr partit d’ enguan. Molta superioridad aranesa des d´un començament : en ua des prumères accions, Luis damb un shut colocat mercaue eth 1-0. Eth 2-0 ac mercaue Paba damb un shut ras. Eth 3-0, mercaue Ivan damb un shut des der àrea petita. Eth 4-0, venguec per un clar penalty en ua dura entrada deth defensa Dupuy a Ignasi laguens der àrea que transformaue Felipe. Aguesta jogada suposèc era expulsion deth defensa francés e era herida d’Ignasi que non poguec tornar a jogar. En 5-0, Paba profitaue ua pilota que le daue eth portèr francés entà mercar a pòrta ueda. Eth 6-0 ère mercat per Àlex en un bon lançament de fauta que tocaue eth garròt e entraue laguens dera porteria francesa. Damb eth 6-0 s’arribaue ath descans.

Ena dusaua mietat, eth Villeneuve Lecussan anaue a mercar eth gol der aunor en un penalty fiulat per arbitre que transformaue Martinez: ère eth 6-1. En 7-1 Luis s’auançaue ath defensa francés e lheuaue era pilota ena gessuda deth portèr. Eth 8-1 ac marcaue Kike damb un shut laguens der àrea petita. Eth 9-1,  Santi damb un shut damb era sua cama quèrra laguens der àrea. Eth darrèr gol, eth 10-1 ac mercaue Javi dempús de transformar un penalty que le auien hèt ada eth madeish.

Aguesta victòria contundent mos plaçe en prumèr lòc dera classificacion.

Era classificacion ei: U.E. Bossòst 31, Ent. Bla.Ca.La 30, Cardeilhac 29, F.C. Mabroc 28, Labarthe de Rivière 21.

Eth plòplèu partit jogam en Peguilham dimenge 11 de gèr deth 2015 tàs 15 :00 contra er equip der Ent. BoulognePeguilhan 3.

U.E. Bossòst: Marcos, Abraham, Chapo, Àlex, Felipe, Iván, David, Soufi, Luis, Ruben e Ignasi. Remplaçants: Santi, Kike, Javi .

Tarjetes auriòles : Chapo, Marcos, David.

Trainer: Xavi.

A.S. Villeneuve Lecussan : Perez, Mallet, Chabassiere, Courtois, Dupuy, Verdier, Bize, Mandin, Martinez, Delhom, Lacroix. Remplaçants : Nogues, Desbrueres, Fontan.

Tarjetes auriòles : Desbrueres.

Tarjeta vermelha : Dupuy.

Trainer : Louge Alain.

Gols : 1-0 Luis (5’), 2-0 Paba (10’), 3-0 Ivan (20’), 4-0 Felipe (p.35’), 5-0 Paba (40’), 6-0 Àlex (45’), 6-1 Martinez (p. 70’), 7-1 Luis (75’), 8-1 Kike (80’), 9-1 Santi (85’), 10-1 Javi (p.90’).

Arbitre: Magne Bertrand.

Prumèra derròta en campionat

F.C. Mabroc 2 – U.E. Bossòst 1

Partit fòrça disputat eth que se joguèc aguest darrèr dissabte en Boussens contra er equip deth Mabroc. Enes dues parts çò de madeish damb ua gessuda en camp mès fòrta pera part deth Mabroc. Er equip francés auec dues ocasions  enes prumèrs dètz menutes mès es sòns shuts gesseren desviadi entà dehòra. Ena prumèra arribada en àrea francesa, Ivan auec ua molt bona ocasion mès eth sòn shut siguec desviat per portèr francés. Ara mieja ora de jòc en ua jogada individuau d’Ignasi, dempús de driblar ara defensa francesa, deishaue era pilota as pès de Kike que tot solet mercaue eth 0-1 a pòrta ueda. As 5 menutes igualaue eth mercador eth Mabroc dempús d’un clar penalty dera defensa aranesa que s’encargaue de shutar Pioka entà mercar eth 1-1, resultat damb eth que s’arribaue ath descans.

Ena dusaua mietat eth Mabroc anaue a mercar eth 2-1 enes prumèrs menutes quan Rives sense que le molestèsse arrès shutaue des de dehòra der àrea e mercaue un polit gol. Auérem ua molt bona ocasion quan Miguel tot solet dauant de Dos Santos non poguec superà-le e desviaue era pilota. Auérem ua fauta indirecta laguens der àrea que non saberem trèir profit dera ocasion. En darrèr quart d’ora deth partit patirem: prumèr, era herida de Felipe e dempús, era expulsion de Miguel. Açò hec qu’eth Mabroc auesse milhors ocasions entà sentenciar eth partit, mès uns viatges pera defensa e eth portèr aranés e uns autes viatges pera manca de punteria, eth resultat non se botjarie a despiet der esfòrç der equip aranés que forçèc fautes e cornèrs sense arténher era igualada.

Ath finau, derròta pera minima dauant er equip que milhor sensacions mos a deishat. Possiblement non portàuem eth milhor equip, mès cau díder que a despiet des circunstàncies er equip lutèc enquiara darrèra menuta.

Era classificacion ( mos faute un partit a nosati ) ei: Ent. Bla.Ca.La 30, Cardeilhac 29, F.C. Mabroc 28, U.E. Bossòst 27. Serà important era victòria en partit que mos manque entà recuperar eth liderat, causa que non serà bric fácil en tot veir coma eth nòste rivau a empatat damb eth Cardeihac, actuaments  dusau classificat.

Eth plòplèu partit jogam en Bossòst dissabte 20 de deseme tàs 19 :00 contra er equip deth Villeneuve Lecussan.

F.C. Mabroc : Dos Santos, Querre, Eychenne, Casimir, Coutanceau, Pioka, Duvivier, Bresteau, Soudais, Hritane, Dominguez. Remplaçants : Rives, Nadal, Angenard.

Tarjetes auriòles : Dos Santos, Casimir, Rives

Trainer : Tetard Guy.

U.E. Bossòst: Yago, Abraham, Chapo, Àlex, Felipe, Iván, David, Soufi, Kike, Ignasi  e Salva. Remplaçants: Marc, Miquel e Miguel .

Tarjetes auriòles : Chapo, Àlex, Kike, Salva.

Tarjeta vermelha : Miguel

Trainer: Xavi.

Gols : 0-1 Kike (30’), 1-1 Pioka (p. 35’), 2-1 Rives (50’).

Arbitre: Venant Maxime.

Partit suspenut

Er arbitre considerèc qu'eth terren de joc iauie massa aigua entà poder jogar eth partit.
Entrenaments aguesta semana: deluns e dijaus.
Eth plòplèu partit jogam en Martres Tolosane dissabte 13 de deseme tàs 20 :00 contra er equip deth Mabroc

Non podem guanhar tostemp

 U.S. Miramont 2 – U.E. Bossòst 2

Dempús de sies partits guanhats ara seguida en campionat, en partit deth passat dissabte en Miramont contra er equip locau, artenherem un empat. Eth partit començèc fòrça mau entà nosati pr’amor que as 2 menutes, en un cornèr directe, eth Miramont mercaue eth 1-0. Non sigueren bric fàcil aguesti prumères menutes entath equip aranés. Ena menuta 25 en ua jogada individuau Ignasi anaue a mercar eth 1-1. Dempús d’un lançament de corner Felipe remataue de cap e era pilota dempús de tocar un defensa s’anaue a calar laguens dera porteria francesa. Ère eth 1-2. En un shut de Moha eth portèr francés desviaue era pilota entath cornèr. Damb eth 1-2 s’arribaue ath descans.

Ena dusaua mietat concert de fiulèc der àrbitre que mos penalizèc damb fòrça fautes. Eth Miramont en cada cornèr e fauta, metie eth perilh laguens der àrea aranesa. Era jogada decisiua deth partit se produie a manca de 20 menutes quan Paba driblaue ath portèr (darrèr jogador) e siguec derribat per aguest a 30 mètres dera porteria quan marxaue entà mercar eth clar gol; er arbitre fiulèc era fauta mès sonque ensenhèc era tarjeta auriòla quan ère clarament ua vermelha. A manca de 8 menutes, eth Miramont anaue a arténher eth gol der empat en ua fauta ( coma non) ena qu´era pilota passaue peth miei dera barrèra aranesa e se calaue laguens dera porteria. Ère eth 2-2. Enes darrères menutes auérem un parelh d’ ocasions enes botes de Paba e Ignasi mès non podérem arténher cap gol.

Ath finau, empat a 2 e repartirment de punts. Açò mos a de servir entà veir que tot non va a èster planèr; ath delà, enes partits de dehòra de casa es equips luten ath màxim. Cau díder qu’er arbitratge siguec fòrça dolent entà nosati.

Auérem sort e eth nòste perseguidor, eth Cardeilhac, tanben empataue eth sòn partit. Es beneficiaris dera jornada sigueren Ent.Bla.Ca.La. e Mabroc.

Era classificacion ei: U.E. Bossòst 26, Cardeilhac 23, Ent. Bla.Ca.La. e Mabroc 22,  Labarthe de Riviere 18, Villeneuve Lecussan 17.

Eth plòplèu partit jogam en Bossòst dissabte 6 de deseme tàs 20 :00 contra er equip deth Villeneuve Lecussan.

U.S. Miramont : Vit, Essaoui, Senges, Bonora, Campo, Jimenez, Martinez, Fethi, Monserie, Ribeiro, Gomez. Remplaçants : Navas, Daffos.

Tarjetes auriòles : Vit

Trainer : Monserie Jeremy.

U.E. Bossòst: Yago, Miquel, Chapo, Àlex, Felipe, Ignasi, Santi, Kike, Paba,  Moha  e Soufi. Remplaçants: David, Salva e Abraham.

Tarjetes auriòles : Paba.

Trainer: Xavi.

Gols : 1-0 Fethi (2’), 1-1 Ignasi (25’), 1-2 Felipe (35’), 2-2 Campo (82’).

Arbitre: Martres Ludovic.

Loteria Nadau U.E. Bossòst

Poker de gols en ua victòria cuerta

U.E. Bossòst 4 – Encausse II 0

Victòria clara e contundent era d’aguest dissabte en Bossòst. Sonque i auec un equip enes 90 menutes e se non ei pes garrots auéssem artenhut ua gran golejada. Ena prumèra mietat, a despiet de non mercar cap gol auérem fòrça bones oportunitats. Soufi per dus viatges en dues jogades calcades non acabèc de finalizar era sua jogada individuau damb un bon shut. Felipe podie auer mercat, mès ena gessuda deth portèr eth sòn shut anaue a tocar eth garròt dera porteria francesa. En un gran shut des de dehòra der àrea de Paba tanben tocaue eth garròt dera porteria e eth portèr agarraue era pilota ena madeisha linha de gol. Damb eth resultat de 0-0 s’arribaue ath descans.

Ena dusaua mietat continuèc eth domini persistent der equip aranés. En un cornèr Felipe tot solet de cap remataue e mercaue eth 1-0. S’ auie hèt lo mès difícil, ara sonque calie continuar damb eth nòste bon jòc. Luis en un gran shut ras des de dehòra der àrea a tocar deth garròt mercaue eth 2-0. Eth 3-0 serie dempús d’ua bona jogada entre Ivan e Luis qu’acabaue centrant e Miguel tot solet mercaue eth gol. Eth 4-0 siguec en un clar penalty a Javi qu’eth madeish s’encarguèc de shutar e mercar. Soufi estec a punt de mercar eth cinquau gol, mès quan auie driblat ath portèr, un defensa desviaue eth sòn shut entath cornèr.

Pendent era dusaua mietat auérem es rematades as garròts de: Javi en un bon cop de cap, Ivan en un shut des de dehòra der àrea e Miguel en dues ocasions damb un shut damb cada cama des de laguens der àrea. En totau, seis pilotes anèren a tocar enes garrots pendent eth partit.

Ath finau, victòria damb golejada que mos mantie ena prumèra posicion clarament. Era classificacion ei: U.E. Bossòst 24, Cardeilhac 21, Ent. Bla.Ca.La. e Mabroc 18, Ent. Trois Vallees e Labarthe de Riviere 14, Miramont 13.

Eth plòplèu partit jogam en Miramont dissabte 29 de noveme tàs 20 :00 contra er equip locau.

U.E. Bossòst: Yago, Abraham, Chapo, Àlex, Ignasi,  Iván, Luis, Paba,  Moha, Felipe e Soufi. Remplaçants: David, Miguel e Javi.

Trainer: Xavi.

Encausse : Lartigue, Valossaint, Boixaderas, Salvaing, Serie, Bissieres, Drissi, Tissinie, Labat, Nolart, Laghrissi. Remplaçant : Gil

Trainer : Issalis Eric.

Gols: 1-0 Felipe (55’), 2-0 Luis (60’), 3-0 Miguel (70’), 4-0 Javi (p.80’).

Arbitre: Darnaud Claude.

video dera UE Bossòst en eth programa era goleada de 13 tv a compda deth minut 17

https://www.youtube.com/watch?v=BBt3DzshQhI&list=PLp-qmsnKfxknWmuUXarqwPyQtHAYq0n8k&index=3

Un gol de Miguel ena darrèra menuta mos da era victòria

Ent. des Trois Vallées 2 - U.E. Bossòst 3

Partit vibrant e emocionant e damb alternatiues en mercador eth que se joguèc aguest passat dissabte en Cierp. Eth partit començèc damb un bon ritme e damb arribades enes dues àrees. Era U.E. Bossòst artenhie auançà-se en mercador dempús d’un penalty per mans d’ un defensor francés ; Ivan shutaue entà mercar eth 0-1. Er equip francés sajèc d’empatar eth partit e se beneficièc d’ua fauta dehòra der àrea que Fort shutaue e mercaue un gran gol en entrar era pilota pera esquaira dera porteria de Yago. Damb eth 1-1 s’arribaue ath descans.

Ena dusaua mietat sonque començar er equip des Trois Vallées anaue a mercar un gol damb un sinhau de sort, quan Boutra centraue e era pilota s’anaue a introduir ena porteria aranesa entà suspresa de toti es jogadors. Ère eth 2-1. Era U.E. Bossòst auec dues bones ocasions entà mercar enes botes de Paba, mès en ua ocasion era pilota toquèc eth garròt e en ua auta, era pilota anec entà dehòra. Er equip francés podec sentenciar en un contraatac mès eth shut deth delantèr siguec molt ben arturat per Yago. En ua fauta shutada per Miguel, Ignasi remataue entà que Juste desvièsse era pilota entath cornèr.

En ua passada d’Ignasi, Miguel realitzaue un control orientat entà shutar damb era sua cama esquerra e plaçar era pilota a ras de terra luenh deth portèr francés. Ère eth 2-2. Ena menuta finau deth partit, Moha panaue era pilota ath darrèr defensa francés e la passaue a Miguel que tot solet tornaue a plaçar era pilota luenh deth portèr francés e mos daue era victòria per 2-3.

Ath finau, victòria important dauant un rivau difícil que mos metec es causes complicades pendent es 90 menutes.

Er equip estèc acompanhat pes periodistes de 13tv desde Bossòst enquià acabar eth partit, entà realizar un reportatge sus er equip aranés e era sua participacion en campionat deth districte de Comminges.

Volem arregraïr eth suport dera aficion pendent tot eth partit que mos dèc es fòrçes entà remontar en mercador.

Era dimenjada que ven non auram partit ; non jogaram enquiath dissabte 22 de noveme tàs 20 :00 en Bossòst contra er equip der Encausse 2.

Ent. des Trois Vallées : Juste, Duffo, Gris, Biencinto, Huguet, Fort, Boutra, Daugresis, Lorme, Cassan, Santalo. Remplaçants : Picot, Derain.

Tarjetes auriòles : Huguet, Picot.

Trainer : Garcia Andre.

U.E. Bossòst: Yago, Abraham, Chapo, Antonio, Ignasi,  Iván, Santi, David, Paba,  Moha e Soufi. Remplaçants: Kike, Miguel, Miquel.

Tarjetes auriòles: Miguel.

Trainer: Xavi.

Gols: 0-1 Ivan (p.25’), 1-1 Fort (35’), 2-1 Boutra (50’), 2-2 Miguel (83’), 2-3 Miguel (90’).

Arbitre: Venant Maxime.

Eliminacion dolorosa dera Copa de Comminges

Ent. Landorthe 2 - U.E. Bossòst 1 

Coma ja suposàuem, partit complicat eth d’aguest dissabte en Landorthe. Arbitre e linier francés dolent-dolent e nosati non saberem suportar es moments difícils deth partit.

Començèc ben eth partit entara U.E. Bossòst donques ath quart d’ora s’auançaue en mercador quan Soufi de cap mercaue dempús d’un lançament de cornèr en ua mala gessuda deth portèr francés. A compdar d’alavetz, eth Landorthe mos dominèc e auec ua bona ocasion en ua rematada de Perroud en garròt dera porteria aranesa. En un auta bona ocasion, Yago arturaue un shut de Lacaze. Damb eth resultat de 0-1 arribàuem ath descans.

Ena dusaua mietat er arbitratge anaue a virar era balança deth costat francés. Eth domini deth Landorthe non ère tant coma era prumèra mietat. Era jogada clau dera eliminatòria s’anaue a produir en minut 70´ quan en un shut des de dehòra der àrea era pilota l’ ac escapaue a Yago, mès la tornaue a agarrar darrèr sòn. Er arbitre a 30 m dera porteria fiulèc inmediatament un gol que non podie veir e que dempús eth portèr aranés diguec qu’era pilota non auie entrat. Es protestes der equip aranés sigueren fortes mès eth gol poguec ath mercador. Entà acabar d’arredonir era sua actuacion, er arbitre non fiulèc ua clara fauta a Luis que propicièc eth contraatac der equip francés entà que Bertoletti d’un gran shut merquèsse eth 2-1. Er equip aranés desbordat pes circunstàncies adverses, intentèc igualar eth partit. Atau Luis en un gran shut que passèc a tocar deth garrot estèc molt apròp. Era jogada mès clara obliguèc a un jogador francés a trèir era pilota dera linha de gol.

Ath finau, eliminacion dolorosa en un partit difícil de jogar sustout entàs nosti joeni jogadors e ath delà, acabèrem eth partit damb fòrça jogadors lesionadi.

Encara non sabem se jogam aguesta dimenjada. Pendent era setmana i a eth sorteig deth cadratge dera Copa dera Amitiè.

Ent. Landorthe : Armengaud, Rodriguez, Maurel, Beauzes, Bosc, Ferreira, Perroud, Aouam, Noel, Mirales, Lacaze. Remplaçants : Bertoletti, Nebra, Sanmartino

Tarjetes auriòles : Beauzes.

Trainer : Gouaze Herve.

U.E. Bossòst: Yago, Abraham, Chapo, Felipe, Álex, Luis, Iván, Pipe, Kike,  Héctor e Soufi. Remplaçants: David, Ignasi e Paba.

Tarjetes auriòles: Soufi, Luis.

Trainer: Xavi.

Gols: 0-1 Soufi (20’), 1-1 Mirales (70’), 2-1 Bertoletti (75’).

Arbitre: Duplan David.

Victòria e líders en solitari

U.E. Bossòst 3 – Pyrénées Sud C.F. 0

Victòria trebalhada era d’aguest dissabte que mos da eth liderat en solitari. Er equip det Pyrénées Sud mos metec es causes dificils. Ena prumèra mietat, eth nòste domini siguec mès gran sense auer guaire ocasions de gol. Soufi auec ua bona ocasion, mès eth sòn shut anec entà dehòra. Profitèrem ua badada defensiua der equip francés entà que Soufi merquèsse a pòrta ueda eth 1-0. Aguest gol hec a jogar milhor ar equip aranés qu’anaue a ampliar era avantatge en mercador damb un gran gol d’Ignasi d’un shut des de dehòra der àrea qu’ entraue ena esquaira dera porteria francesa. Damb eth 2-0 s’arribaue ath descans sense qu’er equip francés caushiguèsse er àrea aranesa.

Ena dusaua mietat er equip francés anaue a intentar reduir distàncies en mercador e eth portèr aranés Yago auec de desviar un lançament de fauta entà cornèr. En un aute shut des de dehòra der àrea ,Yago auec d’estirà-se entà desviar era pilota entà dehòra. Quan semblaue qu’ èrem mès apròp deth gol francés, en ua fauta shutada per Miguel, eth portèr Contreral non podie acabar de blocar era pilota e Kike profitaue entà mercar eth 3-0. Damb aguest resultat s’arribaue ath finau deth partit.

Ath finau victòria e líders en solitari degut ara derròta que patic eth Mabroc en camp deth Cardeilhac. Era classifacion ei: U.E. Bossòst 16, Cardeilhac 13, Mabroc 13, Ent.Bla.Ca.La. 13, Ville. Lecussan 11, Ent. Trois Vallees 9. Non auram partit de campionat enquiara dimenjada deth 8-9 de noveme.

Eth pròplèu partit jogam es 1/16 de finau dera copa de Comminges eth dissabte 25 d’octobre tàs 20 :00 ores en Landorthe contra er equip locau.

U.E. Bossòst: Yago, Salva, Abraham, Felipe, Álex, Ignasi, Iván, David, Moha,  Héctor e Soufi. Remplaçants: Miquel, Kike, Miguel.

Tarjetes auriòles: Ignasi, Héctor.

Trainer: Xavi.

Pyrénées Sud C.F : Contreral, Bellour II, Chaussepied, Cambours, Bellour I, Fourment, Foureau, Zaoui, Garcia, Via, Doz. Remplaçants : Reulet, Fissourou, Lun.

Tarjetes auriòles: Zaoui, Doz.

Trainer : Gez Fabien.

Gols: 1-0 Soufi (25’), 2-0 Ignasi (35’), 3-0 Kike (70’).

Arbitre: Duprat Philippe.

Prumèr desplaçament e prumera victòria

Labarthe de Riviere F.C. 1 – U.E. Bossòst 3 

Continuam damb es victòries en aguest campionat de 1ª division. Non coneishem guaire as equips més de moment es nosti partits les acabam guanhan.

Eth partit començèc damb ua bona ocasion as 5 menutes per part deth Labarthe de Riviere que Marcos auèc de despejar era pilota. Aguesta siguèc era milhor ocasion der equip francés. Er equip aranés s’auançaue en marcador en un bon shut desde dehora der area de Luis qu’anaue a entrar pera esquaira dera porteria francesa. Ara mieja ora de joc tornau a marcar en ua fauta laterau molt ben shutada per Àlex que Hector desviaue en prumèr garròt entà marcar eth 0-2. Damb aguest resultat s’arribaue ath descans.

Ena dusaua mietat ath quart d’ora quedaue sentenciat eth partit damb eth gol de Javi Castet en jogada individuau que finaliçaue damb un bon shut qu’eth portèr Duret non podie arturar. Ere eth 0-3.

A 10 menutes deth finau er arbitre mos fiulaue en contra un riguros penalty que Dupla C. anaue a shutar e marcar, deishan eth resultat finau en 1-3 a favor dera U.E. Bossòst.

Victòria que mos mantier juntament damb eth F.C. Mabroc ena prumèra posición deth campionat. Aguesta dimenjada non jogam, se jogue partits dera 3ª ronda dera Copa de Midi e partits dera Copa de Comminges que nosati la jogaram en Landorthe contra er equip locau eth dissabte 25 d’octubre tàs 20:00.

Eth pròplèu partit non serà enquia d’açi 15 dies jogaram eth dissabte 18 d’octobre en Bossòst tàs 20 :00 ores contra er equip deth Pyrenées Sud.

Labarthe de Riviere F.C. : Duret, Ruf, Araud, Dupla S., Pulong. Combe, Blanchet, Silvert, Bruel, Garnier, Lahor. Remplaçants : Crouzery, Dupla C.

Tarjetes auriòles : Ruf, Silvert.

Trainer : Cadilhon Benoit.

U.E. Bossòst: Marcos, Salva, Abraham, Felipe, Álex, Luis, Ignasi, Ivan, Paba, Kike e Héctor. Remplaçants: Miquel, Soufi e Castet, .

Tarjetes auriòles: Héctor e Kike.

Trainer: Xavi.

Gols: 0-1 Luis (15’), 0-2 Hector (30’), 0-3 Castet (60’), 1-3 Dupla C. (p 80’).

Arbitre: Darnaud Claude.

Sorteig 1/16 de finau dera Copa de Comminges

En sorteig de 1/16 de finau Copa de Comminges mos a tocat jogar dehòra de casa contra er Ent. Landorthe equip dera categoria d'Excellence. Eth partit se jogarà en Landorthe eth dissabte 25 d'octubre tàs 20:00

Derròta pera minima que mos elimine dera Copa de Midi

U.E. Bossòst 0 – B. Luchon 1

Partit igualat eth d’aguest dissabte en Bossòst en derby deth Portilhon que se decidic en ua accion de pilota arturada. Ena prumèra mietat pòques ocasions entàs dus equips, es defenses s’imposèren as atacants e es dus portèrs non aueren d’arturar cap de pilota. Damb eth 0-0 s’arribaue ath descans.

Ena dusaua mietat auérem era ocasion mès clara ena que Javi tot solet dauant deth portèr shutaue era pilota dehòra dera porteria. Eth Luchon anaue a respóner damb accions a pilota arturada: Yago auie de desviar a cornèr ua rematada deth delantèr francés en ua fauta laterau; en ua auta fauta, era pilota gesquec apròp dera porteria aranesa e ena tercera fauta, eth Luchon artenhie eth 0-1 dempús de qu’ eth sòn delanter shutèsse tot solet des de laguens der àrea un shut ras que Yago non podec arturar. Encara quedauen 10 menutes e era U.E. Bossòst sajè d’empatar eth partit e auec dues bones ocasions en rematades de Miguel e Kike que gesseren entà dehòra dera porteria.

Ath finau, prumèra derròta dera sason e eliminadi dera Copa de Midi que non ère un des objectius dera sason. Er equip joguèc contra un equip de categoria superior e estèc en tot moment damb possibilitats de classificacion. Ara mos toque eth prumèr desplaçament deth campionat de liga e serie molt bon continuar damb es victòries des dus prumèrs partits.

Eth pròplèu partit deth campionat de liga dissabte 4 d’octobre tàs 20 :00 ores en Labarthe de Rivière contra er equip locau.

U.E. Bossòst: Yago, Salva, Chapo, Miquel, Álex, Luis, Abraham, Miguel, Pipe, Kike e Héctor. Remplaçants: Castet, Felipe, Marcos.

Tarjetes auriòles: Àlex, Luis, Héctor.

Trainer: Xavi.

B. Luchon: Cazes, Van Mo, Cavallero, Coutinho, Da Costa, El Mahraoui I, El Mahraoui II, Boy, Berges, Laporte, Couillard. Remplaçants: De Abreu, Sales.

Tarjetes auriòles: El Mahraoui I, Boy, Berges.

Trainer : Revertegat Philippe.

Gols: 0-1 De Abreu (80’).

Arbitre: Venant Maxime.

Ua golejada entà èster co-líders

U.E. Bossòst 4 – Ent. Bla.Ca.La. 1

 Continuam damb eth bon jòc e es boni resultats. Des d’ un començament, era U.E. Bossòst dominèc eth partit e as 10 menutes, Moha en profitar ua pilota en àrea dempús d’ un cornèr, mercaue eth 1-0. En ua bona jogada damb un passe de tacon de Puente, Paba anaue profitar entà mercar eth 2-0. Eth 3-0 tornauen a èster protagonistes es madeishi jogadors : Paba mercaue de shut des deth bord der àrea ara esquerra deth portèr en tot arténher eth 3-0. En dues ocasions, Pipe se plantèc dauant deth portèr, mès non arribèc a poder mercar.

Damb eth resultat de 3-0 s’arribaue ath descans.

Ena dusaua mietat er equip francés sajèc de reduir distàncies en mercador. Artenhie eth gol as 10 menutes dera represa dempús d’un lançament de cornèr.

Eth gol mos descoloquèc pendent ues menutes que siguec quan eth Ent. Bla.Ca.La. sajaue de mercar un dusau gol. Dempús d’açò tornaue eth domini aranés e es ocasions. Dempús d’ua bona rematada de cap de cornèr Paba artenhie eth gol (hath-trick) entà mercar eth 4-1. En ua auta bona jogada Puente podie auer mercat, mès se recreèc fòrça ena jogada e un defensa treiguec era pilota quan anaue a entrar.

Ath finau, victòria contundente dauant un equip que er an passat jogaue damb nosati en Excellence. Açò mos plaçe juntament damb eth F.C. Mabroc en prumèr lòc dera classificacion. Ara, er equip aurà de continuar damb es madeishi resultats enes sòns desplaçaments entà seguir enes prumères posicions.

Eth pròplèu partit ei de Copa de Midi 2ª ronda derby deth Portilhon, dissabte 27 de seteme tàs 20 :00 en Bossòst contra er equip deth B. Luchon

U.E. Bossòst: Yago, Abraham, Chapo, Felipe, Álex, Ivan, Ignasi, Paba, Pipe, Moha e Héctor. Remplaçants: Salva, Kike, Puente.

Trainer: Xavi.

Gols: 1-0 Moha (10’), 2-0 Paba (20’), 3-0 Paba (30’), 3-1 F. (55’), 4-1 Paba (70’).

Arbitre: Boitel Eric.

Aguest an tamben auram derby deth Portilhon

En sorteig deth 2º tour dera Copa de Midi realitzat agèr en St.Gaudens mos a tocat jogar eth dissabte 27 de seteme tas 20:00 en Bossòst contra eth B. Luchon.
Eth guanyador d'aguesta eliminatòria jogarà dehòra de casa contra eth guanyador dera eliminatòria Etoile de Cagire - F.C. Mabroc

Passam ronda ena Copa de Midi damb ua golejada dehòra de casa

St. Marcet 1 – U.E. Bossòst 6

Partit e classificacion facil entara següenta ronda dera Copa de Midi en partit jogat aguest dissabte en St. Marcet contra er equip locau. Sonque començar, se vedec era  gran diferéncia entre es dus equips. Era U.E. Bossòst mercaue dus gols ena prumèra mietat, Miguel mercaue as 10 menutes e Héctor, as 20 menutes. Eth St. Marcet s’apropèc fòrça pòc en àrea aranesa. Auérem mès oportunitats, mès s’arribaue ath descans damb eth resultat de 0-2.

Ena dusaua mietat encara s’anaue a notar mès en mercador era superioritat aranesa: atau, Moha mercaue dus gols en pumèr quart d’ora. Eth St. Marcet mercaue eth 1-4 en un bon còp de cap de Marco. Era U.E. Bossòst mercaue eth 1-5 de penalty transformat per Moha e Kike, eth 1-6.  Aguest resultat  serie eth deth finau deth partit. En aguesta dusaua mietat desaprofitèrem fòrça ocasions de gol.

Ath finau, objectiu artenhut. Passam ronda sense cap de tarjeta e cap jogador lesionat. Se respetèc ath contrari e se joguèc ben.

Eth pròplèu partit ei de Liga contra un des equips forti dera categoria, dissabte 20 de seteme tàs 20 :00 en Bossòst contra er equip deth Ent. Bla.Ca.La.

St. Marcet : Combes, Combes II, Aunos II, Laporte, Kebdani, Decap, Wastiano, Guezenec, Marco, Lafforeue, Montau. Remplaçants : Fabien, Grenier, Aunos I.

Trainer : Aunos B.

Tarjetes auriòles : Aunos II.

U.E. Bossòst: Yago, Abraham, Chapo, Jorge, Álex, Ivan, Santi, Paba, Miguel, Moha e Héctor. Remplaçants: Pipe, Kike, Javi.

Trainer: Xavi.

Arbitre: Migotto Michel.

Remontam ath finau deth partit

U.E. Bossòst 4 - Cardeilhac 2

Prumèr partit deth campionat eth jogat aguest dissabte en Bossòst e trebalhada victòria der equip aranés. Se ven siguèrem superiors pendents es 90 menutes non siguèc enquiath finau a un s'artenhie es 4 punts. As 10 menutes Moha marcaue eth 1-0 dempús d'un cornèr en aprofitar ua pilota laguens der àrea petita. Continuerem dominant eth partit e Miguel auè uaèc ua bona ocasion qu'eth portèr Smara desvièc era pilota. Eth Cardeilhac mos empataue en ua pilota perduda pera nòsta defensa dempús de trèir de porteria N'Diaye driblaue a Yago e marcaue eth 1-1. D'aquieu ath descans domini dera U.E. Bossòst damb vera ocasion que non arribauem a concretar. Ath descans resultat igualta 1-1.

Ena dusaua mieta se mos anauem a complicar es causes quan Duplan ena prumèra jogada d'atac per part deth Cardeihac l'arribaue era pilota e solet dauant de Yago marcaue d'un shut ras eth 1-2. Era U.E. Bossòst responèc damb eth gol de Miguel en aprofitar ua pilota laguens der àrea igualaue eth resultat 2-2. Continuèc eth nòste domini e auèrem diuerses ocasion qu'eth portèr francés Smara conseguie a desvia o parar estan eth milhor jogador deth sòn equip. A 10 menutes deth finau Diego artenhie d'un bon shut ras creuat marcar eth 3-2. Ena darrèra menuta dempús de presionar era nòsta delantera era pilota Moha marcaue a porta bueda eth definitiu 4-2.

Ath finau victòria damb remontada ena aguesta naua categoria, siguèrem superiors e poguèrem marcar mes gols més auem de milhorar ena part defensiua en no encajar tanti gols.

Eth pròplèu partit ei Copa de Midi, dissabte 13 de seteme tàs 20:00 en St. Marcet contra er equip locau.

U.E. Bossòst: Yago, Pipe, Abraham, Alex, Felipe, Ignasi, Diego, Miguel, Moha, Santi, Ivan. Remplaçants: Miquel, Marcos, Marc.

Trainer: Jordi.

Tarjetes auriòles: Miguel.

Cardeilhac: Smara, Luna, Maraeil, Dalleau, Sansonetto, Devaud, Pellegrino, Canevese, N'Diaye, Vayeux, Jimenez. Remplaçants: Mohamed, Ferrere, Duplan.

Trainer: Joubert J.C.

Tarjetes auriòles: Pellegrino, Vayeux, Jimenez.

Tarjeta vermelha: Vayeux.

Gols: 1-0 Moha (10'), 1-1 N'Diaye (25'), 1-2 Duplan (55'), 2-2 Miguel (60'), 3-2 Diego (80'), 4-2 Moha (90').

Arbitre: Hubert Marc.

Començam eth campionat

Aué dissabte 6 de seteme tas 20:00 en Bossòst començam eth campionat de liga de 1ª division jogam contra er equip deth Cardeilhac

XXV Trofeig Memoriau Manuel Huguet

Diuendres 15 d'agost tas 19:30 se jogue eth partit de fotbòl deth XXV Trofeig Memoriau Manuel Huguet entre es equips dera U.E. Bossòst e U.S. SaliesMane.
Eth dissabte 16 d'agost tas 19:00 se jogarà un partit de veterans.

Victòria en prumèr partit

Guanhèrem per 5 a 3 ath Larboust-OÔ en un partit damb fòrça pluja que compliquèc bastant eth joc des dus equips. Es golejadors dera U.E. Bossòst: Ignasi (2), Pipe, Diego e Luis. 
Auem de milhorar enes gols rebuts, pr'amor que 3 gols son massa, ath contrari, fòrça ben es gols marcadi e es ocasions que siguèc lo positiu d'aguest partit d'entrenament.
Alineacion: Yago (Kike), Abraham, Moha (Pipe), Miquel, Alex, Luis, Ivan, Diego, Ignasi, Hector e Paba.
Trainer: Xavi.
Entrenaments d'aguesta setmana: dimars.

Prumèr partit dera pretemporada

Eth diuendres 8 d'agost tàs 21:00 en Bossòst:
U.E. Bossòst - F.C. Larboust-OÔ

Començam es entrenaments

Eth deluns 4 d'agost tas 20:30 començam es entrenaments en Bossòst.
Xavi Mena sera eth nau entrenador entara naua sason 2014-2015.

Aué eth Tour de França passe per Bossòst

Era 17ª Etapa deth Tour de França començe tas 13:30 en St.Gaudens e passe per Bossòst entas 15:00 e dempús de pujar eth Portilhon, Peyrasourde e Val Louron arribe ath Pla d'Adet.
Era caravana publicitaria passe tas 13:00.

¡¡¡ Adrian Hernández fòrça gràcies per tot !!!

Adrian Hernández a deishat aguesta darrèra semana era Val d’Aran e se’n va a trebalhar apròp dera sua terra.

An estat 6 ans ena U.E. Bossòst, des dera sason 2008-2009 ena que començèc de jogador e que dempús de patir era greu lesion passèc a èster er entrenador der equip enquia aguesta darrèra sason 2013-2014.

Auem aprenut damb TU, fòrça causes: eth tòn esforç e trebalh diari entà premanir es xarrades, entrenaments e partits, er ester competitiu ath màxim e sustot: estimar ara U.E. Bossòst coma se siguesses un andito més.

Te desiram çò de milhor ena naua etapa que començes ena tua vida.

Eth R.C.D. Espanyol en Aran

Per dusau an consecutiu er equip deth R.C.D. Espanyol arribèc agèr ena Val d'Aran entà realitzar eth sòn stage de pretemporada. Eth dimenge dia 20 de junhsega tàs 19:00 jogarà eth son prumèr partit de pretemporada en Garos contra ua seleccion de jogadors dera Val d'Aran.

Notícies brèus

Eth Luchon non a pujat entara categoria de Promocion Liga per incomplir eth reglament des equips de joeni. Eth Cazères 2 ei er equip qu’ era sason 2014-2015 jogarà en aguesta categoria.

A finaus deth mes de junh i auec era dolorosa notícia dera mòrt deth president der Isle en Dodon, Philippe Barutaut de 39 ans qu’ auie jogat aguesta sason contra er equip aranés eth partit que se joguèc en França (D.E.P.).

Es equips dera categoria de 1ª Division a on jogaram era sason 2014-2015 son : Mabroc, Encausse 2, Ent. 3 Vallees, Cardeilhac, Ent. Blajan-Cazaril, P.S.C.F. 2, Miramont, Labarthe de Riviere, Boulogne 3, Pointis Inard, Villeneuve-Lecussan e U.E. Bossòst.

Victòria amargosa en derby deth Portilhon

 U.E. Bossòst 1 – B. Luchon 0

Gol : Antonio (70’).

Ath finau non a pogut èster a pesar dera nòsta trebalhada victòria dauant eth B. Luchon pes resultats artenhudi pes nòsti rivaus (eth SaliesMane guanhaue 2 a 4 en camp deth Cazaril e eth Montastruc guanhaue 1-3 en camp der Encausse) Tot açò, mos deishe ena auantdarrèra posicion, çò que mos hè baishar de categoria. Ei domatge, èm er equip qu’auem guanhat ath campeon enes dus partits, mès era nòsta irregularitat ath long de tota era sason mos a portat ad aguesta situacion finau. Auem estat pendent 15 sasons en aguesta categoria d’Excellence, màxima categoria deth Districte de Comminges e ara, era sason que ven jogaram ena prumera division e calerà adaptà-se ara naua categoria. Ara mos toque descansar pendent dus mesi e a finaus de junhsèga tornaram a premanir era naua sason damb eth gran objectiu de recuperar era categoria perduda. Non va èster bric fàcil, vedem que pòqui equips arténhen era recuperacion dera categoria eth prumèr an, serà un gran repte.

Era categoria d’Excellence non va èstèr çò de madeish sense eth B. Luchon e era U.E. Bossòst.

Volem arregraïr eth suport des nosti aficionadi pendent tota era sason e sustout en aguesti darrèrs partits a on er equip s’estaue jogant era permanéncia.

U.E. Bossòst : Pol, Abraham, Chapo, Héctor, Antonio, Álex, Felipe, Ignasi, Salva, Puente e Miguel. Remplaçants: Javi Llonch, Javi Castet, Soufi.

Tarjetes auriòles: Chapo.

Trainer : Adrian.

B. Luchon : Boutra-Manseur, Cavallero, Van Mo, Coutinho, De Abreu, Barta, Latour, Boy, Laporte, Cazes, Lansalot. Remplaçants: Sales, Giron.

Tarjetes auriòles: Lansalot.

Trainer: Revertegat Philippe.

Arbitre: Castro Antoine.

Empat insuficient que mos plaçe ena zòna de descens

F.C. Cazaril 0 – U.E. Bossòst 0

Empat sense gols en un partit en que mos hège fauta era victòria entà continuar soniant ena permanéncia. Sonque ua setmana dempús mos tornàuem a enfrentar ath madeish equip. En aguest partit, eth Cazaril sajèc d’apropà-se damb mès perilh en àrea deth Bossòst. En un lançament de fauta de Souberbielle era pilota, dempús d’ èster tocada pera defensa aranesa, anaue a tocar en garròt dera porteria. Ara seguida, Iñaki auec de desviar un shut dera delantera der equip francés. Era U.E. Bossòst desaprofitèc era milhor ocasion deth partit quan Miguel se plantaue dauant deth portèr francés e passaue era pilota a Pèir que remataue en garròt dera porteria francesa, jogada que siguec anulada per arbitre per dehòra de jòc. Damb eth 0-0 s’arribaue ath descans.

Eth començament dera dusaua mietat siguec dominat pera U.E. Bossòst. Àlex en un lançament de fauta tocaue eth garròt dera porteria francesa. A manca d’un quart d’ora se lesionèc eth portè Iñaki qu’ auec de deishar eth sòn loc a Miguel. Eth Cazaril sajèc de profitar açò entà sajar d`arribar en àrea aranesa. Ath finau 0-0 que non deishèc bric content a cap des dus equips. Ara tot se decidirà ena darrera jornada damb aguesti enfrentaments : Encausse- Montastruc, Cazaril- SaliesMane e U.E. Bossòst- B.Luchon.

Aguesta ei era classificacion deth campionat pera part de baish: compdant que Cazaril ja baishe, er aute equip se decidirà entre aguesti equips:  Montastruc e SaliesMane 43 punts, U.E. Bossòst 42, Cazaril 37.

Eth pròplèu partit jogam en Bossòst contra er equip deth Luchon flamant campeon dera categoria d’excellence eth dissabte 24 de mai tàs 20:00 ores.

F.C. Cazaril: Plana, Lima, Duran, Souberbielle, Angla, Moniz, Dupleich, Perisse, Saint Raymond, Devaud, Angla. Remplaçants :Fraize, Quantin, Perisse.

Trainer : Andrieu Francis.

Tarjetes auriòles : Duran, Souberbielle.

U.E. Bossòst : Iñaki, Salva, Abraham, Felipe, Antonio, Álex, Ignasi, Soufi, Chapo, Miguel e Pèir. Remplaçants: Cabezas, Adrian, Miquel.

Tarjetes auriòles: Alex, Pèir.

Arbitre: Lozes Henri.

¡¡¡ Victòria agonica !!!

U.E. Bossòst 1 – F.C. Cazaril 0

Gol: Felipe (89 p.)

Victòria agonica e important era artenhuda aguest dissabte en Bossòst contra er equip deth Cazaril. Estèrem tot eth partit portant eth domini e iniciatiua deth jòc dauant un equip que sonque pensaue en defensà-se. Ena prumèra mietat, en ua bona jogada aranesa, Adri entraue laguens der àrea e ère derribat peth defensa francés sense qu’er arbitre fiulèsse eth clar penalty. Luis auec ua bona ocasion en ua rematada de cap. Eth Cazaril non s’apropèc bric en àrea aranesa ena prumèra mietat. Damb eth 0-0 s’arribaue ath descans.

Ena dusaua mietat, mès de lo madeish, continuant picant pèira coma se ditz vulgarment sense trèir cap de profit deth nòste domini. Auérem diuerses fautes e lançaments de cornèrs que non poguerem profitar. A fauta d’un quart d’ora risquèrem e passàuem a defensa de 3. Eth Cazaril profitèc açò entà auer era milhor ocasion deth partit quan un delantèr se presentèc dauant d’Iñaki e shutaue era pilota per dessús dera porteria. Enes menutes finaus, en un lançament de banda, Antonio pientaue era pilota qu’ ère tocada clarament pes dues mans deth defensa francés coma se siguesse un jogador de voley; aguest viatge, eth clar penalty fiulat per arbitre siguec shutat per Felipe en tot mercar eth 1-0, resultat damb eth que s’arribaue ath finau deth partit.

Victòria ath finau enes darrèrs moments que mos permet de veir un shinhau milhor era nòsta posicion ena classificacion. Encara queden 2 partits e pòt passar de tot. Aguesta ei era classificacion deth campionat. I aurà emocion pera part de nau e ena part de baish: Luchon 63, Cazeres e St. Gaudens 60, Larboust 51, Isle en Dodon 50, Encausse 46, Landorthe 45, Montastruc e Etoile de Cagire 42, U.E. Bossòst 40, SaliesMane 39, Cazaril 35.

Eth pròplèu partit jogam un aute viatge contra eth Cazaril eth dissabte 17 de mai tàs 20:00 en sòn camp; non cau díder era importància d’arténher ua victòria.

U.E. Bossòst : Iñaki, Abraham, Chapo, Felipe, Antonio, Àlex, Luis, Ignasi, Rubén, Adri,  e Puente. Remplaçants: Salva, Cabezas e Soufi.

Trainer: Xavi

F.C. Cazaril: Plana, Lima, Fraize, Souberbielle, Angla, Moniz, Devaud, Perisse, Saint Raymond, Dupleich, Angla. Remplaçants : Duran, Quantin, Perisse.

Trainer : Andrieu Francis.

Arbitre: Grange Didier.

Mos empaten enes darrèrs 10 menutes

U.E. Bossòst 2 – Ent. Landorthe 2

Domatge de resultat eth d’aguest partit disputat eth dissabte en Bossòst. Era U.E. Bossòst començèc fòrça ben eth partit. As 5 menutes, Ignasi ère derribat laguens der àrea e eth clar penalty fiulat per arbitre siguec shutat per Felipe : mercam eth 1-0. Eth Landorthe responec damb jogades de perilh a pilota arturada, cornèrs e fautes qu’ eth portèr aranés Pol podie arturar. Ena menuta 30 , en un lançament de fauta d’ Àlex, Felipe remataue de cap e mercaue eth 2-0. En un shut dera delantera aranesa, Lacaze I desviaue era pilota e Luis des de laguens der àrea shutaue per dessús dera porteria. Lèu deth descans, eth Landorhe reclamaue un penalty per queiguda de Nebra. Damb eth resultat de 2-0 s’arribaue ath descans.

Ena dusaua mietat, as 10 menutes se produsie era jogada que cambiarie eth partit; era U.E. Bossòst se quedaue damb 10 jogadors en ua jogada ena qu’ er arbitre non i auie vist arren, mès siguec pressionat peth Landorthe entà qu’ acabèsse expulsat. Damb 10 jogadors, en principi, eth Landorthe a despiet de dominar non creèc guaire perilh. Era U.E. Bossòst podec sentenciar eth partit en dues bones ocasions de Miguel e Puente. Era ocasion mès clara l’ auec Pèir que, tot solet e a un mètre  dera porteria, shutèc entà dehòra. Eth Landorthe anaue a profitar dues jogades fòrça semblantes entà presentà-se dauant de Pol e mercar es dus gols damb es que mos empatàuen eth partit en ues posicions des delantèrs bastant dubtoses.

Ath finau, un empat damb regust amargós dempús der avantatge que portàuem en mercador; siguec un partit semblant ath deth SaliesMane en que mos adelantam en mercador per dus gols e ena dusaua mietat ,per diverses circunstàncies, acabam demanam era ora. Mos queden tres partits e èm damb era calculadora a veir se mos quedam en Excellence. Era classificacion, damb es equips implicadi en descens ei atau: Etoile Cagire 41, SaliesMane 39, Montastruc 38, U.E. Bossòst 36 e Cazaril 34.  Eth SaliesMane a disputat un partit de mès e aguesta semana i a es partits pendents: uns enfrentaments directes entre Montastruc-Etoile Cagire e U.E. Bossòst-Cazaril.

Eth pròplèu partit jogam en Bossòst  eth dissabte 10 de mai tàs 20:00 contra er equip deth Cazaril: un equip damb eth que mos enfrentaram dus viatges ara seguida pr’amor qu’aguest partit ei deth prumèr tour.

U.E. Bossòst : Pol, Héctor, Chapo, Felipe, Antonio, Àlex, Luis, Ignasi, Rubén, Adri,  e Pèir. Remplaçants: Gachi, Miguel, Puente.

Trainer: Adrian.

Tarjetes auriòles : Héctor, Pèir.

Tarjeta vermelha: Pèir.

Ent. Landorthe : Lacaze I, Bernadas, Aouam, Beantes, Dutheil, Bosc, Lacaze II, Ferreira, Junca, Nebra, Noel. Remplaçants: Tombini, Gardien, Perroud.

Trainer : Duchein Fabrice.

Tarjetes auriòles : Ferreira

Gols : 1-0 Felipe (5’ p.), 2-0 Felipe (30’), 2-1 Noel (80’), 2-2 Junca (88’).

Arbitre : Darnaud Claude.

Partit suspenut

Ath finau eth partit d'aué dimèrcles contra eth Cazaril non jogam pera mort dera hemna (DEP) deth secretari d'aguest club.
Eth pròplèu partit se jogue en Bossòst eth dissabte 3 demai tàs 20:00 contra er equip deth Landorthe.

Ua victòria trebalhada e fòrça necessària

U.E. Bossòst 2 – U.S. SaliesMane 1

Victòria important era artenhuda per equip aranés agèr dissabte en Bossòst dauant er equip deth SaliesMane. Siguèc ena prumèra mietat a on era U.E. Bossòst anaue a marcar es dos gols que le dauen ua important diferencia. Ath quart d’ora en un bon centre d’Abraham un defensa deth SaliesMane pressionat per Héctor shutaue contra era sua porteria e marcaue eth 1-0. Eth SaliesMane sajèc de respone damb pilotes centrades entà eth sòn delanter Cep. En ua bona jogada der equip aranés Pèir shutaue desde laguens der àrea e era pilota dempús de tocar en garròt entraue ena porteria. Ere eth 2-0 resultat damb eth que s’arribaue ath descans.

Ena dusaua meitat siguèc dominada per equip deth SaliesMane que sajaue de retalhar distàncies en marcador. Ena menuta 75 Cep aprofitaue un lançament de fauta entà marcar de cap eth 2-1. Encara quedaue un quart d’ora e damb era pluja eth terren de joc estèc damb fòrça aigua e en molt mau estat. En un lançament de fauta de Chauvet, eth portèr aranés Iñaki responia damb ua bona arturada. Aguesta siguèc era darrèra ocasión der equip francés.

Ath finau 2-1 victòria trebalhada e fòrça necesaria dauant un rivau directe entara permanència dera categoria qu’estèc reforçat damb jogadors des equips superiors deth SaliesMane.

Eth pròplèu partir jogam aguest dimèrcles 30 d’abriu tàs 20:30 en Bossòst contra er equip deth Cazaril. Ei fòrça important guanhar aguest partit contra aguest equip que tamben ei un rivau directe entà estar un aute an en aguesta categoria.

¡¡¡ Vos demoram a toti !!!

U.E. Bossòst: Iñaki, Salva, Abraham, Alex, Felipe, Gachi, Ignasi, Soufi, Miguel, Hector e Pèir. Remplaçants: Kike, Miquel e Adri.

Trainer: Xavi

Tarjetes auriòles: Alex e Felipe.

U.S. SaliesMane: Exposito, Garmong, Lagrange, Bamard, Fronton, Salumu, Chauvet, Cazenave, Cep, Roca, Verginjeanne. Remplaçants: Bonzom, Da Luz, Riviere.

Trainer: Cazenave J. Jacques.

Tarjetes auriòles: Bamard, Cazenave, Bonzom.

Arbitre: Duprat Philippe.

SaliesMane aguest dissabte

Aguest dissabte 26 d'abriu tàs 20:00 en Bossòst important partit contra er equip deth SaliesMane. Ei eth prumèr des tres partits que jogaram aguesta semana en Bossòst e ei primordiau artenhe era victòria entà pensar en sauvar era categoria.
¡¡¡ Vos demoram a toti !!!

Non gessem dera cua dera classificacion

U.E. Bossòst 1 – Encausse 2

Ua auta derròta que mos deishe avantdarrèrs dera classificacion. Non començèrem guaire ben eth partit e as 5 menutes Paya, profitaue un error defensiu entà mercar eth 0-1. Eth madeish jogador estèc a punt de mercar un dusau gol, mès auérem era sort de que Chapo treiguèsse era pilota abantes d’entrar ena porteria. En aguest prumèr quart d’ora, siguec fòrça milhor er Encausse. Dempú,s er equip aranés reaccionèc e auec ua bona ocasion, mès eth shut de Luis siguec desviat entath cornèr peth portèr francés. Artenhíem er empat en un cornèr quan Felipe remataue de cap tot solet era pilota e se calaue ena porteria. Ère eth 1-1 resultat damb eth que s’arribaue ath descans.

Ena dusaua mietat, er Encausse patie era expulsion deth sòn jogador Loufti as 10 menutes dera represa. Semblaue que se mos metie eth partit de cara, mès er Encausse profitaue ua fauta ath bord der àrea entà que Paya marquèsse eth

1-2. Auérem ua bona ocasion en ua bona rematada de cap de Cabezas que gessec entà dehòra per pòc. En un shut ras de Luis, eth portèr francés desviaue era pilota entath cornèr. En passar a defensa de sonque 3 jogadors, eth jogador der Encausse, Paya realizèc un parelh de jogades de perilh ena porteria aranesa. Ena darrèra jogada deth partit, Ignasi se quedaue dauant deth portèr e shutaue per dessús dera porteria.

Domatge de non auer aumens artenhut er empat donques er equip dera U.E. Bossòst luitèc ath màxim entà trèir un resultat positiu, mès ei vist qu ’aguest an mos va tocar patir enquiath darrèr moment.

Eth pròplèu partit jogam en Cazères  eth dissabte 12 d’ abriu tàs 20:00 contra er equip locau, un des equips dera part nauta dera classificacion.

U.E. Bossòst : Iñaki, Abraham, Chapo, Felipe, Héctor, Àlex, Uri, Santi, Luis, Ignasi,  e Soufi. Remplaçants: Cabezas, Quique e Miquel

Trainer: Adrian.

Tarjetes auriòles : Héctor, Quique.

Encausse: Michel, Marcos, Lefrançois, Levecher, Aries, Brana, Duclos, Labatut, Vincent, Noilhan, Paya. Remplaçants : Drissi, Loutfi, Boixaderas.

Trainer : Germain Thyerry.

Tarjetes auriòles : Lefrançois, Vincent, Loufti.

Tarjeta vermelha : Loufti.

Gols : 0-1 Paya (5’), 1-1 Felipe (40’), 1-2 Paya (65’)

Arbitre : Castro Antoine.