¡¡¡ Eròs An Nau 2014 entà toti !!!

Cau rebrembar qu'er equip jogarà eth dissabte 4 de gèr tàs 20:00 en Encausse eth prumèr partit der an contra er equip locau.
Encara mos quede loteria deth sorteig deth dia 6 de gèr, eth numero ei eth 31407.

Partit suspenut

Degut ara nhèu d'aguest dissabte s'ha suspenut eth partit contra eth Cazeres

Petit cambi

Ath finau eth partit deth dissabte 28 de deseme contra eth Cazeres sajaram de jogar tàs 19:00.
Un Bon Nadau entà toti.

Non descansaram bric aguestes hèstes

Mos auem metut d'acord damb er equip deth Cazeres entà jogar eth partit qu'auiem pendent. Jogaram en Bossòst eth dissabte 28 de deseme tas 18:00.

Derròta pera minima en un partit dolent

U.S. SaliesMane 1 -U.E. Bossòst 0

En un partit dolent dera U.E. Bossòst en qu’ auec fòrça pòques arribades en àrea contraria , perdèc eth partit per 1-0. Eth jòc ena prumèra part estèc igualat, mès semblaue qu’eth SaliesMane se joguèsse en partit mès que nosati. Es sòns delantèrs tostemp cercauen era esquia dera nòsta defensa; ath contrari, a nosati mos costaue plan arribar en àrea. Ena menuta 35 se produsie er únic gol deth partit quan Gilly se plantaue dauant de Kike e dempús de driblàr-le, centraue entà que Roca C., rematèsse a porteria. Era U.E. Bossòst responec damb era ocasion mès clara quan Pèir laguens der àrea shutaue a tocar deth garròt dera porteria francesa. Damb eth 1-0 s’arribaue ath descans.

Ena dusaua mietat, er equip francés se dediquèc a jogar ath contraatac e podie auer mercat bèth gol mès se non auesse estat per Kike qu’ arturèc es ocasions. Era U.E. Bossòst sajèc de caushigar er àrea francesa mès non creèc cap d’ocasion de perilh ena aguesta mietat.

Ath finau, ua derròta pera minima en un partit dolent per part dera U.E. Bossòst dauant un equip que guanhe eth sòn prumèr partit.

Cau méter-se es piles, pr’amor de que enes prumères jornades èrem enes posicions de dauant e ara , dempús de 7 jornades , èm enes posicions de darrèr.

Eth pròplèu partit jogam en Encausse contra er equip locau dissabte 4 de gèr deth 2014 tàs 20:00 ores.

U.S. SaliesMane : Gustave, Tetard, Lagrange, Marchioni, Buffalan, Bonzom, Soulier, Roca Romain, Gilly, Roca Cedric, Sucumu. Remplaçants: Lagrange, Riviere, Da Costa.

Trainer: J.J. Cazenave.

Tarjeta auriola: Tetard (20’).

U.E. Bossòst : Kike, Salva, Chapo, Felipe , Quique, Àlex, Javi Llonch,  Piñeiro, Santi, Pèir  e Abraham. Remplaçants: Miquel.

Trainer: Jordi.

Tarjeta auriola : Felipe (75’)

Gols : 1-0 Roca Cedric (35’).

Arbitre: Hubert Marc.

Mereshíem era victòria

U.E. Bossòst 2 – Etoile du Cagire 2

Partit jogat en Cierp, degut a que en nòste terren de jòc encara i auie nhèu. Er equip gessec damb moltes talents de guanhar. Es milhors ocasions les auérem sustout ena prumèra mietat. Enquia tres viatges toquèc era pilota enes garròts dera porteria francesa. Ath quart d’ora, Uri mercaue eth 1-0 damb un shut des de laguens der àrea. Er Etoile mos empatèc en ua fauta shutada de luenh que Iñaki non podec arturar. Es causes encara se mos metíem petjor quan Embialet recuperèc ua pilota e shutèc des de dehòra der àrea en tot mercar un polit gol. Lèu deth descans, dempús de tocar era pilota en garròt, Luis remataue de cap entà mercar eth 2-2, resultat damb eth que s’arribaue ath descans.

Era dusaua mietat siguec desvirtuada as 5 menutes quan er arbitre senhalèc ua fauta a Paba per jòc perilhós e li acabèc en tot ensenhar era tarjeta vermelha quan vedec qu’eth jogador francés auie sang ena cara. Açò hèc qu’es dus equips joguèssem damb 10 jogadors (er equip francés non auie cap cambi) e ar equip aranès li costèc acostumà-se ara naua situacion. De totes manères era defensa aranesa s’imposèc as delantèrs francesi. Era milhor ocasion la auec er equip deth Bossòst quan Piñeiro rematèc de cap e era pilota anaue a tocar en garròt dera esquaira dera porteria e gessie entà dehòra. Per quatau viatge, eth garròt no mos deishaue mercar un gol.

Ath finau 2-2, resultat que consideram injust degut as bones ocasions deth nòste equip. Dam es gràcies ar equip deth Cierp per deishà-mos eth sòn camp entà jogar aguest partit. Tanben volem arregraïr era preséncia des pòqui aficionadi que vengueren entath partit.

Eth pròplèu partit jogam en Mane contra er equip deth SaliesMane dissabte 14 de deseme tàs 20 :00 ores.

U.E. Bossòst : Iñaki, Jaime, Chapo, Felipe , José Ramón, Àlex, Gachi,  Piñeiro, Paba, Luis  e Uri. Remplaçants: Salva, Abraham, Quique

Trainer: Adrian.

Tarjeta vermelha : Paba (56’)

Etoile du Cagire: Domench I, Domench II, Segu, Bresquignan, Magnesse, Heuillet, Daffos, Deu, Embialet, Watel e Sarradet.

Trainer : Dutreich J.

Tarjetes auriòles : Domench II (72’), Daffos (52’).

Gols : 1-0 Uri (15’), 1-1 Heuillet (20’), 1-2 Embialet (35’),2-2 Luis (44’).

Arbitre: Castro Antonio.

Jogaram en Cierp

Eth partit d'aguest dissabte 7 de deseme tas 20:00 entre era U.E. Bossòst e er Etoile du Cagire se jogarà en camp deth Cierp.

Partit suspenut

Eth partit de deman dissabte que s'auie de jogar en Bossòst a estat suspenut; encara auem nhèu en camp. Veiram sera semana que ven poguen jogar un aute viatge en Bossòst dissabte 7 de deseme tàs 20:00 contra er Etoile du Cagire.

Suspenuda tota era jornada

Degut ara nhèu e es condicions climatologiques tant dolentes eth Districte de Comminges a decidit suspene toti es partits programadi enta aguesta dimenjada.

Partit suspenut

Degut ara nhèu qu'auem en Bossòst eth partit d'aué contra er Etoile du Cagire a estat suspenut

Patim ua derròta contundent

Comminges St. Gaudens 5 – U.E. Bossòst 1

Derròta contundent la que patírem aguest darrèr dissabte en Landorthe contra er equip deth Comminges St. Gaudens. Des d´era menuta iniciau, er equip francés ja marcaue eth prumèr gol; as 10 menutes, eth dusau e quan portàuem mieja ora, ja perdíem 4-0. Resultat damb eth que s’arribaue ath descans. Ena dusaua mietat, un gol entà cada equip que deishèc eth resultat finau en un contundent 5-1.

Eth Comminges St.Gaudens siguec milhor enes dues àrees e sabec aprofitar fòrça ben es espaci e es dubtes dera defensa aranesa.

Encara quede fòrça campionat, mès ara portam tres partits ara seguida damb derròta e auem de sajar de cambiar aguesti darrèrs resultats entà pujar lòcs ena classificacion.

Classificacion: Luchon 17, Isle en Dodon 16, Landorthe 14, Encausse e Larboust 13, Cazeres e U.E. Bossòst 12, Etoile Cagire 11, Cazaril 9, Montastruc 8 e SaliesMane 6.

Eth pròplèu partit jogam en Bossòst contra er equip der Ètoile du Cagire dissabte 16 de noveme tàs 20 :00 ores.

U.E. Bossòst : Iñaki, Abraham, Chapo, Felipe , Quique, Àlex, Gachi,  Adri, Richard, Ignasi e Paba. Remplaçants: Salva, Santi, José Ramón

Trainer: Adrian.

Tarjetes auriòles: Gachi

Arbitre: Lozes Henri.

Reprenem eth campionat

Dempús de dues dimenjades sense jogar, aguest dissabte 9 de noveme tàs 20:00 jogam en Landorthe contra er equip deth Comminges St.gaudens.

Campanha Socis

Ath finau de noveme passaram eth rebut de sòci. Arregraim a toti es qu’estant realitzant era sua aportacion economica ; sense era sua ajuda serie fòrça dificil de continuar.

Era quòta de sòci desde er an 2004 ei de 32 €/an e atau se demorarà un an de mès.

¡¡¡ Hes-te Soci e ajuda ath tòn equip !!!

Loteria de Nadau dera U.E. Bossòst

Aguest an ei eth 18118 eth que pot tocar, non te quedes sense.

Derròta a 5 menutes deth finau

U.E. Bossòst 0 – F.C. Oô Larboust 1 

Perdèrem eth prumèr partit deth campionat aguest dissabte en Bossòst. En un partit en que patíem baishes importants, eth Larboust comencèc milhor e, as 10 menutes, Heride se plantaue tot solet deuant dera porteria aranesa e shutaue luenh per dessús dera porteria. As 15 menutes patíem era herida de Felipe qu’ auie de deishar eth terren de jòc. En ua auta jogada semblant ara prumèra, era delantèra francesa desaprofitèc ua auta ocasion tà mercar. Era U.E. Bossòst auec ua bona ocasion quan Uri shutaue dehòra laguens der àrea petita. Gachi en un shut de luenh sajèc de suspréner ath portèr francés qu’auec d’estirà-se e desviar era pilota entath cornèr. Damb eth 0-0 s’arribaue ath descans.

Ena dusaua mietat auérem es milhors ocasions, mès mos manquèc eth gol. En ua bona jogada, Adri se plantaue laguens der àrea e eth sòn shut dempús de tocar a un defensa anaue entath cornèr. En un centro d’Adri, Richard, laguens der àrea shutaue per dessús dera porteria. Ena milhor ocasion deth Bossòst, dempús d’un corner, Quique shutaue laguens der àrea e era pilota tocaue en garròt e non podíem acabar de mercar eth gol. A 5 menutes deth finau, en únic shut deth Larboust entara porteria,Aliouane empalmaue un shut  de dehòra der àrea qu’entraue pera esquaira en tot mercar un polit gol. Era U.E. Bossòst sajèc d’empatar eth partit sense auer guaire ocasion en temps que quedaue.

Ath finau ,derròta en un partit en que i auec ua part entà cada equip, en que ath delà desaprofitèrem bones ocasions e ath finau ,mos guanhèren damb un gran shut que no entre toti es viatges.

Era notícia positiua sigueren es debuts coma titular d’ Iñaki e Richard e era gessuda ath terren de jòc de Quique pera herida de Felipe e  que heren un bon partit a despièt dera sua joenessa (17- 18 ans).

Ara , era classificacion ei: Luchon e Landorthe 13, Encausse, Bossòst e Larboust 11, Cazères 10, Comminges St Gaudens 9.

Ara auem dues dimenjades sense jogar ; eth pròplèu partit jogaram en St. Gaudens partit de liga contra eth Comminges St.Gaudens dissabte 9 de noveme tàs 20 :00 ores.

U.E. Bossòst : Iñaki, Jaime, Chapo, Felipe , Marc, Àlex, Uri,  Adri, Richard, Gachi e Pèir. Remplaçants: Salva, Abraham, Quique

Trainer: Adrian.

Tarjetes auriòles: Pèir, Adri, Marc, Àlex.

Gols: 0-1 Aliouane (85’).

Arbitre: Hubert Marc.

A 1 menuta deth finau, er arbitre mos elimine dera Copa de Comminges

E.F.C. Aurignac 1 – U.E. Bossòst 0 

Auem patit era eliminacion dera Copa de Comminges per ua decision arbitrau ena darrèra menuta dera prolongacion quan eth nòste portèr Marcos auie era pilota enes mans e siguec derribat peth delantèr Fabre der Aurignac que se´n portèc era pilota e mercaue a porta ueda. Ua accion ena qu’eth delantèr hèc ua fauta molt clara e qu’er arbitre non volec fiular. Açò comportèc es protestes de tot er equip aranés e era invasion deth terren de jòc per part des aficionadi francesi e era posterior expulsion deth nòste portèr. En un partit que non auie passat cap de problema, ei trist acabar d’aguesta manèra pera incomprensible decision arbitrau.

Quant ath partit, joguèrem ua prumèra part deth partit ena que estèrem superiors mes non podérem acabar de mercar cap de gol. Ena dusaua mietat, eth partit se tornèc mès físic e aquiu se mos metec mès dificil. Cada equip auérem ua bona ocasion de mercar damb un shut en garròt. Ena prolongacion, cap ocasion pera part des dus equips e quan semblaue qu’era eliminatòria s’anaue a decidir enes lançaments de penalty, er arbitre prenec era decision de que serie er Aurignac eth que passaue a 1/8 de finau dera Copa de Comminges.

Ei domatge auer quedat eliminadi d’aguesta manèra; ei vertat que tot s’anaue a decidir ena loteria des penaltys e podie passar de tot, mès au mens non mos auéssem sentut damb aguesta sensacion d’auer-mos panat eth partit. Ara, sonque mos quede pensar en campionat e sajar de quedar lo mès tà naut possible.

Ath delà, patírem es herides musculars de Santi e Ignasi que seràn baisha tath pròplèu partit

Eth pròplèu partit, jogam en Bossòst partit de liga contra eth Larboust-OÔ dissabte 19 d’octobre tàs 20 :00 ores

Entrenaments aguesta setmana: dimars e dijaus.

E.F.C. Aurignac : Shiavon, Ferrere, Moyel, Cazenave, Dignat, Pleifer, Boue, Vignes, Fabre, Guezennec, Suspene. Remplaçants : Boudes, Gateau, Cazenace.

Trainer : Ane Jean Michel.

Tarjetes auriòles : Ferrere, Vignes.

U.E. Bossòst : Marcos, Abraham, Chapo, Felipe , Antonio, Àlex, Luis,  Miguel, Santi, Ignasi e Pèir. Remplaçants: José Ramón, Quique, Miquel.

Trainer: Adrian.

Tarjetes auriòles: Felipe, Antonio, Luis, Santi, Pèir.

Tarjeta vermelha: Marcos

Gols: 1-0 Fabre (119’).

Arbitre: Laven Michaël.

Empatam a 3 en un partit descontrolat

Isle en Dodon 3 – U.E. Bossòst 3

Partit que se jogaue a ua ora non abituau e que costèc ara U.E. Bossòst entrar en jòc. Er Isle en Dodon dominèc eth començament deth partit e profitaue ara mieja ora ua pilota perduda pera defensa aranesa: Rodríguez entraue laguens der àrea e siguec derribat per Jaime; eth clar penalty ac transformaue Barutaut. Ara seguida, er Isle en Dodon auec ua bona ocasion que Delavergne non podec profitar. Dempús de trèir-se era sòn des aurelhes, era U.E. Bossòst auec ua molt bona ocasion en ua fauta fòrça ben shutada per Àlex ena qu’era pilota tocaue eth garròt dera porteria francesa e dempús de tocar ena linha, Gachi non podec rematar de cap entà arténher eth gol que, per aute costat s’artenhie ena darrèra menuta dempús de qu’er arbitre fiulèsse penalty pes mans deth defensor der Isle; aguest siguec mercat per Felipe. Ère eth 1-1 resultat damb eth que s’arribaue ath descans.

Ena dusaua mietat, eth domini siguec der equip aranés que semblaue qu’auie dat un pas entà deuant entà portàr-se eth partit. Atau, Àlex en un aute lançament de fauta estec apròp de suspréner ath portèr Pérez que desvièc era pilota ath cornèr. Er Isle en Dodon profitèc un lançament de fauta en que Burtin se quedaue solet dauant de Kike e mercaue eth 2-1. Era U.E. Bossòst responec damb ua jogada de Paba que se plantaue tot solet dauant de Pérez e mercaue damb un shut ras ; ère eth 2-2. Auérem eth clar 3-2 en ua jogada de Paba qu’ un aute viatge dauant deth portèr en compdes de shutar, sajèc de regatejar e eth portèr francès endonvièc era jogada e arturaue era pilota. En ua auta jogada, se fiulèc dehòra de jòc a Adrian quan ja encaraue ath portèr francés. Enes dues darrères jogades, cada equip anaue a profitar es sues jogades: prumèr, er Isle en Dodon que se beneficiaue d’ un aute penalty pes mans de Felipe que Barutaut mercaue eth 3-2. Ena darrèra menuta, en ua fauta laterau shutada per Àlex, Richard mercaue de cap un gran gol que deishaue eth mercador 3-3, resultat ath finau deth partit.

Cau dar eth resultat coma bon. Dilhèu podiem auer trèt un resultat milhor se ena defensa non auéssem hèt tanti errors enes gols. Açò sonque a hèt que començar; sonque portam tres jornades e èm en bona posicion ena classificacion: Encausse e Bossòst 10 punts, Luchon, Landorthe e Cazères 9, Isle en Dodon 8.

Eth pròplèu partit ei eth dimenge 13 d’octobre : 1/16 de finau dera Copa de Comminges en Latoue contra er equip der Aurignac.

Entrenaments aguesta setmana: dimars e dijaus.

Isle en Dodon: Pérez, Lozes, Cuvelier, Faure, Barutaut, Saint Blancat, Sottom, Rodríiguez, Delavergne, Dubarry, Burtin. Remplaçants : Furton, Lourde.

Trainer : Mallet Michel.

Tarjetes auriòles : Cuvelier.

U.E. Bossòst : Kike, Abraham, José Ramón, Felipe , Jaime, Àlex, Uri,  Adrian, Paba, Ignasi e Adrian. Remplaçants: Salva, Pipe e Richard.

Trainer: Jordi.

Tarjetes auriòles: Jaime, Uri e Kike.

Gols: 1-0 Barutaut (p.30’), 1-1 Felipe (p.44’), 2-1 Burtin (60’), 2-2 Paba (75’),

3-2 Barutaut (p.88’), 3-3 Richard (90’).

Arbitre: Boudes Julien.

Sorteig 1/16 de finau dera Copa de Comminges

Agèr tàs 16:00 se hège en St. Gaudens eth sorteig des 1/16 de finau dera Copa de Comminges e mos a tocat jogar en camp der Aurignac en ua data encara per decidir.
Aguest dimenge tàs 12:45 jogam en camp der Isle en Dodon eth partit dera tresaua jornada deth campionat.

Remontam ena dusaua mietat

U.E. Bossòst 2 – F.C. Montastruc 1 

Eth Montastruc mos ac metec difícil aguest darrèr dissabte en Bossòst. Ena prumèra mietat, sonque començar, Lacarrere T. auec ua bona ocasion mès eth sòn shut anec tà dehòra. Era U.E. Bossòst responec damb ua jogada ena que Adrian sense guaire angle shutaue a tocar deth garròt. Pèir podie auer mercat en quedà-se solet dauant eth portèr que desviaue eth sòn shut damb es pès. Mos anulèren un gol en ua bona jogada de Pèir que Paba mercaue. En ua jogada d’Adrian, eth sòn shut siguec desviat per portèr francés ath cornèr. Apròp deth descans, Miguel hège ua fauta a Embarek e er arbitre fiulaue penalty e eth madeish jogador shutaue e mercaue eth 0-1 resultat damb eth que s’arribaue ath descans.

Ena dusaua mietat, ath quart d’ora, igualàuem eth partit en un centre d’Adrian que Pèir tocaue entà deishar era pilota a Paba que de cap mercaue eth 1-1. En un shut de Uri, Darmani desviaue damb es pès. Eth domini aranés auec eth sòn frut quan Gachi shutaue ua pilota en àrea e sense deishà-la quèir, mercaue un gran gol, ère eth 2-1. Podíem auer sentenciat eth partit quan Pipe tot solet dauant era porteria shutaue ath garròt. Eth Montastruc ath finau auec ua bona ocasion de Lacarrere T., entà igualar eth partit.

Ath finau, victòria trebalhada, que mos plaçe en prumèr lòc dera classificacion amassa damb eth Landorte damb 8 punts, seguidi der Encausse e Isle en Dodon damb 6 punts, e Luchon, Cazères e Cazaril damb 5 punts.

Era dimenjada que ben non auem partit, non jogaram enquia d’açiu 15 dies en Isle en Dodon eth dimenge 6 d’octobre tàs 12 :45. 

Entrenaments aguesta setmana: dijaus.

U.E. Bossòst : Kike, Abraham, Miguel, Antonio , Marc, Àlex, Uri,  Adrian, Paba, Santi e Pèir. Remplaçants: Salva, Pipe e Gachi.

Trainer: Adrian.

F.C. Montastruc : Darmani, Castins, Cucuron, Lacarrere C., Ribet, Camin, Lacarrere T, Denat, Arcangeli, Brun W., Rampon. Remplaçants: Brun L., Christen, Embarek

Trainer : Arreou Patrice

Gols: 0-1 Embarek (44’), 1-1 Paba (60’),2-1 Gachi (75’)

Arbitre: Lancon J. Christophe.

Luchon se pren era revenja

U.E. Bossòst 1 – B. Luchon 4 

En un partit entà desbrembar, eth Luchon se pren era revenja deth partit de liga e mos elimine dera Copa de Midi.

Sonque començar, eth Luchon mercaue as 10 menutes eth 0-1 en profitar Laporte ua badada dera defensa aranesa. Era U.E. Bossòst non podèc respóner aguest gol damb guaire jogades de perilh; eth Luchon se dediquèc a èster ben posicionat en camp e non complicà-se bric enes jogades ena defensa. Damb eth 0-1 s’arribaue ath descans.

Ena dusaua mietat demoràuem ua reaccion aranesa que non arribèc. En cambi, eth Luchon profitèc toti es nòsti errors entà mercar enquia 3 gols mès çò que deishaue sentenciada era eliminatòria. Era U.E. Bossòst mercaue eth gol der aunor en profitar Miguel un error deth portèr francés. Maugrat dera diferéncia en marcador, aguesta dusaua mietat siguec d ’un jòc de mès contacte çò que portèc quauques tarjètes e enfrentaments entre es jogadors. Era aficion que tostemp acostume a èster damb eth sòn equip, non estec ara nautada aguest viatge en increpar a un jogador deth Luchon; ei vertat qu’eth jogador non se comportèc bric ben, mès aguest tipus de comportament sobren des terrens de jòc.

Ath finau, justa eliminacion d’aguesta Copa de Midi e ara, a pensar enes partits de Liga. Auram bèra dimenjada de descans en auer estat eliminadi tant lèu. 

Eth pròplèu partit jogam en Bossòst eth 21 de seteme tàs 20 :00 ores contra er equip deth Montastruc de Salies.

Entrenaments aguesta semana: dimars e dijaus. 

U.E. Bossòst : Kike, Salva, Marc, Felipe, Miquel, Àlex, Uri,  Abraham, Pipe, J. Ramon e Miguel. Remplaçants: Pèir, Santi e Luis.

Tarjetes auriòles: Salva, Luis.

Trainer: Adrian.

B. Luchon : Boutra, Van Mo, Arino, Coutinho, De Abreu, Boy, Revertegat, Lansalot, Laporte, Giron, Mur. Remplaçants: Escalas, Ardite.

Tarjetes auriòles : Arino, Coutinho, Boy, De Abreu.

Tarjeta vermelha : De Abreu

Trainer : Revertegat Philippe.

Gols: 0-1 Laporte (10’), 0-2 Lansalot (55’), 0-3 Revertegat (70’), 0-4 Laporte (75’), 1-4 Miguel (80’)

Arbitre : Castro Antonio.

Mos emportam eth derby en darrèr moment

B. Luchon 0 - U.E.Bossòst 1

En un partit típic de derby era U.E. Bossòst s'emportèc era victòria en darrèr moment. Ena prumèra mietat auèrem tres bones ocasions entà marcar, mès dempús d'estar dauant deth portèr francés es nosti shuts anèrent entà dehòra dera porteria. Eth Luchon tamben cerquèc era porteria aranesa qu'estèc molt ben defenuda peth portèr Marcos; en ua rematada de fauta Marcos responie damb ua bona arturada. Damb eth 0-0 s'arribaue ath descans.

Ena dusaua mietat iauèc més igualdat. Eth Luchon en un començament sajaue de sorprene damb un joc més directe e Marcos auie de desvia un shut de lueny entà cornèr. Era U.E. Bossòst responia damb ua bona ocasion en ua rematada de cap d'Uri qu'arturaue eth portèr francés. Marcos realitzaue era arturada dera nèt en desvia damb es pes eth shut deth delantèr deth Luchon que s'auie quedat tot solet dauant era porteria aranesa. Eth jogador deth Bossòst Paba tamben arribaue dauant deth portèr Boutra e shutaue ath son cos. Quan semblaue qu'eth resultat finau anau estèr eth 0 a 0, ua darrèra jogada de Pèir per banda esquèrra acabèc damb un centro en àrea francesa que Santi remataue laguens dera porteria. Ere eth 0-1 resultat ath finau des més de 90 intensi menutes.

Ath finau començam damb ua bona victòria, hege us quanti ans que non auiem pogut guanhar en Luchon. 

Eth pròplèu partit, 1ª eliminatòria dera Copa de Midi, dissabte 14 de seteme tas 20:00 en Bossòst contra eth B. Luchon, un aute viatge derby deth Portilhon.

B. Luchon:Boutra, Van Mo, Lansalot, De Abreu, Revertegat, Boy, Julia, Sales, Cazes, Dargassies, Giron. Remplaçants: Cavallero, Mur, Laporte.

Trainer: Revertegat Philippe.

Tarjetes auriòles: Van Mo, Sales, Cazes.

Tarjeta vermelha: Cazes.

U.E. Bossòst: Marcos, Jaime, Chapo, Felipe, Liaño, Luis, Uri, Miguel, Paba, Ignasi e Pèir. Remplaçants: Marc, Gachi, Santi.

Trainer:Adrian.

Tarjetes auriòles: Jaime, Uri, Marc.

Arbitre: Ferran David.

Jogaram eth diuendres 6 de seteme

Eth partit dera prumèra jornada deth campionat dera Liga d'Excellence, eth derby deth Portilhon entre B.Luchon contra U.E. Bossòst se jogarà eth diuendres 6 de seteme tàs 21:00 en Luchon.

Cazeres endauant ena copa de França

U.E. Bossòst 1 - U.S. Cazeres 5

A pesar deth resultat bon partit eth que se joguèc aguest darrèr dissabte en Bossòst.

Abantes de començar eth partit se realitzerent es actes d'aumenatge a Tito Batalla: S'entreguèc ara familhia ua camiseta signada pes jogadors, se plaçèc ua fotografia de Tito en vestidor, se sauvèc ua minuta de silenci en camp, damb es notes der himne der Espagnol e es sues hilhes realitzerent eth saque d'aunor.

En quant eth partit mos penalitzèc fòrça es petiti errors dauant un equip de 3 categories ath dessus de nosati. Era U.E. Bossòst auèc era prumèra ocasion deth partit en un centro de Pèir qu'Ignasi rematèc a tocar deth garròt. Eth Cazerez s'auançaue as 10 menutes en un cornèr directe que shutaue Manenq e sorprenia a Marcos. Eth jogador deth Cazeres Koffi marcaue eth 0-2 en rematar un centro. Era U.E. Bossòst reduie distància en marcador en un gran gol d'Alex que shutaue ua fauta laterau e plaçaue era pilota ena esquaira de Mepor ere eth 1-2. En ua jogada en que se reclamèc ua fauta a Uri eth Cazeres sorpenia pera banda esquerra e Koffi marcaue eth 1-3. A lèu deth descans bona ocasion de Luis entà poder marcar. Eth Cazeres aprofitaue eth darrèr cornèr entà marcar eth 1-4 abantes deth descans. Damb aguest resultat s'arribaue ath descans.

Ena dusaua mietat, ath començament en ua bona jogada d'Ignasi eth son shut anaue a tocar eth garròt dera porteria francesa. Auèrem vera arribada més non poguèrem reduir distàncies en marcador. A lèu deth finau Kebe marcaue eth definitiu 1-5.

En resum, partit fòrça emotiu per aumenatge a Tito en que responèc era aficion e er equip sajèc de plantar dificultats a un rivau qu'ere milhor que nosati.

Era nota positiua siguèc era tornada as terrens de joc d'Adrian Rodriguez Teixido.

Ara a pensar en campionat, aguesta dimenjada sajaram de jogar un partit amistos e er auta dimenjada  en Luchon eth dissabte 7 de seteme tas 20:00 prumèr partit de liga Bagneres de Luchon contra U.E. Bossòst entà començar derby deth Portilhon.

U.E. Bossòst: Marcos, Jaime, Liaño, Luis, Chapo, Alex, Uri, Paba, Diego, Ignasi e Pèir. Remplaçants: Miguel, Gachi e Adri.

Tarjetes auriòles: Alex

Trainer: Adrian

U.S. Cazeres: Mepor, Henriques, Kebe, Gouaze, Couzinet I, Fonbonne, Adouin, Debez, Maurice, Manenq, Koffi. Remplaçants: Sau, Heaouti, Couzinet II.

Trainer: Jean Michel Clanet

Arbitre: Ferran David

Liniers: Eric Boitel, Serge Stefani

Aumenatge a Tito Batalla en prumèr partit oficiau

Eth pròplèu dissabte 24 d'agost tas 20:00 en Bossòst, partit entre era U.E. Bossòst e er U.S. Cazeres dera eliminatòria dera Copa de França.
Aguest partit servirà d'aumenatge ath nòste gran capitan Tito Batalla. Jogaram contra eth milhor equip de Comminges pr'amor que credem qu'ETH se merite çò de milhor.
Er equip pendent aguesta sason 2013-2014 non jogarà damb eth dorsau nº 11.

XXIV Trofeig Memoriau Manuel Huguet

Eth dijaus 15 d'agost tàs 19:30 en Bossòst se jogarà eth XXIV trofeig Memoriau Manuel Huguet, entre era U.E. Bossòst e F.C. Larboust OÔ

Deman dimars dia 30 de junhsèga comence era sason 2013-2014 era UE Bossòst. Es dies d'entrenament seràn es dimars e dijaus tas 20:30.

¡¡¡ Enquia tostemp Gran Capitan!!!

Eth R.C.D. Espanyol en Garòs

Agèr pera tarde arribèc en tèrres araneses er equip de fotbòl deth R.C.D. Espanyol entà realizar eth stage de pretemporada enquiath dia 24 de junhsèga. Pendent era sua estada en Aran, jogarà un partit amistós contra ua seleccion aranesa ( damb majoria de jogadors dera U.E. Bossòst) eth diuendres 19 de junhsèga as 18:30 en camp de fotbòl deth Naut Aran en Garòs.

Tiratge 1ª eliminatòria Copa de França

Partit eth dissabte dia 24 d'agost tas 20:00 en Bossòst contra eth prumèr equip deth Cazeres.

Victòria insuficient

Era UE Bossòst tot e guanhar 1-0 ath Mabroc non a pujat de categoria pramor qu'eth Villeneuve de Riviere tanben guanhaue 0-2 en Isle en Dodon. Punt e finau aua longa sasson ena qu'er equip aranés a hèt un campeonat de liga de 10.
Classificacion: Villeneuve 66, U.E. Bossòst 64, Etoile de Cagire 64
Ara a descansar enquia finaus de junhsega entà preparar era sasson 2013-2014 que compdarà damb 4 equips nauis, es dus que pujen SalieMane e Cazaril e es dus que baishem es segoni equips de Cazeres e St.Gaudens.
Bon Estieu e Bones vacances.

A 3 dies dera glòria ?

Aguest dimenge 16 de junh tàs 15:00 se dispute eth darrèr partit deth campionat de Liga. Pelejam per èster campions e ac haram enquiath darrèr sospir.
¡¡¡ Aficionats, sòcis, eth dimenge toti en camp entà animar ara U.E. Bossòst !!!.
¡¡¡ AUPA BOSSÒST !!!

partit amistós

deman dissabte dia 08 de junh as 17:30 jogam contra era F.C. Montastruc en Bossòst.

¡¡¡ Tota era jornada suspenuda !!!

Era F.F.F. a suspenut tota era jornada pera ploja d'aguesti dies. Es partits se jogaran era dimenjada deth 15-16 de junh. Eth temps protagoniste d'aguesta sason enquiara darrèra jornada

Ara fin jogam eth dimenge

Toti es partits importants d'aguesta darrèra jornada se jòguen eth dimenge 2 de junh tàs 15:00.
Dam tanben es gràcies ara aficion peth suport incondicionau deth darrèr dissabte e les demoram entad aguest pròplèu dimenge.
¡¡¡ Amplís eth camp, anima eth tòn equip, fòrça U.E. Bossòst !!!

¡¡¡ Golejam ath líder !!!

U.E. Bossòst 4 – Etoile du Cagire 1
Fòrça bon partit eth que realizèc aguest dissabte era U.E. Bossòst que se mostrèc des d' un principi fòrça superior ar equip francés qu' ère eth líder dera nòsta categoria. Enes prumèrs moments, bones ocasions en rematades d' Antonio de cap e d'Ignasi. Eth prumèr gol arribaue ath quart d' ora quan Ignasi passaue era pilota a Miguel que mercaue a pòrta ueda. Er equip aranés artenhie eth 2-0 en recuperar ua pilota en miei deth camp e Ignasi des de dehòra der àrea shutaue ras a tocar deth garròt. Eth 3-0 s'artenhie en ua bona jogada pera banda esquerra qu’acabaue damb un shut de Chapo que superaue ath portèr francés. Er equip francés non s’ apropèc bric ara porteria aranesa ena prumèra mitat. Damb eth resultat de 3-0 s'arribaue ara pòsa. Ena dusaua mietat, sonque començar, er Etoile du Cagire artenhie redusir distàncies en mercador quan Deu shutaue ua fauta rapida que susprenie ath portèr Kike que non podie acabar d’agarrar era pilota. Ena dusau mitat auec concèrt de tarjetes per part der arbitre. Ara fin, es dus equips acabèren damb 10 jogadors. Felipe en un còp de cap e Pèir en shut heren intervier ath portèr francés. Er equip francés s’apropéc un sinhau mès en àrea aranesa e auem d’intervier Kike en bèra jogada. A fauta de 10 menutes entara fin, Pipe mercaue eth definitiu 4-1 en un shut des de dehòra der àrea que passaue per dessús deth portèr francés.
Ara fin objectiu complit ; auem a favor eth golaverage contra er Etoile du Cagire. Era classificacion : Villeneuve 62, U.E. Bossòst e Etoile 60, Isle en Dodon 58.
Es partits dera darrèra jornada son : Etoile du Cagire-Aurignac, Isle en Dodon-Villeneuve de Rivière e U.E. Bossòst-F.C. Mabroc. Se decidís en aguesta jornada qui serà eth campion dera categoria d’Excellence que jogarà era sason 2013-2014 ena categoria de Promocion Liga.
Eth pròplèu partit jogam en Bossòst eth 1 de junh tàs 20 :00 ores contra er equip der F.C. Mabroc.
Entrenaments aguesta semana: dimars e dijaus.

U.E. Bossòst : Kike, Jaime, Chapo, Felipe, Antonio, Àlex, Luis, Diego, Pèir, Ignasi e Miguel. Remplaçants: Liaño, Gachi, Pipe.
Tarjetes auriòles: Felipe (60’, 75’), Alex (72’), Pèir (50’), Luis (93’), Gachi (80’), Miguel (55’).
Tarjeta vermelha : Felipe (75’).
Trainer: Adrian.

Etoile du Cagire : Domench, Bresquignan, Dutheil, Heuillet, Brungard, Farre, Magnesse, Daffos, Duffo, Sarrader, Domench. Remplaçants : Watel, Deu.
Tarjetes auriòles : Bresquignan (77’), Daffos (35’), Deu (43’, 65’)
Tarjeta vermelha : Deu (65’).
Trainer : Laplagne J. Michel
Gols: 1-0 Miguel (15),2-0 Ignasil (20’), 3-0 Chapo (30’), 3-1, Deu (50’), 4-1 Pipe (85’).
Arbitre : Stefani Serge.

Aguest dissabte er èsser o pas èster dera U.E. Bossòst en campionat de Liga

Partit superimportant eth d'aguest dissabte 25 de mai en Bossòst entre era U.E. Bossòst e er Etoile du Cagire. Eth classament dempús de disputar es partits pendenti aguesta setmana, a fauta de dues jornades e en tot auer totes es equipes es madeishes jornades ei:  Etoile 59, Villeneuve de Riviere 58, U.E. Bossòst 56,  Isle en Dodon 54, Encausse e Luchon 53.
Se van a jogar era Liga es equipes der Etoile, Villeneuve e Bossòst. A fauta de dues jornades aguesti son es partits que les demoren:
Jornada 21 25.05.13
U.E. Bossòst - Etoile du Cagire
Villeneuve de Riviere- F.C. Mabroc

Jornada 22 01/02.06.13
Isle en Dodon- Villeneuve de Riviere
Etoile du Cagire- E.F.C Aurignac
U.E. Bossòst - F.C. Mabroc
Sòci, aficionat, simpatizant aumplís eth camp e ven a animar ara tua equipa, auem de besonh eth vòste supòrt, entre toti PODEM

¡¡¡AUPA U.E. Bossòst!!!

Acòrd de colaboracion damb era Tauerna Urtau

A compdar d'aguest mes de mai, era U.E. Bossòst e era Tauerna Urtau an signat un acòrd de colaboracion en que es consumicions des soci, aficionadi e jogadors i aurà un porcentatge dera factura qu'anarà entara U.E. Bossòst. Atau que ja sabetz totstemp qu'anesquetz tara Tauerna Urtau de Bossòst, Vielha e Arties, tanben es de Palamos e Girona (sòn un sinhau luenh) ac auetz de díder.

¡¡¡ Quina vergonha d’arbitratge !!!

Ent. Landorthe 2 - U.E. Bossòst 2

Un arbitratge dolent eth der arbitre e deth linier deth Landorthe que non deishèc qu’er equip aranés artenhèssa era victòria.
Eth partit ère fòrça important tar equip deth Bossòst e non comencèc guaire ben. Eth Landorthe s’adelantèc en un shut de fauta que Bosc remataue tot solet dauant de Monchi entà mercar eth 1-0. Er equip aranés empataue en un clar penalty a Miguel qu’eth madeish jogador s’encargaue de shutar e mercar eth 1-1. En aguesta jogada er arbitre non expulsèc ath defensa que hèc eth clar penalty pr’amor que non sabie quin jogador auie realitzat era fauta. Lèu deth descans, eth Landorthe susprenie ara defensa aranesa e Perroud mercaue eth 2-1, resultat damb eth que s’arribaue ath descans.
Ena dusaua mietat, domini totau der equip aranés e as 10 menutes Pipe, dempús d’un cornèr shutat per Gachi, mercaue de cap eth 2-2. En un lançament de fauta de Felipe, eth portèr francés desvièc era pilota a cornèr. Auèrem ua bona ocasion en un cornèr que Felipe remataue de cap e entre era defensa e eth portèr treiguèrem era pilota dera linha de gol. A manca de 5 menutes deth finau, en un centre de Miguel, Pipe arribaue des de darrèr e mercaue eth gol que siguec anulat per dehòra de jòc a instàncies deth linier deth Landorthe qu’estèc tota era dusaua mietat lleuant eth drapeu ( deuie estèr un tic) a totis es atacs der equip deth Bossòst. Er equip aranés luitèc enquiara darrèra menuta entà arténher eth gol que mos podíe dar era victòria.
Ath finau, 2 a 2 resultat deth tot injust, mès non cau baishar es braçi. Queden dus partits e pòt passar de tot, açò non se va a decidir enquiath darrèr partit.
Era classificacion : Etoile du Cagire 59, U.E. Bossòst 56, Villeneuve e Isle en Dodon 54, Encausse 53 e Luchon 48.
Aguesta dimenjada non auem partit, se jogarà eth partit pendent entre Luchon e Villeneuve.
Eth pròplèu partit jogaram en Bossòst eth 25 de mai tàs 20 :00 contra er equip der Etoile du Cagire, líder dera nòsta categoria.
Entrenaments aguesta semana: dimèrcles.
Ent. Landorthe: Lacaze, Villani, Lourenço, Garoui, Clave, Bosc, Le Guen, Tombini, Perroud, Delperies, Beyt. Remplaçants : Cagniart, Drezen Eychenne.
Tarjetes auriòles : Villani (37’), Beyt (58’)
Trainer : Feuillerat Franck
U.E. Bossòst : Monchi, Marc, Chapo, Felipe, Jaime, Luis, Gachi, Abraham, Jorge, Liaño e Miguel. Remplaçants: Salva, Pipe, Cabezas.
Tarjetes auriòles: Piñeiro (31’), Ignasi (32’ e 91’), Liaño (60’)
Trainer: Adrian.
Gols: 1-0 Bosc (25), 1-1 Miguel (35’ p.), 2-1 Perroud (44’), 2-2 Pipe (60’).
Arbitre : Laïlle Guy.

Victòria minima entà seguir ena luita peth campionat

U.E. Bossòst 1 – Isle en Dodon 0
Er Isle en Dodon non metec bric fàcil es causes aguest dissabte en Bossòst, refortit damb dus jogadors deth prumèr equip. Er equip aranés auec ena prumèra mietat dues bones ocasions enes botes de Miguel, mès es sòns shuts anèren desviadi entà dehòra dera porteria. Ignasi shutèc ras e eth portèr Pérez realizèc ua bona arturada desviant era pilota a cornèr. Auérem bèra ocasion clara ena que non acabèrem de rematar era pilota laguens dera porteria francesa. Damb eth 0-0 s’arribaue ath descans.
Ena dusaua mieta continuèc eth domini der equip aranés. Ena menuta 70, en un dehòra de banda, Liaño prolonguèc damb eth cap era pilota e Pèir tot solet, en dusau garròt, mercaue eth 1-0. Ara seguida, merquèrem un aute gol en un centro d’Ignasi que Pèir remataue de cap mès er arbitre fiulèc dehòra de jòc. Enes menutes finaus patirem dues expulsions seguides que mos deishèc damb 9 jogadors. Er Isle en Dodon sonque dèc sensacion de perilh enes jogades de pilota arturada.
Ath finau, victòria pera minima, mès important entà seguir enes prumères posicions deth campionat. Ei domatge es dues expulsions, portam dus partits acabam damb 9 jogadors e açò mos pòt passar factura enes pròplèus partits. Era classificacion :Etoile du Cagire 55, U.E. Bossòst 54, Encausse 53, Villeneuve 51, Isle en Dodon 50, Luchon 44.
Eth pròplèu partit jogam en Estancarbon dimenge 12 de mai tàs 15 :00 contra er equip deth Landorthe.
Entrenaments aguesta semana: dimars e dijaus.

U.E. Bossòst : Kike, Marc, Chapo, Felipe, Antonio, Àlex, Gachi, Piñeiro, Pèir, Ignasi e Miguel. Remplaçants: Salva, Liaño, Cabezas.
Tarjetes auriòles: Piñeiro (31’), Ignasi (32’ e 91’), Liaño (60’).
Tarjeta vermelha : Piñeiro(89’).
Trainer: Adrian.

Isle en Dodon : Perez, Rodriguez, Bachet, Arexis, Larrieu, Saint Blancat, Lozes, Jouanny, Lourde, Delavergne, Chakhs. Remplaçants : Furton, Barutaut, Sottom.
Tarjetes auriòles : Bachet (56’), Sottom (60’), Rodriguez (80’), Larrieu (89’).
Trainer : Furton Philippe.

Gols: 1-0 Pèir (70’).
Arbitre : Castro Antoine.

¡¡¡ Victòria epica !!!

F.C. Villeneuve de Rivière 2 - U.E. Bossòst 3
Partit important eth que se jogaue aguest dissabte en Villeneuve de Rivière. Era U.E. Bossòst comencèc en tot auer ua bona ocasion damb un shut de Gachi que tocaue eth garròt dera porteria francesa. Eth Villeneuve de Rivière responec damb un shut de Milan que passèc a tocar deth garròt. Ena menuta 25 Miguel mercaue eth 0-1 en un shut ras. En ua fauta centrada en àrea aranesa, Casteran s’auançaue ara defensa e ath portèr aranés e marcaue eth 1-1. Lèu deth descans, en un centre de Marc, Pèir mercaue eth 1-2 damb un polit gol en rematar de cap. Damb eth 1-2 s’ arribaue ath descans.
Ena dusaua mietat, ath començament, eth Villeneuve mos embarrèc ena nòsta àrea. Kike arturaue un bon de cap dera delantera francesa. En ua bona jogada personau Dessaint shutaue e mercaue eth 2-2. Ara seguida patirem era expulsion de Luis per 2 tarjetas auriòles en 5 menutes. Encara se mos complicauem mès es causes quan i auec era doble expulsion de Héctor per part aranesa e Milan pera part francesa. En aguesta jogada se produsiren uns incidents lamentables per part deth public francés ( invasion deth terren de jòc, crits, insults, eca ….) Ath finau, eth partit reprenec era sua normalitat.
En ua jogada personau Pèir siguec derribat laguens der àrea e eth arbitre fiulèc penalty. Eth lançament de penalty per part de Felipe gessec per dessús dera porteria francesa. A dues menutes deth finau en un bon lançament de cornèr per part de Gachi, Cabezas rematue de cap en prumèr garròt mercant eth gol que mos daue era victòria per 2-3.
Ath finau victòria epica damb 9 jogadors que mos place enes prumèrs lòcs dera classificacion : Encausse 52, Etoile du Cagire 51, U.E. Bossòst 50, Isle en Dodon e Villeneuve de Rivière 47, Luchon 44.
Eth pròplèu partit jogam en Bossòst dissabte 4 de mai tas 20 :00 contra er equip d’Isle en Dodon.
Entrenaments aguesta semana: deluns e dijaus.

F.C. Villeneuve de Rivière: Worms, Marsand, Snela, Ikkene, Moreno, Hervas, Bessaguet, Casteran, Milan, Dessaint, Chibarie. Remplaçants: Moutet, Latour.
Tarjetes auriòles : Marsand (42’), Moreno (75’).
Tarjeta vermelha : Milan (70’).

U.E. Bossòst : Kike, Marc, Chapo, Felipe, Héctor, Luis, Gachi, Abraham, Pèir, Ignasi e Miguel. Remplaçants: Salva, Xavi, Cabezas.
Tarjetes auriòles: Miguel (40’), Luis (55’), Salva (73’), Pèir (85’).
Tarjeta vermelha : Luis (60’), Hector (70’).
Trainer: Adrian.

Gols : 0-1 Miguel (25), 1-1 Casteran (35’), 1-2 Pèir (43’), 2-2 Dessaint (65’), 2-3 Cabezas (87’).
Arbitre : Stefani Serge.

Resolucion deth partit contra er Aurignac

Resultat deth partit U.E. Bossòst 3 - Aurignac 0 ( Aurignac sancion de 100 € e 1 punt mens). Eth nòste jogador expulsat en partit ei sancionat damb 4 partits.
Classificacion: Encausse 48, Etoile 47, Villeneuve e Bossòst 46, Isle en Dodon 43, Luchon 40.

Un empat que mos sap a poc

U.E. Bossòst 1 – B. Luchon 1
Partit complicat eth que se disputèc aguest dissabte en Bossòst e qu’acabèc damb un empat que non deishèc content a cap equip.
Ena prumèra mietat ei quan semblèc qu’ era U.E. Bossòst podie auer mercat era diferéncia entre es dus equips. Pèir auec ua bona ocasion en entrar laguens der àrea tot solet e quan semblaue qu’ anaue a mercar, eth defensa deth Luchon podec despejar era pilota. Miguel, ena menuta 30´, shutaue ras a tocar deth garròt e mercaue eth 1-0. Semblaue que damb aguest mercador s’ arribarie ath descans mès a dues menutes deth descans en ua pilota perduda pera defensa aranesa, Sales metie un gran gol en suspréner a Kike damb un shut des de 40 mètres. Damb eth 1-1 s’arribaue ath descans.
Ena dusaua mietat, e a mesura qu’anauen passant es menutes s’ anec enlordint eth jòc, çò que portèc a continues interrupcions; eth partit non auec ritme e beneficièc ath equip francés. Liaño auec ua bona ocasion en un shut des de laguens der àrea qu’ eth portèr francés arturaue. Er arbitre expulsèc ath nòste jogador Àlex e ara seguida ath jogador deth Luchon, Sales. Enes darrères menutes era U.E. Bossòst non podec profitar es lançaments de fauta e de cornèr. En tota era dusaua mietat eth nòste portèr Kike non auec d’arturar cap pilota. Er arbitratge non agradèc bric a cap des dus equips.
Ath finau, un empat que mos deishe un sinhau luenh des aspiracions entà pujar lòcs ena classificacion. Era semana que ben, important partit en camp de Villeneuve de Rivière, jogam dissabte 27 d’ abriu tàs 20 :00 ores.
Entrenaments aguesta semana: deluns e dijaus.
U.E. Bossòst : Kike, Héctor, Chapo, Felipe, Antonio, Àlex, Luis, Liaño, Pèir, Paba e Miguel. Remplaçants: Abraham, Gachi, Ignasi.
Tarjetes auriòles: Alex, Pèir, Ignasi.
Tarjeta vermelha : Àlex
Trainer: Adrian.

B. Luchon : Boutra-Mansour, Vanmo, Coutinho, De Abreu, Cayrey, El Mahraoui, Sales, Boy, Latour, Giron, Da Costa. Remplaçants: Nuno.
Tarjetes auriòles: Sales, Boy, Da Costa.
Tarjeta vermelha: Sales
Trainer: Revertegat Philippe.

Gols : 1-0 Miguel (30’),1-1 Sales (43’).
Arbitre : Hubert Marc.

Camp petit : victòria petita

F.C. Larboust-OÔ 0 - U.E. Bossòst 1
Partit complicat pes dimensions deth terren de jòc en que se joguèc ager dimenge en OÔ. Ei dificil en un camp tan petit en eth que non i a guaire espaci crear un jòc fluit ; fòrça important es lançaments de cornèr e banda. Era U.E. Bossòst dominèc eth jòc enes dues àreas e frut d’ açò Ignasi profitèc un lançament de banda entà marcar d’un bon còp de cap eth 0-1. Eth Larboust mos creèc ena prumèra mietat dues ocasions en ua rematada de cap e en un lançament de cornèr. Tamb eth 0-1 s’arribaue ath descans.
Ena dusaua mietat mès de lo madeish, poc jòc e èster atent enes jogades arturades enes dues àrees. Era defensa aranesa e eth nòste portèr Kike sigueren fòrça ben e poderen arturar es atacs der equip francés. Era U.E. Bossòst marquèc eth 0-2 en ua rematada de cap de Pèir qu’ eth línier deth Larboust senhalèc dehòra de jòc e er arbitre fiulèc e anulèc eth gol que a nosati mos semblèc legal. Ena darrèra menuta Alex podec marcar en un gran shut des de miei camp en qu’era pilota dempús de tocà-la eth portèr francés damb era punta des dits, anèc en garròt.
Ath finau, victòria pera mínima en un terren dificil que mos place ena cinquaua posicion. Non toti es equips auem disputat es madeishi partits. Classificacion: Encausse 44 , Etoile Cagire e Isle en Dodon 43, Villeneuve 42, U.E. Bossòst 40, Luchon 38.
Eth plòplèu partit, derbi deth Portilhon en Bossòst, dissabte 20 d’ abriu tàs 20 :00 contra eth Luchon.
Entrenaments aguesta semana eth dimars e dijaus.

F.C. Larboust-OÔ: Treserre, Escole, Pascau, Joly, Guizou, Heride C., Heride Y., Russi, Dulon, Aliouane, Aruayou. Remplaçants: Escale, Gabriel, Sicre.
Trainer : Tine Jean Claude.
Tarjetes auriòles : Pascau (65’).

U.E. Bossòst : Kike, Chapo, Jorge, Felipe, Héctor, Àlex, Gachi, Abraham, Pèir, Ignasi e Miguel. Remplaçants: Salva, Cabezas, Marcos.
Tarjetes auriòles: Pèir (75’), Miguel (85’) .
Trainer: Adrian.

Gol : 0-1 Ignasi (20’).
Arbitre : Ferran David.

Resultat injust, sonque manquèc eth gol

U.E. Bossòst 0 – Ent. Landorthe 0
Partit dominat pendent es 90 menutes en qu’ auérem fòrça oportunitats que malurosament non podérem concretar.
Ena prumèra mietat, Paba en dues ocasions auec eth gol a tocar mès es sues rematades de cap anèren ua entà dehòra e er auta as mans deth portèr. Ua fauta shutada per Pèir siguec desviada entath cornèr peth portèr francés. En un shut de Luis eth portèr Lacaze se trapèc era pilota rebotada en sòn cos. Eth Landorthe sajèc de suspréner ara fin dera prumèra mietat damb un contraatac d’ Armengaud. Tamb 0-0 s’arribaue ath descans.
Ena dusaua mitat continuèc eth domini aranés ; eth Landorthe non passèc de miei camp. Ignasi en ua jogada shutaue e era pilota dempús de tocar ath portèr anaue entath garròt e dempús gessie dehòra. En un shut de Paba eth portèr desviaue era pilota damb es pès entath cornèr. Luis damb eth sòn shut tocaue eth garròt dera porteria francesa. Felipe que tornaue a jogar en Bossòst dempús dera grèu lesion auec era darrèra ocasion mès eth sòn shut passaue a tocar deth garròt.
Ath finau, 0-0 (eth Landorthe ac celebrèc coma s’ auesse guanhat ua copa), sonque mos manquèc eth gol; er equip luitèc ath màxim entà guanhar eth partit mès non auérem era sort de cara.
Dam es gràcies ara aficion peth sòn suport pendent tot eth partit.
Aguesta dimenjada non auem partit, se jogue es ¼ de finau dera Copa de Comminges. Eth plòplèu partit, dimenge 14 d’ abriu tàs 15 :00 en OÔ contra er equip deth Larboust-oô.
Entrenaments aguesta semana eth dijaus dia 4 d’abriu.
U.E. Bossòst : Kike, Abraham, Chapo, Antonio, Liaño, Àlex, Luis, Paba, Javi Castet, Ignasi e Pèir. Remplaçants: Felipe, Marc e Pipe.
Tarjetes auriòles: Luis.
Trainer: Jordi.
Arbitre : Darnaud Claude.

Partit suspenut ena menuta 57

U.E. Bossòst 2 – E.F.C. Aurignac 0 (menuta 57’)
Eth partit siguèc suspenut ena menuta 57 pera grèu blessura deth jogador deth Aurignac Ane Jean Michel. Eth sòn equip er Aurignac demanèc ath arbitre de no continuar jogant eth partit e alavetz se fiulèc eth finau.
En aquest moment eth resultat deth partit ere 2-0 favorable ara U.E. Bossòst, gols marcadi per Ignasi e Alex ena prumèra mietat.
As 12 menutes dera dusaua mieta se produic era jogada fortuita damb era lesion deth jogador francés.
Ara auem de demorar çò que decidisqui eth comité de copes e campionats.
Eth plòplèu partit, dissabte 30 de març tàs 20 :00 en Bossòst contra er equip Ent Landorthe.
Entrenaments aguesta semana eth dimèrcles dia 27.
U.E. Bossòst : Kike, Marc, Chapo, Jaime, Liaño, Alex, Luis, Abraham, Piñeiro, Ignasi e Pèir. Remplaçants: Felipe, Paba e Pipe.
Tarjetes auriòles: Alex (28’).
Tarjeta vermelha: Piñeiro (57’)
Trainer: Jordi.

E.FC. Aurignac : Massain, Boudes, Ane, Caussole, Marinho, Portington, Dreher F., Dreher G., Techene, Alves, Dastugue. Remplaçants : Cazenave, Ben Ali.
Trainer : Lapuyade Joël.

Gol : 1-0 Ignasi (15’), 2-0 Alex (45’).
Arbitre : Duprat Philippe.

Perdèm eth partit en darrèr quart d’ora

U.S. Encausse 2 – U.E. Bossòst 0
Desplaçament difícil eth qu’auíem aguest darrèr dissabte en Encausse. Ena prumèra mitat er Encausse portèc eth domini deth joc, damb un fotbòl molt directe que sajaue de sorprène ara defensa aranesa. Eth sòn milhor jogador Paya, shutaue desde qualsevol posicion entara porteria de Marcos. Ara U.E. Bossòst ena prumèra mietat li costèc arribar ena porteria francesa. Enes darrères menutes dera prumèra mietat er Encausse auèc es milhors ocasions entà marcar, Batmalle e Paya se presentauen dauant de Marcos e shutauen a porteria mès eth portèr aranés podéc despejar era pilota entà cornèr es dus viatges. Tamb eth 0-0 s’arribaue ath descans.
Ena dusaua mietat esquiara menuta 30 se veiguèren es milhors moments dera U.E. Bossòst. As 10 menutes, un cop de cap d’Ignasi tocaue eth garròt dera porteria francesa. As 20 menutes ua bona jogada entre Piñeiro e Luis, aguest shutaue a porteria e era pilota tornaue a tocar eth garròt dera porteria. Passada era mieja ora dera dusaua mietat Paya sorprenia ara defensa aranesa en ua jogada personau e dempús de shutar dauant de Marcos, eth portèr aranés despajaue era pilota que siguèc remaçada abantes de gessèr peth delanter e centrada entà que Noilhan marquèse eth 1-0.
Aguest gol hèc molt de mau ath equip aranés, pr’amor dempús d’auèr es milhors ocasions ena dusaua mietat li marcauem un gol. Eth ràpit delantèr francés Paya tornaue a sorprène ara defensa aranesa e 10 menutes més tard marcaue eth 2-0. Ena menuta finau deth partit se produic ua jogada fortuita entre Jorge e Essaoui; eth jogador francès se portèc era pitjor part e auèc d’estèr evacuat pes Pompiers de Saint- Gaudens damb un patac en cap. Pes noticies qu’auem der Encausse eth jogador està ben, sonque repos pendent ua semana.
Ath finau derròta en un camp complicat e un rivau directe entath campionat. Ara a demorar con quede era classificion dempús dera retirada deth Cazeres III. Mos queden 9 partits ( 6 en casa e 3 dehòra) e encara tot ei possible.
Eth plòplèu partit, dissabte 23 de març tàs 20 :00 en Bossòst contra er equip E.F.C. Aurignac.
U.S. Encausse : Gamboni, Le Vecher, Marcos, Loutfi, Aries, Brana, Duclos, Lompech, Lefrançois, Batmalle, Paya. Remplaçants : Noilhan, Martins, Essaoui.
Trainer : Germain Thierry.
U.E. Bossòst : Marcos, Marc, Jorge, Jaime, Xavi, Alex, Luis, Madrid, Piñeiro, Ignasi e Abraham. Remplaçants: Cabezas, Felipe e Pipe.
Tarjetes auriòles: Piñeiro (81’)
Trainer: Adrian.

Gol : 1-0 Noilhan (72’), 2-0 Paya (80’).
Arbitre : Laïlle Guy.

Ara fin jogam en Bossòst e guanham

U.E. Bossòst 2 – F.C. Montastruc 0
Dempús de dus mesi sense jogar en Bossòst, ath finau podérem jogar eth partit aguest darrèr dissabte e çò de mès important arténher era victòria.
Partit dominat per equip aranés ena prumera mitat. Ath quart d’ora, Ignasi marcaue eth 1-0 damb un còp de cap. Podérem ampliar era ventatja en ua bona jogada ena qu’ era pilota arribaue a Javi Castet qu’ en bòrd der àrea shutaue desviat dehòra dera porteria. Eth Montastruc responec damb un bon lançament de fauta deth sòn capitan Ribet qu’eth nòste portèr Kike desviaue ath cornèr. Damb eth 1-0 s’arribaue ath descans.
Ena dusaua mietat, as 10 menutes en ua jogada de Pèir eth sòn centre barrat, eth portèr francés acabèc de calar era pilota laguens, ère eth 2-0. A compdar d’alavetz mès domini der equip francés que sajaue de reduir distàncies en marcador ; er equip aranés joguèc aguestes menutes ath contratac entà suspréner ara defensa deth Montastruc. En ua jogada d’aguestes, Pipe se plantaue dauant de Cucuron mès non podec acabar de concretar era clara ocasion e eth sòn shut gessec desviat. En Montastruc sonque sajaue de profitar es lançaments de fauta e cornèrs entà crear ocasions; tant eth nòste portèr Kike coma era defensa aranesa sigueren fòrça ben e ath finau podérem mantier era porteria a 0.
Ath finau, victòria important entà seguir enes lòcs de dauant.
Classificacion: Isle en Dodon e Villen. de Rivière 38, Etoile Cagire 35, Bossòst e Luchon 33, Encausse 32.
Eth plòplèu partit, dissabte 16 de març tàs 20 :00 en Encausse contra er equip locau.

U.E. Bossòst : Kike, Abraham, Marc , Antonio, Héctor, Àlex, Madrid, Piñeiro, Javi Castet, Ignasi, Pèir. Remplaçants : Salva, Xavi e Pipe.
Tarjetes auriòles : Madrid.
Trainer : Adrian.
F.C. Montastruc : Cucuron, Casties, Saint Martin, Ribet, Bringue, Lacarrere C., Lacarrere T., Raynaud, Brun, Gracia, Bories. Remplaçants : Da Costa, Rouch, Estrade.
Tarjetes auriòles : Saint Martin.
Trainer : Raynaud Christian.
Gol : 1-0 Ignasi (20’), 2-0 Pèir (55’).
Arbitre : Ferran David.

Demoram jogar aguest dissabte

Aguest dissabte 9 de març tàs 20:00, partit en Bossòst contra eth Montastruc de Salies.
Entrenaments aguesta semana deluns e dijaus.

¡¡¡ Com auem eth campionat !!!

Dempús des partits d'aguesta dimenjada en qu'era U.E. Bossòst non joguèc, atau quede era classificacion deth campionat:
Etoile du Cagire 32, Villeneuve de Riviere e Isle en Dodon 30, U.E. Bossòst 29, Luchon 28, Mabroc 25, Encausse 24, Larboust e Landorthe 22, Montastruc 21, Aurignac 15, Cazeres 10. Er Etoile du Cagire ha disputat 1 partit de més e eth Villeneuve de Riviere 1 de menos. Encara quede 12 partits per disputar e pot passar qualsevol causa. Era U.E. Bossòst a despièr de non artenher boni resultats enes darrèrs partits està plaçada en quatau lòc.
Eth plòplèu partit ( se mos deishe era nhèu) ei en Bossòst eth dissabte 2 de març tàs 20:00 contra er equip deth Landorthe.
Entrenaments aguesta semana deluns e dijaus.

Derròta doblement dolorosa

Isle en Dodon 1 - U.E. Bossòst 0
Derròta doblement dolorosa era que patic era U.E. Bossòst aguest dimenge en Isle en Dodon, sustout pera greu herida d’ Enric qu’acabèc en Espitau de Vielha damb ua fractura de dues costelhes.
En partit, ath finau, anèrem justi de jogadors e aquerò, ath finau , se notèc. Ath delà, er Isle en Dodon artenhie eth 1-0 en un clar dehòra de jòc. Dempús d’aguest gol auérem ua bona ocasion entà empatar ena que Miguel se quedaue solet dauant deth portèr e dempús de driblar non podèc shutar quan semblaue qu’anaue a marcar. As pocs menutes patírem era greu herida d’Enric, en ua entrada terrible deth portèr francés qu´impatèc eth sòn jolh enes costelles deth delantèr aranés que quedèc ko en terra ; ua entrada desproporcionada en un clar penalty qu’er arbitre non fiulèc. A compdar d’alavetz mos quedèrem damb 10 jogadors pr’amor que menutes abantes tanben s’auie lesionat Héctor. Tamb eth 1-0 s’arribaue ath descans.
Ena dusaua mietat a despiet d’ èster 10 jogadors er equip aranés non se conformèc damb eth resultat e auec milhors ocasions qu’eth sòn rivau. Atau Miguel, auec un remat de cap dempús d’un bon centro de Pèir. Era milhor ocasion siguec ena menuta 75´ ena que Luis shutèc ua falta e toquèc eth garròt dera porteria francesa. A 10 menutes deth finau mos quedàuem damb 9 jogadors pera expulsion de Miguel. De totes manères encara auérem era darrèra ocasion en ua falta centrada per Pèir que Chapo non podèc ath finau rematar. Er Isle en Dodon solet creèc perilh a pilota arturada mès era defensa aranesa podec despejar totes es pilotes.
Ath finau , tresaua derròta d’aguest an 2013 qu’auem començat damb mau pè e dolenti resultats, lesions importants coma era d’ Enric e d’ autes petites lesions qu’an portat ad aguesta situacion. Demoram que lèu arribe eth bon temps, se´n vage era nhèu deth camp entà poder entrenar e tornem a recuperar es bones sensacions. Encara quede molt de campionat.
Desiram a Enric ua lèu e bona recuperacion.
Era semana que ven non auem partit, non jogaram enquia prumèrs deth mes de març.
Isle en Dodon : Marco, Lozes, Lacaze, Faure, Larrieu, Saint-Blancart, Sarniguet, Lourde, Delavergne, Abadie, Arexis. Remplaçants : Martinez, Barutaut, Rodriguez.
Tarjetes auriòles : Lacaze, Sarniguet.
Trainer : Furton Philippe.

U.E. Bossòst : Marcos, Jaime, Chapo , Antonio, Héctor, Luis, Abraham, Enric, Miguel, Ignasi, Pèir. Remplaçants : Salva.
Tarjetes auriòles : Luis
Tarjeta vermelha: Miguel
Trainer : Jordi.

Gol : 1-0 Sarniguet (25’).
Arbitre : Migotto Luc.

Ath finau jogam eth dimenge

Eth partit contra er Isle en Dodon ath finau se jogue eth dimenge 17 de hereuèr tàs 15:00 en terren der equip francés.

Aguest an acabaram de jogar entà Sant Ròc

A d'aguest pas acabaram eth campionat entà Sant Ròc. Eth partit d'aguest dissabte a jogar en Isle en Dodon s'ha suspenut. Eth partit se jogarà ei programat entà jogar eth dissabte 16 d'hereuèr tàs 20:00.

Non mereishíem aguest resultat

Etoile Cagire 3 - U.E. Bossòst 2
Ath finau siguec er unic partit dera nòsta categoria que se podec jogar. Partit en un camp damb fòrça hanga que dificultèc sustot ar equip mès tècnic : era U.E. Bossòst.
Era prumèra mietat siguec dominada pera U.E. Bossòst. Ena menuta 15’, Pèir en un lançament de fauta, marcaue eth 0-1. Er equip aranés amplièc era sua ventatja quan Ariel profitèc ua pilota que l’ ac escapèc ath portèr francés entà marcar eth 0-2. Ena darrèra menuta dera prumèra mietat, Ariel remataue ath garròt dera porteria der Etoile. Damb eth 0-2 s’arribaue ath descans.
Ena dusaua mietat, sonque començar, er Etoile reduie es distàncies en marcador en profitar ua fauta que siguec rematada de cap per Watel. Ère eth 1-2. Era U.E. Bossòst responec damb ua bona ocasion de Chapo en jogada personau que non podec èster rematada peth cap delantèr. Ariel, tot solet dauant deth portèr, non podec marcar quan semblaue lo mès fàcil. Er arbitre fiulaue un penalty en contra der equip aranés en ues mans de Chapo que se virèc e era pilota li toquèc en braç, penalty riguròs que Kike arturaue. En ua auta àrea ,Ariel siguec derribat laguens der àrea e lo que semblaue un clar penalty er arbitre fiulèc fauta dehòra der àrea. En auta lançament de fauta semblat ath prumèr gol, er Etoile Cagire profitaue entà empatar a 2. En un shut de Pèir des de dehòra der àrea ,era pilota toquèc en garròt e entraue laguens dera porteria e dempús se´n gessie; er arbitre non fiulèc eth gol. Ena darrèra menuta, er Etoile profitaue ua badada dera defensa aranesa entà marcar eth 3-2, resultat definitu ath finau deth partit.
Derròta inmereishuda; siguérem fòrça milhors ath long des 90 menutes mès fotbòl ei fotbòl. Ara, cau continuar eth trebalh e non baishar es braçi, pr’amor qu´es dus pròplèus partits se jogaràn dehòra e non serà bric fàcil arténher era victòria.
Eth pròplèu partit, dissabte 9 de hereuèr tàs 20:00 ores en Isle en Dodon contra er equip locau.
Aguesta semana entrenam eth dimars e dijaus ena sala polivalenta de Vielha.

U.E. Bossòst : Kike, Salva, Chapo , Liaño, Marc, Luis, Abraham, Jorge, Miguel, Ariel Pèir. Remplaçants : Cabezas.
Tarjetes auriòles : Chapo, Luis
Trainer : Adrian.
Gol : 0-1 Pèir (15’), 0-2 Ariel (35’), 1-2 Watel (48’), 2-2 Duffo(75’), Watel (90’).
Arbitre : Migotto Michel.

Jogam eth dimenge 3 d'hereuèr

Eth dimenge 3 d'hereuèr tàs 15:00 en Estadens partit de Liga contra er equip der Etoile de Cagire, 4º classificat deth campionat.

Suspenuda tota era jornada

Eth Districte de Comminges a suspenut toti es partits d'aguesta dimenjada.

Ath finau jogam aguesta dimenjada

Partit dimenge 27 de gèr tas 15:00 en Isle en Dodon contra er equip locau.
Entrenaments aguesta semana en "poli" de Bossòst: dimars e diuendres.

Suspenuda tota era jornada

Eth Districte de Comminges a suspenut toti es partits d'aguesta dimenjada pes condicions metereologiques adverses.

Non joguèrem

Degut ara nhèu queiguda pendent era nèt deth dissabte ath dimenge non mos desplaçèrem entà jogar eth partit en Isle en Dodon. Parlèrem damb era Federacion entà anular eth partit peth motiu d'éster era carretèra damb nhèu.
¡¡¡ Fòrça gràcies ara Trastienda pera sua mongetada que siguèc espectacular !!!.
Eth pròplèu partit, dissabte 19 de gèr tàs 20:00 en Bossòst contra er equip deth Landorthe. Auram de veir se poiram jogar, pr'amor qu'es previsions metereologiques pòrten nhèu pendent tota era semana.
Entrenaments aguesta semana: dimars e dijaus.

Perdem eth liderat

U.E. Bossòst 1 – F.C. Villeneuve de Rivière 2
Partit entre es dus prumèrs classificats deth campionat. Ena prumèra mietat, i auec un jòc damb fòrça interrupcions e non pas guaire ocasions de gol. Eth Villeneuve avisèc as 10 menutes en ua jogada de Milan que shutaue desviat. Era U.E. Bossòst responec damb un shut d’Ignasi qu’anaue entà dehòra. En ua pilota que se l’escapèc ath portèr francés, auérem ua bona ocasion entà marcar. Damb eth 0-0 s’arribaue ath descans.
Ena dusaua mietat eth Villeneuve de Rivière s’auançaue en marcador en un shut ras de Marsand qu’ eth nòste portèr Kike, a despiet de tocar era pilota non podec acabar d’arturar ; ère eth 0-1. En ua jogada, Pèir siguec derribat en àrea francesa mès er arbitre non fiulèc lo que semblaue un clar penalty. Era U.E. Bossòst igualaue eth marcador en ua fauta shutada per Pèir e damb era que Ignasi, ena madeisha línea de gol, marcaue eth 1-1. Auérem ua molt bona ocasion en un centro-shut d’ Àlex que tocaue eth garròt dera porteria francesa. Eth Villeneuve de Rivière marcaue eth 1-2 damb ua pilota qu’eth jogador Tige shutaue a 35 mètres dera porteria e susprenie ath portèr aranés. Era U.E. Bossòst luitèc enquiath finau per igualar eth marcador, mès non podec empatar eth partit. Ara, eth Villeneuve ei prumèr damb 29 punts, U.E. Bossòst 27, Etoile Cagire 25, Isle en Dodon 24 e Luchon 22.
Ath finau, prumèra derròta deth campionat, non auérem era sort d’auti partits ; eth Villeneuve treiguec fòrça profit des sues ocasions e nosati , se compdam eth shut ath garròt, eth penalty non fiulat a Pèir e bèra ocasion dera dusaua mietat, mereishíem bèra causa mès. Ara complicat partit en casa deth 4au classificat e a ua ora bric corrent.
Eth plòplèu partit, 9ua jornada deth campionat de liga dimenge 13 de gèr tàs 12:45 ores en Isle en Dodon contra er equip locau.
Aguesta semana entrenam eth dimars e dijaus.

U.E. Bossòst : Kike, Marc, Chapo , Antonio, Jaime, Àlex, Paba, Luis, Ignasi, Miguel, Pèir. Remplaçants : Ariel, Piñeiro, Pipe.
Tarjetes auriòles : Marc (65’), Jaime (70’), Luis (85’).
Trainer : Adrian.

F.C. Villeneuve de Riviere: Worms, Bessaguet, Snela, Ikkene, Moreno, Hervas, Milan, Cayuela, Rigaut, Casteran, Marsand T. Remplaçants : Marsand G., Chibarie, Tige.
Tarjetes auriòles : Marsand G.(75’), Chibarie (85’).
Trainer: Saforcada Pierre
Gol : 0-1 Marsand T. (55’), 1-1 Ignasi (65’), 1-2 Tige (80’).
Arbitre : Ferran David.

Mos enfrentam es dus prumèrs dera classificacion

Aguest dissabte 5 de gèr tas 20:00 en Bossòst partit superimportant contra eth Villeneuve de Riviere, dusau classificat deth campionat a 1 punt deth líder era U.E. Bossòst.
Demoram eth suport dera nòsta aficion.
Entrenaments: auè dimèrcles dia 2 e diuendres dia 4.