Sonque mos quede eth campionat

U.E. Bossòst 0 – F.C. Nestes 2
Bon partit des 1/32 de finau dera Copa de Midi eth d’aguest dimenge en Bossòst entre era U.E. Bossòst e eth F.C. Nestes, equip de dues categories superior ar equip aranés.
Eth partit se decidic en profitar eth F.C. Nestes dus errors puntuals dera nòsta defensa en pèrder era pilota en miei deth camp e realizar un ràpit contraatac entà suspréner ara defensa aranesa. Abantes era U.E. Bossòst auec ua bona ocasion ena que a Gachi e Ignasi se les quedèc enes pès era pilota laguens der àrea petita e non poderen shutar. En 5 menutes eth Nestes anaue a sentenciar eth partit en profitar Grange e Donascimiento dues perdes de pilota dera defensa aranesa. En darrèr minut dera prumèra mietat Antonio auec ua bona ocasion en quedà-se solet dauant deth portèr Fourquet e shutar ras a toca deth garròt dehòra dera porteria. Tamb 0-2 s’arribaue ath descans.
Ena dusaua mietat, er equip aranés sajèc de marcar un gol entà intentar redusir es distàncies e calà-se ena eliminatòria. En un bon centro d’Ariel, Pipe rematue solet de cap e era pilota anaue nauta tà dehòra. Eth madeish Pipe auec ua bona ocasion en shutar laguens der àrea mes eth sòn shut siguec desviat pera defensa deth Nestes. Enes darreres menutes deth partit , eth Nestes auec ua bona ocasion ena que Dupuy se plantaue dauant de Kike e shutaue naut dehòra dera porteria.
Ath finau, eliminadi d’aguesta Copa de Midi ena qu’er equip deishèc ua bona impresion. Eth premi d’arribar ad aguesta elimatòria a estat era equipacion que portaue er equip aguest dimenge. Ara, a mete-se en campionat en tot sajar de guanhar es dus partit qu’auem pendents peth mau temps.
Eth plòplèu partit, 7ua jornada deth campionat de liga dissabte 22 de deseme tàs 20:00 ores en Bossòst contra er equip deth F.C. Larboust-OÒ.
Aguesta semana entrenam dimars e diuendres.

U.E. Bossòst : Kike, Marc, Chapo , Antonio, Piñeiro, Àlex, Abraham, Luis, Ignasi, Ariel , Gachi. Remplaçants : Salva, Xavi, Pipe.
Trainer : Adrian.

F.C. Nestes: Fourquet, Dumestre, Leromain, Rumeale, Pailhac, Clairon, Dupuy, Erracarret, Donascimiento, Verdier, Grange. Remplaçants : Barbazan, Gailhard, Blancard.
Trainer : Forgue Stephane.
Tarjetes auriòles : Leromain, Rumeale.

Gol : 0-1 Grange (35’), 0-2 Donascimiento (40’).
Arbitre : Augueliaro Ivan.
Liniers : Martin Noël, Iakini Ayedine.