¡¡¡ Guanham e èm líders en solitari !!!

U.E. Bossòst 2 – Encausse 1
Partit fòrça disputat entre dus boni equips deth campionat d’Excellence deth Districte de Comminges.
En començament, er Encausse gessec damb fòrça sajant de jogar en terren aranés. Dempús d’aguest domini iniciau , era U.E. Bossòst auec ua bona ocasion en un cop de cap de Luis qu’anec per naut dera porteria francesa. Er Encausse responec damb eth prumèr gol en que Paya profitèc ua indecision dera defensa e se plantaue dauant de Kike entà marcar en shut ras eth 0-1. Er equip aranés auec ua bona ocasion enes botes d’Ariel que dempús de driblar a un defensor shutaue ath costat dera porteria. Er equip aranés igualèc en marcador ena menuta 35 quan Ariel profitaue ua pilota laguens der àrea e marcaue eth 1-1. Damb aguest resultat s’arribaue ath descans.
Sonque començar era dusaua mietat, en ua fauta shutada per Àlex, Luis s’auançaue ara defensa e ath portèr e pientaue era pilota que s’introduie ena porteria francesa. Ère eth 2-1. Encara quedaue fòrça menutes de partit. Er Encausse auec ua bona ocasion quan Paya shutaue a pòrta mès eth portèr Kike desviaue eth perilhós shut. Ua bona jogada aranesa acabaue damb un cop de cap d’Ignasi qu’anec per naut dera porteria. En ua auta jogada der equip aranés, Piñeiro shutaue de bolea ua pilota des deth punt de penalty e marcaue mès er arbitre anulèc eth gol per ues mans qu’arrés veiguec. Er Encausse auec ua darrèra ocasion en un cop de cap qu’anec entà dehòra.
Ath finau, victòria fòrça important,( coma ditz eth nòste psicòleg particular Xavi, “venjanza” ), que mos plaçe líders en solitari deth campionat damb 18 punts, eth Villeneuve de Rivière damb 17, Etoile Cagire 16, Isle en Dodon 14, Luchon 13, Encausse 12, Montastruc e Larboust 11.
Eth plòplèu partit, 6ª jornada deth campionat de liga en Aurignac contra er equip locau,, dissabte 17 de noveme tàs 20:00 ores.
Aguesta semana entrenam eth dimars e dijaus.

U.E. Bossòst : Kike, Salva, Chapo ,Jaime, Héctor, Àlex, Luis, Madrid, Ariel, Ignasi , Miguel. Remplaçants : Abraham, Piñeiro e Xavi.
Trainer : Jordi.
Tarjetes auriòles: Chapo, Ignasi, Piñeiro, Héctor.

Encausse: Gamboni, Marcos, Essaoui, Dauce, Loufti, Brana, Duclos, Juste, Le Vecher, Batmalle, Paya. Remplaçants : Lompech, Paya M., Aries.
Trainer : Germain Thierry.
Tarjetes auriòles : Marcos.

Gol : 0-1 Paya (15’), 1-1 Ariel (35’), 2-1 Luis (50’).
Arbitre : Courthieu Patrick.