Jogaram en Bossòst

Eth partit dera 4ua Ronda dera Copa de Midi  U.E. Bossòst - Ent. Varilhes que se suspenèc aguest darrèr dissabte se jogarà dissabte 3 de noveme tas 20:00 en Bossòst

Non joguèrem eth partit de Copa de Midi

Er arbitre decidic que non se podie jogar enes condicions en qu'ère eth terren de jòc. Es dus equips auiem talents de jogar e pensàuem que en pitjors camps auiem disputat partits. Ath delà, er equip deth Varilhes auie hèth un long desplaçament enquia Bossòst.
Ara, auem de demorar çò que decidisque era Liga de Midi Pyrenées.

¡¡¡ Victòria e co-líders !!!

F.C. Montastruc de Salies 1 - U.E. Bossòst 2

Partit fòrça disputat eth que se joguec en Montastruc eth darrèr dissabte, entre dus equips dera part nauta dera classificacion. Des d’ un començament, eth Montastruc sajaue de jogar un jòc fòrça directe, en tot cercar era esquia dera defensa aranesa çò que mos metec en mès d’ ua dificultat pendent es 90 menutes. Era U.E. Bossòst auec era sort d’ auançà-se en marcador en un shut de Madrid des de laguens der àrea que susprenie ath portèr francés. Ara seguida, auerem ua bona ocasion de marcar mès Ariel non podec shutar ben sus era gessuda deth portèr Cucuron. Eth Montastruc artenhíe eth gol der empat ena següent jogada quan Cardillo M. profitaue ua pilota e se plantaue dauant de Marcos e driblaue entà marcar eth 1-1, resultat damb eth que s’arribaue ath descans.

Ena dusaua mietat , eth Montastruc dominèc es prumèrs menutes e auec ua bona ocasion entà marcar en un shut de fauta de Ribet que Marcos desviaue entath cornèr. Era U.E. Bossòst responèc damb ua bona jogada de Pèir en que sòn shut tocaue eth garròt dera porteria. Tanben Chapo auec ua bona ocasion entà marcar mès eth portèr Cucuron desviaue eth sòn shut. En ua jogada damb centre de Pipe, Madrid remataue e marcaue eth 1-2. Raynaud auec ua bona ocasion d’ empatar mès eth sòn shut anec entà dehòra. Eth Montastruc sajèc d’empatar mès er equip aranés luitèc ath màxim entà conservar era ventatja que portaue en marcador.

Ath finau , victòria trebalhada dauant un molt bon equip que mos place ath cap dera classificacion empatadi a punts damb er Etoile du Cagire.

Eth plòplèu partit, 4ua ronda dera Copa de Midi en Bossòst contra er equip de Varilhes líder dera categoria Excellence deth Districte de l’Ariege, dissabte 27 d’octobre tàs 20:00 ores.
Aguesta semana sonque entrenam eth dijaus.

F.C. Montastruc de Salies: Cucuron, Ribet, Saint-Martin, Buffalan, Cardillo H., Embarek, Lacarrere, Bories, Gracia, Cardillo M. Remplaçants: Fuentes, Raynaud, Arcangeli.

Trainer: Raynaud Christian

U.E. Bossòst : Marcos, Salva, Chapo ,Marc, Luis, Àlex, Pèir, Madrid, Ariel, Ignasi , Miguel. Remplaçants : Abraham, Pipe, Alex Valdecantos.

Trainer : Jordi.

Gol : 0-1 Madrid (15’), 1-1 Cardillo M.(17’), 1-2 Madrid (75’).
Arbitre : Ferran David.

Sorteig 4ua ronda dera Copa de Midi

En sorteig dera 4ua ronda dera Copa de Midi celebrat agèr en Toulouse, jogaram era dimenjada deth 27-28 d'octubre en Bossòst contra eth equip deth Varilhes, equip líder dera categoria d'Excellence deth Districte de l'Ariege.

Pòker de gols entà passar a 4ua ronda dera Copa de Midi

U.E. Bossòst 4 – Et. Canton St Martory 0
Classificacion fàcil era artenhuda aguest darrèr dissabte contra er equip deth St. Martory. Des d’ un començament, se veiguec era diferéncia de categoria entre es dus equips. Ena menuta 15’, Moha dempús de desviar damb eth cap ua fauta shutada per Miguel, marcaue eth 1-0. Eth 2-0 siguec marcat per Chapo damb un shut des deth laterau damb parabola que sorprenec ath portèr francés. Eth St. Martory s’apropèc en àrea aranesa e artenhec un gol que siguec anulat per dehòra de jòc. Apròp deth descans, Moha a passada de Pèir artenhíe eth 3-0. Encara auec eth madeish jogador ua bona ocasion ena darrèra menuta dera prumèra mietat mès en sòn shut fluish podec èster desviat per un defensa. Tamb eth 3-0 s’arribaue ath descans.
Ena dusaua mietat, en començament, eth St. Martory shutèc en dues ocasions ena porteria aranesa, mès Kike arturèc era pilota. Era U.E. Bossòst auec ua bona ocasion en un shut de Miguel que toquèc eth garròt dera porteria francesa. En ua bona jogada de tot er equip, acabèc en un centro de Chapo qu´ac rematèc Ignasi de cap en garròt. Non auerem sòrt damb es garròts ena dusaua mietat. Ena darrèra menuta, ua fauta laterau shutada per Ignasi sorprenec ath portèr e plaçaue era pilota ena esquaira, ère eth 4-0 resultat ath finau deth partit.
Ara, a demorar eth sorteig de deman dimars en Toulouse e a veir quin serà eth nòste rivau entara dimenjada deth 27-28 d’octobre. Auem d’ èster contenti ja que seram un des 7 equips de Districte de Comminges presents en aguest sorteig.
Eth plòplèu partit, 4ua jornada deth campionat de Liga en Montastruc de Salies contra er equip locau, dissabte 20 d’octobre tàs 20:00 ores, partit important entre eth dusau e tresau classificat.
Aguesta semana es entrenaments son deluns e dijaus.

U.E. Bossòst : Kike, Salva, Chapo José Ramón, Piñeiro, Àlex, Pèir, Paba, Moha, Ignasi , Miguel. Remplaçants : Àlex Valdecantos, Ariel e Javi.
Trainer : Adrian.

ET. Canton St Martory: Bonato, Piovan, Belarbi, Dnuban, Fumery, Salles, Fourroux, Saux, Dussart, Guillot, Delhaye. Remplaçants: Pruvot, Pujol, Fourment.
Trainer : Fabaron Gilles.
Tarjetes auriòles: Belarbi (60’).

Gol : 1-0 Moha (15’), 2-0 Chapo (25’), 3-0 Moha (40’), 4-0 Ignasi (89’).

Arbitre : Desprats Serge.
Líniers: Copin J.Jacques, Tintelin Laurent.

Mos costèc guanhar ath darrèr classificat

U.E. Bossòst 2 – U.S. Cazères 0

Partit dominat pendent es 90 menutes pera U.E. Bossòst sense qu’eth Cazères s’ apropèsse ena porteria aranesa ( Kike auec ua net doça sense hèr arren ). Ena prumèra mietat, Ignasi auec ua bona ocasion en quedà-se dauant ath portèer mès eth sòn shut anec enes mans d´ aguest. A despiet de dominar, de trèir corners e fautes, non poguerem marcar cap gol abantes deth descans. Tamb 0-0 s’arribaue ath descans.
Ena dusaua mietat continuèc era madeisha insisténcia dera U.E. Bossòst e eth domini encara siguec mès clar. Paba auec ua bona ocasion ath començament mès non podec marcar eth gol. Mos apropàuem ath darrèc quart d’ora deth finau e Luis en jogada individuau se calaue laguens der àrea francesa e shutaue ras entà marcar eth 1-0. A dues menutes deth finau , Ignasi dempús d’un lançament de cornèr remataue de cap e sentenciaue eth resultat. Ère eth 2-0, resultat ath finau deth partit.
Mos costèc guanhar ath darrèr classificat, mès ara fin artenhèrem era mereishuda victòria en darrèr quart d’ora deth partit; semblaue qu’ er equip se contagièc deth ritme der equip francés que ja l’ anàuem en tot veir jogar poc a poc sense guaire rapides hent qu’ anesse passant eth temps. Sort qu’ ath finau mos emportèrem es quate punts que mos plaçe en dusau lòc dera classificacion tamb 10 puns a 2 punts deth líder: er Etoile de Cagire.
Eth plòplèu partit, 3ua ronda dera Copa de Midi en Bossòst contra er equip deth Canton de St. Martory, dissabte 13 d’octobre tàs 20:00 ores.

U.E. Bossòst : Kike, Abraham, Jose Ramon, Antonio, Jaime, Àlex, Luis, Madrid, Ariel, Ignasi , Pèir. Remplaçants : Salva, Xavi, Paba.
Trainer : Adrian.

U.S. Cazeres : Bompunt, Darbas, Cortelier, Lecuyer, Daussion, Sejrady, Lejeune, Carpque, Testas, Maamouch, Boumrpya. Remplaçants : Lafon, Moustati.
Trainer : Molina Gilles.

Gols : 1-0 Luis (75’), 2-0 Ignasi (88’).
Arbitre : Castro Antoine.

Era U.E. Bossòst agèr ena Revista interviu e auè en Diari Segre

http://sites.google.com/a/bossost.org/ueb/home/inter8-14.pdf



http://www.segre.com/esports/detall-esports/article/tota-la-vida-a-franca/

Sorteig 3ua Ronda dera Copa de Midi

En sorteig 3ua Ronda dera Copa de Midi jogaram dissabte 13 d'octubre en Bossòst contra er equip deth Canton de St. Martory

Passam ronda ena Copa de Midi damb ua victòria trebalhada

U.E. Bossòst 3 – Villeneuve de Rivière F.C. 1

Partit non bric fàcil eth d’aguest dissabte en Bossòst en ues condicions atmosferiques non guaire bones, baish ua pluja persistent e un terren de jòc massa ràpid que perjudic eth bon jòc des dus equips.
Era U.E. Bossòst portaue era iniciatiua deth jòc e eth Villeneuve sajaue de trèir profit dera sua contra. Es defenses s’imposèren as atacants e non i auec guaire ocasions de gol. Er equip francés profitèc ua fauta entà mèter-se dauant en marcador : eth sòn jogador Ribaut shutaue a prop dera porteria e Kike non podia hèr arren entà arturar era pilota ; ère eth 0-1. Er equip aranés insistèc en sòn domini e profitèc ena menuta 40 ua fauta tirada per Miguel que toquèc eth garròt dera porteria e Antonio profitaue eth rebot entà marcar eth 1-1 que serie eth resultat damb eth que s’arribaue ath descans.
Ena dusaua mietat, era U.E. Bossòst artenhie ben lèu eth gol en profitar ua jogada d’estrategia ena que Ignasi pientaue era pilota en prumèr garròt e Miguel apareshie entà marcar dauant Smara. Encara quedaue fòrça temps de partit, mès er equip aranés defensèc fòrça ben era sua porteria. Atau, eth Villeneuve sonque auec ua rematada de cap qu’ anec entà dehòra. Ath finau deth partit, ena darrèra menuta, Ariel profitaue un error deth portèr que non podec blocar ua pilota qu’ auie shutat Miguel e marcaue eth 3-1, resultat ath finau deth partit.
Ath finau , victòria trebalhada ena qu’ auerem de remontar un gol. Er equip semble qu’ ei en ua dinamica positiua e eth trebalh des entrenaments enes jogades a pilota arturada està dant eth sòn frut ( eth prumèr gol en Martres Tolosane e eth dusau gol d’aguest dissabte).
Eth plòplèu partit, 3ua jornada deth campionat de liga en Bossòst contra er equip deth Cazeres, dissabte 6 d’octobre tàs 20:00 ores.
Aguesta semana es entrenaments seran deluns e dijaus.

U.E. Bossòst : Kike, Salva, Chapo, Antonio, Marc, Àlex, Luis, Madrid, Ariel, Ignasi , Miguel. Remplaçants : Paul, Abraham, Popes.
Tarjetes auriòles : Antonio, Ignasi, Miguel.
Trainer : Adrian.

Villeneuve de Riviere F.C. : Smara, Ikkene, Snela, Bemaguet, Carceller, Hervas, Dessaint, Cappe, Marsand T., Milan, Ribaut. Remplaçants : Casteran, Marsand G., Chibarie.
Tarjetes auriòles : Cappe, Marsand T.
Trainer : Saforcada Pierre.

Gol : 0-1 Ribaud (25’), 1-1 Antonio (40’), 2-1 Miguel (50’), 3-1 Ariel (90’)
Arbitre : Hubert Marc.