Cambi d'ora en partit d'aguest dissabte

Eth partit d'aguest dissabte 29 de seteme dera Copa de Midi en Bossòst contra er equip deth Villeneuve de Riviere se jogarà tàs 19:00

Taules en derbi deth Portilhon

B. Luchon 1 - U.E. Bossòst 1


Partit intens coma toti es derbis deth Portilhon. Eth Luchon s’ auancèc en marcador en profitar eth sòn delantèr Dargassies ua posicion de dehòra de jòc e presentà-se tot solet dauant deth portèr aranés e marcar eth 1-0. Era U.E. Bossòst reaccionèc fòrça ben ad aguest gol e disputèc es milhors menutes en atac deth partit. Atau, ua bona jogada se dèc damb un centre de Pèir qu’ Ignasi remataue de cap e eth portèr deth Luchon desvièc era pilota en ua bona arturada. Ena menuta 30 s’artenhec eth gol der empat quan Pèir dempús de trincar era cintura ath sòn marcador, shutaue damb era cama esquèra e marcaue eth 1-1. Ignasi auec ua bona oportunitat entà marcar, mès eth portèr Boutra Mansour, eth milhor jogador deth sòn equip, desviaue entath cornèr. Damb eth 1-1 s’arribaue ath descans.
Ena dusaua mietat gessec mes calat en partit eth Luchon e auec dues bones oportunitats qu’eth portèr aranés Kike arturec fòrça ben. Dempús i auec en jòc fòrça interrupcions per fautes. Eth Luchon sajaue de profitar es longui desplaçaments deth sòn portèr entà hèr recular er equip aranés, mès era defensa e eth portèr aranès non se deishèren suspréner. En atac, era U.E. Bossòst non podec suspréner coma ena prumèra mietat ath Luchon.
Ath finau, taules en marcador, ena prumèra mietat semblaue qu’ èrem a prop d’arténher un resultat mès positiu, mès ena dusaua mietat eth jòc non siguec tant precís e auem de dar per bon aguest empat.
Eth plòplèu partit, partit de 2aua. ronda dera Copa de Midi en Bossòst contra er equip deth Villeneuve de Riviere, dissabte 29 de seteme tàs 20:00 ores.
B. Luchon : Boutra Mansour, De Abreu R., Van Mo, De Abreu N., Lansalot, El Mahraoui, Sales, Coutinho, Latour, Julia, Dargassies. Remplaçants : Boy, Giron.
Trainer : Reveregat Philippe.
Tarjetes auriòles : De Abreu N.

U.E. Bossòst : Kike, Marc, Popes, Antonio, José Ramón, Àlex, Luis, Madrid, Paba, Ignasi , Pèir. Remplaçants : Paul, Abraham, Pipe.
Tarjetes auriòles : Luis, Pèir.
Trainer : Adrian.

Gol : 1-0 Dargassies (15’), 1-1 Pèir (30’).
Arbitre : Mogotto Michel.

Era Union Esportiua Bossòst en programa “Primer Toc” de Rac1

Era Union Esportiva Bossòst en programa “Primer Toc” de Rac1

Passam ronda ena Còpa de Midi damb ua victòria cuerta

U.E. Bossòst 2 – Etoile du Cagire 0

Victòria cuerta en un partit dominat per equip aranés e que non podec profitar totes es bones ocasions entà marcar mès gols. As 10 menutes, Pèir dempús d’un passe de Paba, remataue a prop dera porteria e marcaue eth 1-0. Eth madeish Pèir auec dues bones ocasions entà marcar mès en ua eth sòn shut anec entà dehòra e ena auta, driblèc ath portèr mès eth balon se n´anec massa fort dehòra deth terren de jòc. Er Etoile du Cagire responèc damb ua bona ocasion de Boue que Kike desvièc entath cornèr. En un bon passe d’Antonio, Paba encaraue ath darrèr defensa e dempús de driblar, shutaue damb era cama esquerra marcant un polit gol. Ère eth 2-0, resultat damb eth que s’arribaue ath descans.

Ena dusaua mietat, tot parièr, damb domini aranés e sense apropà-se en àrea er equip francés. Ignasi auec ua molt bona ocasion mès se trapèc damb eth garròt dera porteria de Domench. S’ ère molt a prop d’ arténher eth 3-0, mès eth marcador ja non se botjarie.

Ath finau passam ronda ena Copa de Midi e ara, a demorar contra qui jogaram era dimenjada deth 28-29 de seteme.

Eth plòplèu partit derbi deth Portillon en Luchon, dissabte 22 de seteme tàs 20:00 ores.

U.E. Bossòst : Kike, Marc, Chapo, Antonio, Jaime, Alex, Luis, Popes, Paba, Ignasi , Pèir. Remplaçants : Paul, Abraham, Pipe.

Tarjetes auriòles : Chapo.

Trainer : Jordi.

Etoile du Cagire : Domench, Martin, Bousquet, Bento, Souquet I, Souquet II, Boue, Daffos, Embialet, Sarradet, Verney. Remplaçants : Martins, Ferrer.
Tarjetes auriòles : Daffos, Embialet, Martins.
Trainer : Laplagne J. Michel.



Gol : 1-0 Pèir (10’), 2-0 Paba (30’).


Arbitre : Ferran David.

¡¡¡ Victòria en prumèr partit !!!

F.C. Mabroc 1 - U.E. Bossòst 2

Important victòria en prumèr partit dera sason. Partit igualar ena prumèra mietat tamb poques oportunitats. Eth Mabroc auèc ua bona oportunitat en un lançament de fauta, més era pilota anèc entà dehòra. Era U.E. Bossòst auèc ua bona oportunitat enes botes d’Ariel que shutèc a toca deth garròt.
Tamb eth 0-0 s’arribaue ath descans.
Ena dusaua mietat sonque comença gol d’estrategia en un lançament de cornèr que Chini shutaue ena esquaira dera porteria francesa. As 15 menutes en ua bona jogada Diego driblaue ath portèr e marcaue a porta bueda. Eth Mabroc arrisquèc e se quedaue damb defensa de 3 e aquieu eth Bossòst non sabèc aprofitar es sues arribades en àrea francesa. Paba auèc ua bona oportunitat entà marcar mès ath finau era defensa treiguèc era pilota.
Eth Mabroc reduic distàncies en marcador ena menuta 50 en aprofitar er únic error dera defensa aranesa, Marque se plantaue dauant Marcos e marcaue eth 1-2 resultat ath finau deth partit.
Ei fòrça bon començam guanhant e a més dehòra de casa, non jogam liga enuia 15 dies ; eth plòpléu partit dissabte 15 de seteme en Bossòst 1ª eliminatòria dera Copa de Midi contra er equip d’Etoile de Cagire.

F.C. Mabroc: Dos Santos, Querre, Darnaud, Casimir, Diguat, Saliba, Bresteau, Echenne, Alcayna, Hritane, Rouquette. Remplaçants: Marque, Dominguez, Bonnet.
Tarjetes auriòles : Diguat, Rouquette.
Trainer : Garrigos Jacques.

U.E. Bossòst : Marcos, Jaime, Chapo, Antonio, Jose Ramon, Popes, Paba, Diego, Ariel, Chini, Enric. Remplaçants : Salva, Xavi e Paul.
Tarjetes auriòles : Paba.
Trainer : Adrian.

Gol : 0-1 Chini (48’), 0-2 Diego (60’), 1-2 Marque (95’)

Arbitre : Lozes Henri.