dilluns, 4 de juny de 2012

Un aute gol de Pèir mos da era victòria enes darrères menutes.

Canton de St. Martory 1 - U.E. Bossòst 2

Quatau victòria seguida dera U.E. Bossòst en darrèr partit deth campionat. Era U.E. Bossòst siguèc eth clar dominador deth partit. Enes prumères menutes un centre de Pèir, dempús de tocar un defensa, anaue en garròt dera porteria francesa. Ena menuta 35 Gachi marcaue un polit gol dempús de shutar ras en pau esquèr deth portèr. A lèu deth descans Ignasi auec ua bona ocasion entà marcar mès eth portèr Abdou hec ua bona arturada. Damb eth 0-1 s’arribaue ath descans.
Ena dusaua mietat un shinhau de relaxacion en equip aranès permetèc ath St. Martory cauishigar mès er àrea aranesa, causa qu’ena prumera mietat non hec. Eth St. Martory en tot veir era possibilitat d’empatar eth partit, s’empleèc damb fòrça duressa enes entrades perilhoses as jogadors aranesi dauant era contemplacion der arbitre que li permetèc jogar d’aquera manera.
Ena menuta 75 Piovan marcaue eth gol der empat en profitar ua pilota en àrea aranesa.
A 3 menutes deth finau, Pèir en ua jogada individuau shutaue damb era sua cama “dolenta” ( era dreta ) e marcaue un polit gol que mos daue era victòria. Er arbitre entà acabar d’arredonir era sua actuacion alonguèc eth partit 7 menutes.
Ath finau, victòria dauant eth darrèr classificat que mos plaçe ena 9 posicion ara fin deth campionat. Sonque baishe ath finau aguest equip deth St.Martory, pr’amor qu’eth St. Gaudens guanhèc eth sòn darrèr partit. Pujen entà Excellence es equips d’Aurignac e Isle en Dodon.
E ara, a disfrutar d’ ues bones vacances e enquia finaus de junhsèga que començaram a premanir era sason que ben.

¡¡¡ Bones vacances entà toti !!!

Canton de St. Martory : Abdou, Couderc, Dauban, Salles, Pruvot, Rolland, Fourroux, Khan, Piovan, Doyen, Nahouda. Remplaçants : Castillo, Loubieres.
Trainer : Chourreau Jean Paul.

U.E. Bossòst: Marcos, Abraham, Jose Ramon, Héctor, Cabezas, Alex, Ignasi, Gachi, Mutu, Pipe e Pèir. Remplaçants: Salva, Brian.
Trainer: Adrian.

Gol : 0-1 Gachi (35’), 1-1 Piovan (75’), 1-2 Pèir (87’).

Arbitre : Tintelin Laurent.

Cap comentari: