¡¡¡ Ua victòria d’ Excellence !!!

Etoile du Cagire 1 - U.E. Bossòst 2

Partit intense eth disputat aguest darrèr dissabte en Estadens en qu’es dus equips se jogàuen era permanéncia ena categoria. Er Etoile du Cagire gessec damb fòrça talents e disposèc de dues arribades deth sòn jogador Embialet que shutèc en ua tà dehòra e en auta Monchi desvièc entath cornèr. En ua fauta shutada des de luenh, er Etoile auec ua bona ocasion ena qu’ eth shut deth jogador Deu toquèc eth garròt dera porteria aranesa. Era U.E. Bossòst responèc damb un gran shut de Gachi que toquèc en garròt dera porteria francesa. Pipe auec dues bones oportunitats entà marcar, era prumèra quan anaue a shutar laguens der àrea li entrèren peth darrèr en un clar penalty e eth sòn shut anec a tocar eth garròt ; e era dusaua ocasión, dempús d’un bon centro de Madrid quan era sua rematada de cap anèc nauta dehòra dera porteria per molt pòc. Ena menuta 40’, Mutu s’anticipaue ara defensa francesa entà marcar eth 0-1. Damb aguest resultat s’arribaue ath descans.
Ena dusaua mietat, er Etoile auec ua bona ocasion entà marcar mès eth sòn delantèr Furgaut shutèc dehòra dera porteria. Miguel en ua bona jogada individuau en que driblèc a tres defensors, auec ua bona ocasion mès eth sòn shut anèc entà dehòra. Ena menuta 85’, er Etoile artenhíe er empat en profitar Deu ua pilota en àrea aranesa e shutar ras a tocar deth garròt. Era U.E. Bossòst cerquèc era victòria e Javi Castet a passada de Pèir auec ua bona ocasion mès eth sòn shut passèc a tocar deth garròt. Quan semblaue qu’eth 1-1 anàue èster eth resultat definitiu, Pèir dempùs de driblar un defensa se plantèc dauant eth portèr francès e shutèc ras ath costat esquerra e marcaue eth 1-2 dauant era joia de toti es jogadors, cos tècnic e aficionadi presents en partit. Er arbitre alonguèc un shinhau eth partit mès eth resultat de 1-2 serie eth resultat finau.
Gran victòria que mos plaçe dehòra des posicions de descens passe lo que passe en darrèr partit deth campionat. A despiet de non èster bric fàcil , entre toti (jogadors, aficion e directiua) auem artenhut er objecitu de quedà-mos un an mès en aguesta categoria d’Excellence. Era dimenjada que ben, non auem partit, non serà enquia d´açiu 15 dies.
Eth pròplèu partit jogam en Lestelle, contra er equip deth Canton de St. Martory, dissabte 2 de junh tàs 20 :00 ores.

Etoile du Cagire : Domench, Mathieu, Segu, Bersquignan, Labarre, Deu, Daffos, Furgaut, Embialet, Sarradet, Watel. Remplaçants : Laffont, Senat, Couret.
Trainer : Laplagne J. Michel.
Tarjetes auriòles : Labarre, Embialet.
Tarjeta vermelha : Senat.

U.E. Bossòst: Monchi, Paul, Miguel, Héctor, Marc, Alex, Ignasi, Gachi, Madrid, Pipe e Pèir. Remplaçants: Salva, Mutu , Castet.
Trainer: Adrian.
Tarjetes auriòles : Alex.
Tarjeta vermelha : Miguel

Gol : 0-1 Mutu (40’), 1-1 Deu (80’), 1-2 Pèir (90’).

Arbitre : Toulouse Vincent.

¡¡¡ Pòker de gols !!!

U.E. Bossòst 4 – U.S. Garonne 0

Important victòria artenhuda aguest darrèr dissabte en Bossòst contra eth Garonne en darrèr partit que jogam en casa aguesta sason.
Partit igualat en son començament, damb un equip aranés un sinhau nerviós. Er equip francés hèc un parell d’arribades perilhoses enes que Monchi ena prumèra hèc ua bona arturada e ena auta jogada, eth delanter shutèc dehòra. Era U.E. Bossòst s’auançaue en marcador en ua pilota que Paba deishàue a Miguel e qu´aguest shutaue e marcaue eth 1-0. Era U.E. Bossòst amplièc era diferéncia en marcador en profitar Paba un error entre era defensa e eth portèr francés entà marcar eth 2-0 a porta ueda. Ena darrèra menuta , Ignasi shutaue ua fauta que tocaue ena part de naut deth garròt dera porteria. Damb eth resultat de 2-0 s’ arribaue ath descans.
Ena dusaua mietat, er equip aranés continuèc cercant ampliar eth marcador. Eth Garonne sonque s’apropèc un viatge damb perilh en ua rematada de cap que Monchi arturèc. Ena menuta 75’ Madrid damb un shut ras des de dehòra der àrea marcaue eth 3-0. Eth 4-0 ac marcaue Pipe damb un bon shut, dempús de profitar un bon passe damb eth cap de Marcos. Aguest madeish jogador podèc marcar eth 5-0 en ua jogada en que sòn shut damb era esquèrra gessèc dehòra per molt poc. Eth partit ath Garonne se li hèc fòrça long e ath delà, es sòns jogadors auèrem un comportament poc esportiu.
Ath finau , victòria contundent que mos plaçe damb es madeishi punts qu’ er Etoile du Cagire (pròplèu partit) e a un punt deth Landorthe. Era soleta causa negatiua siguèc era blessura muscular de Xavi. Demoram que non sigue guaire greu.
Dam es gràcies ara aficion per sòns ànims pendent toti es partits disputadi en casa pendent aguesta sason, a despiet de qu´era situacion der equip non ère guaire bona. Demoram eth sòn suport enes dus darrèrs partits a disputar dehòra de Bossòst
Eth pròplèu partit jogam en Estadens, contra er equip der Etoile du Cagire, dissabte 19 de mai tàs 20 :00 ores.

U.E. Bossòst: Monchi, Paul, José Ramón, Héctor, Xavi, Ignasi, Madrid, Pèir, Paba, Miguel e Mutu. Remplaçants: Salva, Pipe , Marcos.
Trainer: Adrian.

U.S. Garonne: Pellegrin, Ricardo, Heuillet, Loutfi, Essaoui, Saaf, Khedim, Marzougui, Pailloux, Navas, Belarbi. Ginet.
Trainer: Ginet J.F.
Tarjetes auriòles: Loutfi (68’).


Gol : 1-0 Miguel (30’), 2-0 Paba (40’), 3-0 Madrid (75’), 4-0 Pipe (80’).

Arbitre : Desprats Serge.