Mos retrobam damb era victòria damb ua maneta de gols

U.E. Bossòst 5 . F.C. Mabroc 0

Important e contundent era victòria artenhuda aguest darrèr dissabte en Bossòst contra eth Mabroc. Era U.E. Bossòst siguèc eth clar dominador deth jòc. As 15 menutes, Paba profitèc un error deth portèr francés entà marcar a porta ueda eth 1-0. Miguel marcaue eth 2-0 ath shutar creuat sus era gessuda deth portèr. Eth gol mès espectacular dera tarde siguec eth 3-0 marcat per Felipe en un gran shut des de dehòra der àrea que entrèc ena porteria dempús de tocar eth garròt. A lèu dera mieja part, Miguel plaçaue eth sòn shut ena esquaira dera porteria entà marcar eth 4-0. Tamb aguest resultat s’arribaue ath descans.
Ena dusaua mietat eth Mabroc sajèc de retalhar distàncies en marcador e auec ua bona ocasion en ua rematada de cap e tanben en un shut de falta que Monchi desvièc a cornèr. Era U.E. Bossòst auec bones ocasions enes botes de Paba, Mutu e Miguel mès non poguèren marcar. Ena darrèra menuta, Gachi se plantèc en àrea francesa e d’ un shut de vaselina marcaue un gran gol entà deishar eth marcador en un 5-0.
Victòria super important que mos aprope a un punt deth Landorthe e a tres punts der Etoile Cagire, equips que s’ enfrentaran entre eri en pròplèu partit. Nosati jogam eth darrèr partit en casa e serie polit acabar aufrint ua victòria ara nòsta aficion. Non serà enquia d’açieu dues semanes.
Eth pròplèu partit jogam en Bossòst, contra er equip deth U.S. Garonne dissabte 12 de mai tàs 20 :00 ores.

U.E. Bossòst: Monchi, Marc, Jose Ramón, Felipe, Xavi, Gachi, Álex, Ignasi, Paba, Miguel e Mutu. Remplaçants: Paul, Madrid e Castet.
Trainer: Adrian.
Tarjetes auriòles : Marc.

F.C. Mabroc: Gautier, Querre, Jaramillo, Eychenne, Hritane, Saliba, Caussade, Batmalle, Rouquette, Gomes, Alcayna. Remplaçants : Benali, Leymarie, Saib.
Trainer : Maury Herve.

Gol : 1-0 Paba (15’), 2-0 Miguel (25’), 3-0 Felipe (30’), 4-0 Miguel (40’), 5-0 Gachi (90’).

Arbitre : Laven Michaël.

Derròta en darrèr moment, damb ua actuacion arbitrau fòrça dolenta

Villeneuve de Riviere 2 - U.E. Bossòst 1

Partit ben disputat pera U.E. Bossòst en Villeneuve de Riviere. Era actuacion enes moments finaus der arbitre impedic ath equip aranés d’empatar eth partit.
Ena prumera mietat era U.E. Bossòst s’adalantèc en marcador en ua rematada de cap d’Ignasi dempús d’un bon centro d’Ivan. Eth Villeneuve de Riviere artenhíe er empat dempús d’un lançament de cornér que Tomy remataue tot solet a gol. Damb 1-1 s’arribaue ath descans.
Ena dusaua mietat non iauèc guaire ocasions de gol. Eth Villeneuve sajaue de trèir profit des cornèrs més era defensa aranesa estèc milhor qu’ena prumera mietat. Era U.E. Bossòst auèc bones oportunitats enes lançaments de fautes de Felipe e Alex que passauem a toca deth garròt. En ua bona arribada de Hector non aprofiterem ben era jogada. Tamben Mutu damb era sua cama esquerra auèc ua bona ocasión. Iauèc aua queijuda de Paba laguens der àrea a on siguet entrat per darrèr peth defensa francés en ua clara fauta en que se fiulèc fauta en atac ( açò semble basket). Ena menuta finau er arbitre s’inventèc ua fauta ath costat der àrea deth Bossòst que shutada per Cayuela siguèc eth 2-1 resultat ath finau deth partit.
Ath finau derròta, en ues circunstàncies que ja portam dus partits damb arbitratges fòrça dolenti entà nosati; non se mesurer çò de madeish as dus equips e cada viatge quedem menos partits entà obtier era salvacion. De totes maneres encara depenem de nosati e luitaram enquiath finau. Importants es dus partits ara seguida que jogam en casa.
Demoram eth suport incondicionau dera nòsta aficion enes dus darrèr partits dera sason que jogam en nòste terren.

Eth pròplèu partit jogam en Bossòst, contra er equip deth F.C. Mabroc dissabte 21 d’abriu tàs 18 :00 ores.

Villeneuve de Riviere: Smara, Tant, Marsan, Ikkne, Cayuela, Moreno, Delai, Rigaut, Esparbes, Lamptech, Tomy. Remplaçants :Cappe, Tibe, Villemur.
Trainer : Saforcada Pierre.
Tarjetes auriòles : Moreno(65’), Tomy(80’)

U.E. Bossòst: Monchi, Hector, Jose Ramon, Felipe, Xavi, Gachi, Álex, Ignasi, Paba, Miguel e Iván. Remplaçants: Paul, Salva e Mutu.
Trainer: Adrian.
Tarjetes auriòles :Alex(22’), Ignasi (54’), Gachi (88’), Felipe (90’).

Gol : 0-1 Ignasi (25’), 1-1 Tomy (40’), 2-1 Cayuela (90’).

Arbitre : Magne Bertrand.

Empatam damb eth líder

U.E. Bossòst 2 – U.S. SaliesMane

Partit damb suspens enquia era darrèra menuta eth disputat aguest dissabte en Bossòst. Era U.E. Bossòst plantèc cara ath líder. Sonque començar ena prumèra menuta Monchi auèc de parar ua bona rematada de cap dera delantera deth SaliesMane. Quant portauem 25 menutes auèrem era milhor ocasión, ua rematada de cap deth nòste jogador Ignasi que toquèc eth garròt dera porteria francesa. Tamb 0-0 s’arribaue ath descans.

Ena dusaua mietat eth partit començèc fòrça ben entara U.E. Bossòst, s’auançaue en marcador en un gran gol de Paba que shutaue damb era sua cama esquerra ena esquaira dera porteria. Sonque portauem 5 menutes jogadis encara quedaue fòrça partit. Eth SaliesMane igualèc en marcador en ua rematada de cap de Cep, dempús d’un cornèr en que Monchi siguèc clarament empusat. Aguest gol hèc fòrça mau ath equip aranès e passèc es pitjors moments deth partit. Monchi en ua gran arturada d’un shut sauvèc ua bona occasion deth SaliesMane. Era U.E Bossòst reclamèc coma gol ua badada deth portèr francés en que se l'escapèc era pilota per debaish dera sabata. Ena menuta 90, dempús d’un cornèr Fronton remataue tot solet de cap e artenhíe eth 1-2. Sonque quedauem 3 menutes en qu’era U.E. Bossòst podèc aprofitat fòrça ben e Moha se plantaue dauant Marrot e shutaue ras ath pau dret e marcaue eth 2-2, resultat deth finau deth partit.

Empat damb eth líder que mos a de dar fòrçes e esperances entà jogar es partits que queden.

Es incidents deth finau deth partit, produidi surtot pera poca esportiua actuacion deth portèr Marrot ena celebracion deth dusau gol deth SaliesMane contra er equip e aficionadi dera U.E. Bossòst. Tostemp auem agut ua bona relacion damb er equip deth SaliesMane darrèr equip que siguèc convidat ena hèsta major deth 2011.

Eth pròplèu partit, jogam eth dissabte 14 d’abriu tas 20:00 en Villeneuve de Riviere contra er equip locau.

U.E. Bossòst: Monchi, Marc, Miguel, Xavi, Viló, Felipe, Alex, Gachi, Moha, Ignasi e Mutu. Remplaçants: Pèir, Paba, Castet.

Trainer: Adrian

Tarjetes auriòles: Alex, Ignasi, Pèir.

Tarjeta vermelha: Adrian

U.S. SaliesMane: Marrot, Bamard, Ertlen, Vinsonneau, Ferran I, Martins, Nzouzi, Jouanny, Cep, Fronton, Hoareau. Remplaçants: Sansa, Da Costa, Ferran II.

Trainer: Lacomme Jean Luc.

Tarjetes auriòles: Ferran I, Nzouzi.

Gols: 1-0 Paba (50’), 1-1 Cep (70’), 1-2 Fronton (90’), 2-2 Moha (93’).

Arbitre: Hubert Marc.

¡¡¡ Quin resultat mès decepcionant !!!

U.E. Bossòst 0 – U.S. Cazères 1

Dauant er equip deth Cazères que venguec sonque tamb 11 jogadors, decepcionant partit dera U.E. Bossòst que non podec arténher era victòria qu´ ère de besonh entà gésser dera situacion delicada a on se trape er equip.
Eth Cazères hèc eth sòn partit e tot le gesquèc de cara.
Ena prumèra mietat, sonque començar eth partit, bona rematada de cap de Jowda que obliguèc a Marcos a desviar entath cornèr. Era U.E. Bossòst a despiet de portar era iniciatiua deth jòc, arribèc molt poc ena prumèra mietat ena porteria de Claverie; sonque ua rematada de Miguel obliguèc ath portèr francés a desviar era pilota entath cornèr. Tamb 0-0 s’arribaue ath descans.
Ena dusaua mietat, er equip aranés cauishiguèc mès er àrea contraria mès non auec sort ena rematada finau. En cambi, eth Cazères ath quart d’ora Nazare susprenie ara defensa e ath portèr aranés entà marcar eth 0-1. Era U.E. Bossòst responec tamb ua bona ocasion d’ Ariel. En un centro dera dreta, Iván estèc a punt d’empatar eth partit mès era sua rematada siguec desviada entath cornèr peth portèr Claverie. En ua auta jogada , Pipe auec ua bona ocasion entà poder marcar mès eth sòn shut anèc entà dehòra. Enes menutes finals ua rematada de Miguel siguec desviada tamb es pès peth portèr francés. Non saberem profitar es fòrca fautes e cornèrs qu’ auerem ath nòste favor.
Ath finau, derròta per 0-1. Ena dusaua mietat joguèrem un shinhau milhor mès auem perdut ua bona oportunitat entà apropà-mos ath nòste objectiu de deishar un aute equip darrèr nòste. Eth dissabte mos visite eth líder deth campionat: demoram èster fòrça milhor que aguest darrèr partit; pot èster que mos va mès ben jogar damb es equips de nau que non damb es de baish. Quedem 6 partits que son 6 finals e encara depenen de nosati.

Eth pròplèu partit jogam en Bossòst, contra er equip deth SaliesMane dissabte 7 d’abriu tàs 20 :00 ores.

U.E. Bossòst: Marcos, Marc, Miguel, Felipe, Viló, Gachi, Álex, Ignasi, Ariel, Pèir e Iván. Remplaçants: José Ramón, Madrid e Pipe.
Trainer: Adrian.

U.S.Cazères: Claverie, Leguillon, Boumraya, Jowda, Hritane, Lazare, Maamouch, Sejrady, Bompunt, Mehhouti, Nazare.
Trainer : Molina Gilles.

Gol : 0-1 Nazare (65’).

Arbitre : Duprat Philippe.