Meritori empat en terren deth dusau classificat

Encausse 0 - U.E. Bossòst 0

Interessant partit eth jogat aguest darrèr dissabte en Encausse, dauant eth dusau classificat. Era U.E. Bossòst joguèc un bon partit e solet manquèc eth gol entà emportase ua mereishuda victòria. Sabíem deth perilh der Encausse, totes es pilotes cercauen ath sòn milhor jogador Paya I, entà sorprene ara defensa aranesa. Molts poques oportunitats ena prumèra mietat. Dempús d’ua jogada personau Miguel shutèc ras mès eth sòn shut siguèc desviat peth portèr francés entà cornèr. Tamb 0-0 s’arribaue ath descans.
Ena dusaua mietat en sòn inici er Encausse sorprenèc ara defensa aranesa damb 2 shuts ara seguida de Paya I que gessèren desviadis. A compdar d’alavetz, bona ocasión de Mutu que Paya II, desvièc a cornèr. Un aute shut d’Ignasi dempús de tocar en un defensa anèc en garròt. Un cop de cap de Pèir gessèc tambén entà dehòra dera porteria.
Ath finau 0-0, un bon resultat en terren d’un rivau que luite per ascens. Era U.E. Bossòst hèc un bon partit que mos a de dar talents entà milhorar era sua classificacion. En aguestes vacances, jogaram dus partits ara seguida en Bossòst que sòn importants entara classificacion.
Demoram eth suport de tota era aficion.

Eth pròplèu partit jogam en Bossòst, contra er equip deth Cazeres dissabte 31 de març tàs 20 :00 ores.

Encausse : Paya II, Brana, Casanova, Martins, Serie, Germa, Duclos, Aries, Le Vecher, Masi, Paya I. Remplaçants : Noilhan
Trainer : Germain Thierry.
Tarjetes auriòles : Aries.

U.E. Bossòst: Marcos, Hector, Jose Ramon, Felipe, Xavi, Gachi, Alex, Ignasi, Ariel, Pèir e Miguel. Remplaçants: Mutu, Salva, Paba.
Trainer: Adrian.
Tarjetes auriòles : Gachi, Xavi, Marcos.

Arbitre : Hubert Marc.

Ua derròta dolorosa ena darrèra menuta

Ent. Landorthe 1 - U.E. Bossòst 0

Derròta ena darrèra menuta en un partit en qu’auíem d’auer sentenciar abantes d’arribar ara fin. Ère un partit plan important entàs dus equips igualats a punts enquia aguest partit. Non i auec guaire ocasions de gol en partit. Eth Landorthe metec en dificultats a Marcos en un lançament de fauta. Era U.E. Bossòst responec damb ua bona ocasion de rematada de cap de Pipe en un cornèr. En un aute cornèr Miguel e Ignasi s’ embrasèren entà poder shutar e marcar, mès era pilota acabèc dehòra. Ath finau dera prumèra mietat un shut de Margueritat siguèc arturat per Marcos. Damb 0-0 s’ arribaue ath descans.
Ena dusaua mietat eth jòc s’ enlordic bastant e aquiu comencèrem a pèrder eth partit. Èrem mès pendents deth contrari e a viatges der arbitre que de jogar. Non i auec continuitat en jòc. En Landorthe s’empleèc damb mès duresa e provoquèc as jogadors aranesi que queiguèrem de pès ena arratèra des disputes verbals e posades que non portèrem arren.
Ena menuta final, se produic er unic gol deth partit en ua fauta protestada pera defensa deth Bossòst, eth shut tocaue era barrera e eth rebot ac shutaue Margueritat ena frontau e Marcos non podèc blocar ben era pilota; Armengaud profitèc eth rebot entà marcar eth 1-0, dauant dera alegria francesa e era decepcion aranesa. Ath finau 1-0.
Derròta dolorosa. Èm auantdarrèrs ena classificacion, situacion dificil; ei vertat que tanpòc auem sort e qu’ era preséncia des jogadors enes entrenaments ei important mès es victòries non arriben. Eth dissabte auem un aute desplaçament fòrça dificil, visitam eth terren deth dusau classificat er Encausse.

Eth pròplèu partit jogam en Encausse, contra er equip locau eth dissabte 24 de març tàs 20 :00 ores.

Ent. Landorthe : Lacaze, Noel, Soubiran, Biguet, Gares, Lefrancois, Margueritat, Villani, Armengaud, Pruvot, Beyt. Remplaçants : Barrizza, Pisanu.
Trainer : Lacaze Gerard.
Tarjetes auriòles : Soubiran(40’), Biguet (70’).

U.E. Bossòst: Marcos, Marc, Jose Ramon, Felipe, Xavi, Gachi, Iván, Ignasi, Pipe, Paba e Miguel. Remplaçants: Mutu, Salva, Paul
Trainer: Jordi.
Tarjetes auriòles : Pipe (75’), Marc (85’).

Gol : Armengaud (90’).

Arbitre : Darnaud Claude.

Un derby sense gols

U.E. Bossòst 0 – B. Luchon 0

Partit intens eth jogat aguest darrèr dissabte en Bossòst. Era U.E. Bossòst portèc era iniciatiua deth jòc pendents es 90 menutes e eth Luchon sajaue de suspréner en contratac tamb es sòns ràpits deuantèrs. En un lançament de fauta des de luenh, eth Luchon sajèc de suspréner a Monchi, mès era pilota toquèc en garròt. Era U.E. Bossòst responèc damb era melhor ocasion deth partit en ua rematada de Miguel que Cazes arturaue. En aguesta jogada se produic ua pana ena lum deth terren de jòc; açò hèc qu’ eth jòc s’arturèssa pendent 20 menutes. Aguesta arturada non anèc bric ben ath equip aranés pr’amor qu´ère quan mès atacaue ena porteria francesa. Damb 0-0 s’arribaue ath descans.
Ena dusaua mietat çò de madeish, es portèrs auèren fòrça pòc trabalh. Era U.E. Bossòst disposèc de bèra fauta a toca der àrea e de lançaments de cornèr que non podèc profitar. Eth Luchon non s’ apropèc en àrea aranesa.
Ath finau 0-0. Un resultat que non deishaue content a cap des dus equips. Es defenses s’ imposèren dauant es deuantèrs e manquèc era sausa deth fotbòl que son es gols.
Continuam ena part baisha dera clasificacion e eth dimenge mos enfrentam a un equip damb es madeishi punts que nosati. Partit superimportant en poder trèir un resultat positiu.
Eth pròplèu partit jogam en Landorthe, contra er equip locau eth dimenge 18 de març tàs 15 :00 ores.

U.E. Bossòst: Monchi, Marc, Miguel, Felipe, Viló, Gachi, Iván, Ignasi, Pèir, Paba e Castet. Remplaçants: Pipe, Xavi, Mutu.
Trainer: Adrian.
Tarjetes auriòles : Pèir (88’).

B. Luchon : Cazes, Coutinho, Lansalot, El Mahraoui, Barta, Revertegat, Van Mo, Diverchy, Sales, Cayrey, Boy. Remplaçants : Biencinto
Trainer : Gomez F.
Tarjetes auriòles : Coutinho (80’).

Arbitre : Desprats Serge.

Dusaua mietat entà desbrembar

F.C. Montastruc 4 - U.E. Bossòst 2

Partit damb dues cares. Ua prumèra mietat ena que non i auec cap gol e ua dusaua ena que se marquèren es 6 gols deth partit.
Eth Montastruc gessec damb moltes ganes de sentenciar lèu eth partit e forçèc dus cornèrs ara seguida. Un cornèr shutat per Cardillo intentèc eth gol olimpic mès Monchi reaccionèc fòrça ben. En ua fauta lançada per Embarek, Monchi despeguèc de punhs. Era U.E. Bossòst reaccionèc dempús tamb ua arribada de Mutu ena que siguec fiulat dehòra de jòc quan se trapaue dauant deth portèr francés. Ivan, d’ un lançament de fauta, metie a prova ath portèr Cucuron. A manca de 10 menutes entath descans, Javi Iglesias auie d’ èster sustituit per un patac en braç esquèr. Damb eth resultat de 0-0 s’ arribaue ath descans.
En ua dusaua mietat entà desbrembar, sonque començar as 5 menutes, a Monchi se l’ escapaue ua pilota fàcil que Raynaud profitèc entà marcar eth 1-0. Embarek se profitaue deth sòn braç entà controlar era pilota e marcar d’ un bon shut des de dehòra der àrea: ère eth 2-0. Monchi auie de desviar ua rematada de cap entath cornèr. Er equip aranés pasaue pes sòns pitjors moments quan Xavi en un mau rebot dera pilota en terren de jòc, le tocaue en cap e marcaue ena sua porteria eth 3-0. Entà acabar d’empejorar es causes Lacarre T., de lançament de fauta, marcaue eth 4-0. Semblaue que mos anaue a quèir ua grossa golejada mès er equip sajèc d’ escuerçar eth marcador. Miguel siguèc derribat laguens der àrea; eth clar penalty fiulat per arbitre shutat peth madeish jogador siguec arturat per Cucuron. En dues jogades calcades, Javi Castet en tot trincar eth dehòra de jòc ,se plantaue dauant eth portèr e marcaue 2 gols. Ja no quedaue temps entà arren mès.
Ath finau derròta per 4-2, quan ena mieja part semblaue auer eth partit a on nosati volíem en empat e sajar, en tram finau deth partit, de suspréner ath Montastruc. Non poguèc èster, er inici dera dusaua mietat marquèc eth partit. Era situacion ei delicada ena classificacion mès entre toti podem trèir açò entà dauant.
Eth pròplèu partit jogam en Bossòst, eth derbi deth Portilhon contra er equip deth B. Luchon dissabte 10 de març tàs 20 :00 ores.

F.C Montastruc : Cucuron, Martinez, Saint Martin, Lacarrere C., Gracia, Ribet, Lacarrere T., Denat, Embarek, Cardillo, Raynaud. Remplaçants : Da Costa, Rampon, Sauvage.
Trainer : Arreou Patrice.
Tarjetes auriòles : Cardillo (59’), Embarek (65’).

U.E. Bossòst: Monchi, Marc, Àlex, Xavi, Viló, Javi, Gachi, Iván, Ignasi, Mutu e Miguel. Remplaçants: Salva, Paul, Castet.
Trainer: Jordi.
Tarjetes auriòles : Viló (15’), Cuny (63’).

Gols : 1-0 Raynaud (50’), 2-0 Embarek (55’), 3-0 Xavi (p.p. 65’), 4-0 Lacarrere T.(70’), 4-1 Castet (85’), 4-2 Castet (88’).

Arbitre : Cunha Philippe.