Partit suspenut pera broma

Partit suspenut pera broma eth disputat aguest darrèr dissabte en Cazeres. Eth partit se comencèc a jogar e ena prumèra mietat eth Cazeres s'auencèc en marcador as 5 menutes en aprofitat ua badada dera nòsta defensa e Lejeune marcaue eth 1-0. Era U.E. Bossòst emapatèc eth partit en ua passada de Liaño que Pèir aprofitèc entà shutar ara esquerra deth portèr francés. Auèrem fòrça oportunitats entà marcar + gols, atau 2 rematades de cap d'Ignasi passèrent a tocar deth garròt. Un shut de Pèir siguèc desviat entà cornèr peth portèr Claverie. Un shut de Miguel tamben anaue dehòra per molt poc. Eth Cazeres tornèc aué ua bona oportunitat en ua ramatada de Pugibet. Tamb eth 1-1 s'arribaue ath descans. Er arbitre decidic non començar era dusaua mietat pes problemes de visibilitat pera broma. Aguest partit seguraments s'aurà de jogar tot sencer un aute viatge; demoraram era decision deth Districte de Comminges.

Eth plòplèu partit serà eth dissabte 3 de deseme en Bossòst tas 20:00 contra eth equip deth Villeneuve de Riviere.

U.S. Cazeres: Claverie, Leguillon, Filella, Jaud, Hritane, Sejrady, Lejeune, Lazare, Pugibet, Cabartier, Memhouti. Remplaçants: Boumraya, Loiseau

Trainer: Molina Gilles.

U.E. Bossòst: Marcos, Alex, Jose Ramon, Marc, Felipe, Javi, Liaño, Pèir, Miguel, Mutu e Ignasi. Remplaçants: Madrid, Gachi e Ruben.

Trainer: Adrian.

Arbitre: Duplan David.

Sonque mos fautèc eth gol

U.E. Bossòst 0 – Encausse 0

Bon partit eth d’aguest darrèr dissabte en Bossòst entre dus equips que cerquèren era victòria pendent tot eth partit. Era prumèra part siguec mès parièra. Era U.E. Bossòst portèc era iniciatiua deth jòc e er Encausse sajaue de jogar ràpid en contraatac entà suspréner ara defensa aranesa. Era U.E. Bossòst auèc era milhor ocasion en un shut de Àlex que treiguèc un defensa e era pilota anèc entà Pèir e eth sòn shut siguèc despejat pera defensa francesa. Er Encausse responèc damb ua bona ocasion de Paya que dauant de Marcos shutèc entà dehora dera porteria.Tamb eth 0-0 s’arribaue ath descans.
Era dusaua mietat dominèc mès er equip aranés e er Encausse non cauishiguèc era nosta àrea. Era U.E. Bossòst auèc ena dusaua mietat 2-3 bones ocasions entà marcar: Ignasi auie era milhor ocasion mès eth sòn shut ac treiguèc un defensa quan ja anaue a entrar; en aguesta jogada reclamèrem penalty pr’amor qu’eth portèr der Encausse derribèc a Ignasi dempús de shutar e empedir ath jogador aranés de continuar era jogada. Un aute shut massa hloish de Felipe non arribèc tanpòc a traspassar era línha de gol per ben pòc. Tanpòc podèrem profitar es fautes laterals entà marcar un gol.
Ara fin 0-0, domatge de non auer artenhut era victòria. Er equip a jogat dus partits contra es líders e es dus an acabat damb eth madeish resultat mès en quaussevolh cas era U.E. Bossòst siguec qui a estat mès apròp dera victòria tant en partit contra eth Montastruc coma en aguest der Encausse. Açò mos a de dar talents entà continuar trebalhant ena madeisha línha; era sort cambiarà e es boni resultats arribaràn.

Pròplèu partit desplaçament enquia Cazeres entà jogar en un terren sintétic, dissabte 26 de noveme tàs 20:00 ores.

U.E. Bossòst: Marcos, Marc, José Ramón, Viló, Felipe, Liaño, Javi, Madrid, Pèir, Ignasi e Àlex. Remplaçants: Pipe, León e Gachi.
Trainer: Adrian.

Encausse: Gamboni, Le Vecher, Casanova, Martins, Aries, Brana A., Duclos, Servat, Germa, Brana G., Paya. Remplaçants : Noilhan, Rumeau, Suspene.
Trainer : Germain Thiery.

Arbitre: Darnaud Claude.

Passam as 1/8 de finau dera Copa de Comminges

U.E. Bossòst 3 – Ent. Landorthe 1

Non siguèc bric fàcil era classificacion entas 1/8 de finau. Eth Landorthe dempús de patir era golejada en partit de liga, venguèc tamb ua auta actitud de disputar totes es pilotes e méter es causes dificiles enquiara menuta 80’. En partit, portèc era iniciatiua era U.E. Bossòst, eth Landorthe sajaue de conectar tamb eth sòn delantèr Armengaud entà cercar era porteria aranesa. Atau, as 5 menutes, ua passada d’Armengaud siguèc rematada per Villani e eth sòn shut anaue per molt pòc entà dehòra. Era U.E. Bossòst ena menuta 20’ artenhíe eth 1-0 en ua jogada d’ Ignasi que shutaue crotzat sus era gessuda deth portèr Lacaze. Quan semblaue que s’arribarie ath descans tamb avantatge aranesa, farrat d’aigua heireda, ronques Villani en posicion dubtosa asistíe a Armengaud e aguest marcaue eth 1-1. Tamb aguest resultat s’arribaue ath descans.
Ena dusaua mietat sonque començar eth Landorthe auèc ua oportunitat en trèir ua fauta Villani e Marcos auèc de desviar era pilota a cornèr. As 10 menutes dera represa, jogada personau de Pipe que se calèc enquiara linha de hons e centraue entà que Mutu a porta ueda marquèsse eth 2-1. Encara quedaue fòrça temps enquiath finau. Era U.E. Bossòst auèc ua molt bona ocasion quan Ignasi shutaue ua vaselina per dessús deth portèr francés e era pilota se n´anaue dehòra per pòc. Ena menuta 80 clar penalty a Madrid que Felipe s’encuedèc de shutar entà marcar eth 3-1, resultat definitu. Domatge ath finau des protestes entre eth portèr Marcos e eth delantèr Armengaud.
Ath finau objectiu complet, cau veir que toti es partits son diferenti e tanben pensar que cada dia non les vam a marcar 8 gols ath Landorthe.
Fòrça gràcies ara aficion peth suport ar equip.

Pròplèu partit recebem ath líder Encausse en Bossòst, dissabte 19 de noveme tas 20:00.

U.E. Bossòst: Marcos,Àlex, José Ramón, Héctor, Felipe, Liaño, Javi, León, Pèir, Ignasi e Miguel. Remplaçants: Pipe, Madrid e Mutu.
Trainer: Adrian.
Tarjetes auriòles : Liaño(13’), Héctor (37’), León (57’), Ignasi (65’).

Ent. Landorthe: Lacaze, Pizanu, Soubiran, Gares, Caperan, Matilla, Lefrancois, Aouam, Armengaud, Beyt, Villani. Remplaçants: Biguet, Margueritat, Pruvot.
Trainer : Lacaze Gerard.
Tarjetes auriòles : Gares (48’), Soubiran (57’), Caperan (78’), Matilla (85’), Beyt (87’).

Gols : 1-0 Ignasi (20’), 1-1 Armengaud (43’), 2-1 Mutu (55’), 3-1 Felipe (80’p.).
Arbitre: Laven Michaël.

Jogaram eth dimenge 13 de noveme

Ara fin, degut ara jornada de fotbòl sala de dissabte, organitzada per UNAF en Palai d'sports de Vielha que compdarà damb es equips més representatius deth Districte de Comminges eth partit de Copa de Comminges entre es equips de U.E. Bossòst - Ent. Landorthe se jogarà dimenge 13 de noveme tas 14:30 en Bossòst.

Era jornada de fotbòl sala de dissabte serà a compda des 9 deth maitin enquia es 18h e tamben participaran es equips aranesi dera U.E. Bossòst e eth Marimanha.

Perdem eth derby pera mínima

B. Luchon 3 – U.E. Bossòst 2

Prumèra derròta deth campionat era que patic er equip aguest darrèr dissabte en Luchon. Partit jogat damb ua fòrta ploja e damb un terren de jòc que artenhèc tier molt ben es condicions metereologiques. Partit igualat ena prumèra mietat ena qu’eth Luchon dauric eth marcador en profitar ua fauta tecnica per protestar dera defensa aranesa e que Sales s’encarguèc de plaçar ena esquaira dera porteria de Marcos: 1-0 minut 8’ de partit. Era U.E. Bossòst podec empatar en un lançament de fauta d’Alex que tocaue eth garròt dera porteria francesa. Ena menuta 15’ , un shut de luenh de Sales susprenie a Marcos e marcaue eth 2-0. Era U.E. Bossòst cambièc eth sòn sistema de jòc en tot jogar eth 3-4-3 e passèc a dominar eth partit ; atau donques, eth Luchon sonque sajaue de defensà-se en ordre e jogar pilotes longues ath sòn milhor jogador : Sales. En ua bona jogada de Mutu ,eth sòn shut siguèc desviat entath cornèr peth portèr Cazes.
Tamb eth 2-0 s’arribaue ath descans.
Ena dusaua mietat, sonque començar, eth Luchon tornaue a marcar: Sales profitaue un balon long e se plantaue dauant de Marcos e shutaue per dessús dera gessuda deth portèr aranés, ère eth 3-0. Quedàuem encara fòrça menutes, eth equip aranés lutèc entà retalhar distàncies en marcador e atau Pipe marcaue eth 3-1 a passada de Mutu. Ena menuta 75’ Felipe, dempús d’un centre d’ Àlex, remataue de cap eth 3-2. Enes 15 darrèrs menutes, se vedie coma era U.E. Bossòst dominaue en terren de jòc e encara auie esperances d’empatar eth partit. Ua bona ocasion siguèc era qu’ auec Mutu que tot solet remataue de cap enta dehòra dera porteria. Dempús d´açò, sonque comentar dues faltes lèu der àrea shutades per Àlex que non artenhèren eth desirat gol.
Ara fin, derròta en un partit en què encaishèrem plan gols, e que se parlam deth jòc, nosati dominèrem tota era dusaua mietat en tot que eri demanàuem era ora e desiràuen qu’eth partit s’acabèsse.

Pròplèu partit son es 1/16 de finau dera Copa de Comminges a jogar en Bossòst contra eth Landorthe ; encara non sabem eth dia deth partit.

B.Luchon : Cazes, Lansalot, Novals, El Mahraoui, De Abreu N, Revertegat, Julia, Diverchy, Couillard, Da Costa, Sales A. Remplaçants: Coutinho, Bonzom, De Abreu R.
Trainer : Gomez Frederic.
Tarjetes auriòles : El Mahraoui, De Abreu N, Da Costa, Coutinho, De Abreu R.

U.E. Bossòst: Marcos, Héctor, Jose Ramón, Viló, Felipe, Liaño, Àlex, León, Pipe, Ignasi e Miguel. Remplaçants: Gachi,Marc e Mutu.
Trainer: Adrian.
Tarjetes auriòles : Liaño

Gols : 1-0 Sales (8’), 2-0 Sales (15’), 3-0 Sales (47’), 3-1 Pipe (65’), 3-2 Felipe (75’).
Arbitre: Hubert Marc.